4-ئاينىڭ 22-كۈنى شاڭخەي پۇدۇڭ يېڭى رايونى خەلق سوت مەھكىمىسى شاڭخەي داجۇڭ سۇغۇرتا پاي چەكلىك شىركىتىنىڭ ساختا (قانۇنسىز) يۇمشاق دېتال ئىشلەتكەنلىكى سەۋەبىدىن مىكروسوفت شىركىتىگە 2 مىليون 170 مىڭ يۈەن تۆلەم بېرىش توغرىسىدا ھۆكۈم چىقاردى. بۇ جۇڭگودىكى چوڭ دۆلەت كارخانىسىنىڭ مىكروسوفت يۇمشاق دېتال ئەسەر ھوقۇقىغا دەخلى-تەرۇز قىلغانلىقىغا ئائىت تۇنجى دېلو ھېسابلىنىدىكەن ھەمدە بۇ يەنە مىكروسوفتنىڭ جۇڭگودا ئېرىشكەن ئەڭ چوڭ تۆلەم دېلوسىمۇ ھېسابلىنىدىكەن.

كەسىپ ئىگىلىرىنىڭ قارىشىچە مىكروسوفتنىڭ دۆلەت كارخانىسسى ئۈستىدىن ئەرز قىلىشى نوقۇل ھوقۇقىنى قوغداش بولۇپلا قالماستىن يەنە «توخۇنى ئۆلتۈرۈپ مايمۇنغا ئىبرەت قىلىش»، «دۆلەت كارخانىلىرىغا بېسىم پەيدا قىلىش» دەپ قارايدىكەن. مەلۇم بولۇشىچە مىكروسوفتنىڭ جۇڭگودىكى %80 كىرىمى ئاساسەن ھوقۇقىغا دەخىل-تەرۇز دېلوسىدىن كېلىدىكەن.

ئىسپات ئېلىشتىن مەلۇم بولۇشىچە، شاڭخەي داجۇڭ سۇغۇرتا پاي چەكلىك شىركىتى 10 كومپيۇتېر ۋە 11 مۇلازىمېتىرغا قانۇنسىز (ساختا) Windows 2000 يۇمشاق دېتالى ئىشلەتكەن بولۇپ، بۇنىڭ سەۋەبىدىن مىكروسوفت شىركىتىگە 2 مىليون 172 مىڭ 846 يۈەن تۆلەشكە ھۆكۈم قىلىنغان.

يۇمشاق دېتال ئەسەر ھوقۇقىنى قوغداش قانۇنىدا، يەككە كومپيۇتېردىكى يۇمشاق دېتاللار پەقەت ۋە پەقەت بىرلا كومپيۇتېرغا قاچىلاپ ئىشلىتىشكە رۇخسەت قىلىنىدۇ.

ئۇيغۇرسوفىت خەۋىرى.