ﺗﯧﯖﺸﯜﻥ ﺗﻮﺭﻯ ﺧﻪﯞﯨﺮﻯ. ﻣﯘﺧﺒﯩﺮﻧﯩﯔ ﺧﯧﻔﯩﻲ ﺷﻪﮬﯩﺮﯨﺪﯨﻜﻰ ﺋﺎﻻﻗﯩﺪﺍﺭ ﺗﺎﺭﻣﺎﻗﻼﺭﺩﯨﻦ ﺋﯩﮕﻪﻟﻠﯩﺸﯩﭽﻪ، ﺧﯧﻔﯩﻲ ﺷﻪﮬﻪﺭﻟﯩﻚ ﺳﯩﻴﺎﺳﯩﻲ ﻛﯧﯖﻪﺷﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﻣﻪﻥ ﻣﯩﯖﺌﻪﻧﻨﯩﯔ 28-ﺋﯩﻴﯘﻝ ﺳﻪﮬﻪﺭﺩﻩ ﺧﯧﻔﯩﻴﺪﯨﻜﻰ ﺑﯩﺮ ﻣﻪﮬﻪﻟﻠﯩﺪﻩ ﺋﯧﺴﯩﻠﯩﭗ ﺋﯚﻟﯜﯞﺍﻟﻐﺎﻧﻠﯩﻘﻰ ﺑﺎﻳﻘﺎﻟﻐﺎﻥ. 28-ﺋﯩﻴﯘﻝ ﺳﺎﺋﻪﺕ ﻳﻪﺗﺘﯩﻠﻪﺭﺩﻩ ﺧﯧﻔﯩﻲ ﺳﺎﻗﭽﻰ ﺩﺍﺋﯩﺮﯨﻠﯩﺮﻯ ﺋﺎﻣﻤﯩﻨﯩﯔ ﺧﯧﻔﯩﻲ ﺷﻪﮬﯩﺮﯨﻨﯩﯔ ﺳﯘﯕﻠﯩﻦ ﻳﻮﻟﻰ ﯞﻩ ﺷﯩﻤﯩﻦ ﻳﻮﻟﻰ ﻛﯧﺴﯩﺸﻜﻪﻥ ﺟﺎﻳﺪﯨﻜﻰ ﻣﻪﻟﯘﻡ ﻣﻪﮬﻪﻟﻠﻪ ﺋﻮﻟﺘﯘﺭﺍﻕ ﺑﯩﻨﺎﺳﯩﻨﯩﯔ ﺋﻪﯓ ﺋﯜﺳﺘﯜﻧﻜﻰ ﻗﻪﯞﯨﺘﯩﺪﻩ ﺑﯩﺮﻩﻳﻠﻪﻧﻨﯩﯔ ﺋﯧﺴﯩﻠﯩﭗ ﺋﯚﻟﯜﯞﺍﻟﻐﺎﻧﻠﯩﻘﯩﻨﻰ ﻣﻪﻟﯘﻡ ﻗﯩﻠﻐﺎﻥ ﺗﯧﻠﯧﻔﯘﻧﯩﻨﻰ ﺗﺎﭘﺸﯘﺭﯗﻟﻐﺎﻥ. ﺳﺎﻗﭽﯩﻼﺭ ﻣﻪﻟﯘﻣﺎﺗﻨﻰ ﺗﺎﭘﺸﯘﺭﯗﯞﺍﻟﻐﺎﻧﺪﯨﻦ ﻛﯧﻴﯩﻦ ﺩﻩﺭﮬﺎﻝ ﻧﻪﻕ ﻣﻪﻳﺪﺍﻧﻐﺎ ﻛﻪﻟﮕﻪﻥ، ﺋﺎﺭﻗﯩﺪﯨﻦ ﻛﻪﻟﮕﻪﻥ 120 ﻗﯘﺗﻘﯘﺯﯗﺵ ﺧﺎﺩﯨﻤﻠﯩﺮﻯ ﺑﯘ ﻛﯩﺸﯩﻨﯩﯔ ﻧﻪﭘﻪﺳﺘﯩﻦ ﻗﺎﻟﻐﺎﻧﻠﯩﻘﯩﻨﻰ ﺩﻩﻟﯩﻠﻠﯩﮕﻪﻥ. ﺳﺎﻗﭽﯩﻼﺭﻧﯩﯔ ﻧﻪﻕ ﻣﻪﻳﺪﺍﻧﻨﻰ ﺗﻪﻛﺸﯜﺭﯛﺷﻰ ﺋﺎﺭﻗﯩﻠﯩﻖ ﺋﯚﻟﮕﯜﭼﯩﻨﯩﯔ ﻣﻪﻥ X ﺑﻮﻟﯘﭖ، ﺑﯘ ﻳﯩﻞ 60 ﻳﺎﺷﺘﺎ ﺋﯩﻜﻪﻧﻠﯩﻜﻰ ﺋﯧﻨﯩﻘﻼﻧﻐﺎﻥ. ﺳﺎﻗﭽﯩﻼﺭ ﺩﻩﺳﻠﻪﭘﻜﻰ ﻗﻪﺩﻩﻣﺪﻩ ﺗﻪﻛﺸﯜﺭﯛﺵ ﺋﺎﺭﻗﯩﻠﯩﻖ ﺋﯧﺴﯩﻠﯩﭗ ﺋﯚﻟﯜﯞﺍﻟﻐﺎﻧﻠﯩﻘﯩﻨﻰ ﺑﯧﻜﯩﺘﻜﻪﻥ. ﺋﯩﮕﻪﻟﻠﯩﻨﯩﺸﯩﭽﻪ، ﺋﯚﻟﮕﯜﭼﻰ ﺧﯧﻔﯩﻲ ﺷﻪﮬﻪﺭﻟﯩﻚ ﺳﯩﻴﺎﺳﯩﻲ ﻛﯧﯖﻪﺷﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﻣﻪﻥ X ﺑﻮﻟﯘﭖ، ﺋﯩﻠﮕﯩﺮﻯ ﺋﻮﻥ ﻳﯩﻞ ﺧﯧﻔﯩﻲ ﺷﻪﮬﻪﺭﻟﯩﻚ ﺧﻪﻟﻖ ﺗﻪﭘﺘﯩﺶ ﻣﻪﮬﻜﯩﻤﯩﺴﻰ ﭘﺎﺭﺗﮕﯘﺭﯗﭘﭙﯩﺴﯩﻨﯩﯔ ﺷﯘﺟﯩﺴﻰ، ﺑﺎﺵ ﺗﻪﭘﺘﯩﺶ ﺑﻮﻟﯘﭖ ﺋﯩﺸﻠﯩﮕﻪﻥ ﺋﯩﻜﻪﻥ. ﺋﺎﺷﻜﺎﺭﺍ ﻣﺎﺗﯧﺮﯨﻴﺎﻟﻼﺭﺩﺍ ﻛﯚﺭﺳﯩﺘﯩﻠﯩﺸﯩﭽﻪ، ﺧﯧﻔﯩﻲ ﺷﻪﮬﻪﺭﻟﯩﻚ ﺧﻪﻟﻖ ﺗﻪﭘﺘﯩﺶ ﻣﻪﮬﻜﯩﻤﯩﺴﻰ ﯞﻩ ﺳﻮﺕ ﻣﻪﮬﻜﯩﻤﯩﺴﯩﻨﯩﯔ ﺩﯙﻟﻪﺗﻨﯩﯔ ﻗﺎﻧﯘﻥ ﻳﯜﺭﮔﯜﺯﯛﺵ ﺳﯩﺴﺘﯧﻤﯩﺴﯩﺪﺍ ﺗﻪﺳﯩﺮﻯ ﺧﯧﻠﻰ ﭼﻮﯓ ﺑﻮﻟﯘﭖ، ﺑﯘﻧﺪﯨﻦ ﺑﯘﺭﯗﻥ ﺩﯙﻟﻪﺗﺘﻪ ﺩﯨﻘﻘﻪﺕ ﻗﻮﺯﻏﺎﻟﻐﺎﻥ ﻣﯘﮬﯩﻢ ﺩﯦﻠﻮﻻﺭﻧﻰ ﺑﯩﺮ ﺗﻪﺭﻩﭖ ﻗﯩﻠﻐﺎﻥ. 