-
VCD,DVD ئاپىراتلىرىنىڭ ئۆلچەملىك فىلىم فورماتى
ۋاقىت:2009年01月02日 | تۈرى:
بەت ئارىسى ئېلانىئائىلە سىن قويۇش ئۈسكۈنىلىرى قوللايدىغان ئۈن-سىن ھۆججەتلىرىنىڭ
فورماتى ھەققىدە قىسقىچە بايان_______مۇھەممەدجان ئابدۇكېرىم _________
(قەشقەر كوناشەھەر ناھىيە زەمىن يېزىلىق ئوتتۇرا مەكتەپتىن )
كىرىش سۆز
نۆۋەتتە ئائىلىلەردىكى ئەنئەنىۋى ئۈن-سىن قويۇش ئۈسكۈنىلىرى بولغان سىنئالغۇ ،ئۈنئالغۇ قاتارلىق ماگىنىتلىق تەقلىدى قويۇش ئۈسكۈنىلىرى ۋە ئۇنىڭ ئۈن-سىن ماتېرىياللىرى ساقلىنىدىغان ماگىنىتلىق لېنتىلارنىڭ ئورنىنى ھازىرقى VCD, SVCD, DVD قويغۇچ قاتارلىق رەقەم -ئۈزەكلىك ، كومپىيۇتېر بىلەن بىۋاستە ماسلىشالايدىغان زامانىۋى ئائىلە كۆڭۈل ئېچىش ئۈسكۈنىرى ۋە ئۇنىڭ ئۈن-سىن ماتېرىياللىرى ساقلىنىدىغان لازىر نۇرلۇق ئوپتىك دىسكىلار پۈتۈنلەي ئىگەللەپ بولدى .
مەن بىر يىلدىن بېرى، كونا ماگىنتلىق سىنئالغۇ لېنتىلىرىدىكى تەقلىدى سېگىناللارنى كومپىيۇتېرغا كىرگۈزۈش ، تەقلىدى تېلىكامىرا ، DV ئۇلىنىش ئېغىزى بار بولغان يېرىم سىفىرلىق تېلىكامىرا ( IEEE 1394 كۆرۈنۈش يىغىش كارتىسىنى قوللايدىغان ) ، بىۋاستە قاتتىق دىسكىغا خاتىرلەيدىغان تولۇق سىفىرلىق ،ھەمدە USB ئېغىزلىق تېلىكامىرالاردىكى ۆرۈنىش سىگىناللىرىنى كومپىيۇتېرغا كىرگۈزۈش ، ئۇلارنى فىلىم تەھرىرلەش يۇمشاق دېتاللىرىنىڭ ياردىمىدە تەھرىرلەپ ، ئۆلچەملىك mpg فورماتىغا ئايلاندۇرۇش ، ئائىلىلەردىكى ھازىرقى VCD, SVCD, DVD قويغۇچ قاتارلىق رەقەم -ئۈزەكلىك ، كومپىيۇتېر بىلەن بىۋاستە ماسلىشالايدىغان زامانىۋى ئائىلە كۆڭۈل ئېچىش ئۈسكۈنىرى قوللايدىغان ھالەتتە لازىرلىق ئوپتىك دىسكىلارغا ئويۇش جەھەتتە بىر قاتار ئەمەلىي مەشغۇلاتلارنى بىۋاستە باشتىن كەچۈردۈم ، توردىن جەنزۇچە ماتېرىياللارنى كۆردۈم ، توپلىدىم ، مۇناسىۋەتلىك خەنزۇچە ماتېرىياللارنى ئوقۇپ چىقتىم .شۇنداق قىلىپ ، بۇ جەرياندا فىلىم كىرىشتۈرۈش ، توي فىلىم ئىشلەش جەريانىدىكى بىرقىسىم نەزەرىيىۋى ئاساسقىمۇ ئىگە بولۇپ قالدىم .
تۆۋەندە بۇ نەزەرىۋى ئاساسلارنى كومپىيۇتېردا فىلىم كىرىشتۈرۈشكە يېڭىدىن كىرىشكەن ھەۋەسكارلارنىڭ پايدىلىنىشى ئۈچۈن ، شۇنداقلا كومپىيۇتېر تېخنىكىسىدا بۇ جەھەتتە كەسپىي مەشغۇلات ئېلىپ بېرىۋاتقان ئۇستازلارنىڭ قىممەتلىك پىكىر بېرىشى ئۈچۈن مۇنبەر ئەھلىگە سۇندۇم .
