تۇرسۇن ھۈسەيىن بۇژغۇن: مەن ۋە مائارىپ

بۇژغۇن · ۋاقتى: 2013-4-23 10:01:53


	مەن ۋە مائارىپ (مىكرو مۇلاھىزىلەر) ئاپتورى:تۇرسۇن ھۈسەيىن بۇژغۇن 1) ھاياتىمنىڭ ھەر بىر دەقىقىسى،مائارىپ ئۈچۈن تۆكۈلگەن ھەر بىر تامچە تەرىم- مەن ئۈچۈن بىباھا گۆھەردۇر؛ئەۋلادلىرىم ئۈچۈن يېقىلماس مۇنار.يۈرىگىمدىن تۆكۈلۈپ تۇرغان تەپەككۇر دۇردانىلىرىم-مەڭگۈ ئۈزۈلمەس كارۋان ناخشىسى؛خەلقىم ۋە دىلكەشلىرىم ئۈچۈن ھۆرمەت تاجىسى؛ئەۋلاتلىرىم ئۈچۈن ئەدەپ-ئەخلاق گۈلتاجىسى؛ دىللارغا دىلكەش-مەرتلىك ئەلچىسى...! 2) شان-شەرەپ ۋە ئۇتۇق-ھالاللىق ھەم جاپالىق ئەجىردىن كىلىدۇ،خام كىسەك دەسسەپ يۇقۇرى ئۆرلەيمەن دېيىش ئىلىم-پەنگە قىلىنغان ھاقارەتتۇر. 3) ئاقنى«ئاق»دېيىش ھازىرقى دەۋر ھايات مەنتىقىسىگە تامامەن ئۇيغۇن.«ئاقنى-قارا» دېيىش روشەنكى ،بويۇنغا سىلىنغان «نادانلىق سېرتمىقى». 4) شەكىلگە ئەھمىيەت بېرىپ،پېچەك مەزمۇنغا ئىگە بولۇشمۇ سېنىڭ بەختىڭ -بولۇۋاتقان بۈگۈنكى مىللىي مائارىپ قاينىمىدا ،مەن ۋە ھايات ياشاۋاتقان سانسىزلىغان «مەن»لەر نېمە قىلارىنى بىلەلمەي،ئەۋلادلار ئالدىدا گاڭگىراپ يۈرمەكتە. بۇ تولىمۇ خەۋپلىكتۇر. 5) ئەۋلاد قالدۇرۇش بارلىق جانلىقلارغا خاس ئادەت بولسىمۇ،ئىنسانلار ئۈچۈن پەرزەنت قالدۇرۇش تۈپ مەقسەت قىلىنماسلىقى شەرت؛مۇھىمى پەرزەنتنى قانداق تەربىيەلەش، " قانداق ئادەم قىلىپ يېتىشتۇرۇش ھەممىدىن زۆرۈردۇر. 6) بالىلارنى روھىي جەھەتتىكى گادايلىقتىن قۇتۇلدۇرىدىغانلا بولساق،ئەلۋەتتە ئەقىل جەھەتتىكى ئىقتىدارىنى كامالەتكە يەكۈزگىلى بولىدۇ. 7) ھاياتلىق ئىنسانغا مەڭگۈلۈك كېرەك، ئىلىم-پەن ھاياتقا ئۆمۈرلۈك تېرەك. مۈشكۈللەر ئالدىدا باش ئىگىپ يۈرسەك، ئەجدادلار ئۈمىدى بولماس مەغپىرەت. 8)شۇ گۈزەل تەبىئەتكە نەزەر سال، ھاياتلىق گۈلشەنىگە گىرە سال. ئىلىم-پەن تەھسىل قىلماي ياشايمەن دىسەڭ، ياراشماس،ئەجدادتىن ئۇدۇم قالغان-«خال». بەل باغلا، ئۆرلەش ئۈچۈن چوقىلاردىن، چىن بەخت سازىنى مۇڭلۇق كۈيگە چال...! 9)پەرزەنت ئۈچۈن ئۆزىنى ئاتىغانلار ئۇلۇغدۇر، تېپىپ قويۇپ كارى يوق،قاخشىغانلار «ئۆلۈكتۇر». ئېچىملىك ۋە چېكىملىك چىرمىۋالغان تەنلەردىن، خىجىللىقنى بىلمىسە،پەرزەنت كۆڭلى-سۇنۇقتۇر. 10)بالىلار مائارىپى ئۈچۈن مەبلەغ سىلىش-ئىقتىسادى ئۈنۈم قوغلىشىش خىيالى بىلەن گىرەلەشسە تولىمۇ نادانلىق بولىدۇ؛مېنىڭچە،ھەر بىر ئەقىل ئىگىسى-شۇ مىللەت بالىلىرىنىڭ«مەنىۋىيەت ساپاسى»نى تۈپ مەقسەت قىلىشى زۆرۈردۇر.چۈنكى،ئادەم تەربىيەلەش ئۈچۈن سىلىنغان ئىقتىساد ئاخىرقى ھېساپتا مۇكەممەل بولغان ئادەم ساپاسىنى يارىتىدۇ.بۇ ساپا ئۆز نۆۋىتىدە شۇ مىللەت،شۇ قەۋىمنىڭ ئۇنۋىرسال ساپاسىنى شەكىللەندۇرىدۇ. 11)بارچە جانلىق ھاياتلىقىدا... خۇي-پەيلىمىز ئوخشاش نەقەدەر. تېنجىتمايدۇ بىزنى بىر ئارزۇ، يول ئىزلەيمىز قىلماققا سەپەر...! 12)سەھەردە چېلىنغان مۇڭلۇق قوڭغۇراق، بىر سەبىھ تۇيغۇنى ئەسلىتەر دەم-دەم. ھاياتلىق گوياكى شۇ قوڭغۇراقتەك، غەپلەتتىن ئويغۇتار ئىنساننى ھەردەم. 13)خەتەرلىك بومبىنىڭ پىلتىسى نەدە؟ -دەپ پەقەت خىيالچان ئىزدەپ قىلىڭلار. كارۋانلار ياتلىشىپ يۈرمىسۇن ئەمدى، پەقەت بىز سەپداشقۇ؟-دەپلا بىلىڭلار! ھەقنى-ھەق سۆزلىگەچ،ئاتالدىم «بومبا»، دوستلىرىم مېنىڭدىن ئىبرەت ئېلىڭلار...! 14)ئاچچىقنى بەزىدە ئالاركەن-ئاچچىق، لەۋلەردە بىر مەھەل قالاركەن-ئاچچىق. ئاچچىق شۇ كەيپكە بولسا ھەركىم لال، ئىنساننى ھەر كويغا سالاركەن-ئاچچىق. 15)ئوقۇتقۇچىنىڭ بىلىمسىزلىكى-ئۇ تەربىيەلىگەنئوقۇغۇچىلارنىڭ ئىگەللىگەن بىلىمى بىلەن ئۆلچىنىدۇ.خۇددى،ساختا تاۋار-ساختا تاۋار ئىشلەپچىقارغۇچىلارغا باغلىق بولغاندەك.ئىقدىدارسىز ئوقۇغۇچىلار-تەربىيەلىگۈچىلەر بىلەن زىچ ئالاقىدار بولىدۇ. 16)ئۆزۈڭگە ئاگاھ بول،رەسۋا غەيۋەتخور، بولغىچە ئېلىڭگە پەسكەش-تۆھمەتخور. ئاخىرى قالىسەن ۋىجدان-سوتىغا، قىلمىشىڭ ھىساۋى زەللە-ھەسەتخور. چاقمىساڭ دوستۇڭنى،تويمامدۇ قورساق؟ ئەيىۋىڭ ئۆزۈڭگە قۇرغاندا-توزاق...! 17)ئوقۇتقۇچى ئۈچۈن:-دەرسخانا بىر مۈشكۈل جەڭگاھتۇر. شائىر ئۈچۈن:-تۇرمۇش ۋە ھېسىياتنىڭ گىرەلەشمە گۈزەللىكى بىر مۈشكۈل جەڭگاھتۇر. غالىپلار ئۈچۈن:-چىدام،غەيرەت ۋە ئىگىلمەس روھ ھەم ئىرادە تىكلەش تېخىمۇ مۇشكۇل جەڭگاھتۇر. شوپۇر ئۈچۈن:-روھىي ھالەتنىڭ سەزگۈرلىكى ئاجايىپ جەڭگاھتۇر. دېھقان ئۈچۈن:-كەڭ كەتكەن ئىكىنزارلىق سىرلىق ھەم مەڭگۈلۈك جەڭگاھتۇر. 18)كۆز ئالدىمدا سانسىز گۈدەكلەر، ` ئېقبال ئىزدەپ،تىنەپ يۈرمەكتە. شۇ مۇقەددەس بۈيۈك مۇنبەرگە، كۆز تاشلىشىپ خىيال سۈرمەكتە. قانداق چىداي ئۇلار ھالىغا، قانداق يۈرەي كۆرمەسكە سېلىپ. مېھىر بەرمەي قانداق ياشايمەن، بۇ ئازاپلار قەلبىمنى تېلىپ...؟ 19)تۇرمۇشتا قاراڭغۇلۇق مەۋجۇت بولمىسا-ئىنسانلار يورۇقلۇققا ئىنتىلمەيدۇ؛ۋاھالەنكى،مائارىپتا-«قاراڭغۇلۇق»مەۋجۇت بولسا،بىر پۈتۈن مىللەتنى نەس باسىدۇ. 20)بالىلار ئەڭ نازۇك نوتىغا ئوخشايدۇ،ئۇنى ئاسرىمىسا،ئۇنىڭغا كۆڭۈل بۆلۈنمىسە- مېۋىسىز قاخشال دەرەخ بولۇپ يېتىشىپ چېقىدۇ.بۇ خىل قاخشال دەرەخنى يېتىشتۈرگەن باغۋەن-ئاخىرقى ھېساپتا«ئەنە شۇ نازۇك سەبىيلەرنىڭ قىساسكارىغا ئايلىنىپ قالىدۇ» 21)سايىسى كۆرۈمسىز دەرەخنى يېتىشتۈرگەن ئورمانچىنىڭ پەرۋىشلەش ئۇسۇلىدا مەسىلە بولغىنىدەك،ئۆگىنىش نەتىجىسى تۆۋەن ئوقۇغۇچىلارغا نىسبەتەن ئېيتقاندا، ئۇنى تەربىيەلىگەن ئوقۇتقۇچىنىڭ دەسلەپكى تەربىيەسى يىتەرسىز بولغان دىيىشكىمۇ تولۇق ئاساسىمىز بار. 22)بالىلارنى پەقەت ۋە پەقەت ئۆگىنىشكىلا مەجبۇرلاش-يېڭى دەرس ئىسلاھاتىغا قارشى ئوقۇتۇش ئۇسۇلىدۇر.مەجبۇرلاشنىڭ ئۈنۈمىگە قارىغاندا،يۇمۇرلۇق،جەلپ قىلىش ئۇسۇلى ئارقىلىق «ئۆزلىكىدىن،تەبىئىي قىزىقىپ ئۆگىنىدىغان ئاكتىۋال روھنى يېتىلدۈرۈش» ئالاھىيدە ئۈنۈمگە ئىرىشتۈرىدۇ.ئەمما،بۇ خىل روھنىڭ يېتىلىشى-ئوقۇتقۇچىلارنىڭ ئالاھىيدە ماھارىتىگە باغلىق. 乌鲁木齐市新市区四平路831号：乌鲁木齐市第37中学高级语文教师：吐尔逊。玉赛音 ھازىرقى ئادرىسى :ئۇرۇمچى شەھرى يىڭى شەھەر رايۇنى سىفىڭ يولى831-قورۇ: ئۇرۇمچى شەھەرلىك 37-ئوتتۇرا مەكتەپ تىل ئەدەبىيات ئوقۇتقۇچىسى: تۇرسۇن ھۇسەيىن"بۇژغۇن" پوچتا نومۇرى:830013، تىلىفۇن نومۇرى:13639905412 بۇ يازمىنى ئاخىرىدا Erchin تەھرىرلىگەن. ۋاقتى 2014-2-5 00:48

