مىللىتىمنىڭ ئەنئەنىۋى تائاملىرىدىن <  ئاق تۆپە > [ئۇلىنىشنى كوپىيەلەش]

< ئاق تۆپە >  ئەجداتلىرىمىزدىن قالغان ئىسىل شىپائى تائام بولۇپ بۈگۈنكى كۈنگە كەلگەندە ئۇتۇلۇشقا قاراپ كىتىۋاتىدۇ
ھەتتا بەزىللىرىمىز ئىسمىنىمۇ ئاڭلاپ باقمىغان بولىشىمىز مۈمكىن ، شۇڭا ئاق تۆپە تەييارلاش ئۇسۇلىنى  تونۇشتۇراي
سۈرەتلىك قىلىشقا ئىمكانىيەت بولمىدى كىيىنچە چوقۇم سۈرىتىنى يوللاپ قويىمەن،

ئاساسى ماتىريال: بىر قوينڭ كاللا پاچىغى يەنى بىر كاللا تۆت پاچاق
قوشۇمچە: گۈرۈچ 1 كىلوگىرام ، باش پىياز 1 تال، پەمىدۇر بىر تال ، تۇز، سۇ مۇۋاپىق مىقداردا
ئىشلەش ئۇسۇلى : ئۈكلەنگەن كاللا پاچاقنى پاكىزە يۇيۇپ ئاستىنقى يىڭاق بىلەن ئۈستىنكى يىڭاقنى ئاجىرىتىپ
قازانغا ئېسىپ سۇ قۇيۇپ تۇز سېلىپ  قاينىغاندا كۈپۈكلىرىنى سۈزۈپ ئېلىپ ئوتنى پەس قىلىپ سۆڭىگىدىن ئاجىراپ
پىشقۇچە قاينىتىمىز، پىشىپ بولغان كاللا پاچاقنى سۈزۈپ ئېلىپ  ئۇستىخىنىدىن ئاجىرىتىپ  شورپىسىنى
سۈزگۈچ چويلىغا سۈزۈپ جاۋۇرغا چۈشۈرىۋېلىپ  گۈرۈچنى پاكىزە يۇيۇپ كاللا پاچاق شورپىسىنى قۇيۇپ
دۈملەيمىز گۈرۈچ پىشقۇچە كاللا پاچاق گۆشىنى ئۇشاق توغراپ تەييارلايمىز ھەم پەمىدۇر بىلەن پىيازنىمۇ
ئايرىم ئايرىم ئۇشاق توغرىۋالىمىز ، گۈرۈچ پىشقاندا چوڭاراق لىگەنگە ئۇسۇپ ئېلىۋېلىپ  قازانغا ئاز ماي قۇيۇپ
پىياز بىلەن پەمىدۇرنى پىشىق قورۇپ ئالىمىزدە پىشۇرۋلغان گۈرۈچنىڭ ئۈستىگە تۆكۈپ توغرىۋالغان كاللا پاچاق گۆشىنىمۇ
ئۈستىگە تۆكۈپ ئارلاشتۇرۇپ ئىستىمال قىلىمىز،

دىگەندەك مەن بۇتاماقنىڭ ئىسمىنىمۇ ئاڭلاپ باقمىغان ،تەپسىلى چۈشەندۈرۈپسىز، رەھمەت سىزگە.

رەسىملىك بولغان بولسىغۇ تەلپەكنى ئۈزىلا كىيەركەن

ناھايىتى ياخشى تاماكەنبۇ ئوزۇقلۇق قىممىتىمۇ بەك چوڭدەك قىلىدۇ   مەن ئۇگۇنۇۋالدىم رەھمەت سىزگە  بىزگە مۇشۇنداق بىلمەيدىغان تاماقلارنى بىلدۇرگىنىڭىزگە كۆپ رەھمەت،،،،،،،

مەنمۇ ئاڭلىماپتىكەنمەن  قانداق تائامدۇ   ئىمكان بولسا رەسىمىنى يوللاپ قويسىڭز

چۇقۇم مىزلىگ بۇتۇ

مەنمۇ ئاڭلاپ باقمىغان

مەنمۇ ئاڭلاپ باقمىغان،سىناپ كۆرەي چوقۇم مېزىلىك بولىدۇ.گۈرۈچنى شوۋا گۈرۈچتەك قويۇقلۇقتا پىشىرامدۇق ياكى سۈيى تارتىلغىچە پىشۇرامدۇق؟

مەنمۇ ئاڭلاپ باقمىغان،سىناپ كۆرەي چوقۇم مېزىلىك بولىدۇ.گۈرۈچنى شوۋا گۈرۈچتەك قويۇقلۇقتا پىشىرامدۇق ياكى سۈيى تارتىلغىچە پىشۇرامدۇق؟

ئامال بار سۈيى تارتۇلغىچە پىشۇرۇڭ!!!!! ياشانغانلارغا قىلسىڭىز  شويلىنىڭ يىرىگلىكىدە قىلسىڭىز بولىدۇ ،
شوۋاگۈرۈچتەك قىلسىڭىز بەكلا سۇيۇق بوپ قالىدۇ ،

مەنمۇ بۇ تاماقنىڭ ئىسمىنى ئاڭلاپ باقماپتىكەنمەن.