ئۈمىدۋارنى تونۇمسىز (14) [ئۇلانما كۆچۈرۈش]

بۈگۈن مۇنبەرگە كىرىپ شېئىرسىرىغان كۆڭلۈم ئۈمىدۋارغا ئاتالغان ئۇشبۇ تېمىنى خاھلاپ قالدى. تەرجىمھالىدىن تارتىپ ئاخىرىقى بىر سۆزگىچە مېھرىم بىلەن سۆيۈنۈش ۋە سېغىنىش ئىچىدە ئوقۇپ چىقتىم. ئەزىز دوستۇمنى، ئۇنىڭ بىلەن ئۆتكەن مەنىلىك كۈنلەرنى ياد ئەتتىم. ئويلاپ باقسام ئۈرۈمچىدىن قايتىپ كەلگەن نەچچە ئاي ئىچىدە  ئۈرۈمچىنىڭ مېنى ئەڭ سېغىندۇرغان مېھىر پايانىدا مەھمۇدجان، ئابدۇمىجىت، ئىمىنجان، تۇرسۇنجان، مېھرىبان، ئاينۇر، مەريەمگۈل، ئاسىيگۈل، يۈسۈپجان، نۇرمەمەتجان، ئوبۇلقاسىم ... قاتارلىق دىلكەش دوستلىرىمنىڭ، ئازات سۇلتان، ئابدۇقادىر جالالىدىن، ئىقبال تۇرسۇن، ئەنۋەر سەمەد قورغان،  مەتتۇرسۇن ئىلى، غەيرەتجان ئوسمان، ئابدۇللا مەتقۇربان، مۇقەددەس خانىم قاتارلىق پەزىلەتلىك ئۇستازلىرىمنىڭ ۋە يەنە غىلاجىدىن ئوسمان(ئىدىل ئاكا)، ئەيبۇ ياقۇپ، ئابلىكىم ھەسەن، پەرھات ئىلىياس، پولات ھېۋىزۇللا، ئادىل تۇنياز، جۈرئەت سەيپۇل، ئۆمەرجان ئىمىن، ئەسقەر ياسىن، روزىمۇھەممەت مۇتەللىپ، پەرھات تۇرسۇن، قەيسەر تۇرسۇن، ھەزرەتئىلى ئەخەت، مۇھەممەت ئەيسا، نۇر يۇنۇس، ئابدۇقەييۇم مىجىت، ئىسمايىل ئەلتېرەش، مۇنىرە، خاسىيەت،  ساجىدە سۇلايمان قاتارلىق قەلەمكەش ئاغا - ھەدىلەر، دوستلارنىڭ سىيماسى ۋە ئۇلار بىلەن كۆڭۈللۈك ئۆتكەن سۆھبەت، ئەنجۈمەنلەر تۇرۇپتۇ.
ئايسىمە ھەدەمنىڭ شېئىرى، «ھۇقۇش»نىڭ ئىنكاسىمۇ ئاشۇ كۆڭۈللۈك ئەسلىمىلەرنى يەنىمۇ توزغۇتتى.

         زەر ئەلبۇم
يىللارنىڭ كۆزىدە ئايلارنىڭ قەددى،
ئايلارنىڭ قولىدا كۈنلەرنىڭ گۈلى.
گۈللەرنىڭ پۇرىقى مېھىر بىلەنكەن،
كۆڭۈللەر قېتىدا دوستلۇقنىڭ يولى.

ھاياتىم بىتىدە شۇ گۈللەردىن ئىز،
ۋاراقلاپ - ۋاراقلاپ كۈلۈپ كېتىمەن.
ھەر بەرگ مەڭزىدە كۈلگەن بىر سەھەر،
سەھەرلەر قوينىدا يۈرۈپ كېتىمەن.

شۇ سەھەر نۇرلىرى شۇنچىلىك سەرخۇش،
ئۆمرىنىڭ پايانى يورۇپ تۇرىدۇ.
سېغىنىش، ئەسلىمە، تىلەكلەر بىلەن،
كۆڭلۈمنىڭ باغلىرى تولۇپ تۇرىدۇ.

ئۇچرىشىش، دىدارى، سۆھبەت غەنىمەت،
ھاياتنىڭ مەناسى ئىزگۈلۈك ئەبەت.
ئۆمرۈمدە سىزلەردىن زەر ئەلبۇم قالدى،
مەن ئۇنىڭ ئىسمىنى دېدىم:- مۇھەببەت.