سائادەت ساتتار · ۋاقتى: 2013-4-23 14:32:30


	مەن ۋە مائارىپ (2) (قىسقا مۇلاھىزىلەر) ئاپتورى:تۇرسۇن ھۇسەيىن بۇژغۇن 1-)«ئۇچ تۇرلۇك بىسىم»ئارقىدا قالغان بىر قىسىم ئوقۇغۇچىلارنىڭ قەلبىنى ئازاپلاپ،مەكتەپتىن،ئائىلىسىدىن قىچىشنىڭ سەۋەبى بولماقتا.يەنى،سىنىپ مۇدىرى ۋە دەرس ئوقۇتقۇچىلىرىنىڭ بىسىمى،ئائىلە بىسىمى ھەمدەساۋاقداشلىرى ۋەجەمىيەتنىڭ بىسىمى ئارقىدا قالغان ئوقۇغۇچىلار ئۈچۈن بىر كۈچلۈك توسالغۇ بولۇپ،ئۇلارنىڭ ئۆزىگە بولغان ئىشەنچىسىنى يىتىلدۇرۇش ئىمكانىيتىدىن مەھرۇم قىلىدۇ.«تەنبىھ،قوپال تەربىيە،تەن جازاسى، چەتكە قىقىش،ئۆرە تۇرغۇزۇپ قويۇش ياكى قوغلاپ چىقىرىش،ئىشخانىدا سائەت-سائەتلەپ تۇرغۇزۇپ قويۇش» ...ۋاستىلىرى ئۇلارنىڭ كەلگۇسىگە ئۈمىدسىزلىك بىلەن قارايدىغان جىمخورلۇق،روھىي چۈشكۈنلۈك ،غەلىتە مىجەزلىك ھەمدە مەغلۇبىيەتچىلىك ئۇرۇقىنى چاچىدۇ.ئىللىق قۇياش نۇرىغا جىمىكى مەۋجۇدات تەشنا بولغاندەك، ئارقىدا قالغان ئاشۇ ئوقۇغۇچىلارمۇ ئىللىق مۇھىت ۋە ئادىل مۇئامىلىگە مۇھتاجدۇر...! 2-)ئوقۇتقۇچىلار ئائىلە باشلىقلىرى يىغىنىدا «بالىڭىز ھىچنىمە بىلمەيدۇ،بالىڭىز نىمىنى ئويلايدىكىنە؟ ئائىلىدە كوپرەك ; ياردەم بەرسىڭىز...!؟ »دىگەندەك «تەكلىپ پىكىرلەر»نى توختىتىشى كىرەك. ئەگەر بالىلار بىر نەرسە بىلسە،مەكتەپتە , نىمە ئىش قىلىدۇ؟ ئاتا-ئانىلار سىلەر ئۆتكەن دەرسنى بىلسە،بالىلىرىنى مەكتەپتە ئوقۇتۇپ نىمە قىلىدۇ...! 3-)نۆۋەتتە ئايال ئوقۇتقۇچىلار ئوتتۇرا-باشلانغۇچ مەكتەپ ئوقۇتقۇچىلار قوشۇنىدىكى كۆپ سالماقنى ئىگىلەيدىغان ئاساسلىق كۈچ بولۇپ قالدى.بۇلارغا نىسبەتەن رىقابەت ھەم خىرىس،تۇرلۇك بىسىم ئىنتايىن كۈچلۈك.مەيلى قانداق بولۇشىدىن قەتئىينەزەر،ئاتا-ئانىلار بىلەن سۆھبەتلەشكەن ھەم بالىلار تەلىم-تەربىيىسى سۆھبەتلىرىدە رەتلىك،يارىشىملىق كىيىنىشكە دىققەت قىلىش كىرەك.سۆھبەت ۋە تەربىيە جەريانىدا سىلەرنىڭ كىيىنىش ھەم پەردازلىرىڭلارغا توغرا باھا بىرىدىغانلارغا قارىغاندا،ئۇنى دورايدىغانلار ھەم ھەسەت قىلىدىغانلار كۆپرەك بولىدۇ. سۆھبەت ھەم تەربىيىنىڭ ئۈنۈمىگە توغرا باھا بىرىدىغانلار «ھەسەتخور ۋە دورامچىلار»غا قارىغاندا نەچچە ھەسسە ئارتۇق بولىدۇ...! 4-)يالغان سۆزلەش بىر خىل يامان ئىللەت.ئۇ چوڭلار ئارقىلىق بالىلارغا يۇقۇپ بارىدۇ.ئەسلىدە بالىلار يالغانچى ئەمەس.چوڭلار يالغانچى بولۇش مەسىلىسى تەلىم-تەربىيە جەريانىدا بالىلارنىڭ ساپ،پاك ۋە يۇمران قەلبىنى يالغانچىلىق بۇيۇملىرى بىلەن پەردازلاپ كەلمەكتە.مانا بۇ تولىمۇ قەبىھ تەربىيە ئۇسۇلىدۇر...!

