ئامېرىكا ئالىملىرى مىكرو تىپتىكى سۈنئىي ئۆپكىنى ياساپ چىققان بولۇپ ، ئۆزى ئۆسۈپ ، نەپەسلىنەلەيدىكەن
ئاۋسترالىيە رادىئو ئىستانسىسىنىڭ ئاخباراتى ، ئامېرىكا ئالىملىرى يېقىندا مۇنداق بىر يېڭى تەتقىقاتنى ئېلان قىلغان بولۇپ ، تەتقىقات نەتىجىسىدە مۇنداق دېيىلدى : << تەجىرىبىخانىدا غول ھۈجەيرىدىن پايدىلىنىپ ، سۈنئىي يېتىلدۈرگەن ئۆپكىنى مەيدانغا كەلتۈردۇق ، ئۆسۈملۈك ۋە چاشقاننىڭ تېنىگە كىرگۈزگەندىن كېيىن ھاياتلىق ئالتە سائەت داۋام قىلدى >> .

ئامېرىكا ھارۋارد ئۇنىۋېرسىتېتى تىببىي ئىنستىتۇتىنىڭ تەتقىقات ئەترىتى چاشقان ئۆپكىسىدىكى بارلىق ھۈجەيرىلەرنى ئۆچۈرۈپ تاشلاپ ، پەقەت ئەسلى ھۈجەيرە سىرتىغا يېڭىدىن <<  تۈۋرۈك >> نى يېتىلدۈرگەن . شۇنىڭدىن كېيىنلا ، ئۇلار << تۈۋرۈك >> ئىچىگە ئۆسۈملۈك ئىچىدە تەرەققى قىلدۇرغان ئۆپكە ھۈجەيرىسىنى چاشقان تېنىگە ۋە ئۆسۈملۈك تېنىگە كىرگۈزگەندىن كېيىن ، بۇ ئىككى خىل مۇھىتتا تەربىيىلەشكە باشلىغان .

بۇ خىل مىكرو سۈنئىي ئۆپكە ئۈزلۈكسىز چوڭۇپ بارغان بولۇپ ، تەخمىنەن بىر ھەپتىدىن كېيىن ئۇنى ئوكسىگېنلىق مۇھىتقا ئالماشتۇرغان بولۇپ ، ئۇ يەنىلا ئوخشاشلا نەپەسلەنگەن . بۇ ۋاقىتتا چاشقان تېنىگە كىرگۈزگەندىن كېيىن ، سۈنئىي ئۆپكە يەنىلا داۋاملىق خىزمەت قىلىشقا باشلىغان بولۇپ ، چاشقاننىڭ ئالتە سائەت ھايات تۇرۇشى بۇ تەتقىقاتنىڭ غايەت زور مۇۋەپپەقىيىتى ھېسابلىنىدىكەن .

تەتقىقاتچىلار يەنە مۇنۇلارنى بىلدۈردى : ئەگەر بىز يەنە مۇشۇ ئۇسۇل بىلەن تەتقىقاتتا زور ئىلگىرىلەش ھاسىل قىلالىساق ، ئىنسانلارنىڭ ئۆمرىنى ئۇزارتقىلى بولىدۇ . ئەمما كەلگۈسى 5 -10 يىلغىچە بولغان ئارىلىقتا بۇ تەتقىقاتنىڭ تىبابەت ساھەسىدە قوللىنىشى چوڭ بولىدۇ ، بۇ ئۆپكىگە جىددىي ئېھتىياجلىق كىشىلەرنىڭ ۋاقىتلىق مەسىلىسىنى ھەل قىلالايدۇ .