ئوسمان قاۋۇل ئەدەبىي ئەسەرلىرى مۇھاكىمە يىغىنى ئۆتكۈزۈلدى [ئۇلانما كۆچۈرۈش]

قالتىس بىر يىغىلىش بوپتۇ ، قارماي ئەدەبىيات سەنئەتچىلەر بىرلەشمىسىگە تەشەككۈر ،ئوسمان قاۋۇل ئاكىنىڭ تىنى ساللمەت بولغاي...

    ئوسمان قاۋۇل ئاكا ئىجادىيەت بوستانلىقىمىزدىكى كۆپ قىرلىق تالانت ئىگىسى بولۇش سۈپىتى بىلەن ئۇيغۇر شېئىريىتى، نەسىرچىلىكى ۋە پىروزىلىقىدا ئۈزلۈكسىز ئۆز تالانتىنى نامايەن قىلىپ كېلىۋاتىدۇ.
    مەرىپەتپەرۋەر قاراماي خەلقىنىڭ بۇ تۆھپىكار ئەدىپنىڭ ئىجادىيىتىگە باھا بېرىش ئارقىلىق، ئۇنى زەرەتلىگەنلىكىگە تەشەككۈر!

  مول ھوسۇللۇق قەلەم ساھىبى ئوسمان قارۇلنىڭ ئىجادىيەتلىرىگە ئوتۇق تىلەيمەن، ئەزىز تەنلىرى ئامان بولغاي !

ئالدى بىلەن مۆھتىرەم ئۇستاز ئوسمان قاۋۇل ئاكىنىڭ بۇ قۇتلۇق مەرىكىسىگە قۇتلۇق بولسۇن ! ئوسمان ئاكا كۆپ قىرلىق ئەدەبى ئىجادىيىتى ، ژۇرنالچىلىقتىكى مىننەتسىز ئەمگىكى ، كىشىلىك ئەخلاق - پەزىلىتى بىلەن بۇ قەدەر شان - شەرەپكە ئېرىشىشكە ئەلۋەتتە ھەقلىق . بۇ يازمىنى ئاخىرىدا   Y.n.elqut تەھرىرلىگەن. ۋاقتى  2013-6-23 12:27  

ئالدى بىلەن مۆھتىرەم ئۇستاز ئوسمان قاۋۇل ئاكىنىڭ بۇ قۇتلۇق مەرىكىسىگە قۇتلۇق بولسۇن ! ئوسمان ئاكا كۆپ قىرلىق ئەدەبى ئىجادىيىتى ، ژۇرنالچىلىقتىكى مىننەتسىز ئەمگىكى ، كىشىلىك ئەخلاق - پەزىلىتى بىلەن بۇ قەدەر شان - شەرەپكە ئېرىشىشكە ئەلۋەتتە ھەقلىق . ئوسمان ئاكا ئەدەبى ئىجادىيەتتە ھىكايە - پوۋسىت ، شېئىر ۋە داستان ، نەسىر ژانىرلىرىدا ئىزچىل يۇقىرى سەۋىيەدە قەلەم تەۋرەتكەن كىشى . شۇنداقلا ، ئۆزى قەلەم تەۋرەتكەن ھەرقانداق ژانىردا پىشقان تىل ، ئىخچام قۇرۇلما ، يۇقىرى سەۋىيە بىلەن ئوقۇرمەنلەرنىڭ بىردەك ئېتراپ قىلىشىغا ئېرىشىپ كەلدى . بۇلۇپمۇ ، ئۇنىڭ نەسىرچىلىكتە قولغا كەلتۈرگەن نەتىجىلىرى بىر قەدەر گەۋدىلىك بولدى ، دەپ ئېيتالايمىز .
مەلۇمكى ، ئۇيغۇر ئەدەبىياتىدا ئەدەبى تەنقىدچىلىك ( بولۇپمۇ شېئىرىيەت تەنقىدچىلىكى ) بىلەن تەڭ نەسىرچىلىكمۇ خېلىلا ئاجىز ( تەرەققى قىلمىغان ) ھالەتتە بولۇپ كىلىۋاتىدۇ . ئەخمەت ئىمىن ، ئەنۋەر ئابدۇرېھىم ، ئەنۋەر تاشتۆمۈر ... قاتارلىق ئون بارمىقىمىز توشمايدىغان ئازغىنە نەسىرچىلىك قوشۇنىدا ئوسمان ئاكا ئۆزىنىڭ پىشقان قەلىمى بىلەن نەسىرچىلىكتە تايىنىشقا ۋە ئىشىنىشكە بولىدىغان ياراملىق نەسىرچى ئىكەنلىكىنى ئىسپاتلاپ بەردى .
ئۇنىڭدىن باشقا ، ئوسمان ئاكا « مايبۇلاق » ژۇرنىلىنى بازا قىلىپ تۇرۇپ ، ئۇيغۇر ئاپتۇنۇم رايونىمىزنىڭ ھەر قايسى جايلىرىدىكى ئۈمىدلىك ھەۋەسكار ياشلارنى يىتەكلەپ ۋە ئىلھام بېرىپ ، ئۇلارنىڭ ئەدەبى ئىجادىيەت يولىدا ئۆزىدە ئىشەنچ پەيدا قىلىشىغا ، شۇنداقلا ، ئۇيغۇر ئەدەبىياتى ئاسمىنىدا پەرۋاز قىلىشىغا تۈرتكە بولدى . ( مەنمۇ ئوسمان ئاكىنىڭ ئۇستازلارچە ئىلھام - مەدىتىگە ، يىتەكلىشىگە ئېرىشكەنلەرنىڭ بىرى )
ئوسمان ئاكىنىڭ كىشىلىك پەزىلىتىنى ئېلىپ ئېيتساق : ئاكىمىز بىلەن دىدار – مۇلاقەتتە بولغان ھەر قانداق كىشى ئالدى بىلەن ئۇنىڭ ئىنتايىن كەمتەر ۋە يېقىشلىق ، سۆزلىرىنىڭ ناھايتى ئورۇنلۇق ۋە مېغىزلىق ، ئالغۇ – بەرگۈ ، ئېلىم – بىرىم ئىشلىرىدا قولى ئوچۇق ئادەم ئىكەنلىكىنى ھىس قىلىدۇ .
ئوسمان ئاكىنىڭ تەرىپىنى بۇ بىر نەچچە ئېغىز گەپ بىلەنلا ئىپادىلەپ تۈگەتكىلى بولمىسىمۇ ، زىيادە مەدھىيە سۆزلىرى ئارقىلىق ئاكىمىزنى خىجالەت قىلىشتىن ( ئاكىمىزنىڭ پەزىلىتىدىن قارىغاندا ئۆزى توغرىسدا ئارتۇقچە ماختاش – مەدھىيەلەرنىڭ بولۇشىنى خالىمايدۇ ) ساقلىنىش ئۈچۈن مۇشۇنچىلىكلا دىدىم .
ئاخىرىدا ، جانابى ئاللاھتىن ئوسمان ئاكىنىڭ مۇبارەك تىنىگە سالامەتلىك ، ئائىلىسىگە خاتىرجەملىك ، تۇرمۇشىغا ئاسايىشلىق ، ئىجادىيىتىگە بەرىكەت تىلەيمەن .
بۇ يازمىنى ئاخىرىدا   Y.n.elqut تەھرىرلىگەن. ۋاقتى  2013-6-23 13:30