روسىيە دۆلەت دۇماسى سايلىمىغا بېلەت تاشلاش باشلاندى

    روسىينىڭ يىراق شەرق رايونىغا جايلاشقان  چۇكوتسىكىي ئاپتونوم رايونى، كامچاتكا چېگرا رايونى،ماگادان ئوبلاستى قاتارلىق رايونلاردا تەسسىس قىلىنغان ھەر قايسى بېلەت تاشلاش پونكىتلىرىدا شۇ يەر ۋاقتى 4-چىسلا سائەت8 دە(موسكىۋا ۋاقتى 4-چىسلا سائەت0)شۇ يەردىكى سايلىغۇچىلارغا ئېچىۋېتىلدى،شۇنىڭ بىلەن روسىيە 5-نۆۋەتلىك دۆلەت دۇما(تۆۋەن پالاتا)سايلىمىغا بېلەت تاشلاش خىزمىتى رەسمىي باشلاندى.

    روسىيە پۈتۈن دۆلەت تەۋەسىدە 96مىڭدىن كۆپرەك بېلەت تاشلاش پونكىتى تەسسىس قىلغان بولۇپ،ھەر قايسى جايلاردىكى بېلەت تاشلاش پونكىتى شۇ يەر ۋاقتى 4-چىسلا چۈشتىن بۇرۇن سائەت8دە سايلىغۇچى ئاممىغا ئېچىۋېتىلگەن.بېلەت تاشلاش خىزمىتى شۇ كۈنى سائەت20دە ئاخىرلىشىدۇ.بىرلىككە كەلگەن روسىيە پارتىيىسىنى ئۆز ئىچىگە ئالغان 7روسىيە پارتىيىسى سايلامغا قاتنىشىش سالاھىيىتىگە ئېرىشكەن.

    دۆلەت دۇماسى -روسىيىنىڭ دائىملىق قانۇن تۇرغۇزۇش ئورگىنى بولۇپ،450نەپەر ۋەكىلدىن تەشكىل تاپقان.بۇ نۆۋەتلىك دۆلەت دۇماسى سايلىمى ئاساسەن ئالدىنقى نۆۋەتلىك دۇما سايلىمى ئۇسۇلىغا ئوخشىشىپ كېتىدۇ،يەنى %7سايلام بېلىتىگە ئېرىشەلىگەن سىياسى پارتىيىلا پارلامېنت ئەزاسىلىق ئورۇندىن بەھرىمەن بولالايدۇ.ئەمما ئوخشىمايدىغىنى شۇكى بۇ قېتىملىق سايلامدا،%5تىن ئارتۇق سايلام بېلىتىگە ئېرىشەلىگەن سىياسى پارتىيە دۆلەت دۇماسىدا 1ئورۇنغا ئېرىشەلەيدۇ،ئېرىشكەن بېلەت سانى%6تىن%7ئارلىقىدا بولغان سىياسى پارتىيە 2ئورۇنغا ئېرىشەلەيدۇ.ئۇنىڭدىن باشقا ۋەكىللەرنىڭ ۋەزىپە ئۆتەش مۇددىتى4يىلدىن5يىلغا ئۇزارتىلغان.