ئاپتونوم رايونلۇق ئاياللار بىرلەشمىسى پارتگۇرۇپپىسىنىڭ شۇجىسى ۋاڭ جيەنلىڭ (سولدىن 2-كىشى) كۆرگەزمە سارىيىدىكى ئاياللار بىلەن سۆھبەتلەشمەكتە

ئۆز مۇخبىرلىرىمىز توخنىياز ئىسمائىل ، بۇئايشەم راخمان خەۋىرى ، فوتوسى: 4-سېنتەبىر ، شىنجاڭ خەلقئارا كۆرگەزمە مەركىزىنىڭ 5-نومۇرلۇق كۆرگەزمە سارىيىدا ، شىنجاڭ ئاياللىرى چىۋەر قوللىرى بىلەن بارلىققا كەلتۈرگەن ئالاھىدە مەھسۇلاتلار جۇڭگو ۋە چەت ئەللىك كۆرگەزمە ئەھلىنىڭ دىققىتىنى تارتتى .
ئاپتونوم رايونلۇق ئاياللار بىرلەشمىسى شىنجاڭنىڭ قول ھۈنەر ، توقۇمىچىلىق كەسپىنىڭ تەرەققىياتىغا تۈرتكە بولۇش ئۈچۈن ، 3-نۆۋەتلىك جۇڭگو ئاسىيا-ياۋروپا كۆرگەزمىسىنىڭ 5-نومۇرلۇق كۆرگەزمە سارىيىدا مەخسۇس شىنجاڭ ئاياللىرى ‹‹گۈزەللىك قۇرۇلۇشى ›› كۆرگەزمە زالى تەسىس قىلىپ ، ھەرقايسى ۋىلايەت ، ئوبلاستلاردىكى ئايال كارخانىچىلارنىڭ مەھسۇلاتلىرىدىن ئىنچىكىلىك بىلەن تاللاپ چىققان سەككىز داڭلىق تاۋار ماركىسى ۋە ‹‹ گۈزەللىك قۇرۇلۇشى ›› بويىچە ئاياللار چىۋەر قوللىرى بىلەن بارلىققا كەلتۈرگەن 1000 دىن ئارتۇق ھەر خىل نەپىس قول ھۈنەر بۇيۇمىنى كۆرگەزمىگە قاتناشتۇرۇپ ، شىنجاڭدىكى ھەر مىللەت ئاياللىرىنىڭ گۈزەللىكنى سۆيىدىغان روھىي قىياپىتىنى نامايان قىلدى .
كۆرگەزمە زالىدا تەييار مەھسۇلاتلارنى كۆرگەزمە قىلىش ۋە نەق مەيداندا كەشتە تىكىش ئارقىلىق ، شىنجاڭ ئاياللىرى ‹‹ گۈزەللىك قۇرۇلۇشى ›› نىڭ سېھرىي كۈچى نامايان قىلىندى .