ئەسسەلامۇ ئەلەيكۇم ئەلشات بلوگىنىڭ 1 يىلدىن بىرى قوللاپ مەدەت بىرىپ كىلىۋاتقان ئەزىز ئوقۇرمەنلىرى! ئالدىنقى يىلى مۇشۇ كۈندە مەن blogbus  نى تاشلاپ wordpress قا قەدەم قويغان ئىدىم، مانا بۈگۈن بۇ ساھەگە كىرگىلى دەل 1 يىل بوپتۇ، بۇ جەرياندا بلوگقا بولغان ئوتتەك قىزغىنلىق ئىشتىياق بىلەن بلوگ ئىچىگە چۇڭقۇر سىڭىپ كىرىپ بلوگنى تىخىمۇ چۈشۈنۈپ ۋە ئۇسلۇب ئۆزلەشتۈرۈش توغىرسىدا ئۆزۈم ئىزدىنىپ تىرىشىپ بەزەن ئىشلارنى بلوگ ساھەسىگە مەندىن بۇرۇن قەدەم قويغان ئۇستازلاردىن سوراپ يۈرۈپ بۇ بلوگنى يامان ئەمەس چۈشۈنۈپ ئۇسلۇب ئۆزلەشتۈرۈشنىمۇ ھەر ھالدا ئۈگۈنۈۋاپتىمەن،

بۇ بىر يىل جەريانىدا ھەرخىل ياخشى سىخى مەرىد بىلىملىك دانا ۋە يۈز ئابرويى بار ھەرخىل كىشىلەر بىلەن تونۇشۇپتىمەن،  مانا مۇشۇ ۋەجىدىن مەن بلوگ ساھەسىگە كىرگىنىمدىن ناھايتى خۇشال! يەنە ھەرخىل ناچار كىشىلەرگىمۇ يولۇقۇپ تۇردۇم، بۇنداق كىشىلەرنىڭ ھەرخىل سۆزلىرىدىن مەن يەنە بوشىشىپ قالمىدىم، بەزىدە كىچىكلىك قىلىپ ۋە ياكى ئالدىراشچىلىق سەۋەبىدىن بەزەن سۇئال ياردەم سوراپ كەلگەن دوستلارغا توڭ تىگىپ ئۇلارنى خاپا قىلىپ قويغانمۇ بولدۇم، ( شۇ دوستلىرىمدىن مۇشۇ پەيتتىن پايدىلىنىپ ئەپۇ سورايمەن، كىچىكلىك ياشلىق نادانلىقتا ئالدىڭلاردا خاتا قىلىپ قويغان يەرلىرىم ۋە ياكى سوغۇق مۇئامىلە قىلغان يەرلىرىم بولسا  ئەپۇ قىلغايسىلەر! ) .

بلوگ بىلەن ھەپىلىشىش جەريانىدا ھەرخىل ساۋاق ۋە بىلىملەرگە ئىگە بوپتىمەن، شۇ ساۋاقلاردىن بىر قانچىنى دوستلار بىلەن تەڭ بەھرىرلەنمەكچىمەن،

1- ئادەم تىرىشچان بولۇشى باشقىلارغا يۆلىنىۋالماسلىقى ئىرادىلىك قەيسەر بولۇشى كىرەككەن، خەقكە يالۋۇرغۇچە ئۆز كۈچۈڭگە يالۋۇر دىگەن سۆزن مۇشۇ بلوگ ساھەسىدە ماڭا بەكراق ئىپادىلەندى،

2- مەلۇم بىر ئىشنى قىلىپ سىناپ باقماي تۇرۇپ قىلالمايمەن دىمەسلىك كىرەككەن، ئاۋۋال قول سىلىپ سىناپ قىلغانلارنىڭكىنى كۆزىتىپ ۋە ياكى توردىن ماتىريال ئىزدەپ ھەل قىلىپ بىقىشقا تىرىشىش كىرەككەن، ئەكىسچە . ئۇنداق قىلماي ھەتتا تەييار بار ماتىريالنى كۆرۈپ ئىزدەپ بىقىشقا ئىرىنىپ باشقىلاردىن ياردەم سوراشنىڭ تازا ئاقىلانىلىك ئەمەسلىكىنى ھىس قىلدىم،

3- ماڭا خىلى كۆپ دوستلار ئۇسلۇب ئۆزلەشتۈرۈش دەرىسى ئىشلەڭ ياكى ھەق بىرەي ئۈگۈتۈپ قويۇڭ دىگەنمۇ بولدى، لىكىن مەن ئىزچىل رەت قىلىپ كەلدىم، دوستلار ئويلاپ بىقىڭلار دىيارىمىز ياكى دۆلىتىمىزدە بلوگ ئۇسلۇب ئۆزلەشتۈرۈش كۇرۇسى ئىچىلدىمۇ؟ ھەرگىز ئىچىلغىنى يوق، ئۇنداقتا ئۇيغۇر بەگ پىرىستان ئەلشار پاراۋۇز ئارمانىم قاتارلىق بىر قاتار بلوگچىلار نەدىن ئۇسلۇب ئۆزلەشتۈرۈشنى ئۈگەندى؟ دەل تىرىشىش ئارقىلىق قول سىلىپ سىناش ئارقىلىق، ماتىريال كۆرۈش ئارقىلىق، بەلكىم بەزەن دوستلىرىمىز  دىيىشى مۇمكىن، خەنزۇچە بىلمىسەم دەپ، مانا مەن ئەلشات خەنزۇچە بىلمەيمەن،  بۇ يەردە تىل مەسىلىسى مەۋجۇت ئەمەس، پەقەت ئىزدىنىش تىرىشىش مەسىلىسى مەۋجۇت، ئەگەر ئۇسلۇب تەرجىمە قىلىشنى ئۈگۈنەتتىم دەيدىغان دوستلار بولسا مۇشۇ يەردە بىر قاتار ئۇچۇرلارنى تەمىنلەي قىنى قول سىلىپ سىناپ بىقىڭ،

1- نۇرقۇتتىن css دەرىسلىكى ئىزدەپ css نى ياخشى ئۈگۈنۈڭ، ئۇسلۇب ئۆزلەشتۈرۈشتە ئەڭ مۇھىم ئورۇندا تۇردىغىنى css

2- پىرىستان ئىشلىگەن 7 قىسىملىق div+css دەرىسىنى تەپسىلى چۈشۈنۈپ كۆرۈپ چىقىڭ،

3-  ئۇسلۇبلار بلوگى ۋە ياكى پىرىستان بلوگىدا تارقىتىلىۋاتقان مەلۇم ئۇسلۇبنى چۈشۈرۈپ شۇنىڭ خەنزۇچىسىنى تىپىپ ئىككىسىنى سىلىشتۇرۇڭ، ئوخشىماسلىقلارنى تىپىڭ،

مانا مۇشۇ ئىشلارنى تىرىشىپ قىلالىسىڭىز ئۇسلۇب تەرجىمە قىلىشنى ئۈگۈنەلەيسىز.

مۇشۇنچىلىك ئۇچۇر بىرەي قالغىنىنى يەنە ئىزدىنىپ كۆرسەڭلار بولىدۇ،

مەن سۆزلەپ نەلەرگە كەتتىم ئەمدى، ئۆزگىپىمىزگە كەلسەك مانا ئەلشات شۇنداق قىلىپ 1 ياشقا كىردى، ئەلشات تۇغۇلغان كۈنۈڭگە مۇبارەك بولسۇن!

ئادەتتە تۇغۇلغان كۈن بولسا باشقىلار تۇغۇلغان كۈن بولغان كىشىگە سوۋغات بىرەتتى، بۈگۈن قائىدە ئۆزگەرسۇن، ئەلشات سىلەرگە ئاز بولسىمۇ سوۋغات تەقدىم قىلسۇن، ئەسلى كەمپۈت شاكىلاتلارنى سوۋغات قىلاي دىگەن ، قارىسام ھەممەڭلار چوڭ بولۇپ قاپسىلەر شۇڭا يەنىلا ئۇسلۇب سوۋغات قىلاي.

سىلەر پەقەت ئىلھام مەدەت سۆزى ئارقىلىق ئىنكاس يىزىپ قوللاپ تۇرساڭلار ماڭا ئاشۇ ئەڭ چوڭ سوۋغاتدۇر!

ئۇسلۇبنى چۈشۈرمەكچى ۋە ياكى تەپسىلاتىنى بىلمەكچى بولسىڭىز ئىنكاس يىزىڭ

سىز كۆرمەكچى بولغان مەزمۇن يوشۇرنىۋاپتۇ ئەمەسمۇ كاساپەت. ئىنكاس يازسىڭىز كۆرۈنۈمەن دەيدۇ