ئامېرىكا ئاخبارات ۋاستىلىرى، ئەنگىلىيە «كۈندىلىك تېلىگىراف گېزىتى» نىڭ 28-سېنتەبىر خەۋەر قىلىشىچە، ئامېرىكىلىق ئەر دېيۋىد.جونازون.ۋېنكېلمەن ۋە ئۇنىڭ ۋارىسكار ئوغلى رىچارد.گوددارد كانساس ئەڭ نەس باسقان كىشىلەر بولۇپ قالدى. 10 يىل بۇرۇن، ۋېنكېلمەن تېلىۋىزىيە ئىستانسسىنىڭ «بىمەنە چاقچاق» غا ئىشىنىپ، پۇلغا ئېرىشىش ئۈچۈن ئۆزى ۋە ئوغلىنىڭ پىشانىسىگە تېلىۋىزىيە ئىستانسسىنىڭ قانال نومۇرى ۋە تېلىۋىزىيە قانال بەلگىسىنى چەككەن. ئالدىنىپ قالغان ئاتا-بالا بىر يۇڭمۇ ھەق ئالالمىغان. 10 يىلدىن بۇيان پېشانىسىگە ئېلان چىكىۋالغان بۇ ئاتا-بالا تېلىۋىزىيە ئىستانسسىنىڭ ھەقسىز ئادەم بەدىنىگە چېكىلگەن ئېلانىنى «كۆتۈرۈپ» يۈرمەكتە.

      بۇيىل 48 ياشقا كىرگەن ۋېنكېلمەن 200-يىلى KORB رادىئو-تېلىۋىزىيە ئىستانسسى مۇزىكا پىروگىراممىسىنىڭ رىياسەتچىسىنىڭ ئەگەر قايسى بىر تاماشىبىن قانىلىمىزنىڭ قانال نومۇرى ۋە قانال بەلگىسىنى پىشانىسىگە چەككۈزۋالسا، ئىستانسسىمىزنىڭ مەڭگۈلۈك ئېلان بەرگۈچىسى بولۇپ ھېسابلىنىدۇ. بىز ئۇنىڭغا 6 خانلىق ئېلان ھەققى بېرىمىز، دېگەن بىمەنە چاقچىقىغا ئىشىنىپ قالغان. شۇنداقلا رىياسەتچىنىڭ دېگىنى بويىچە قىلغان. بىراق ئاتا-بالا ئىككەيلەن ئېلان ھەققىگە ئېرىشەلمىگەن. كىيىن ئۇلار ئېلان ھەققى ئۈچۈن سوتقا ئەرز قىلغان بولسىمۇ، نەچچە ئايدىن كېيىن ئەرزنامە قايتۇرۋىتىلگەن. ئۆتكەن 10 يىلدا بۈگۈنكى كۈندە مەۋجۇت بولمىغان  KORB رادىئو-تېلىۋىزىيە ئىستانسسىنىڭ «تامغا» سىنى كۆتۈرۈپ يۈرگەن بۇ دادىنىڭ بۇرۇنقى ئىشلىرىنى ئانچە كۆپ ئادەم بىلمىسىمۇ، بىراق ئۇ مۇشۇ يېقىندا «غوجىدارنىڭ ماشىنىسىنى رۇخسەتسىز ھەيدىگەن» دىگەن يېنىك دەرىجىدىكى گۇناھى بىلەن ساقچىلار تەرىپىدىن قولغا ئېلىنغان. ئامېرىكا ساقچى تەرەپ ئۇنىڭ بىر پارچە سۆرىتىنى توردا ئېلان قىلىۋەتكەن بولۇپ، شۇنىڭدىن بۇيان ۋېنكېلمەن پۈتۈن دۇنيا خەلقىنىڭ كۈلكىسىگە قالغان.