شىنخۇا تورى، بېيجىڭ، 12-ئۆكتەبىر تېلېگراممىسى: ئاۋمېندىكى تەكشۈرۈشىنى مۇۋەپپەقىيەتلىك ئاياغلاشتۇرغان ۋە جۇڭگو-پورتۇگالىيە مۇنبىرىنىڭ 5-قېتىملىق مىنىستىر دەرىجىلىكلەر يىغىنىغا قاتناشقاندىن كېيىن، زۇڭلى لى كېچياڭ 12-ئۆكتەبىر چۈشتە ئاۋمېندىن ئايرىلىش ئالدىدا ئايرودۇرۇمدا سۆز قىلىپ مۇنداق دېدى: مەن بۇ قېتىمقى سەپىرىمدە ئاۋمېنلىق قېرىنداشلارنىڭ ۋەتەننى، ئاۋمېننى سۆيىدىغان، كەڭ قورساق، ئۆزئارا ياردەم بېرىدىغان، باتۇرلارچە ئالغا ئىلگىرىلەيدىغان روھىنى ھېس قىلدىم. مەركىزىي ھۆكۈمەت ئاۋمېن ئالاھىدە مەمۇرىي رايونىنىڭ باش مەمۇرى ۋە ئالاھىدە رايون ھۆكۈمىتىنىڭ قانۇن بويىچە مەمۇرىيەت يۈرگۈزۈشىنى داۋاملىق قوللاپ، ئىچكىرى بىلەن ئاۋمېننىڭ ئالماشتۇرۇش ۋە ھەمكارلىقىغا تۈرتكە بولىدۇ. ئاۋمېن كەلگۈسىدە چوقۇم تېخىمۇ گۈللىنىدۇ.
