شېئىر تەرجىمانلىرىغا مۇراجىئەت [ئۇلانما كۆچۈرۈش]

تالانتلىق شائىر جاسارەت تاشنىڭ خەيرلىك ئىشقا تۇتۇش قىلغانلىقى تەبرىكلەشكە ئەزرىيدىغان ئىش بولۇپتۇ. مەن بۇ خاسىيەتلىك ئىشقا ئۇتۇق ۋە مۇۋاپىقىيەت تىلەش بىلەن بىرگە مۇنۇ ئىككى ئىشنى بىلىپ باققۇم كەلدى.
(1) چەتئەل شائىرلىرىنىڭ ئۆزبېكچىدىن ئاغدۇرغان شېئىرلىرىمۇ قوبۇل قىلىنامدۇ ياكى پەقەت خەنزۇ ۋە ئىنگېلىز تىلىدىن تەرجىمە قىلىنغىنى بىلەن چەكلىنەمدۇ؟
(2) ئۆزبېك شائىرلىرىنىڭ شېئىرلىرى قوبۇل قىلىنامدۇ يوق.

ناھايىتى ئەھمىيەتلىك بىر ئىشقا تەرەددۇت قىلىپسىز، ياردەم ئۈچۈن  قولىمىز كۆكسىمىزدە.

ئەھمىيەتلىك ئىشلار ئۈچۈن باسقان قەدەملىرىڭىزدىن گۈللەر ئۈنسۇن،

شېئىر تەرجىمە قىلىدىغان بەزى قېرىنداشلىرىمىز بۇ ئىشنى يېقىندىن قوللاپ، ئۆزلىرى تەرجىمە قىلغان شېئىرلارنى يوللاپ بېرىۋاتىدۇ. لېكىن بۇلارنىڭ ئىچىدىكى بەزى شېئىرلار دۇنيا شېئىرىيەت مۇنبىرىدە بەلگىلىك ئورۇنغا ئىگە بولمىغان، ئۆز دۆلىتىدە بىر قەدەر داڭلىق ھېسابلىنىدىغان  شائىرلارنىڭ شېئىرلىرىكەن. ئۇنداق شائىرلارنىڭ شېئىرلىرىنى يوللىماسلىقىڭلارنى سورايمەن. يەنە بەزىلەر جۇڭگونىڭ بېي داۋ قاتارلىق شائىرلىرىنىڭمۇ شېئىرلىرىنى يوللاپتۇ. بۇ كىتابنىڭ نامى «چەتئەل مەشھۇر ئەدىبلىرىنىڭ شېئىرلىرىدىن تاللانما»، شۇڭا دۇنيا شېئىرىيەت مۇنبىرىدە مەلۇم ئورۇنغا ئىگە بولغان مەشھۇر شائىرلارنىڭ شېئىرلىرىنى يوللاپ بەرسەڭلار. جۇڭگولۇق شائىرلارنىڭ شېئىرلىرى كىرگۈزۈلمەيدۇ. «جۇڭگو ھازىرقى زامان مەشھۇر ئەدىبلىرىنىڭ شېئىرلىرىدىن تاللانما» دېگەن كىتابنى تۈزۈپ نەشرىياتقا ئۆتكۈزۈپ بولدۇم. دېمەك نۆۋەتتىكى توپلامغا جۇڭگو چېگرىسىدىكى ھەر قانداق ئۇلۇغ ئەدىبنىڭ شېئىرلىرى كىرگۈزۈلمەيدۇ. پەقەت چەتئەللىك مەشھۇر ئەدىبلەرنىڭ شېئىرلىرىلا كىرگۈزىلىدۇ. چەتئەللىك دەپلا ئادەتتىكى شائىرلارنىڭ شېئىرلىرىنى كىزگۈۈزۈپ قويۇشقا تېخىمۇ بولمايدۇ. تەرجىمان قېرىنداشلارنىڭ مۇشۇ نۇقتىغا دىققەت قىلىشىنى سورايمەن.

ئەسسالامۇ ئەلەيكۇم! ھۆرمەتلىك جاسارەت ئاكا! 10 يىل بۇرۇن ئوتتۇرا تىخنىكۇمدا ئوقۇۋاتقان مەزگىلىمدا ناھيىلىك شېنخۇا كىتاپخانىسىدىن 10 يۈەنگە سىز تۈزگەن «تۆكۈلگەن شاراپ» ناملىق توپلامنى ئوقۇپ، شېئىرنىڭ خاسىيەتلىك دەرۋازىسىدىن كىرىپ كەلگەن ھەم ئۆزۈمنى شۇ داڭلىق شائىرلاردەك بولالايدىغاندەك قىزغىن ئىشتىياق بىلەن نەچچە يىل ھەۋەسكار ئاتىلىپ يۈرگەن ئىدىم، ئەپسۇس ئۆزۈمنىڭ ناچار ياشاش ئادىتىم تۈپەيلى سەنئەتنىڭ بۇ خىسلەتلىك سەھنىسىگە ئەڭ يىقىن ھالەتنى ساقلىيالمىدىم ھەم ئارزۇلىرىم ئارزۇ پىتى قالدى. لىكىن ئالدىراش ماددى ھاياتنىڭ ئاراچلىرىدىن سۇغۇرۇلۇپ چىقىپ يەنە شۇ « تۆكۈلگەن شاراپ» ناملىق توپلامدىكى شېكسپر، دانتى ، پاز قاتارلىق شېئىرىيەت پېشىۋالىرىنىڭ گۈزەل مىسىرالىرىدىن ھوزۇرلىنىپ، ياشلىقتىكى گۈزەل مىنۇتلاردىن ئەللەيلىنىمەن. بۇ قىتىم سىزنىڭ قىلماقچى بولغان ئەمگىكىڭىزنىڭ تىخىمۇ كۆپ قوللاش، ئالقىش ۋە ئەمەلىي ئەمگەك ئارقىلىق، تىخىمۇ كۆپ قىرىنداشلىرىمىزغا تىل سەنئىتىنىڭ سىھرى كۈچىدىن ھوزۇر ئىلىش پۈرسىتى يارىتىپ بىرىشىغا چىن دىلىمدىن تىلەكداشمەن. مۇشۇنداق ئەھمىيەتلىك ئەمگەكلەر ئۇزاققىچە ئاۋامنىڭ ھۆرمىتىگە سازاۋەر بولغۇسى!

