"بىزنىڭ بالىمىز دۇنيادىكى ئەڭ چىرايلىق، ئەڭ ئەقللىق بالا"  بۇ سۆز ﻫەر بىر ئاتا - ئانىنىڭ بالىسى توغرىسىدا دېيىشكە تېگىشلىك سۆزدۇر. بىر پىسخولوگىيە ئالىمى:"كىچىك بالىلارنىڭ زېﻬنى ئاپئاق قەغەزگە ئوخشايدۇ، ئۇ قەغەزگە نېمە يېزىلسا، بالا چوڭ بولۇپ شۇ قەغەزگە يېزىلغاننى ئەمەلىيلەشتۈرۈپ ياشايدۇ، ﻫەر قانداق كىچىك بالىنىڭ زېﻬنى جەﻫەتتىن بولسۇن ياكى جىمسانى جەﻫەتتىن بولسۇن ياخشى يېتىلىشى ئۈچۈن 80 پرسەنتى ئاتا - ئانىسى بەرپا قىلغان مۇﻫىتنىڭ تەسىرگە باغلىق بولىدۇ. ئانىنىڭ قوچىقىمۇ بالىنىڭ تۈنجى مەكتىپى ﻫېساپلىنىدۇ. بىز تۆۋەندە ئانىلار ئۈچۈن بىر قانچە تەۋسىيلەرنى تەقدىم قىلىمىز. بۇ تەۋسىيەلەرنىڭ، بالىلارىنىڭ زېﻬنى ۋە جىسمانى جەﻫەتتىن ساغلام يېتىلىشىگە پايدىسى بولۇپ قالسا ئەجەپ ئەمەس.
ئانا بولغۇچى ئۆز بالىسىغا يېڭى تۇغۇلغان ۋاقىتتىن باشلاپ كۆڭۈل بۆلىشى لازىم، بالىسىغا مېﻬرى مۇﻫەببەت بىلەن گەپ قىلىش لازىم، ئەگەر ئۇ بالا كىچىك بولغانلىقتىن ئانىسىغا جاۋاپ بېرەلمىسىمۇ، كۈلۈش، ياكى پۈت - قولىنى ﻫەرىكەتلەندۈرۈش ئارقىلىق مۇﻫەببەت ئىزﻫار قىلالايدۇ.

كىچىك بالىنىڭ زېﻬنى ئىقتىدارىنى ئاشۇرۇش ئۈچۈن كۆپلىگەن نەرسىلەرنى كۆرسىتىڭ، ئوخشىمىغان نەرسە، ئوخشىمىغان رەڭلەرنى كۆرسە تىز ئىنكاس قايتۇرۇش ئىقتىدارى ئاشىدۇ. ئوخشىمىغان ئويۇنچۇقلارنى ئويناش ئارقىلىق كۆپلىگەن نەرسىلەرنى ئۆگۈنىدۇ. ﻫەر خىل ئويۇنچۇقلارنى ئويناش بالىنىڭ ﻫوشيارلىقىنى ئۆستۈرۈپ، ئۆگۈنۈش ئىقتىدارىنى ئاشۇرىدۇ.

كىچىك بالىنى كىچىكىدىنلا يۇيۇنىشقا ئادەتلەندۇرۇڭ، ﻫەر كۈنى يۇيۇندۇرۇپ، پاكىز كىيىملەرنى كىيىندۈرۈشنى كۈندىلىك ئادەت قىلىۋېلىڭ، مۇشۇنداق قىلسىڭىز، بالىڭىزنىڭ تىز چوڭ بولۇشقا، جىسمانى جەﻫەتتىن ساغلام ئۆسۈپ يېتىلىشكە كۆپ پايدىسى بولىدۇ ۋە ئۇنىڭغا پاكىزلىققا ئەﻫمىيەت بىرىدىغان ئادەت پەيدا بولىدۇ. ﻫەر كۈنى مەلۇم ۋاقىت باغچىغا ياكى مەيدانغا ئاپىرىپ ئايلاندۇرۇڭ، يېشىللىق بالىلارنىڭ زېﻬنى ۋە جىسمانى ساغلاملىقى ئۈچۈن پايدىلىق.

كىچىك بالىغا تىل چىقىپ سۆزلەشكە باشلىغاندا ئوخشىمىغان سۆزلەرنى ئۆگۈتۈپ سۆزلەشكە ئۈندەڭ، ﻫەر كۈنى مەلۇم ۋاقىت ئۇنىڭ سۆزلىشىشى ئۈچۈن ياردەم قىلىڭ، يېڭى - يېڭى يېقىملىق سۆزلەرنى ئۆگۈتۈڭ، بالىڭىز سىز ئۆگەتكەن سۆزلەرنى باشقىلار ئالدىدا سۆزلەيدىغانلىقىنى ﻫەرگىز ئېسىڭىزدىن چىقارماڭ.

بالىڭىز ئويۇنغا بېرىلىپ كەتكەندە ئۇنىڭ نېمىگە قىزىقىدىغانلىقى ۋە قانداق ئويۇننى ياقتۇرىدىغانلىقىغا دىققەت قىلىڭ، بۇ ئىش ئۇنىڭ ئىستىقبالى توغرىسىدا قارار چىقىرىشىڭىزدا پايدىسى بولىدۇ. چۈنكى كىچىك بالىلارنىڭ ئويۇنچۇقلىرى ئۇنىڭ نېمىگە ﻫەۋەس قىلىشى، نېمىنى ياقتۇرۇشى، نېمىنى ئارزۇ قىلىشى، نېمىگە يۈزلىنىشىنى ئاشكارىلايدۇ. ئەگەر ئۇنىڭ قىزىقىشىدا مۇناسىپ يول ئۇچراپ قالسا ئۇنىڭ قىزىققان شۇ نەرسىدە مۇۋاپىقىيەت قازىنىشىدا ﻫېچقانداق شەك يوق.

