خورەك تارتىش كۆپ كۆرۈلىدىغان كېسەللىك بولۇپ، ئوتتۇرا ياش ۋە ياشانغانلاردا كۆپ كۆرۈلىدۇ. بىر قىسىم ئوتتۇرا ياش ۋە ياشانغانلار خورەك تارتىشنى ئادەتتىكى ئىش، دەپ قارايدۇ. ئەمەلىيەتتە، ئۇ يۇقىرى قان بېسىمىنى پەيدا قىلىدىغان ئاساسلىق ئامىل.خورەك تارتىش كەلتۈرۈپ چىقىرىدىغان يۇقىرى قان بېسىمى كېسىلى كۆپىنچە سېمىز ئەرلەردە ۋە كېلىماكتېرىيە دەۋرىدىكى ئاياللاردا كۆپ كۆرۈلىدۇ. ئۇلاردىكى قان بېسىمىنىڭ ئۆرلەش دەرىجىسى خورەك تارتىش پەيدا قىلغان نەپەسنىڭ ۋاقتىنچە توختىغان ۋاقتى بىلەن ئوڭ تاناسىپ بولىدۇ. خورەك تارتىش كېسىلى بارلاردا كېچىسىدىكى قان بېسىمى كۈندۈزگە قارىغاندا يۇقىرى بولىدۇ. كۈندۈزى ھەرىكەت قىلغاندىن كېيىن، قان بېسىمى ئەكسىچە تۆۋەنلەيدۇ. بۇنداق كىشىلەردە كۈندۈزىمۇ ئاسانلا مۈگدەش، باش ئاغرىش، باش قېيىش، ماغدۇرسىزلىنىش، ئەستە تۇتۇش ئىقتىدارى چېكىنىش، كېچىسى كىچىك تەرىتى كۆپ كېلىش قاتارلىق كېسەللىك ئالامىتى بولىدۇ.خورەك تارتىش پەيدا قىلغان يۇقىرى قان بېسىمىنى دورا ئارقىلىق ئەسلىگە كەلتۈرۈش قىيىن، چوقۇم خورەك تارتىش كېسىلىنى ئۈنۈملۈك داۋالىغاندىن كېيىن، ئاندىن قان بېسىمىنى تۆۋەنلىتىش ياكى ئەسلىگە كەلتۈرۈش مەقسىتىگە يەتكىلى بولىدۇ.p9Nئاقيول ئۇيغۇر تور بىكىتى