MPEG فورماتى دىگەن نىمە ؟
ئۇنداقتا بىز مۇشۇmpeg فورماتى ھەققىدە تەپسىلى ۋە ئەڭ كونكىرىت چۈشەنچە ھاسىل قىلايلى .
كومپىيۇتېردىكى ئۈن-سىن قويغۇچلار ياكى تور بەتلەرنىڭ كىنو قويۇش پىروگىراممىلىرى بىۋاستە قوللايدىغان ئۈن-سىن ھۆججەتلىرىنىڭ تۈرى 100 نەچچە خلغا يەتسىمۇ ، بىراق ئائىلىلەردىكى ھازىرقى VCD, SVCD, DVD قويغۇچ لار قوللايدىغان فىلىم ھۆججەت شەكلى پەقەت 3~4 خلدىن ئىبارەت .
شۇنىسى ئېنىقكى ، كومپىيۇتېر ۋە كومپىيۇتېر تورىدا نورمال قويۇلغان فىلىم ھۆججەتلىرىنىڭ مۇتلەق كۆپ قىسمىنى ئائىلىلەردىكى ھازىرقى VCD, SVCD, DVD قويغۇچ لار ئوقۇيالمايدۇ .
ئائىلىلەردىكى ھازىرقى VCD, SVCD, DVD قويغۇچ قاتارلىق رەقەم -ئۈزەكلىك ، كومپىيۇتېر بىلەن بىۋاستە ماسلىشالايدىغان زامانىۋى ئائىلە كۆڭۈل ئېچىش ئۈسكۈنىرى قوللايدىغان ئۈن-سىن ھۆججەتلىرىنىڭ ئورتاق شەكلى mpeg فورماتىدىن ئىبارەت .
mpeg فورماتى __ ئادەتتە ئۈن-سىن ھۆججەتلىرىنىڭ كېڭەيتىلگەن نامى قىلىنغاندا ، قىسقارتىلىپ mpg دەپ بەلگىلىنىدۇ .
MPEG فورماتى دىگەن نىمە ؟
mpeg بولسا ____
Moving Picture Expert Group دىگەن ئاتالغۇنىڭ قىسقارتىلمىسى بولۇپ ، مەنىسى __ «ھەركەتچان سۈرەت( فىلىم )ۋە رەسىم ئۆلچىمىنى بېكىتىش مۇتەخەسىسىلىرى گۇرۇپپىسى» دىگەن سۆزنىڭ قىسقاتىلمىسى بولۇپ ، 1993-يىلى ئۈن-سىن ئۈسكۈنىلىرىنى ياسايدىغان SONY قاتارلىق بىر قىسىم باشلامچى كارخانىلار بىلەن يۇمشاق دېتال ياسايدىغان دۇنيادىكى داڭلىق شىركەتلەر بىرلىشىپ ، ئۈن -سىن ماتېرىياللىرىنىڭ كومپىيۇتېردا بىر تەرەپ قىلىنىشتىكى دۇنياۋى ئۆلچىمىنى ۋە پىرىسلنىش ئۆلچىمىنى بېكىتكەن ئىدى .
شۇنىڭ بىلەن ئائىلە كۆڭۈل ئېچىش ئۈسكۈنىلىرى بىلەن كومپىيۇتېر ئارىسىدا ئۆز-ئار ماسلىشالايدىغان ئورتاق ئۆلچەم بېكىتىلىپ ، نۆۆۋەتتە كومپىيۇتېر بىلەن ئائىلە كۆڭۈل ئېچىش ئۈسكۈنىرىنىڭ تەرەققىياتى ۋە ئۆز-ئارا ماسلىشىىشغا زور تۈرتكىلىك رول ئويناپ كەلدى .
