31-يانۋار، چاغاننىڭ بىرىنچى كۈنى، جۇڭگو كوممۇنىستىك پارتىيەسى مەركىزىي كومىتېتى سىياسىي بىيۇروسىنىڭ ئەزاسى ، شىنجاڭ ئۇيغۇر ئاپتونوم رايونلۇق پارتكومنىڭ شۇجىسى جاڭ چۈنشيەن فۇكاڭ شەھىرى چېڭ گۈەن بازىرى لياڭ فەن كەنتىدىكى ئاممىنى يوقلىدى

جۇڭخۇا مىللەتلىرىنىڭ ئەنئەنىۋى بايرىمى چاغان يېتىپ كەلدى. 31-يانۋار، چاغاننىڭ بىرىنچى كۈنى جۇڭگو كوممۇنىستىك پارتىيەسى مەركىزىي كومىتېتى سىياسىي بىيۇروسىنىڭ ئەزاسى ، شىنجاڭ ئۇيغۇر ئاپتونوم رايونلۇق پارتكومنىڭ شۇجىسى جاڭ چۈنشيەن سانجى خۇيزۇ ئاپتونوم ئوبلاستىغا بېرىپ، بايرام مەزگىلىدە ئىش ئورنىدىن ئايرىلماي خىزمەت قىلىۋاتقان ئىشچى-خىزمەتچىلەر، ئاساسىي قاتلامدىكى ئامما، جامائەت خەۋپسىزلىكى ساقچىلىرى ۋە ئىنقىلابىي قۇربانلار ئائىلە تاۋابىئاتلىرىدىن بايراملىق ھال سورىدى ھەمدە پۈتۈن شىنجاڭدىكى ھەرمىللەت ئاممىسىغا شىنجاڭ ئۇيغۇر ئاپتونوم رايونلۇق پارتكوم ۋە خەلق ھۆكۈمىتىنىڭ بايراملىق ئەڭ گۈزەل تىلەكلىرىنى يەتكۈزدى. شىنجاڭ ئۇيغۇر ئاپتونوم رايونلۇق پارتكومنىڭ مۇئاۋىن شۇجىسى، ئاپتونوم رايوننىڭ رەئىسى نۇر بەكرى، بەي جىجيې، شيۇڭ شۈەنگو قاتارلىق رەھبەرلەر ھال سوراشتا بىللە بولدى.