ئۇنتۇلمايسەن، لوتپۇللاھ-لوتۇن ئاكا!

ۋاقتى : 2014-03-20 مەنبەسى : يوللىغۇچى : ئانا تۇپراق كۆرۈلىشى : قېتىم

(لوتپۇللاھ مۇتەللىپ تۇغۇلغانلىقىنىڭ توقسان يىللىقىنى خاتىرىلەپ)

ئابدۇرەئوپ تەكلىماكانىي

ئەزەلدىن دولقۇنلۇق ئىلى دەرياسى،
بويىدا كۈرەشچان مەردلەر ئىزناسى.
لوتپۇللاھ مۇتەللىپ كېلىدۇ باشتا،
تۆھپىكار ئەجدادنىڭ پەخىر بەرناسى.

شوئارى ئىدى ئۇنىڭ «ياشلىق- ئۆگەن»،
«ئىجاد» بىلەن يىللارغا جاۋاب بەرگەن.
«ۋەتەن- خەلقىم گۈللەنسە ئەل بىلەن تەڭ،
مېنىڭ گۈلۈم ئاندىن ئېچىلار» دېگەن.

رىقابەت قاينىغان كۈرەشچان زامان،
ئۆگىتەر شۇنداق بىر زاكوننى ھامان:
ئىقبالنى قۇچىدۇ، كۆكتە ئۇچىدۇ،
ئىلىم-پەن، مەرىپەت ساھىبى بولغان.

ئەبەتكە دولقۇنلار ئىلى دەرياسى،
بويىدا ئۆكسۈمەس چېلىش ساداسى.
ئىز باسقان ئەۋلادنىڭ قەلبىدە مەشئەل،
لوتپۇللاھ-جاسارەت، كۈرەش سىماسى،

نەقرات:
ئۇنتۇلمايسەن لوتپۇللاھ- لوتۇن ئاكا،
ئويغۇر قەلبى مەڭگۈلۈك مەپتۇن ساڭا!
2012 -يىل، 7- يانۋار، بېيجىڭ.