MPEG فورماتىغا ئايلاندۇرغاندىكى سېگىنال خوراش مەسىلىسى MPEG فورماتى ___ پەقەت ئۈن -سىن ھۆججەتلىرىنىڭ دۇنياۋى پىرىسلىنىش ئۆلچىمى بولغاچقا ، تېلىكامىرا ئارقىلىق ئېلىنغان ئەسلىدىكى رەسىم ۋە ئاۋازسېگناللىرىنى DVD,VCD ئۈسكۈنىلىرى ئوقۇيالايدىغان ھۆججەت شەكلىگە ئاۇلاندۇرۇشتا ، ئەسلىدىكى ئاۋاز ۋە كۆرۈنۈش سېگىناللىرىنىڭ سۈپەت جەھەتتىن خوراپ كېتىشىدىن بەرىبىر ساقلانغىلى بولمايدۇ ، شۇڭا پىرىسلىنشتىن بۇرۇنقى ئەسلىدىكى ئۈن -سىن ماتېرىيالى كومپىيۇتېرغا AVI ياكى WAV شەكلىدە ساقلىنىپ ، ئاندىن پىرىسلانسا ، MPEG فورماتىدا ئەسلى سېگىنال خوراش نىسبىتىنى ئىمكان قەدەر كىچىكلەتكىلى بولىدۇ .
MPEG ئۆلچىمىنىڭ رايون تەۋەلىكى
MPEG ئۆلچىمى گەرچە ئۈن-سىن پىرىسلاشنىڭ دۇنياۋى ئۆلچىمى بولسىمۇ، ئۇ ئۆز ئىچىدىن يەنە ئىككى چوڭ تۈرگە بۆلۈنىدۇ :
بىرى ، NTSC شەكلىدىكى MPEG فورماتى ___ بۇ ئامېرىكا ، ياپونىيە ، كانادا قاتارلىق رايونلارنىڭ تېلىۋىزىيە ۋە ئۈن-سىن قويۇش ئۈسكۈنلىرى قوللايدىغان ھۆججەت شەكلى .
يەنە بىرى PAL شەكلىدىكى MPEG فورماتى _____ بۇ بولسا ياۋروپا رايونى ۋە جۇڭگو قاتارلىق رايونلارنىڭ تېلىۋىزىيە ۋە ئۈن -سىن ئۈسكۈنىلىرى قوللايدىغان ھۆججەت شەكلى .
مەن تۆۋەندە توختىلىپ ئۆتمەكچى بولغان MPEG فورماتى ___ ئەلۋەتتە ،
PAL شەكلىدىكى MPEG فورماتىدىن ئبارەت .
______________________________________
MPEG فورماتىنىڭ ئوخشىمىغان قويۇش ئۈسكۈنىلىرىگە نىسبەتەن پرىسلىنىش پىرىنسىپلىرى
MPEG فورماتىنىڭ نۆۋەتتە پەقەت MPEG-1, MPEG2, MPEG-4,MPEG-7,MPEG-21 قاتارلىق 5 خىل دۇنياۋى ئۆلچىمى بار بولۇپ ، ئۇلار تۆۋەندىكىچە :
( ئەسكەرتىش : توربەتلەردىكى بەزى يازمىلاردا ياكى شەھەر كوچىلاردا تۆكمە قىلىنىپ سېتىلىدىغان قانۇنسىز DVD پىلاستىكىلىرىغا ,MPEG-6, MPEG-9 ,MPEG-5 دەپ يېزىلغان خەتلەر ئۇچرايدىغان بولۇپ ، ئۇلارنىڭ ھەممىسى يالغان)
بىرىنچى شەكىل : MPEG-1 ئۆلچىمىMPEG-1 ئۆلچىمى ( ,NTSC,PAL شەكلىدىكى mpg ھۆججىتى ) 1992 -يىلى بارلىققا كەلگەن بولۇپ ، دۇنياۋى ئۆلچەم نومۇرى : ISO/IEC11172
مەن بۇ يەردە دۆلىتىمىزدە ئىشلەپ چىقىرىلغان VCD ئاپىراتى قوللايدىغان ھۆججىتىنىڭ پارامېتىرلىرىنى تەپسىلى تونۇشتۇرۇپ چىقماقچى :
VCD ئاپىراتلىرىدا قويۇشقا بولىدىغان فىلىم ھۆججىتىنىڭ شەكلى
بۇ خىل شەكىلدىكى ھۆججەت _____ ئائىلىلەردىكى VCD ئوقۇيالايدىغان DAT شەكلىدە كۆرۈنىدىغان ھۆججەتنىڭ ئەسلى ماھىيىتى بولۇپ ، بۇنىڭدا ، ئېكران ئېنىقلىق ئۆلچىمى 352 *288 بولۇپ ، سانلىق مەلۇمات شەكلى ___ رەسىم +ئاۋاز شەكلىدە ، ھەر سېكىنۇتتا قويۇلىدىغان فىرامى ( كۆرۈنۈش ) سانى 25 ، كۆرۈنمە چاستوتا يەتكۈزۈلۈش تېزلىكى ھەر سېكىنۇتتا 1150kbit ، ھەر سېكىنۇتتىكى ئاۋاز چاستوتا يەتكۈزۈلۈش تېزلىكى 224kbit ، ئاۋاز چاستوتىسى 44.1 Khz بولۇپ ، يۇقىرىدىكى پارامېتىرلارنى تولۇق ئۆز ئىچىگە ئالغان بۇ ___ ئۆلچەم ئادەتتە « VCD2.0 » دەپ ئاتىلىدۇ . بۇ خىلدىكى ھۆججەتلەرنى Nero قاتارلىق ئوپتىك دىسكا ئويۇش يۇمشاق دېتاللىرىدىكى « ＶＣＤ ھۆججەتلىرىنى ياساش» دىگەن ئىقتىدارنى قوزغىتىپ ئويساق ، ھەرقانداق VCD ئاپىراتى ئوقويالايدىغان ، ئۆلچەملىك سىن تەخسىسى ياسىغان بولىمىز .
