ئامېرىكا چاۋشيەنگە ئاشلىق ياردىمى بېرىش-بەرمەسلىك توغرىسىدا قارار چىقارمىدى

0 2011-10-10 10:09:19 شىنخۇا ئاگېنتلىقى، گۈلمىرە

T|T:خەت رەزمىرى

ئامېرىكا دۆلەت ئىشلىرى مەھكىمىسىنىڭ باياناتچىسى ۋىكتورىيە نيۇلەند 7-ئۆكتەبىر: ئامېرىكا چاۋشيەننىڭ ئاشلىق ئەھۋالىدىن ئىنتايىن ئەنسىرەۋاتىدۇ، ئەمما ئاشلىق ياردىمى بېرىش-بەرمەسلىك توغرىسىدا قارار چىقارمىدى دېدى.

نيۇلەند مۇنداق دېدى: ئاشلىق ياردىمى بېرىش مەسىلىسىدە، ئامېرىكا بىر قانچە ئامىلنى ئويلىشىشى بولۇپمۇ دۇنيا نۇقتىسىدىن تۇرۇپ ئويلىششى كېرەك، چۈنكى ئامېرىكا ھازىر ئافرىقا تۇمشۇقى قاتارلىق نەچچە جاينى ياردەم بىلەن تەمىنلەۋاتىدۇ.

ئۇ مۇنداق دېدى: ئامېرىكا يەنە ئاشلىق ياردىمى بېرىشنى نازارەت قىلىش مېخانىزمىنى ياخشىلاشقا كاپالەتلىك قىلىشى كېرەك. نيۇلەندنىڭ ئېيتىشىچە، چاۋشيەننىڭ ۋەزىيىتى ئۆزگىرىۋېتىپتۇ، ئامېرىكا ۋەزىيەتنى داۋاملىق باھالايدىكەن شۇنىڭ بىلەن بىر ۋاقىتتا يەنە خەلقئارا جەمئىيەت بىلەن كېڭىشىدىكەن.