قازاقىستان ئاپتوموبىل بازىرىدا داڭلىق ماركىلار ئىنتايىن كۆپ

      قازاقىستان ئىقتىسادىي تەرەققىيات ۋە سودا مىنىستىرلىكىنىڭ بىر ئەمەلدارى يېقىندا مۇنۇلارنى بىلدۈردى: رۇسىيە، بېلورۇسسىيە ۋە قازاقستان تاموژنا بېجى ئىتتىپاقىغا ئەزا بولغاندىن كېيىن، قازاقىستاننىڭ دۆلەت ئىچى ئاپتوموبىل بازىرىدا داڭلىق ماركىلىق ئاپتوموبىللار كۆپەيدى.
      »بۈگۈنكى قازاقىستان گېزىتى« بۇ ئەمەلدارنىڭ سۆزىنى نەقىل كەلتۈرۈپ مۇنۇلارنى خەۋەر قىلدى: يېقىندا بىر قىسىم قازاقىستان پۇقرالىرىنىڭ قارىشىچە، قازاقستاندا تاموژنا ئىتتىپاقىغا ئەزا بولمىغان دۆلەتلەرنىڭ ئاپتوموبىلىدىن ئىنتايىن يۇقىرى ئىمپورت تاموژنا بېجى ئېلىنىدىكەن، شۇڭا كۆپچىلىك بۇندىن كېيىن رۇسىيەنىڭ  VAZ, Volvo تۈرىدىكى ئوتتۇرا ۋە تۆۋەن دەرىجىلىك پىكاپلىرىنى سېتىۋېلىشى كېرەككەن. بۇ ئەمەلدار مۇنۇلارنى بىلدۈردى: بۇنداق چۈشەنچە توغرا ئەمەس، چۈنكى رۇسىيە ئۆتكەن يىلى ئىشلەپچىقارغان 300 مىڭ دانە ئاپتوموبىل يەنە باشقا كۆپ خىل ئاپتوموبىل تۈرلىرىنىمۇ ئۆز ئىچىگە ئالىدۇ.
      مەزكۇر ئەمەلدار مۇنداق دەپ كۆرسەتتى: ئەمەلىيەتتە، تېجەشچانلىققا ئىگە بولغان كورېيەنىڭ HYUNDAI ئاپتوموبىلىدىن تارتىپ BMW دالا ئاپتوموبىلىغىچە نۇرغۇن ماركىلار بار، قازاقىستان ئاھالىلىرى ئۇلارنىڭ ئارىسىدىن تاللاپ سېتىۋالالايدۇ. ئۇ مۇنداق دېدى: »رۇسىيەدە ئىشلەپچىقىرىلغان ۋە قۇراشتۇرۇلغان ئاپتوموبىللار قازاقىستان بازىرىغا كىرگەندىن كېيىن، تاموژنا بېجى كەچۈرۈم قىلىنىدۇ، ئەڭ ئاخىرىدا پارچە سېتىلىش باھاسى قازاقىستان تاموژنا بېجى ئىتتىپاقىغا ئەزا بولۇشتىن ئىلگىرىكىگە قارىغاندا %10 ئەتراپىدا تۆۋەنلەيدۇ.
      بۇ ئەمەلدارنىڭ ئېيتىشىچە، بىر قىسىم كىشىلەر رۇسىيە ئاپتوموبىللىرىنى كەمسىتىپ »تاشلاندۇق تۆمۈر« دەپ ئاتايدىكەن، بۇ رېئاللىققا تامامەن ئۇيغۇن ئەمەس. قازاقىستان 2009 - يىلى ئىمپورت قىلغان ئاپتوموبىللارنىڭ %52 ى رۇسىيەدە ئىشلەپچىقىرىلغان ئاپتوموبىللاردۇر، بۇ ئاپتوموبىللارنىڭ سېتىلىش مىقدارى رۇسىيەدە ئىشلەپچىقىرىلغان ئاپتوموبىللارنىڭ باھا سېلىشتۇرمىسى چوڭلۇقىنى ئىسپاتلايدۇ. مۇنداقچە ئېيتقاندا، 000 5 ئامېرىكا دوللىرى خەجلەپ، چەت ئەللەرنىڭ زاۋۇتتىن چىقىش ۋاقتى 10 يىلدىن ئاشقان داڭلىق ماركىلىق ئاپتوموبىللىرىنى سېتىۋالغاندىن كۆرە، بىر دانە يېڭى Lada نى سېتىۋالغان ياخشىكەن.