زور ئىشلارغا تۇتۇش قىلىپسىز،  سىزنى ھەممىمىز قوللايمىز

مەن  تەرجىمە قىلاي  دېسەم بۇيەردىن  چەتئەل شېئىرلىرىنى تاپقىلى بولمايدۇ .

جاسارەتكا، شائىرلانىڭ نامىنى ئەمەس شېئىرىنى ئوقۇيمىز.

شۇڭا، شائىرنىڭ ئادەتتىكىسى يوق، شېئىرنىڭ ناچىرى بار، دەپ قارايمەن مەن.

لېكىن ناۋايى ھەزرەتلىرى ئايرىغان بەش تۈردىكى شائىرمۇ قانداق پەزىلەت ۋە ئەمەللەردە بولسۇن يەنىلا ئادەتتىكى شائىر، ئۇلۇغۋار شائىر دېگەن قالپاقنى كەيمىگەن.

   قولۇمدىن كەلسە سىزگە يېقىندىن ھەمدەمدە بولارمەن، گېپىمنى توغرا چۈشەنگەيسىز...

پاك دىللاردىن ئاجايىپ مۆجىزىلەر بارلىققا كىلىدۇ...جاسارەتكە ئاپىرىن...!

جاسارەت ئەپەندىنىڭ بۇ ھەققتىكى جاسارىتىگە ھەممىمىز ھەمدەمدە بولايلى....

مەنمۇ تىرىشىپ كۆرەي ئۇستاز      

   سىز تەرجىمە قىلىپ تۇزگەن «تۈكۈلگەن شاراب» ناملىق توپلامنى شۇنداق ياقتۇرۇپ ئوقۇغان ئىدىم، يەنە ياخشى بىر ئىشقا تۇتۇش قىلىپسىز، ئىشلىرىڭىزنىڭ ئوتۇقلۇق بولۇشىغا تىلەكداشمەن!

مۇختار شاخانوۋ (قازاق)، ئەركىن ۋاھىدوپ (ئۆزبەك)، ئابدۇللا تۇقاي(تاتار)، رەسۇل ھەمزەتوۋلارنىڭ ئەسەرلىرى بولسىمۇ بولامدۇ ئاكا؟

جاسارەت تاش ئاكا، مەندە رەھمەتلىك باتۇر روزىنىڭ خاتىرەمگە كۆچۈرۋالغان پۇشكىن،يېسنىن قاتارلىق چەتئەل شائىرلىرىنىڭ بىر تۈركۈم شېئىرلىرى بار ئىدى،بىراق سىزنىڭ «ئەسەرنىڭ خەنزۇچە ئەسلى نۇسخىسىنى بىرگە ئىبەرتىش »دىگەن تەلۋىڭىزگە چۈشمەيدىكەن. قانداق قىلىمەن؟

جاسارەت ئاكا،مەن گەرچە ئۆزىڭىز بىلەن يۈز كۆرۈشۈپ باقمىغان بولساممۇ،ئەمما سىزنىڭ نامىڭىز بىلەن خېلىلا پىششىق تونۇش.مەن سىز تەرجىمە قىلىپ تۈزگەن«شېكىسپېر سونىتلىرى»ۋە«تۆكۈلگەن شاراب»ناملىق شىئېر توپلاملىرىنى تويماي ئوقۇغان.ئۇ كىتابلار ھەم ھازىرمۇ مېنىڭ كىتابخانامدا ساقلىنىۋاتىدۇ.ئىچىدىكى شىئېرلارنىڭ تەرجىمە تىلى شۇ قەدەر كۆركەمكى ھەر بىر سونىتنى ئوقۇسام ئۆزۈمنى شېكىسپېرنىڭ يېنىدا تۇرۇۋاتقاندەك،ھەر پارچە شىئېرلارنى ئوقۇسام خۇددى ئۆزۈمنى بودلىر ۋە ئوكتاۋىئوپازلار بىلەن خۇپىيانە مۇڭدىشىۋاتقاندەك ھىس قىلاتتىم.قىسقىسى شۇنداق گۈزەل شىئېرلارنى بىزگە تونۇشتۇرغان سىزگە شۇنداق مەستلىكىم كىلەتتى.سىزنى قانداقراق ئادەمدۇ؟دەپ ئويلايتتىم.ياردىمىم تېگىدىغاننلا ئىش بولسا پۈتۈن كۈچۈم بىلەن ياردەم قىلىمەن.مەنغۇ بىر قانچە قېتىم شىئېر تەرجىمە قىلماقچى بولۇ مەغلۇپ بولغان.شۇنداق بولسىمۇ مەن ژۇرناللاردا كۆرگەن تەرجىمە شىئېرلارنى بولسىمۇ سىزگە ئەۋەتىپ بەرسەم بولامدۇ؟