ئىراقنىڭ 18 شەھىرى 15-ئاۋغۇست ئۆزىنى پارتلىتىش خاراكتېرلىك ھۇجۇمغا ۋە ماشىنا بومبىسى ھۇجۇمىغا تەڭلا ئۇچرىدى، ھازىرغا قەدەر قازا قىلغان كىشى 74 گە يەتتى، بۇ ئىراقنىڭ بىر يىلدىن بۇيانقى ئەڭ قانلىق بىر كۈنى بولدى. ئەڭ چوڭ ھۇجۇم جەنۇبىي شەھەر كوتېدا يۈز بېرىپ، ئىككى قېتىملىق پارتلاشتا 40 ئادەم قازا قىلدى. ئىراق دائىرىلىرى ھۆكۈمەتنى ئاغدۇرۇۋېتىش مۇددىئاسى بولغان «بازا» تەشكىلاتىنىڭ تارماقلىرىنى باش جىنايەتچى دەپ ئەيىبلىدى.

18 شەھەردە تەڭلا يۈز بەرگەن تېررورلۇق ھۇجۇمىدا يەنە 300 دىن ئارتۇق ئادەم يارىلاندى.

ئىراق پارلامېنت باشلىقى ئوساما ئال نۇجايفى بۇ ۋەقەنى ئەيىبلىدى، شۇنداقلا خەۋپسىزلىك تارماقلىرىنىڭ مەسئۇللىرىنى تەنقىد قىلدى، لېكىن ئۇلارنىڭ قانداق «سەۋەن»لىكى بارلىقىنى ئېيتمىدى.