 2010-يىللىق CBA (جۇڭگو ئەرلەر ۋاسكىتبول بىرلەشمە مۇسابىقىسى) پەسىللىك ئايلانما مۇسابىقىسى تۈنۈگۈن كەچ ئومۇميۈزلۈك ئاياغلاشتى . شىنجاڭ گۇاڭخۇي كوماندىسى ئاخىرقى مەيدان مۇسابىقىدە ھېچقانچە كۈچىمەيلا تيەنجىن كوماندىسىنى زور ئۈستۈنلۈك بىلەن يېڭىپ ، ئۇدا ئىككى يىل بىرلەشمە مۇسابىقىدە ئىككىنچى بولۇپ شاللاش مۇساىبقىسىگە كىردى .  ئۇندىن باشقا يەنە گۇاڭدۇڭ ، شاڭخەي ، جياڭسۇ ، فۇجيەن قاتارلىق سەككىز كوماندا پەسىل ئاخىرىدىكى شاللاش مۇسابىقىسىگە قەدەم قويدى . ئادىلجان يېتەكلىگەن ئازادلىق ئارمىيە كوماندىسى ئاخىرقى ئۈچ مەيدان مۇسابىقىدە جان تىكىپ ئويناپ ئەسلىدىكى 12-ئورۇندىن بىراقلا 8-ئورۇنغا ئۆتۈپ سەككىز كۈچلۈككە ئارانلا ئۇلىشالىدى . شاللاش مۇسابىقىسىدە ئادىلجاننىڭ كوماندىسى ئالدىنقى تۆت نۆۋەتلىك چېمپيون گۇاڭدۇڭ كوماندىسى بىلەن تۇتىشىدۇ ، شىنجاڭ كوماندىسى بولسا فۇجيەن كوماندىسى بىلەن ئوينايدۇ .
 (تەھرىرلىگۈچى:admin ئەسەر ئورتاقلاشقاندا مەنبەنى ئۇنۇتماڭ.) |
