شىنخۇا تورى خەۋىرى، نۇر تورى تەرجىمىسى: خىمىيىۋى قوراللارنى مەنئى قىلىش تەشكىلاتىنىڭ باش ئىش بېجىرگۈچىسى 31-يانۋاردىكى ئاخبارات ئېلان قىلىش يىغىنىدا مۇنداق دېدى: سۇرىيەنىڭ خىمىيىۋى قوراللىرىنى چەتئەللەردە كۆيدۈرۈش مۇساپىسى باشلاندى، بىراق بۇ مۇساپىنىڭ سۈرئىتىنى كۆرۈنەرلىك ھالدا تېزلىتىش كېرەك.

خىمىيىۋى قوراللارنى مەنئىي قىلىش تەشكىلاتى مۇنداق دېدى: سۇرىيەدىكى خىمىيىۋى قوراللارنى كۆيدۈرۈش خىزمىتى باشلانغاندىن كىيىن، بۇ تەشكىلات ئىزچىل تۈردە قەرەرلىك ھالدا ئالاقىدار پىلانلارنىڭ ئىجرا قىلىنىش ئەھۋالىنى نازارەت قىلماقتا. بىراق سۇرىيەنىڭ خىمىيىۋى قوراللىرىنى چەتئەللەردە كۆيدۈرۈش خەلقئارانىڭ تېخىمۇ كۆپ قوللىشى ۋە ھەر قايسى تەرەپلەرنىڭ مەبلەغ جەھەتتىن ياردەم بېرىشىگە موھتاج.

ئەسلىدىكى ئورۇنلاشتۇرۇش بويىچە، سۇرىيەدىكى ئەڭ خەتەرلىك بولغان خىمىيىۋى قۇراللار ماتېرىياللىرى 2013-يىلى 12-ئاينىڭ 31-كۈنى چېگرا سىرتىغا يۆتكەپ چىقىلدى، ئاندىن كىيىن دېڭىزدە كۆيدۈرۈلدى. قالغان خىمىيىۋى قوراللار ماتېرىياللىرى 2014-يىلى 2-ئاينىڭ 5-كۈنىدىن ئىلگىرى يۆتكىلىدۇ.