ئەرلەر بىلەن ئاياللارنىڭ پەرقى ئەرلەر ئاياللارنى تاشقى جەھەتتە بەكرەك كۈزەتكەچكە،ئاسانلا لاتاپەتنىڭ ۋەسۋەسىسىگە ئۇچرايدۇ،ئاياللار ئەرلەرنى كۆڭلىدە بەكرەك ئويلىغاچقا ھىسسىياتنىڭ ئازاپلىشىغا ئۇچرايدۇ.زىرەكلىك ۋە لاتاپەتكە كەلگەندە ،ئاياللار كۆپىنچە ئالدىنقىسىغا دىققەت قىلىدۇ،ئەرلەر كۆپىنچە كىيىنكىسىگە ئەھمىيەت بىرىدۇ،شۇڭا،ئەرلەر ئاياللارنى تاللاشتا ھىسسىياتىغا تايىنىدۇ،ئاياللار ئەرلەرنى تاللاشتا ئەقلىگە تايىنىدۇ.ئەرلەر ئاياللارنىڭ كۆز ئالدىدىكى ھالىتىنى ئويلايدۇ ،ئاياللار ئەرلەرنىڭ بۇنىڭدىن كىيىنكى ئەھۋالىنى دەڭسەيدۇ. ئەرلەرنىڭ قارىشىچە دۇنيادا ئايالزاتى ناھايىتى كۆپ،سۆيۈشكە ئەرزىيدىغان ئايال بىرلا بولمايدۇ،ئاياللارنىڭ نىڭ قارىشىچە دۇنيادا ئەر زاتى ناھايىتى كۆپ،ئەمما سۆيۈشكە ئەرزىيدىغان ئەر بىرلا بولىدۇ. ئەرلەر ئاياللارنى قوغلاشقاندا،ئانچە چۇڭقۇر ئويلىنىپ كەتمەيدۇ،ئاياللار ئەرلەرنى قوغلاشقاندا بولسا ھەمىشە چۇڭقۇر غەمگە پىتىپ قالىدۇ.ئاياللارغا نىسبەتەن،ئۇلارنىڭ بىر ئۆمۈر ئاڭلاپ زىرىكمەيدىغىنى ئەرلەرنىڭ‹‹سىزنى سۆيىمەن››دىگەن گىپى،ئەرلەرگە نىسبەتەن ئۇلارنىڭ بىر ئۆمۈر ئويلاپ بولمايدىغىنى ئۆزىنىڭ قايسى ئايالنى سۆيىدىغانلىقى. ئەرلەرنىڭ گۈزەللەكى ئۇلارنىڭ پىشقانلىقى ۋە سەمىمىيىتىدە.ئاياللارنىڭ گۈزەللىكى بولسائۇلارنىڭ قىياپىتى ۋە ئىپادىسىدە. ئەرلەرنىڭ ئويىدا ئەرلەر ئاياللارغا سۆيگۈ بىغىشلىغانلىقى ئۈچۈنلا دۇنيا گۈزەللىككە تولغان .ئاياللارنىڭ ئويىدا ئاياللار دۇنياغا گۈزەللىك ئاتا قىلغانلىقى ئۈچۈنلا بارلىق گۈزەللىك ئاپىرىدە بولغان. بەزى ئەرلەرنىڭ قارىشىچە ئاياللار 20يىشىدا نازاكەتلىك،30يىشىدا قابىل،40يىشىدا دانا،50يىشىدا مۇلايىم بولىدۇ.بەزى ئاياللارنىڭ قارىشىچە،ئەرلەر20يىشىدا جەلىپكار،30يىشىدا مەدەتكار،40يىشىدا ھۆرمەتلىك،50يىشىدا قەدىرلىك بولىدۇ. ئەرلەر دائىم ئەر بولماق تەس،ياخشى ئەر بولۇش ئۈچۈن ئۆمۈر بويى تىنىم تاپماي تىرىشىشقا توغرا كىلىدۇ،ئۇلار خۇددى پۈكۈلگەن ياغا ۋە كايىتماس ئوققا ئوخشايدۇ،دەيدۇ.ئاياللار بولسا ئايال بولماق تەس،قابىل ئايال بولۇش ئۈچۈن ئازارچىلىقلارغا چىداشقا توغرا كىلىدۇ،ئۇلارنىڭ ئۆيگىلا بىكىنىپ قىلىشى،نەزىرىنىڭ تارلىقىدىن دىرەك بىرىدۇ دەپ قارايدۇ. شۇنىڭ ئۈچۈن ئەرلەر ۋە ئاياللار دائىم ئورۇن ئالماشتۇرۇپ بىقىشنى ئويلايدۇ،ئەمما شۇنى ئويلىنىپ بىقىش زۆرۈركى،ئەگەر راستىنلا ئورۇن ئالماشسا ئۇ چاغدا قانداق بولىدۇ،بۇنىڭغا جاۋاپ بەرمەك تەس. (تەھرىرلىگۈچى:admin ئەسەر ئورتاقلاشقاندا مەنبەنى ئۇنۇتماڭ.) |