سائادەت ساتتار · ۋاقتى: 2013-4-23 14:34:43


	مەن ۋە مائارىپ(3) (مىكرو مۇلاھىيزە) ئاپتورى:تۇرسۇن ھۆسەيىن بۇژغۇن 1-) مىنىڭ خۇشاللىقىم كۆز ئالدىمدا بالىلىق ھەركەتلىرى بىلەن قەلبىمنى لەرزىگە سالغان سەبىيلەر بىلەن تەقدىرلەنگەن.كۆڭۈل ئازابىنى بالىلار پائالىيتىگە باغلاش ئاقىلانىلىق ھىساپلانمايدۇ. 2-)خىلى كۆپ بالىلار مەكتەپكە كىچىكىپ كىلىشنى خالىمايدۇ.ۋاھالەنكى،تاساددىبى كىچىكىشتىن خىجىل بولۇپ ئىشىك تۇۋىدە كىرىشكە روخسەت قىلىنىشنى كۇتۇپ تۇرغان بالىنى «سەن كىچىكىشنىڭ تەمىنى تىتىپ باق»دىگەندەك يەنە تۇرغۇزۇپ قويساڭ،بالىنىڭ ساڭا بولغان ئىشەنچى ۋە ھۆرمەت تۇيغۇسى بارا-بارا سۇسلىشىپ بارىدۇ... 3-)بالىلارغا كۆپرەك تەكرار قىلىپ بىرىشتىن قاچىدىغان ئوقۇتقۇچى ئۆزىنىڭ نەمۇنىلىك رولىنى يوقاتقان، شەخسىيتى ئوقۇغۇچىلار كوللىكتىپىدىن غالىپ ئورۇنغا قويۇلغان،مەسئۇلىيەت ھەم ماجبۇرىيەت تۇيغۇسى ئاجىزلاشقان ئوقۇتقۇچىدۇر. ئۇ ساپا مائارىپى ھەم ئۇچۇر مائارىپى ئومۇملاشتۇرىلىۋاتقان بۇگۇنكى يىڭى مائارىپ ئەندىزىسىنى قانداقمۇ چۈشىنىپ يىتەلىسۇن...!؟ 4-)سەن بىر ئوقۇتقۇچى،چىرايىڭدىن تەبىئىي ئىللىقلىق ۋە خۇشاللىق تەبەسسۇمى جىلۋىلەنسە،بالىلار سىنىڭ بۇ ئوبرازىڭدىن پەخىرلىنىدۇ،ئازادىچىلىك ھىس قىلىدۇ،ئەكسىچە«تەنبىھ ھەم غەزەپ ئارىلاشقان كۈلكەڭ»دىن بالىلار ئىغىر بىسىم ۋە خورلۇق ھىس قىلىدۇ.

