سوخۇ تورى خەۋىرى : تۈنۈگۈن كەچ ئېنگىلاندنىڭ مانچېستىر بىرلەشمە كۇلۇبى تور بېكىتىدە بايانات ئېلان قىلىپ ، كوماندىنىڭ ئاساسلىق ھۇجۇمچىسى مايكىل ئوۋېننىڭ يارىلىنىش سەۋەبىدىن كېيىنكى ئالتە ئايدا ھېچقانداق مۇسابىقىگە قاتنىشالمايدىغانلىقىنى ئېلان قىلدى . بۇنىڭ بىلەن ئوۋېننىڭ بۇ پەسىلدىكى بارلىق كۇلۇب مۇسابىقىلىرى ، شۇنداقلا كەسپىي ھاياتىدىكى ئاخىرقى قېتىملىق دۇنيا لوڭقىسىدىن مەھرۇم بولغانلىقى ئېنىق بولدى !

بۇ يىل 33 ياشقا كىرگەن مايكىل ئوۋېن 1998-يىلى 19 ياش ۋاقتىدىلا تۇنجى قېتىم دۇنيا لوڭقىسىغا قاتناشقان بولۇپ ، شۇ نۆۋەتلىك مۇسابىقىدىكى ئارگېنتىنا كوماندىسى بىلەن بولغان ئۇنتۇلغۇسىز جەڭدە ئاجايىپ چىرايلىق بىر توپ كىرگۈزۈپ بىراقلا نام چىقارغان . كېيىنكى كەسپىي ھاياتىدا ئىلگىرى-كېيىن بولۇپ ئېنگىلاندنىڭ لېۋىرپول ، نيۇكاسىل كوماندىلىرى ۋە ئىسپانىيە خانلىق مادرىد كۇلۇبىدا توپ تەپكەن . 2002 ، 2006 -يىللىق دۇنيا لوڭقىسى پۇتبول مۇسابىقىلىرىگە قاتناشقان .