دۇنيادىكى ئەڭ چوڭ قۇياش ئېنېرگىيەلىك ئايروپىلان شاڭخەي دۇنيا يەرمەنكىسىدە ئۆزىنى نامايان قىلىدۇ.

قۇياش قوزغىتار ناملىق قۇياش ئېنىرگىيەلىك ئايروپىلان

   شىۋېتسارىيەلىك ئېكسپېدىتسىيەچى بېتران پېكار ۋە ئاندېرىي بۇرخىبېرگ دۇنيا بويىچە ئەڭ چوڭ قۇياش ئېنېرگىيەلىك بۇ ئايروپىلاننى ھەيدەپ شاڭخەي دۇنيا يەرمەنكىسىگە كېلىدۇ . قۇياش قوزغىتار دۇنيادىكى كېچە ھەم كۈندۈز ئۇچالايدىغان قىلىپ لايىھەلەنگەن تۇنجى قۇياش ئېنېرگىيەلىك مۇھىت ئاسرار ئايروپىلان بولۇپ ، دەرىجىدىن تاشقىرى يېنىك كاربونلۇق تالا ماتېرىيالىدىن ياساپ چىقىلغان . ئايروپىلان قانىتىغا 12 مىڭ جۈپ قۇياش ئېنېرگىيەلىك باتارېيە تاختىسى ئورنىتىلغان، ئايروپىلان قانىتىنىڭ ئۇزۇنلۇقى 63.4 مېتىرغا يېتىدىغان بولۇپ، A340 تىپلىق يولۇچىلار ئايروپىلانىنىڭكىگە باراۋەر، لېكىن ئېغىرلىقى ئاران ئائىلىدە ئىشلىتىلىدىغان پىكاپنىڭ ئېغىرلىقىچىلىك كېلىدۇ.

    دۇنيانى ئايلىنىپ ئۇچۇش ئۈچۈن لايىھەلەنگەن تۇنجى قۇياش ئېنېرگىيەلىك بۇ ئايروپىلان تۇنجى قېتىم شىۋېتسارىيەنىڭ دۇبىندۇف ئايرودىرومىنىڭ ئۇچۇش ۋە چۈشۈش يولىدا سىناق قىلىندى.

ئاندېرى بۇرخىبېرگ (يۇقىرىدا) قۇياش قوزغىتار ناملىق قۇياش ئېنېرگىيەلىك ئايروپىلاننى تەكشۈرمەكتە

   2007 – يىلى 5 – نويابىر، پەن تەتقىقات خادىملىرى تۆت يىل ۋاقىت سەرپ قىلىپ ياساپ چىققان بۇ قۇياش ئېنىرگىيەلىك ئايروپىلان ئاخبارات ۋاستىلىرى بىلەن ئۇچراشقان. شىۋېتسارىيەلىك ئېكسپېدىتسىيەچى بېتران پېكار 2003 – يىلى قۇياش ئېنېرگىيەلىك ئايروپىلان بىلەن دۇنيانى ئايلىنىپ ئۇچۇش تەسەۋۋۇرىنى ئوتتۇرىغا قويۇپ، قۇياش ئېنېرگىيەلىك ئايروپىلاننى ھەيدەپ، بەش قېتىم ئۇچۇپ – قونۇپ كېچە – كۈندۈز دۇنيانى ئايلىنىپ ئۇچۇشنى پىلانلىغان بولۇپ، بۇ پىلان قۇياش پۇلساتسىيەسى دەپ ئاتالغان.