نەتىجىدە بىز ئويغان ئوپتىك دىسكا ئىچىدە EXT,MPEGAV,SEGMENT,VCD قاتارلىق ھۆججەت قىسقۇچلار ئاپتوماتىك شەكىللىنىدىغان بولۇپ ، بىزنىڭ MPEG-1 فورماتى ( PAL شەكلىدىكى mpg ھۆججىتى ) دىكى سىن ھۆججەتلىرىمىز ___ MPEGAV ھۆججەت قسىقۇچ ئىچىدىكى avseq *.dat شەكلىدىكى ھۆججەتلەرنىڭ دەل ئۆزى شۇ .
VCD ئاپىراتى ___ VCD ئۆلچىمىدىكى ھۆججەتلەرنى ئوقۇيالايدۇ ، DVD ، SVCD ئۆلچىمىدىكى ھۆججەتلەرنى ئوقۇيالمايدۇ .
VCD,DVD,MP3 قويۇش ئۈسكۈنىلىردە قويغىلى بولىدىغان ئاۋاز ھۆججىتى
بىز ئادەەتە ئاڭلاۋاتقان MP3 ئاۋاز ھۆججەتلىرىنىڭ تولۇق ئاتىلىشى ____ Moving Picture Experts Group Audio Layer III بولۇپ ، ئۇنىڭ خاراكتىرى ___ MPEG ئۆلچىمىدە پىرىسلانغان سىفىرلاشقان ئاۋاز ھۆججەتلىرى فورماتى بولۇپ ، ئۇ يەنىلا سۈپەت جەھەتتىن بۇزۇلغان ئاۋاز ھۆججىتىگە تەۋە .
MP3 ئاۋاز ھۆججەتلىرىنىڭ ئاۋاز چاستوتىسى 44.1 Khz بولۇپ ، بۇ مەنىدىن ئېيتقاندا ئۇ ھەركەتچان رەسىمنى ئۆز ئىچىگە ئالمىغان MPEG_1 دائىرىسىگە يېقىنلىشىدۇ ، بىراق كود يېشىش ئۆلچىمى نۇقتىسىدىن قارىغاندا ، ئۇنى MPEG-1 ئۆلچىمىگە تەۋە دەپ كەتكىلىمۇ بولمايدۇ .
ئەسلىدىكى سۈپىتى بۇزۇلمىغان سىفىرلاشقان ئۆلچەملىك ئاۋاز ھۆججىتى ___ Track شەكلىدىكى , CD پىلاستىنىكىسى قويۇش ئاپىراتىغا لاھىيىلەنگەن ئاۋاز ھۆججەتلىرى بولۇپ ، ئۇنىڭ يەتكۈزۈلۈش تېزلىكى سېكۇنىتىغا 1411.2 Kbit بولۇپ ،ئېنىقلىق دەرىجىسى ، سېترولوق ئۈنۈمى ھەقىقەتەن كىشىنى سۆيۈندۈرىدۇ .
بىراق ،ئادەتتىكى MP3 ئۆلچىمىدە پىرىسلىغاندا پىرىسلىنىش نىسبىتى 1:11 بولىدۇ ، يەنى ئەسلىدىكى ئۆلچەملىك ئاۋاز سۈپىتىنى 11 ھەسسە قىسىۋەتكەنگە تەڭ ، ئاۋاز چاستوتىسى 44.1 Khz ، سانلىق مەلۇمات يەتكۈزۈلۈش تېزلىكى سېكىنۇتىغا 112~~~128 kbit ئۆلچىمىدە بولىدۇ .