كىچىك بالىلارنىڭ سورىغان سوئالىغا ﻫەرگىز سەل قارىماڭ، بالىلار سوئال سوراش ئارقىلىق ئۆزىدىكى يوشۇرۇن ئىقتىدارىنى ئاشكارىلايدۇ، شۇنىڭ ئۈچۈن ئۇنىڭ سوئالىغا ئەستائىدىللىق بىلەن جاۋاپ بېرىڭ ، ئۇنى جۈرئەتلىك بولۇشقا ئۈندەڭ، ئاپىرىن ئوغلوم، يارايسەن، دېگەن سۆزلەرنى كۆپ قىلىڭ.

بالىلارنى ياخىشى يېتىلدۈرۈش ئۈچۈن توغرا بىلەن خاتانىڭ پەرقىنى چۈشەندۈرۈڭ، ئۇنىڭ ئالدىدا ﻫەرگىز يالغان سۆزلىمەڭ، داۋاملىق ئۆزىڭىزنى ئېسىل، ئالى جاناپ كۈرسىتىڭ، ئۆزىڭىزنى بالىڭىزغا ئۆلگە قىلىڭ، ﻫەتتاكى ئۇ سىز ماڭغان يولنى ئۆزلەشتۈرۈپ، شۇ يۈلدا مېڭىشتىن پەخىرلىنىش تۇيغۇسى پەيدا بولسۇن.

بالىڭىزغا تارىختا ئۆتكەن مەشﻬۇر شەخىسلەرنىڭ ﻫېكايىسىنى سۆزلەپ بېرىڭ، مۇﻫەممەد ئەلەيﻬىسسالامنىڭ ﻫاياتى توغرىسىدا يېزىلغان كىتابلارنى، قىسسىلەرنى ئوقۇپ بېرىڭ، بەزىدە ئۆزىڭىزمۇ ياخشى ﻫېكمەتلىك ﻫېكايىلەرنى سۆزلەپ بىرىڭ. ئۆزى ئوقۇيالايدىغان بولغاندا شۇ خىلدىكى كىتابلارنى ئەكىلىپ بېرىڭ.

بالىڭىزنى ﻫەرگىزمۇ بىر نەرسىدىن قورقۇتماڭ، ئۇنىڭ زېﻬنىغا بىر نەرسىدىن قورقۇش كىسىلىنى ئورناتماڭ، ئۇنى بىر باﻫادىر ئىنسان قىلىپ يېتىشتۈرۈڭ.

بالىڭىزنىڭ ئالدىدا ۋاقىراپ گەپ قىلماڭ ۋە ئۇنىڭ بىلەن جەڭگە - جىدەل قىلماڭ، جەڭگە جىدەلدىن ئىمكان بار يىراق قىلىڭ. ئۇنداق قىلمىسىڭىز بالىڭىزنىڭ چۈشەنچىدە پىكرى چېچىلاڭغۇلۇق ئېشىپ كېتىپ، ﻫاياتقا بولغان تونۇشى چۈشكۈنلىشىدۇ.

بالىڭىز بىرەر ياخشى ئىش قىلسا، ئۇنى جۈرئەتلىك قىلىش ئۈچۈن، ئاپىرىن، يارايسەن ئوغلۈم دەڭ، باشقىلارنىڭ ئالدىدا ئوغلىڭىزنىڭ ياخشى ئىش قىلغانلىقىنى ماختاڭ، شۇنداق قىلسىڭىز ئۇ كەلگۈسىدە ياخشى ئىش قىلىشقا تىرىشىدىغان بولغۇسى.

بالىلارنى تەربىيەلەش ئاتا - ئانىنىڭ مەجبۇرىيىتى، لېكىن ئاللاﻫ تائالا جەننەتنى ئانىنىڭ قەدىمىنىڭ ئاستىدا قىلدى، چۈنكى بالىلارنى قاتارغا قوشۇش، تەربىيەلەشتە دادىغا قارىغاندا ئانىنىڭ ئەجىر كۆپ بولىدۇ ۋە ئۇنى تەربىيىلەپ يېتىلدۈرۈش باشقىلارنىڭ قوچىقىدا ئەمەس دەل ئانىنىڭ قوچىقىدىكى ۋاقىتتىن باشلىنىدۇ. شۇنىڭ ئۈچۈن ئۆزىڭىزنىڭ ئانىلىق مەجبۇرىيىتىنى تولۇق ئادا قىلىشقا تىرىشىڭ ۋە بۈگۈنكى ئانىلارنىڭمۇ كىشىلەرنىڭ ﻫەۋىسىنى قوزغىغىدەك بالىلارنى تەربىيىلەپ چىقالايدىغانلىقىنى ئىسپاتلاپ چىقىڭ، ﻫەمدە كىشىلەرنىڭ ئېڭىدا: "شۈبﻬىزكى، گۈدەك بالىلارنىڭ جەميەتكە ياراملىق، پايدىلىق بولىشىدا، جەميەتتە مۇﻫىم رول ئوينىيالىشىدا ئانىلارنىڭ خاسىيىتى بار ئىكەن، دېگەن چۈشەنچە ئورۇن ئالغاي.

مەنبە : ئابرال بىلوگى