سائادەت ساتتار · ۋاقتى: 2013-4-23 14:36:20


	مەن ۋە مائارىپ(4) ئاپتورى:تۇرسۇن ھۇسەيىن "بۇزغۇن 1-)سەنئەت مائارىپى بولسا-بالىلار ھاياتىغا مەڭگۇ ھەمراھ مائارىپتۇر. 2-)غۇنچىلارغا خىيانەت قىلغان ،ئۇلار بەختىنى نابۇت قىلغان ئوقۇتقۇچى -لاياقەتسىز ،نومۇسسىز كىشىدۇر. 3-)ماددى بۇيۇم ئۇچۇن ئوز قىممىتىنى تىگىشكەن كىشى ئەبەدى "پۇلنىڭ قۇلى"بولۇپ قالغۇسىدۇر . 4-)ئوقۇتقۇچى ماھىيەتتە بىر ئاددىي ئەمگەكچى بولسىمۇ ،ئەمەلىيەتتە ئەڭ مۇنەۋۋەر ،قىلچە تەماسىز، تەمەنناسىز پەرۋىشكاردۇر . 5-)روھتىن تۆرەلگەن بارلىق مەۋجۇدىيەت ،پاجىئە ۋە قىزىقىشتىن يارالغان مۇئەييەن مەۋجۇدىيەت -گۇزەللىگىدۇر. 6-)ئومۇر بويى كىتاپتىن ئوزىگە تەسەللى ئىزدىگەن ئادەم مەڭگۇ مەغرۇر ياشايدۇ،قەددى پۇكلەنمەيدۇ . 7-)ئىنسانىيەت مەدەنىيەت تارىخىدا -كىتاپ ئىنسانلارنىڭ ئەڭ بۇرۇنقى ئەڭ كەڭ ھەم ئەڭ مول ئوزۇقلۇق قىممىتىگە ئىگە مەنىۋى ئوزۇقى بولۇپ كەلدى . 8-)نادانلىقنى جەمئىىيەتتىن ،باشقىلاردىن ئەمەس،ئوز روھىي دۇنياسىدىن قىزىپ چىقىرالىغان ئادەم- تەبىئىكى تەرەققىياتتىن بىمالال سوز ئاچالايدۇ . 9-)تاماخورلۇق بىلەن ھوقۇق كەيپىدە تولغىنىش -ئىقتىدارسىزلارنىڭ ناز-خۇلقىدۇر.

سائادەت ساتتار · ۋاقتى: 2013-4-23 14:38:39


	مەن ۋە مائارىپ (5) ئاپتورى:تۇرسۇن ھۈسەيىن بۇژغۇن 1-) تەقدىرگە تەن بىرىش-ئاجىزلارنىڭ ئىرادىسىدىندۇر. 2-) مۇنبەردىن زارلاش-ساپاسىز ئوقۇتقۇچىلارنىڭ ساپاسىزلىقىدىندۇر. 3-) كەچكىچە قولىدا«توقماق» كۆتۈرۈپ يۇرىيدىغان كىشىنىڭ قولىدىن كەلگۈسىدە ئۆزىگە گۆر كولاشتىن باشقا ئىش كەلمەيدۇ. 4-)قويۇق ئورماندىن شامال قورققاندەك،بىردەكلىك ۋە يىمىرىلمەس ئۇيۇيۇش كۈچى بولسىلا قىلىۋاتقان ھەر بىر ئىشىمىزغا ھىچكىم توسالغۇ بولالمايدۇ. 5_) گۇزەل-سەنئەت ئوقۇتۇشى ئانا تىل- ئەدەبىيات ئوقۇتۇشىنىڭ ئومۇرتقىسى،شەيئىلەرنى كۇزىتىش،تونۇش، رەڭ سەزگۇسى،ئۆزگۈرۈشچان تەبىئەت مەنزىرىسى،تاشقى قىياپەت سىمۋوللىقى...قاتارلىقلار ئوقۇغۇچىلارنىڭ ئانا تىل-ئەدەبىياتنى مۇكەممەل ئۆگۈنىشىگە ئاساس سالىدۇ،بۇ ئىنتايىن مۇھىم. 6-)ھەر بىر ئادەم جەمئىيەتتىن،ئەتراپىدىكى سىرداشلىرىدىن رەنجىشتىن ئاۋۋال،ئۆزىنى چۇڭقۇر ئوپىراتسىيە قىلىپ كۆرۈپ،ئاندىن نەزىرىنى باشقىلارغا ئاغدۇرۇش لازىمدۇر،بۇ تولىمۇ ئاقىلانىلىقتۇر...! 7-)«ھالقىما تەرەققىيات» يۇرتىمىزغا «ئاجايىپ ئۆشگۈرۈشلەر» نى ئىلىپ كىلىۋاتقان «خىرىس»ئالدىدا بىز ئوقۇتقۇچىلار ئۇخلاپ يۇرمەيلى،مىللىي مائارىپنىڭ يۈكسىلىشىمۇ بۇ خىل تەرەققىياتنىڭ بىر چىشلىق چاقى سۈپىتىدە تەسىر كۆرسىتەلىسە بۇ بىز ئوقۇتقۇچىلارنىڭ ئورتاق غەلبىسى بولۇپ ھىساپلىنىدۇ....! 8-) مەكتەپلەرنىڭ «مەدەنىيەتلىك ئورۇن»بولىشىدا يەنىلا «ئوقۇ-ئوقۇتۇش خىزمەت»لىرىنىڭ قانداق بولۇۋاتقانلىقى ئالدىنقى شەرت ھىساپلىنىدۇ، باشقا خىزمەتلەر مۇشۇ «مەركەز»نى چۆرىدەپ ئىلىپ بىرىلىدۇ...! 2012-يىلى 10-ئاينىڭ 24-كۇنى،ئۇرۇمچى

ن.ھاشىم · ۋاقتى: 2013-4-23 15:50:17


	ئەۋلادمۇ ئەۋلاد يادقا ئالغۇدەك «ئۇلۇغ»گەپلەر ئىكەن...

