ئانا بالا تورى يانبىلوگ نەشرى

بويىدىن ئاجراپ كېتىشنىڭ ئالامەتلىرى ئاساسلىقى جىنسىي يولدىن قان چىقىش ۋە قورساق ئاغرىش
جىنسىي يولدىن قان چىقىش بويىدىن ئاجراپ كېتىشنىڭ ئالامەتلىرىنىڭ بىرى، ھامىلىدار بولۇپ 12 ئاي ئىچىدە بويىدىن ئاجراپ كەتكۈچىلەردە، دەسلىپىدە  تىۋىتچە بىلەن سويۇلغۇچى پەردە ئاجرىلىپ كېتىدۇ؛ قان كاۋاكچىسى ئېچىلىپ، قان چىقىشقا باشلايدۇ. ھامىلە پۈتۈنلەي ئايرىلىپ بولغاندىن كېيىن، بالىياتقۇ قىسقىرىغانلىقتىن، قان چىقىش توختايدۇ. دەسلەپكى دەۋردىكى بويىدىن ئاجراپ كېتىشنىڭ پۈتۈن جەريانىدا جىنسىي يولدىن قان چىقىش بولىدۇ؛ ئاخىرقى باسقۇچىدا بويىدىن ئاجراپ كەتكەندە، بالا ھەمرىيى ئاللىبۇرۇن شەكىللەنگەن بولۇپ، بويىدىن ئاجراپ كېتىشنىڭ جەريانى بالدۇر تۇغۇشقا ئوخشاپ كېتىدۇ، بالا ھەمرىيى بالىنىڭ تۇغۇلىشىغا ئەگىشىپ چىقىدۇ، ئادەتتە كۆپ قان چىقمايدۇ، ئالاھىدىلىكى ئادەتتە ئاۋۋال قورساق ئاغرىپ، ئاندىن جىنسىي يولدىن قان چىقىدۇ.

قورساق ئاغرىشمۇ بويىدىن ئاجراپ كېتىشنىڭ ئالامىتى بولۇپ، بالىياتقۇنىڭ قىسقىرىشىدىن كېلىپ چىققان قورساق ئاغرىش، دەسلەپكى باسقۇچتىكى بويىدىن ئاجراپ كەتكەن ۋاقىتتىكى جىنسىي يولدىن قان چىقىشتىن كېيىن پەيدا بولىدۇ. ھامىلىنىڭ ئاجرىشى ھەمدە بالىياتقۇ ئىچىدىكى قان پارچىسىنىڭ غىدىقلىشىدىن بالىياتقۇ قىسقىراپ، تۆۋەنكى قورساقنىڭ ئاغرىشىنى كەلتۈرۈپ چىقىرىدۇ، ئالاھىدىلىكى جىنسىي يولدى قان ئېقىش قورساق ئاغرىقىدىن بۇرۇن  بولىدۇ. كېيىنكى مەزگىلدىكى بويىدىن ئاجراپ كېتىشتە بولسا ئاۋۋال بالىياتقۇنىڭ قىسقىرىشى پەيدا بولۇپ ئاندىن بالا ھەمرىيى ئاجرايدۇ، شۇڭلاشقا جىنسىي يولدىن قان ئېقىش قورساق ئاغرىقىدىن كېيىن پەيدا بولىدۇ. بويىدىن ئاجرىغاندا بالىياتقۇنىڭ چوڭ-كىچىكلىكى، بالىياتقۇ بوينىنىڭ ئېچىلغان-ئېچىلمىغانلىقىنى ھەمدە باش سۈيىنىڭ يېرىلغان-يېرىلمىغانلىقىنى تەكشۈرۈش ھامىلىدارلىق ھەپتىسى ھەمدە بويىدىن ئاجراپ كېتىش جەريانىنىڭ ئوخشاش بولماسلىقىغا قاراپ ئوخشاش بولمايدۇ.