ئىككىنچى شەكىل : MPEG-2 ئۆلچىمى
MPEG-2 ئۆلچىمى ( ,NTSC,PAL شەكلىدىكى mpg ھۆججىتى ) 1992 -يىلى بارلىققا كەلگەن بولۇپ،
بۇخىل ھۆججەت فورماتى ئۆز ئىچىدىن يەنە ئىككى خىلغا بۆلۈنىدىغان بولۇپ ، بىرى SVCD ئاپىراتلىرى ئوقۇيدىغان ھۆججەت شەكلى، يەنە بىرى بولسا DVD ئاپىراتلىرى ئوقۇيدىغان ھۆججەت شەكلىدىن ئىبارەت .
SVCD پىلاستىكا قويۇش ئاپىراتى ئوقۇيالايدىغان ھۆججەت شەكلى
بۇنىڭدا ، ئېكران ئېنىقلىق ئۆلچىمى 576 *480 بولۇپ ، سانلىق مەلۇمات شەكلى ___ رەسىم +ئاۋاز شەكلىدە ، ھەر سېكىنۇتتا قويۇلىدىغان فىرامى ( كۆرۈنۈش ) سانى 25 ، كۆرۈنمە چاستوتا يەتكۈزۈلۈش تېزلىكى ھەر سېكىنۇتتا ئۆزگىرىشچان ھالەتتىكى 2375kbit ، ھەر سېكىنۇتتىكى ئاۋاز چاستوتا يەتكۈزۈلۈش تېزلىكى 224kbit , ئاۋاز چاستوتىسى 44.1 Khz بولۇپ ، يۇقىرىدىكى پارامېتىرلارنى تولۇق ئۆز ئىچىگە ئالغان بۇ ئۆلچەم ئادەتتە « SVCD ئۆلچىمىدىكى پىرىسلانما فىلىم ھۆججىتى » دەپ ئاتىلىدۇ .
SVCD دىگەن سۆز ___ ئېنگىلىزچە Super VCD دىگەن سۆزنىڭ قىسقارتىلمىسى بولۇپ ، بىردانە CD-R پىلاستىنكىسىغا ، SVCD ئاپىراتى ئوقۇيالايدىغان فورماتتا پىرىسلانغان 60 مىنۇتلۇق mpg ھۆججىتى سىغىدۇ ، بۇ خىل ھۆججەتنىڭ ئېنىقلىقى VCD ھۆججىتىنىڭ 2.7ھەسسىسى دەرىجىدە سۈزۈك ، DVD ھۆججىتىنىڭ 3 تىن 2 قىسمى دەرىجىسدە ناچار .
SVCD ئاپىراتى ___ SVCD , VCD ئۆلچىمىدىكى ھۆججەتلەرنى ئوقۇيالايدۇ ، DVD ئۆلچىمىدىكى ھۆججەتلەرنى ئوقۇيالمايدۇ .
DVDپىلاستىكا قويۇش ئاپىراتى ئوقۇيالايدىغان ھۆججەت شەكلى
بۇ خىل شەكىلدىكى ھۆججەت _____ ئائىلىلەردىكى DVD ئوقۇيالايدىغان VOB شەكلىدە كۆرۈنىدىغان ھۆججەتنىڭ ئەسلى ماھىيىتى بولۇپ ، بۇنىڭدا ، ئېكران ئېنىقلىق ئۆلچىمى 576 *720 بولۇپ ، سانلىق مەلۇمات شەكلى ___ رەسىم +ئاۋاز شەكلىدە ، ھەر سېكىنۇتتا قويۇلىدىغان فىرامى ( كۆرۈنۈش ) سانى 25 ، كۆرۈنمە چاستوتا يەتكۈزۈلۈش تېزلىكى ھەر سېكىنۇتتا 6000~~~~9000 Kbit ، ھەر سېكىنۇتتىكى ئاۋاز چاستوتا يەتكۈزۈلۈش تېزلىكى 224kbit ، ئاۋاز چاستوتىسى 48 Khz بولۇپ ، يۇقىرىدىكى پارامېتىرلارنى تولۇق ئۆز ئىچىگە ئالغان ھۆججىتىدۇر . بۇ ___ ئۆلچەم ئادەتتە « ئۆلچەملىك DVD ئاپىراتلىرى ئوقۇيدىغان ھۆججەت » دەپ ئاتىلىدۇ . بۇ خىلدىكى ھۆججەتلەرنى ئاۋال TMPGEnc DVD Author قاتارلىق DVD-Video ياسايدىغان يۇمشاق دېتاللاردا ، ئۆلچەملىك VOB ھۆججىتىگە ئايلاندۇرۇرۇۋېلىپ ، ئاندىن AHead Nero قاتارلىق ئوپتىك دىسكا ئويۇش يۇمشاق دېتاللىرىدىكى « DVD_Video ھۆججەتلىرىنى ياساش» دىگەن ئىقتىدارنى قوزغىتىپ ئويساق ، مەيلى بۇرۇن ئىشلەنگەن ياكى ھازىرقى زامانىۋى تېخنىكا بىرلەشتۈرۈلۈپ ياسالغان ئاپىرات بولىشىدىن قەتئى نەزەر ، ھەرقانداق DVD ئاپىراتى ئوقويالايدىغان ، ئۆلچەملىك سىن تەخسىسى ياسىغان بولىمىز .