بۇژغۇن · ۋاقتى: 2013-4-23 17:37:16


	رەھمەت سائادەت!ياخشى تىلەك تىلىگەن ن.ھاشىمغىمۇ ئالىي تەشەككۈر!

بۇژغۇن · ۋاقتى: 2013-4-24 12:57:33


	بالىلار گويا-باھارغا ئوخشايدۇ.بۇ باھار -تۆت پەسىلنىڭ ھەممىسىدە سىنىڭ ھەم بىزنىڭ يىنىمىزدا يۈرۈپ،خۇش ھىدىدىن،تاتلىق قىلىقلىرىدىن قەلبلەرنى سۆيۈندۈرىدۇ.ئازاپلاردىن يىراقلاشتۇرىدۇ.بالىلىققا قايتۇرىدۇ.

پاشاگۇل · ۋاقتى: 2013-4-24 13:35:05


	قولىڭىزغا دەرت كەلمىسۇن. مائارىپ _پەقەت ۋە پەقەت بېغىشلاشتىلا روناق تاپىدۇ. بىزدە ئەزەلدىن مائارىپقا ھاياتىنى بېغىشلاپ ،روھى گۈللەرگە پۈركەنگەنلەر كۆپ،لېكىن ھازىرقى بىزنىڭ مائارىپىمىز، بولۇپمۇ ناھىيمىزدىكى بەزىبىر مەكتەپلەرنىڭ مائارىپقا تۇتقان پوزىتسىيىسى كىشىنى تولىمۇ ئېچىندۇردۇ... ..... .... سىزدەك ۋىجدانىي ئويغاق، كەلگۈسىنى ئويلايدىغانلار مائارىپقا باش بولسا، مائارىپىمىزدا يۈكسىلىش،ھەقىقىي تەرەققىياتلار بولاتتى... ؟

بۇژغۇن · ۋاقتى: 2013-4-24 18:26:08


	رەھمەت پاشاگۇل بەرگەن ياخشى تىلەك ۋە باھايىڭىزغا...بىز بىغىشلاش ئارقىلىق ئۆز مائارىپىمىزنى چوقۇم تەرەققى قىلدۇرىشىمىز لازىمدۇركى،ھەرگىزمۇ ئۆزىمىزنىڭ سەلتەنەتلىك مائارىپىمىزدىن ئاغرىنماسلىقىمىز كىرەك.مائارىپنى مەڭگۈلۈك دەپ تونۇغان چىغىمىزدا،تۆككەن ھالال تەرىمىزنىڭ شىرىن مېۋىسىنى ئۇچۇم بولغان ئەۋلاتلاردىن خۇشاللىق جىلۋىلەنگەن سىماسىدىن كۆرۇپ يىتەلەيمىز شۇنداقمۇ؟مەنمۇ شۇ سۆيۈملۈك يىزا مەكتەپتە ئوقۇغانلارنىڭ بىرىمەن،كۆڭلىڭىزنى چۈشىنىشكە تامامەن بولىدۇ.تىرىشىڭ،بەخت سىزگە ھەم ھەممىمىزگە كەڭ قۇچاق ئاچقۇسى...!

