جۇڭگو ئاخبارات تورىنىڭ 28-دېكابر خەۋىرى: چەتئەل ئاخباراتلىرىنىڭ خەۋىرىگە ئاساسلانغاندا، مىسىرنىڭ سابىق پىرىزدېنتى مۇبارەك 12-ئاينىڭ 28-كۈنى قاھىرەدە يەنە سوتلانغان، ئۇ ئىككى ئاي ئىلگىرى بىر قېتىم سوتلانغان ئىدى.

پىرىزدېنت مۇبارەك بۇ يىل 2-ئايدا ئىستىپا بەرگەندىن كېيىن، ھوقۇقىنى قالايمىقان ئىشلىتىش، چىرىكلىشىش ۋە خىيانەت قىلىش، نامايىشچىلارغا ئوق چىقىرىشقا بۇيرۇق چۈشۈرۈش قاتارلىق جىنايەتلەر بىلەن ئەيىبلەنگەن. مۇبادا ئۇنىڭ جىنايىتى تۇرغۇزۇلسا، ئېھتىمال ئېغىر بولغاندا ئۆلۈم جازاسى بېرىلىشى مۇمكىن ئىكەن. ئۇنىڭ ئوغلىمۇ ئىنسانىيەتكە قارشى جىنايەت بىلەن ئەيىبلەنگەن. مۇبارەك ۋە ئوغۇللىرى ئەيىبلەشلەرنى ئىنكار قىلغان.

-ئاينىڭ 28-كۈنى، مۇبارەك دوختۇخانىنىڭ ھارۋىسىدا سوتقا كەلگەن. مۇبارەك بېلىكى بىلەن كۆزىنى ئېتىۋالغان بولۇپ، ئەتراپىنى ساقچىلار قورشاپ تۇرغان. مۇبارەك ئىزچىل قاھىرەدىكى بىر دوختۇرخانىغا قامالغان بولۇپ، دوختۇر ئۇنىڭ سالامەتلىكىنىڭ ياخشى ئەمەسلىكىنى ئېيتقان.

بۇ يىل 8-ئايدىن بۇيان، مۇبارەك سالامەتلىكى يامانلاشقان ئەھۋالدا، نەچچە قېتىم نوسۇلكىدا يېتىپ تۇرۇپ سوتنىڭ چوڭ تۆمۈر قەپىزىگە ئوغۇللىرى بىلەن بىرگە كىرىپ سوتلانغان ئىدى. دېلو ئالاھىدە بولغاچقا، تۇنجى قېتىملىق سوت قىلىش نەق مەيدانى بىۋاستە تارقىتىلغان، سوت مەھكىمىسىنىڭ سىرتىدا تەرتىپ قالايمىقانلاشقان، سوتچى سوت قىلىش ۋاقتىنى ئۆزگەرتىشكە مەجبۇر بولغان ھەمدە كېيىنكى سوتلاشلارنىڭ يېپىق شەكىلدە بولىدىغانلىقىنى، ئاخباراتلارنىڭ بىۋاستە خەۋەر قىلىشىغا رۇخسەت قىلمايدىغانلىقىنى جاكارلىغان. (نەپرەت)