مۇخبىرنىڭ 15-سېنتەبىر ئۈرۈمچى جەنۇبىي شەھەر ئەتراپى يولۇچىلار بېكىتىدىن ئىگىلىشىچە، دۆلەت بايرىمى مەزگىلىدە ئۈرۈمچىدىن خوتەن، قەشقەر، ئاقسۇ، كورلا قاتارلىق جايلارغا قاتنايدىغان ئاپتوبۇسلارنىڭ بېلەتلىرى بەش كۈن بۇرۇن سېتىلىدىكەن، يەكەن، شايار، جىڭ، باي قاتارلىق ناھىيەلەرگە قاتنايدىغان ئاپتوبۇسلارنىڭ بېلەتلىرى ئۈچ كۈن بۇرۇن سېتىلىدىكەن. ھەربىي تەمىنات يولۇچىلار بېكىتىدىن شىخەنزە، كۇيتۇن قاتارلىق جايلارغا قاتنايدىغنا ئاپتوبۇسلارنىڭ بېلەتلىرى بىر ھەپتە بۇرۇن سېتىلىدىكەن، ھەر قايسى تۇەن-مەيدانلارغا بارماقچى بولغانلار بېلەتنى ئىككى كۈن بۇرۇن سېتىۋالسا بولىدىكەن. خۇمدانلىق ئۇزۇن يوللۇق يولۇچىلار بېكىتىدە سېتىلىدىغان بېلەتلەر بىردەك 10 كۈن بۇرۇن سېتىلىدىكەن. شىمالىي شەھەر ئەتراپى يولۇچىلار بېكىتىدىن بار كۆل ۋە ئاراتۈرۈك ناھىيەسىنىڭ نوم بازىرىغا قاتنايدىغنا ئاپتوبۇسلارنىڭ بېلەتلىرى بەش كۈن بۇرۇن سېتىلىدىكەن، جىمسار، گۇچۇڭ، فۇكاڭ قاتارلىق جايلارغا قاتنايدىغان ئاپتوبۇسلارنىڭ بېلەتلىرى ئالدىن سېتىلمايدىكەن.
ئالاھىدە ئەسكەرتىپ ئۆتۈشكە تېگىشلىكى شۇكى، ئالدىن بېلەت سېتىۋالماقچى بولغانلار چوقۇم شۇ يولۇچىنىڭ كىملىكى ياكى پىراۋىسى، ئوفىتسېرلىق كىنىشكىسى، ئوقۇغۇچىلىق كىنىشكىسى، ئولتۇراقلىشىش كىنىشكىسى ۋە نوپۇس دەپتىرى قاتارلىق ئىناۋەتلىك گۇۋاھنامىلىرىنى ئېلىپ، بېلەت سېتىۋېلىش كۆزنەكلىرىدىن بېلەت سېتىۋېلىشى كېرەك ئىكەن.