بۇژغۇن · ۋاقتى: 2013-4-26 12:43:44


	مەن ۋە مائارىپ(6) (مىكرو مۇلاھىزىلەر) ئاپتورى:تۇرسۇن ھۈسەيىن بۇژغۇن (1)ماتىماتىكا-تەپەككۈرنى كۈچلاندۇرىدۇ؛ئەدەبىيات-تىل بايلىقىنى ئاشۇرۇپ،پىكىر قىلىش يوللىرىنى راۋانلاشتۇرىدۇ؛تارىخ-بىلىمنى چۇڭقۇرلاشتۇرۇپ،مۇستەھكەم ئېتىقاتنى شەكىللەندۇرىدۇ؛جۇغراپىيە-ۋەتەنپەرۋەرلىك روھنى يىتىلدۇرىدۇ؛رەسىم-كۈزىتىش ئىقتىدارىنى مۇكەممەللەشتۇرىدۇ؛مۇزىكا-بالىلارنىڭ ئاڭلاش،پەرقلەندۈرۈش،ئەستە ساقلاش ۋەھوزۇرلىنىش ئىقتىدارىنى شەكىللەندۇرىدۇ... (2)روھىي كەيپىياتى ئۆزگۈرۈشچان،پىسخىك ساپاسى تۆۋەن كىشىلەرنىڭ تەربىيە ئۇسۇلىدىن سەلبىي خاراكتىرلار يارىتىلىدۇ،ھەتتا ئاقىۋىتى ئىنتايىن يامان بولىدۇ. (3)ئوقۇغۇچىلارنى «ساراڭ» دەيدىغان ئوقۇتقۇچىلارنىڭ ئۆزى چوقۇم «ساراڭ»دىن قىلىشمايدۇ؛«دۆت» دېگۈچىلەر تەربىيىنىڭ ئىلمىيلىكىنى تونۇپ يېتەلمىگەن «نادان»لاردىن ئىبارەتتۇر. (4)ئوقۇغۇچىلارغا تەن جازاسى بىرىشنى ئادەت قىلىۋالغان ئوقۇتقۇچىلار ئوقۇتۇش،تەلىم-تەربىيە مەجبۇرىيتى ھەم مەسئۇلىيتىنى قانداق ئادا قىلىش كىرەكلىگىنى بىلەلمىگەن«ئاق» ھالەتتىكى «ئۇستازدۇر»؛شۇڭا،ئوقۇغۇچىلارنىڭ قورقۇنچ ئېچىدە بەرگەن خاتا جاۋاپلىرىغا نىسبەتەن ئىلمىي پوزۇتسىيە تۇتالماي،ئاسانلا خاتالىق سادىر قىلىدۇ. (5)بىر تۈپ ئالما دەرىخىدە قىزىرىپ پىشقان ئالمىغا ھەممە ئادەم تەڭلا قول ئۇزاتقاندەك، سىنىپتىكى ياخشى ئوقۇغۇچىلارغا يېپىشىۋىلىپ،ئارقىدا قالغانلار بىلەن كارىمىز بولمايدىغان ۋە ياكى قۇرۇت چۈشكەن ئالمىنى تاشلىۋەتكەندەك ئۇلارنى تاشلىۋىتىدىغان قالاق«تەجرىبە»ئۇسۇلىنى ئۆزگەرتىپ،ئارقىدا قالغانلارغىمۇ ھەممە ئورتاق قول سوزۇپ،كۆڭۈل بۆلىدىغان تەرەپكە سەكرەش ھاسىل قىلىش-نۆۋەتتە ئەڭ ئاقىلانە تەربىيەلەش ئۇسۇلىدۇر. (6)مائارىپ-مۇنبەت تۇپراققا ئوخشايدۇ. ئوقۇتقۇچى-بەئەينى دېھقانغا ئوخشايدۇ. ئوقۇغۇچى-نازۇك مايسىغا ئوخشايدۇ. (7)بولاركەن ھاياتلىق گويا تورسىمان، توساركەن يولىنى مۈشكۈل تاغ-داۋان. شۇ يولدا خۇدىنى يوقاتسا كارۋان، بولاركەن«گۈل سۈپەت باھارى-خازان.»

بۇژغۇن · ۋاقتى: 2013-4-27 10:16:38


	مەن ۋە مائارىپ(7) (مىكرو مۇلاھىزىلەر) ئاپتورى:تۇرسۇن ھۈسەيىن بۇژغۇن (1)ھاياتلىق گويا قىشتا دەل-دەرەخلەرگە قونغان ئاپئاق قىروغىلا ئوخشايدۇ؛سەن ئۇنى قايتا كۆرۈشكە مۇيەسسەر بولغىچە،ئۇ كۆز ئالدىڭدىن ناھايىتى تىزلا غايىپ بولىدۇ. (2)ئەلنى ئويلاپ ،ئەۋلاتقا كۆيۈنگەنگە تەشەككۈر، سەبىلەردىن بىر ئۆمۈر سۆيۈنگەنگە تەشەككۈر. ئەل قەلبىدە مەرىپەت مەشئىلىنى چاقناتقان، ئەۋلاد غىمى-بەختىگە يول بەرگەنگە تەشەككۈر...! (3)پەرزەنت تەقدىرى-مىللەت تەقدىرى،مىللەت تەقدىرى-ۋەتەن ۋە دۆلەت تەقدىرى،پەرزەنتلەر كۆپ تەرەپتىن ئۇنۋىرسال ساپاغا ئىگە قىلىنسا،مىللەت گۈللىنىدۇ، دۆلەت روناق تاپىدۇ ھەم كۈچلىنىدۇ...! (4)كۈنلەش(ئايال -ئەرنى، ئەر-ئايالنى) ،جاپاسى بولمىغان تۇرمۇش--لەززەتلىك ھەم قىزىقارلىق بولمايدۇ. بۇ خۇددى سۇسىز بۇلاققا ئوخشايدۇ.ئەمما بۇنى ئىلمىيلىك نوقتىئىنەزىرى بىلەن كۈزىتىش ئىنتايىن زۆرۈردۇر. (5)چوڭلارنىڭ ھەركەت ئادىتى،تىل ۋە نۇتۇق قابىلىيتى--بالىلار تەربىيىسىدە ھەل قىلغۇچ رول ئوينايدۇ؛ھەرىكەتنىڭ دۇرۇس بولىشى،تىل ۋە نۇتۇقنىڭ توغرا ھەم جەلپكار بولىشى بالىلارنىڭ يۇمران قەلبىدە ئاجايىپ تەسىراتلارنى قالدۇرالىسا،تەربىيەنىڭ ئاخىرقى ئۈنۈمى كۈچلۈك ئابىدە تىكلىيەلەيدۇ.بۇ ئارقىلىق بالىلار تەربىيىسى ئۈچۈن جانلىق ۋە ئىلمىي بولغان ئېجتىمائىي مۇھىت ياراتقىلى بولىدۇ...! (6)ياخشى بولغان پىسخىك كەيپىيات--بىر مۇنەۋۋەر كۆللىكتىپنى قۇرۇپ چېقىشنىڭ تۈپ ئاساسىدۇر.

