شىنخۇا ئاگېنتلىقى، بېيجىڭ، 15 – ئاپرېل تېلېگراممىسى. مەملىكەتلىك 11 – نۆۋەتلىك خەلق قۇرۇلتىيى دائىمىي كومىتېتىنىڭ 2 – قېتىملىق كومىتېت باشلىقلىرى يىغىنى 15 – ئاپرېل چۈشتىن بۇرۇن بېيجىڭ ‹‹خەلق›› سارىيىدا ئېچىلدى. كومىتېت باشلىقى ۋۇ باڭگو يىغىنغا رىياسەتچىلىك قىلدى.
كومىتېت باشلىقلىرى يىغىنىدا، مەملىكەتلىك 11 – نۆۋەتلىك خەلق قۇرۇلتىيى دائىمىي كومىتېتىنىڭ 2 – يىغىنىنى 22 – ئاپرېلدىن 24 – ئاپرېلغىچە بېيجىڭدا ئېچىش قارار قىلىندى.
كومىتېت باشلىقلىرى يىغىنى تەۋسىيە قىلغان مەملىكەتلىك خەلق قۇرۇلتىيى دائىمىي كومىتېتى 2 – يىغىنىنىڭ قارالمىسى تۆۋەندىكىچە: مېيىپلەرنىڭ ھوقۇق – مەنپەئىتىگە كاپالەتلىك قىلىش قانۇنىغا تۈزىتىش كىرگۈزۈش لايىھىسى، ئوت مۇداپىئەسى قانۇنىغا تۈزىتىش كىرگۈزۈش لايىھىسىنى قاراپ چىقىش؛ گوۋۇيۈەننىڭ جۇڭگو بىلەن ئاۋسترالىيىنىڭ ئۆتكۈزۈپ بېرىش شەرتنامىسىنى قاراپ چىقىپ تەستىقلاشقا سۇنۇش توغرىسىدىكى تەكلىپ لايىھىسى، جۇڭگو بىلەن فرانسىيىنىڭ ئۆتكۈزۈپ بېرىش شەرتنامىسىنى قاراپ چىقىپ تەستىقلاشقا سۇنۇش توغرىسىدىكى تەكلىپ لايىھىسى، جۇڭگو بىلەن كۇۋەيتنىڭ ھەق تەلەپ ئىشلىرى ۋە سودىدىكى ئەدلىيە ھەمكارلىقى كېلىشىمىنى قاراپ چىقىپ تەستىقلاشقا سۇنۇش توغرىسىدىكى تەكلىپ لايىھىسىنى قاراپ چىقىش؛ گوۋۇيۈەننىڭ يامغۇر، قار – مۇز ئاپىتىگە تاقابىل تۇرۇش ۋە ئاپەتتىن كېيىنكى قايتا قۇرۇش خىزمىتى ئەھۋالى توغرىسىدىكى دوكلاتىنى ئاڭلاپ ئۆتۈش؛ كومىتېت باشلىقلىرى يىغىنىنىڭ مەملىكەتلىك خەلق قۇرۇلتىيى دائىمىي كومىتېتى ۋەكىللىك سالاھىيىتىنى تەكشۈرۈش كومىتېتىنىڭ مۇدىر ئەزاسى، مۇئاۋىن مۇدىر ئەزالىرى، ئەزالار تىزىملىكى لايىھىسىنى قاراپ چىقىشقا سۇنۇش توغرىسىدىكى تەكلىپ لايىھىسىنى ۋە باشقا ۋەزىپىگە تەيىنلەش، ۋەزىپىدىن قالدۇرۇش تەكلىپ لايىھىسىنى قاراپ چىقىش قاتارلىقلار.
ۋۇ باڭگو يىغىنغا رىياسەتچىلىك قىلدى
كومىتېت باشلىقلىرى يىغىنىدا، مەملىكەتلىك خەلق قۇرۇلتىيى دائىمىي كومىتېتىنىڭ مۇئاۋىن باشلىقى، باش كاتىپ لى جيەنگو بەرگەن مەملىكەتلىك 11 – نۆۋەتلىك خەلق قۇرۇلتىيى دائىمىي كومىتېتى 2 – يىغىنىنىڭ قارالما لايىھىسى، كۈنتەرتىپىنى ئورۇنلاشتۇرۇش پىكرى ۋە ئالاقىدار خىزمەتلەر توغرىسىدىكى دوكلاتى، مەملىكەتلىك خەلق قۇرۇلتىيىنىڭ ئالاقىدار مەخسۇس كومىتېت مەسئۇلى بەرگەن مەملىكەتلىك 11 – نۆۋەتلىك خەلق قۇرۇلتىيى دائىمىي كومىتېتى 2 – يىغىنىنىڭ ئالاقىدار قارالما ئەھۋالى توغرىسىدىكى دوكلاتى ئاڭلاپ ئۆتۈلدى.
كومىتېت باشلىقلىرى يىغىنىدا يەنە مەملىكەتلىك خەلق قۇرۇلتىيى دائىمىي كومىتېتىنىڭ 2008 – يىللىق خىزمەتنىڭ مۇھىم نۇقتىلىرى، مەملىكەتلىك خەلق قۇرۇلتىيى دائىمىي كومىتېتىنىڭ 2008 – يىللىق قانۇن چىقىرىش خىزمەت پىلانى، مەملىكەتلىك خەلق قۇرۇلتىيى دائىمىي كومىتېتىنىڭ 2008 – يىللىق نازارەتچىلىك خىزمەت پىلانى قاراپ چىقىلىپ ماقۇللاندى.