2012-يىل 5-ئاينىڭ 25-كۈنى
بۇ يازمىنى ئاخىرىدا   rasheed تەھرىرلىگەن. ۋاقتى  2012-5-25 11:06  

ئۈمىدۋار ، سالام! سىزگە ئۇچۇر يوللاشقىمۇ، سۆز قالدۇرۇشقىمۇ بولمىدى، سىزنىڭ مۇنبەردىكى نامىڭىزنى بىلەلمىدىم .مەھمۇدجان ؟ خوجا ؟ ئۈمىدۋار؟ بۇ ئۈچ ئىسىممۇ قوبۇل قىلىنمىدى.توغرىسى قايسى؟ بۇ يازمىنى ئاخىرىدا   ئىدىل تەھرىرلىگەن. ۋاقتى  2012-5-25 12:45  

ئۇلۇغ ئاللاھ مەدەت بەرسۇن!

ھۆرمەتلىك ئېنىم، مەن يەنە تېچ ئامان قايتىپ كەلدىم. ئىجادىيەت توختاپ قالمىسۇن.

سالام ئۆمىدۋار، بۈگۈن تۇيۇقسىز سىزنىڭ يىنىك، كېشىگە ئارام بىغىشلايدىغان كۆيلىرىڭىزنى سىغىنىپ قالدىم. خېلى ئىزدەپ يۈرۈپ بىر قىسىم يازمىلىرىڭىزنى ئوقۇدۇم. دەماللىققا مۇنبەر سېتۇنلىرىدىن ئېسمىڭىزنى ئۇچرىتالماي كۆڭلۈم يىرىم بولدى. سىزنى ۋە سىزنىڭ يازمېلىرىڭىزنى سىغىندىم. ئەسەرلىرىڭىزنى يوللاپ تۇرۇڭ. نازۇك ھېسلىرىڭىزدىن خەۋەردار بولۇپ تۇرايلى. سىزگە ساقلىق تىلەپ: -ئابدۇمىجىتتىن

ئۈمىدۋار ،بىزنى نائۈىد قالدۇرماي تېزدىن پەيدا بولغان بولسىڭىز.مەن دادامغا ۋاكالىتەن سىزنى ئىزدەۋاتىمەن.

ئۇمىدۋاردا ئۇمىد زور ئىكەن.

ئۈرۈمچىدىكى ئۈمۈدۋار ئىنىمىز بىلەن تۇنجى كۆرۈشۈشتە مەندىكى تەسىرى بەكمۇ چوڭقۇر  بولدى، كەسپكە بولغان، ئادىمىيلىك،مەسئۇلىيەتچانلىق تۇيغۇسى مىنى تەسىرلەندۇردى، بۇ  يىگىت ھەر قانداق بىر  كىشىگە جۇشقۇن كۆرۈنەتتى،قىزغىنلىق كەيپىياتى ئىچىدىن  سەمىمىيلىك، ئاق كۆڭۇللۇك ئالاماتلىرىنى تاپماق قىيىن ئەمەس  ئىدى، ئۈمۇدۋار، ئۆزىنىڭ ئەدەبىي لەقىمىنى قوللىغان يىگىت  ئىدى،      ئىشلىرىڭىز يۇرۇشلۇك  بولسۇن  ئىنىم! سالامەت  بولۇڭ! ئىجادىيىتىڭىز  سەمەرىلىك بولسۇن!  ناخشىلىرىڭىز  ئۈزۈلمىسۇن!

ئۈمۈدۋار ئاكامغا مۇبارەك!
ئاكا، ھارمىغايسىز!!!
مەن سىزگە ئامەت تىلەيمەن!!! بۇ يازمىنى ئاخىرىدا   ئەخەت تەھرىرلىگەن. ۋاقتى  2013-1-30 19:08  

ئۈمىدۋارنىڭ تىرىشچانلىقىغا قايىلمەن.بۇ دوستۇمنىڭ ئىجادىيەتلىرىگە بەرىكەت تىلەيمەن.

ئۈمىدۋار بىلەن تونۇشۋاتىمىز،توغرىسى تونىۋاتىمىز....تېنىگە سالامەتلىك ئىشلىرىغا بەرىكەت تىلەيمەن.
كىشلىك مۇناسىۋەتكە ماھىر بۇ ئاداشنى بىلىپ-بىلمەي ھۆرمەتلەپ سالىمەن.

ئۈمۈدۋانىڭ  شېرى خاسلىقى  كىشىنى جەلىپ قىلىدىكەن  .
لېرىكىلىق  مىسرالىرىدا بىر گۈزەل مەنىۋىي چىنلىقنىڭ يارقىنلىغى بار