2012-ﻳﯩﻠﻰ ﻣﻪﻥ ﻣﯩﯖﺌﻪﻥ ﺧﯧﻔﯩﻲ ﺷﻪﮬﻪﺭﻟﯩﻚ ﺧﻪﻟﻖ ﺗﻪﭘﺘﯩﺶ ﻣﻪﮬﻜﯩﻤﯩﺴﯩﻨﯩﯔ ﺑﺎﺵ ﺗﻪﭘﺘﯩﺸﻰ ﺑﻮﻟﻐﺎﻥ ﻣﻪﺯﮔﯩﻠﺪﻩ، ﺗﻪﭘﺘﯩﺶ ﻣﻪﮬﻜﯩﻤﯩﺴﻰ ﺑﻮﮔﯘ ﻛﻪﻳﻠﻪﻳﻨﯩﯔ ﺋﺎﺩﻩﻡ ﺋﯚﻟﺘﯜﺭﯛﺵ ﺩﯦﻠﻮﺳﯩﻨﻰ ﺋﻪﻳﯩﺒﻠﻪﭖ، ﺋﺎﻟﯩﻲ ﺗﻪﭘﺘﯩﺶ ﻣﻪﮬﻜﯩﻤﯩﺴﻰ ﺗﻪﺭﯨﭙﯩﺪﯨﻦ <1-ﺩﻩﺭﯨﺠﯩﻠﯩﻚ ﺧﯩﺰﻣﻪﺕ ﻛﯚﺭﺳﻪﺗﻜﻪﻥ ﻛﻮﻟﻠﯧﻜﺘﯩﭗ> ﺩﻩﭖ ﺋﻪﻧﮕﻪ ﺋﯧﻠﯩﻨﻐﺎﻥ.<ﺧﻪﻟﻖ ﮔﯧﺰﯨﺘﻰ> ﻧﻪﺷﯩﺮﯨﻴﺎﺗﻰ 2012-ﻳﯩﻠﻰ ﻧﻪﺷﯩﺮ ﻗﯩﻠﻐﺎﻥ <ﺟﯘﯕﮕﻮﺩﯨﻜﻰ ﺗﻪﭘﺘﯩﺸﻠﻪﺭ ﺑﯩﻠﻪﻥ ﺑﻮﻟﻐﺎﻥ ﺳﯚﮬﺒﻪﺕ ﺧﺎﺗﯩﺮﯨﺴﻰ (ﺋﻪﻧﺨﯜﻱ ﻗﯩﺴﻤﻰ)> ﺩﺍ ﻣﻪﻥ ﻣﯩﯖﺌﻪﻧﻨﯩﯔ ﺗﻪﺭﺟﯩﻤﮭﺎﻟﯩﺪﺍ ﺋﯘﻧﯩﯔ 2003-ﻳﯩﻠﻰ ﻓﯧﯟﺭﺍﻟﺪﺍ ﺧﯧﻔﯩﻲ ﺷﻪﮬﻪﺭﻟﯩﻚ ﺧﻪﻟﻖ ﺗﻪﭘﺘﯩﺶ ﻣﻪﮬﻜﯩﻤﯩﺴﻰ ﭘﺎﺭﺗﮕﯘﺭﯗﭘﭙﯩﺴﯩﻨﯩﯔ ﺷﯘﺟﯩﺴﻰ ﯞﻩ ﺑﺎﺵ ﺗﻪﭘﺘﯩﺸﻰ ﺑﻮﻟﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ. ﺧﯧﻔﯩﻲ ﺷﻪﮬﻪﺭﻟﯩﻚ ﺳﯩﻴﺎﺳﯩﻲ ﻛﯧﯖﻪﺵ ﺋﻮﺭﮔﺎﻥ ﺗﻮﺭﯨﻐﺎ ﻗﺎﺭﯨﻐﺎﻧﺪﺍ، 2013-ﻳﯩﻠﻰ 8-ﻳﺎﻧﯟﺍﺭ ﻣﻪﻥ ﻣﯩﯖﺌﻪﻥ ﺧﯧﻔﯩﻲ ﺷﻪﮬﻪﺭﻟﯩﻚ ﺳﯩﻴﺎﺳﯩﻲ ﻛﯧﯖﻪﺵ 13-ﻧﯚﯞﻩﺗﻠﯩﻚ 1-ﻳﯩﻐﯩﻨﯩﺪﺍ ﺳﯩﻴﺎﺳﯩﻲ ﻛﯧﯖﻪﺷﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﯩﻠﯩﻜﯩﮕﻪ ﺳﺎﻳﻼﻧﻐﺎﻥ. ﻣﻪﻥ ﻣﯩﯖﺌﻪﻥ 25-ﺋﯩﻴﯘﻥ ﺗﺎﺭﺍﺗﻘﯘﻻﺭﺩﺍ ﺋﺎﺧﯩﺮﻗﻰ ﻗﯧﺘﯩﻢ ﺋﺎﺷﻜﺎﺭﺍ ﻛﯚﺭﯛﻧﮕﻪﻥ. <ﺧﯧﻔﯩﻲ ﮔﯧﺰﯨﺘﻰ> ﻧﯩﯔ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ، ﺧﯧﻔﯩﻲ ﺷﻪﮬﻪﺭﻟﯩﻚ ﺳﯩﻴﺎﺳﯩﻲ ﻛﯧﯖﻪﺷﻨﯩﯔ 2015-ﻳﯩﻠﻠﯩﻖ 2-ﻗﺎﺭﺍﺭﻟﯩﻖ ﺭﻩﺋﯩﺴﻠﻪﺭ ﻛﯩﺘﺎﺏ ﺋﻮﻗﯘﺵ ﻳﯩﻐﯩﻨﻰ ﺷﯘ ﻛﯜﻧﻰ ﺷﻪﮬﻪﺭﻟﯩﻚ ﺳﯩﻴﺎﺳﯩﻲ ﺋﯩﺸﻼﺭ ﻣﻪﺭﻛﯩﺰﯨﺪﻩ ﺋﯧﭽﯩﻠﻐﺎﻥ. ﺷﻪﮬﻪﺭﻟﯩﻚ ﺳﯩﻴﺎﺳﯩﻲ ﻛﯧﯖﻪﺷﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﻣﻪﻥ ﻣﯩﯖﺌﻪﻥ ﻗﺎﺗﺎﺭﻟﯩﻖ ﻛﯩﺸﯩﻠﻪﺭ ﻳﯩﻐﯩﻨﻐﺎ ﻗﺎﺗﻨﺎﺷﻘﺎﻥ.<ﭘﯩﯖﺒﻪﻱ ﺧﻪﯞﻩﺭﻟﯩﺮﻯ> ﻧﯩﯔ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ، ﺧﯧﻔﯩﻲ ﺷﻪﮬﻪﺭﻟﯩﻚ ﺳﯩﻴﺎﺳﯩﻲ ﻛﯧﯖﻪﺷﻨﯩﯔ ﺋﻮﺭﮔﺎﻥ ﺗﻮﺭﻯ ﻣﻪﻥ ﻣﯩﯖﺌﻪﻧﻨﯩﯔ ﺧﯩﺰﻣﻪﺕ ﺗﻪﻗﺴﯩﻤﺎﺗﯩﻨﻰ ﺋﯧﻼﻥ ﻗﯩﻠﻤﯩﻐﺎﻥ، ﺋﻪﻣﻤﺎ ﺋﺎﺷﻜﺎﺭﺍ ﺧﻪﯞﻩﺭﻟﻪﺭﺩﯨﻜﻰ ﻣﻪﻥ ﻣﯩﯖﺌﻪﻧﻨﯩﯔ ﺋﺎﻣﻤﯩﯟﯨﻲ ﭘﺎﺋﺎﻟﯩﻴﯩﺘﯩﺪﯨﻦ ﻗﺎﺭﯨﻐﺎﻧﺪﺍ، ﺋﯘﻧﯩﯔ ﮬﺎﺯﯨﺮﻗﻰ ﺧﯩﺰﻣﯩﺘﻰ ﻗﺎﻧﯘﻥ ﺳﺎﮬﻪﺳﯩﮕﻪ ﻛﯚﭘﺮﻩﻙ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯘﭖ، ﺗﻪﻛﺸﯜﺭﯛﭖ ﻛﯚﺯﺩﯨﻦ ﻛﻪﭼﯜﺭﯛﺵ ﺋﯩﺸﻠﯩﺮﯨﺪﺍ ﻛﯚﭘﯩﻨﭽﻪ ﺧﯧﻔﯩﻲ ﺷﻪﮬﻪﺭﻟﯩﻚ ﺳﯩﻴﺎﺳﯩﻲ ﻛﯧﯖﻪﺵ ﺋﯩﺠﺘﯩﻤﺎﺋﯩﻲ ﻗﺎﻧﯘﻥ ﻛﻮﻣﯩﺘﯧﺘﻰ ﺋﯘﻧﯩﯔ ﺑﯩﻠﻪﻥ ﺑﯩﻠﻠﻪ ﺑﻮﻟﻐﺎﻥ. ﺋﺎﻻﻳﻠﯘﻕ، 8-ﺋﯩﻴﯘﻝ ﻣﻪﻥ ﻣﯩﯖﺌﻪﻥ ﺧﯧﻔﯩﻲ ﺷﻪﮬﯩﺮﻯ ﻟﯘﺟﻴﺎﯓ ﻧﺎﮬﯩﻴﻪﺳﻰ ﮔﻮﺧﯥ ﺑﺎﺯﯨﺮﻯ ﺑﯧﻴﺸﯜ ﻛﻪﻧﺘﯩﻨﯩﯔ ﮔﯜﺯﻩﻝ ﻳﯧﺰﺍ-ﻛﻪﻧﺖ ﻗﯘﺭﯗﺵ ﺋﻪﮬﯟﺍﻟﯩﻨﻰ ﺗﻪﻛﺸﯜﺭﯛﭖ ﺗﻪﺗﻘﯩﻖ ﻗﯩﻠﻐﯩﻠﻰ ﺑﺎﺭﻏﺎﻧﺪﺍ، ﺧﯧﻔﯩﻲ ﺷﻪﮬﻪﺭﻟﯩﻚ ﺳﯩﻴﺎﺳﯩﻲ ﻛﯧﯖﻪﺵ ﺋﯩﺠﺘﯩﻤﺎﺋﯩﻲ ﻗﺎﻧﯘﻥ ﻛﻮﻣﯩﺘﯧﺘﯩﻨﯩﯔ ﻣﯘﺩﯨﺮﻯ ﻗﺎﺗﺎﺭﻟﯩﻖ ﻛﯩﺸﯩﻠﻪﺭ ﺑﯩﻠﻠﻪ ﺑﺎﺭﻏﺎﻥ. ﻳﯧﻘﯩﻨﺪﺍ، ﺋﻪﻧﺨﯜﻱ ﺋﯚﻟﻜﯩﺴﯩﺪﻩ ﺭﻩﮬﺒﯩﺮﯨﻲ ﻛﺎﺩﯨﺮﻻﺭﻧﯩﯔ ﺑﯩﻨﻮﺭﻣﺎﻝ ﺋﯚﻟﯜﭖ ﻛﯧﺘﯩﺶ ﯞﻩﻗﻪﻟﯩﺮﻯ ﺧﯧﻠﻰ ﻛﯚﭖ ﻳﯜﺯ ﺑﻪﺭﺩﻯ، ﺑﯘﻧﯩﯔ ﺋﯩﭽﯩﺪﻩ ﺑﯩﻨﺎﺩﯨﻦ ﺳﻪﻛﺮﻩﭖ ﺋﯚﻟﯜﺵ ﻛﯚﭘﺮﻩﻙ ﻛﯚﺭﯛﻟﺪﻯ. ﺗﻪﺳﯩﺮﻯ ﺯﻭﺭ ﺑﻮﻟﻐﺎﻧﻼﺭﺩﯨﻦ: 2014-ﻳﯩﻠﻰ 24-ﺋﯩﻴﯘﻥ ﺋﯚﺯﯨﻨﻰ ﺑﯩﻨﺎﺩﯨﻦ ﺗﺎﺷﻠﯩﯟﺍﻟﻐﺎﻥ ﺗﻮﯕﻠﯩﻦ ﺭﻩﯕﻠﯩﻚ ﻣﯧﺘﺎﻝ ﮔﯘﺭﯗﮬﻰ ﭘﺎﻱ ﺋﯩﮕﯩﺪﺍﺭﭼﯩﻠﯩﻖ ﭼﻪﻛﻠﯩﻚ ﺷﯩﺮﻛﯩﺘﯩﻨﯩﯔ ﺳﺎﺑﯩﻖ ﺑﺎﺵ ﻣﯘﺩﯨﺮﻯ، ﭘﺎﺭﺗﻜﻮﻡ ﺷﯘﺟﯩﺴﻰ ﯞﯦﻲ ﺟﻴﺎﯕﺨﯘﯓ، 2015-ﻳﯩﻠﻰ 27-ﻳﺎﻧﯟﺍﺭ ﺋﯚﺯﯨﻨﻰ ﺑﯩﻨﺎﺩﯨﻦ ﺗﺎﺷﻠﯩﯟﺍﻟﻐﺎﻥ ﻣﺎﺋﻪﻧﺸﻪﻥ ﺷﻪﮬﻪﺭﻟﯩﻚ ﻗﺎﻧﯘﻥ ﻳﯜﺭﮔﯜﺯﯛﺵ ﺋﯩﺪﺍﺭﯨﺴﻰ ﭘﺎﺭﺗﮕﯘﺭﯗﭘﭙﯩﺴﯩﻨﯩﯔ ﺳﺎﺑﯩﻖ ﺷﯘﺟﯩﺴﻰ، ﺋﯩﺪﺍﺭﻩ ﺑﺎﺷﻠﯩﻘﻰ ﻟﻴﯘ ﺷﯚﺟﻴﯥ، 2015-ﻳﯩﻠﻰ 31-ﻣﺎﺭ ﺋﯚﺯﯨﻨﻰ ﺑﯩﻨﺎﺩﯨﻦ ﺗﺎﺷﻠﯩﯟﺍﻟﻐﺎﻥ ﻣﺎﺋﻪﻧﺸﻪﻥ ﺷﻪﮬﻪﺭﻟﯩﻚ ﺋﺎﺩﻩﻡ ﻛﯜﭼﻰ ﺑﺎﻳﻠﯩﻘﻰ ﯞﻩ ﺋﯩﺠﺘﯩﻤﺎﺋﯩﻲ ﻛﺎﭘﺎﻟﻪﺕ ﺋﯩﺪﺍﺭﯨﺴﻰ ﭘﺎﺭﺗﮕﯘﺭﯗﭘﭙﯩﺴﯩﻨﯩﯔ ﺳﺎﺑﯩﻖ ﺋﻪﺯﺍﺳﻰ، ﺋﯩﻨﺘﯩﺰﺍﻡ ﺗﻪﻛﺸﯜﺭﯛﺵ ﮔﯘﺭﯗﭘﭙﯩﺴﯩﻨﯩﯔ ﺑﺎﺷﻠﯩﻘﻰ ﮔﯘﯓ ﺑﯩﻦ ﻗﺎﺗﺎﺭﻟﯩﻘﻼﺭ ﺑﺎﺭ.