نەتىجىدە بىز ئويغان DVD ئوپتىك دىسكا ئىچىدە Audio-TS, Video-TSقاتارلىق ھۆججەت قىسقۇچلار ۋە Video_TS قىسقۇچ ئىچىدە IFO,BUP,VOB قاتارلىق ھۆججەتلەر ئاپتوماتىك شەكىللىنىدىغان بولۇپ ، بىزنىڭ MPEG-2 فورماتى ( PAL شەكلىدىكى mpg ھۆججىتى ) دىكى سىن ھۆججەتلىرىمىز ___ Video-TS ھۆججەت قسىقۇچ ئىچىدىكى *.vob شەكلىدىكى ھۆججەتلەرنىڭ دەل ئۆزى شۇ
ئۈچىنچى شەكىل : MPEG-4 ئۆلچىمىگەرچە DVD ئۆلچىمىدىكى MPEG-2 فورماتىدا پىرىسلانغان mpg فىلىم ھۆججەتلىرىنىڭ ئېنىقلىقى ۋە سۈپىتى ئىنتايىن ياخشى بولسىمۇ ، بىراق ئۇنىڭ ئىگەللەيدىغان سىغىمى يەنىلا چوڭ بولۇپ ، 4.7 GB سىغىمدىكى DVD پىلستىنكىسىغا پەقەت ئىككى سائەتلىك فىلىم ھۆججىتى سىغدۇرغىلى بولىدۇ ، بۇنىڭدىن قارىغاندا بۇنداق چوڭ سىغىمدىكى ھۆججەتلەرنى توردا يوللاش ۋە باشقا ساقلاش ئۈسكۈنىرىگە خاتىرىلەش نىسبەتەن ئاۋارىچىلىق بولغاچقا ، Moving Picture Expert Group تەرىپىدىن 1998-يىلى 11- ئاۇدا يېڭىدىدىن بارلىققا كەلگەن فىلىم پىرىسلاش ئۆلچىمى ھېساپلىنىدۇ ، دۇنياۋى ئۆلچەم نومۇرى: ISO/IEC14496
MPEG-4 ئۆلچىمىدە پىرىسلاشنىڭ پىرىسلاش نىسبىتى 1:200 بولۇپ ،ھازىر ھەتتا 1:4000 ھەسسە پىرىسلاش تېخنىكىسى ،ەيدانغا كەلدى ، ئەسلى رەسىم كۆرۈنىشىنى سۈپەت جەھەتتىن ئانچە بۇزغۇنچىلىققا ئۇچراتمىغان ئاساستا ، سىغىمنى كىچىكلىتىدىغان ئۇسۇلدۇر ، ئۇنىڭ MPEG-1 , MPEG ئۆلچىمىگە ئوخشىمايدىغان ئالاھىدىلىگى شۇكى ___ ئەسلىدىكى ھۆججەتنىڭ فورمات شەكلىنى ئۆزگەرتمەي تۇرۇپ ، سۈپىتىنى ساقلاشنى ئاساس ، سىغىمىنى كىچىكلىتىشنى مەقسەت قىلىشتۇر. شۇڭا بىز ئادەەتە MPEG-4 ئۆلچىمىدە پىرىسلانغان ھۆججەتلەرنىڭ كېڭەيتىلگەن نامىغا AVI دەپ يېزىلغانلىقىنى بىلەلەيمىز .
MPEG-4 ئۆلچىمىدە پىرىسلانغان ھۆججەتلەرنىڭ نۆۋەتتىكى ئومۇملىشىشى تېز بولۇپ ، بىر تال DVD پىلاستىنكىسىغا 10 نەچچە دانە يۇقىرى ئېنىقلىقتىكى فىلىم ھۆججەتلىرىنى قاچىلاشقا ، توردا تارقىتىشقا بولىدۇ . ھەتتا تېلىفۇن، MP4 قويغۇچ ئۈسكۈنىسى قوللايدىغان دەرجىدە پىرىسلاشقىمۇ بولىدۇ .
كەمچىللىكى شۇكى ، VCD ئاپىراتى ۋە بۇرۇن ئىشلەنگەن كونا DVD ئاپىراتى ئوقۇيالمايدۇ , ھەتتا كومپىيۇتېر مەشغۇلات سېستىمىسى تەمىنلىگەن Windows Media Player نىڭ قوللىشى ياخشى ئەمەس .
بىراق ، كومپىيۇتېرغا MPEG-4 كودىنى يېشىش پىروگىرfمىلىرى ياكى DIVX قاتارلىق ئالاھىدە كود يېشىش دېتاللىرى ، ياكى ئۇنۋېرسال سىن ھۆججەتلىرىنى قويۇش ئىقتىدارىغا ئىگە Media Player Cassic , Strom Player ... قاتارلىق يۇمشاق دېتاللارنى قاچىلاش ئارقىلىق قويغىلى بولىدۇ .
ئەگەر مۇشۇ بىر -ئىككى يىلدىن بېرى ئىشلىنىپ بازارغا سېلىنىۋاتقان DVD ئاپىراتلىرىدا قويسىڭىز نورمال قويۇلىدۇ ، چۈنكى MPEG_4 ئۆلچىمىدە پىرىسلانغان سىن ھۆججەتلىرىنى قويۇش ئىقتىدارىغا ئىگە DVD ئاپىراتلىرىغا ئېنىق قىلىپ ، « MPEG-4 , DIVX لارنى قوللايدۇ» دەپ يېزىپ قويۇلغان بولىدۇ .
تۆتىچى شەكىل : MPEG-7 ئۆلچىمى
ئەمەلىيەتتە MPEG-7 پىرىسلاش ئۆلچىمى يوق بولۇپ ، بۇ پەقەت MPEG_1, MPEG-2, MPEG-4 لەردىكى 1+2+4=7 نىڭ قىممىتىدىن كەلگەن ئومۇملاشتۇرۇپ ئاتاش ئۆلچىمى بولۇپ ، Moving Picture Experts Group تەرەپىدىن بېكىتىلگەن فىلىم پىرىسلاشنىڭ ھازىرغىچە بارلىققا كەلگەن بارلىق ئۆلچەملىك نامىنى كۆرسىتىشى مۈمكۈن .
بەشىنچى شەكىل : MPEG-21 ئۆلچىمىبۇ ئۆلچەم Moving Picture Experts Group تەرىپىدىن 1999- يىلى 12 -ئايدا بېكىتىلگەن بىر خىل ئۆلچەم نامى بولۇپ ، ئومۇمى نامى : « كۆپ ۋاستە رامكىسى» دەپ ئاتالدى ، بۇ خۇددى Microsoft شىركىتى Visual Studio.net يۈرۈشلەشمە مۇھىتىدا خىزمەت قىلىدىغان VC#2003/2005.net, VB2003/2005.net, VC++2003/2005.net قاتارلىق دېتاللىرىنى netرامكىسدا خىزمەت قىلىدىغان ئۆلچەمنى بېكىتىپ چىققاندەك ئىش .
