تېلېۋىزىيە تىياتىرى ‹‹ئانارخان›› 7 – مايدىن باشلاپ مەركىزىي تېلېۋىزىيە ئىستانسىسىدا كۆرسىتىلگەن بىر ھەپتىدىن بۇيان، ئۇنىۋېرسال كۆرۈلۈش نىسبىتى % 1.7 كە يېتىپ، ئوخشاش ۋاقىتتا كۆرسىتىلگەن فىلىملەر ئىچىدە مەملىكەت بويىچە 2 – ئورۇندا تۇردى. جۈملىدىن، بۇ فىلىمنىڭ 4 – قىسمىنىڭ كۆرۈلۈش نىسىبىتى مەركىزىي تېلېۋىزىيە ئىستانسىسىدا كۆرسىتىلگەن تېلېۋىزىيە تىياتىرلىرى ئىچىدە %4.01 كە يەتتى.

بۇ فىلىم 10 – ماي شىنجاڭ سۈنئىي ھەمراھ تېلېۋىزىيە قانىلىدا سائەت 23:33 دىن 23:45 كىچە قويۇلغان 15 مىنۇت ئىچىدە ئۈرۈمچى دائىرىسىدىكى كۆرۈلۈش نىسبىتى %2.0 كە يېتىپ، شىنجاڭ سۈنئىي ھەمراھ تېلېۋىزىيە قانىلىنىڭ ئۈرۈمچى دائىرىسىدە پۈتۈن كۈنلۈك كۆرۈلۈش نىسبىتى بويىچە ئەڭ يۇقىرى رېكورت يارىتىلدى.