بۇ يالغۇز فىلىم فورماتى بولماستىن ، بەلكى ھەرقانداق رەقەملىك ئۇچۇر ماتېرىياالىرىنى ئۆز ئۆز ئىچىگە ئالىدىغان ئۆلچەم بولۇپ قالدى ، MPEG -21 نىڭ مەقسىدى بولسا ، Moving Picture Experts Group تەرىپىدىن بەلگىلەنگەن ئۆلچەملىەر بىلەن بۇندىن كېيىن مەيدانغا كېلىدىغان ن يېڭى تېخنىكىلارنى ماسلاشتۇرۇش ۋە دۇنياۋى ئۆلچەمنى ساقلاپ قېلىپ ، كۆپ ۋاستە ئۇچۇرلىرىنىڭ ئۆلچىمىنى ھىرقانداق تېخنىكا بىلەن ماسلاشتۇرۇش ، شۇنداقلا MPEG دۇنياۋى ئۆلچىمنى ماس ھالدا تەرەققى قىلدۇرۇش.فىلىم قويۇش پىلاستىنكىلىرىنىڭ تىپلىرى
ئادەتتە VCD , SVCD ئاپىراتلىرىدا قويۇلىدىغان پىلاستىنكىلار ئۈچۈن ، CD_R پىلاستىنكىسى تاللىنىدۇ ، ئادەتتە بىر دانە CD-R پىلاستىنكىسىنىڭ سىغىمى 650، 700،750 مېگابايت بولىدۇ .
بۇنداق پىلاستىكىلارغا VCD فىلىم ھۆججەتلىرىدىن 70~80 مىنۇتلۇق كۆرۈنۈش ساقلىغىلى بولىدۇ .
بۇنداق پىلاستىكىلارغا SVCD فىلىم ھۆججەتلىرىدىن پەقەت 60 مىنۇتلۇق كۆرۈنۈش ساقلىغىلى بولىدۇ .
DVD ئاپىراتلىرىدا قويۇشقا تەييارلانغان DVD-Video فىلىم ھۆجقەتلىرىنى چوقۇم DVD پىلاستىنكىسىغا ئويۇش كېرەك ، ئادەتتە بىردانە 4.7 GB سىغىمدىكى (بىز ئادەتتە -5 DVD پىلاستىنكىسىنى كۆپرەك ئىشلىتىۋاتىمىز ) DVD-5 پىلاستىكىسىغا ، DVD ئاپىراتلىرىدا قويۇشقا تەييارلانغان DVD-Video فىلىم ھۆججەتلىرىدىن پەقەت 120 مىنۇتلۇق كۆرۈنۈش ساقلىغىلى بولىدۇ ، ئەگەر Divx شەكلىدە پىرىسلانغان MPEG-4 فىلىملىرى بولسا 7~~10 سائەتلىك كۆرۈنۈش سىغىش مۈمكۈن .
نۆۋەەتتە ،DVD پىلاستىنكىسىنىڭ سىغىملىرى ھەتتا 45~~~ 50 GB غا يەتكەن بولسىمۇ ، بىراق كۆپ ئۇچرايدىغانلىرىدىن ئاساسەن تۆت خىلى بار ، بۇلار تۆۋەندىكىچە :
DVD-5 بولسا __ ھازىرقى ئەڭ كۆپ ئىشلىتىۋاتقان DVD بولۇپ ، بۇنىڭ تېخنىكىسى تولۇق پىشىپ يېتىلگەن ، تاق قەۋەت ، تاق يۈزلۈك بولۇپ سىغىمى 4.7 GB كېلىدۇ .
DVD_10 تاق قەۋەت ، قوش يۈزلۈك بولۇپ، سىغىمى 9.4 GB كېلىدۇ .
DVD-9 قوش قەۋەت ، تاق يۈزلۈك بولۇپ ، سىغىمى 8.5 GB كېلىدۇ .
DVD-18 قوش قەۋەت ، قوش يۈزلۈك بولۇپ، سىغىمى 17 GB كېلىدۇ .
مەنبە: باھادىر تورى .دىن مەرىپەت ئەپەندىم
评论
بارلىق ئۇيغۇرچە بلوگلىرىمىز سىتاستىكىسى
بلوگلىرىمىز بلوگى
بلوگ ئادرېسى : http://bloglirimiz.blogspot.com
بلوگ تۇغى ئادرېسى : http://www.shineblog.com/UploadFiles/2009-1/16214501.jpg
كىيۇ كىيۇ توپى : 34296971
ulanmilar@163.com
ablat1985@126.com
بلوگلاردا ئىشلىتىۋاتقان NiceFont يېڭى نۇسخىسى چىقماقچى. شۇڭلاشقا يېڭى نۇسخىغا تورداشلاردىن پىكىر ئېلىنىۋاتىدۇ. مالال كۆرمەي پىكىر بېرىڭ. پىكىر بېرىش ئادرېسى:
http://baliq.blogspot.com/2009/01/nicefont-30.html