بۇژغۇن · ۋاقتى: 2013-5-2 16:45:36


	مەن ۋە مائارىپ(8) (مىكرو مۇلاھىزىلەر) ئاپتورى:تۇرسۇن ھۈسەيىن بۇژغۇن (1)ئاتا-ئانىلار سۆھبەت يىغىنىنىڭ ئەھمىيتىنى سىنىپ مۇدىرى ياخشى چۈشىنىش كېرەك. يېغىندىن پايدىلىنىپ،بالىلارنىڭ يۇمران قەلبىنى ئازاپلايدىغان،ئۇلارنىڭ ئۆتكۈزگەن سەۋەنلىكلىرىنى ئاتا-ئانىلار ئالدىدا ئوچۇقتىن-ئوچۇق ئاشكارىلاش-ئۇلارنىڭ جاراھىتىگە تۇز سىپىپ ئېچىشتۇرغاندەك بولىدۇ.شۇڭا، كۆپرەك ئىجابىي تەرەپنى تۈپ نىشان قىلغان ئاتا-ئانىلار سۆھبەت يىغىنىنى پىلانلاش ھەممىدىن مۇھىمدۇر. (2)تاماخورلۇق بىلەن ھوقۇق كەيپىدە تولغۇنۇش-ئېقتىدارسىزلارنىڭ ناز-خۇلقىدۇر. (3)ئۆچ ئېلىشنى ھوقۇققا ئېرىشكەندىن كىيىنكى«سۇيقەست»دەپ تونۇغۇچىلار ئۈچۈن ھەقىقەت دەرۋازىسى مەڭگۈ قۇلۇپلاقلىقتۇر.بۇنداقلارنى ئاقىللار نەزىرىدىكى بىر توپ چىلبۆرە دېسە ھەرگىز ئارتۇق كەتمەيدۇ. (4)نام-ئەمەل،ھوقۇق-ئەمەلخۇمارلارغىلا مەنسۇپ بولىدىغان بولسا-مائارىپنىڭ چىن مەنىسىنى تەسەۋۋۇر قىلىش تولىمۇ قىيىنلىشىدۇ. (5)مائارىپ گويا سۈزۈك قاشتېشىغا ئوخشايدۇ،ئەگەر ئۇنىڭغا پاسپىنا قول تېگىپ قالسا، چاك كېتىدۇ-دە،ئۇنىڭغا ھېچكىمنىڭ نەزىرى چۈشمەيدىغان كېرەكسىز نەرسىگە ئايلىنىپ قالىدۇ. (6)باشقىلار ئۈچۈن تۇتۇپ يۈرگەن ئاچقۇچتىن ئايرىلىش-نېمەدېگەن خۇشاللىق ئىش-ھە؟ گويا ئادەم ئۈستىدىن ئېغىر بىر پارچە تاشنى چۆرۈپ تاشلىغاندەك شۇنچىكى ھوزۇر ھېس قىلدۇرىدۇ،چۈشەنمەيدىغانلار ئۈچۈن بىر ئېغىر ئازاپ ئېلىپ كىلىدۇ. بۇ تولىمۇ خەتەرلىك. (7)ياش-ئۆسمۈرلەر تەربىيىسىنى ياخشىلاش-مىللەتنىڭ كەلگۈسى ئاساسىنى پۇختىلىغانلىق ھېساپلىنىدۇ. (8)ئوقۇتقۇچىلارنىڭ تىل ۋە ھەرىكىتى دۇرۇس ھەم قايىل قىلارلىق بولسا،ئۇنىڭ ئوقۇغۇچىلىرى ئالدىدىكى ئوبرازى مەڭگۈ نۇر چېچىپ تۇرىدۇ.ئەپسۇسلىنارلىقى-تىل ۋە ھەركىتى دۇرۇس ھەم توغرا بولمىغان ئوقۇتقۇچىلارنى مائارىپ قوشۇنىدا ئىشلىتىش-ئۆس-مۈرلەرنىڭ كىلەچىكىنى ۋەيران قىلغانلىق بولىدۇ. (9)سائەت مىلىنىڭ چېكىلدىشى- ھايات تېنىقلىرىنىڭ دېققىتى ئۈچۈن بېرىلگەن بېخەتەرلىك سىگنالىدۇر. (10)تەكەببۇرلۇق-ئوقۇتقۇچى خاراكتىرىگە ماس كەلمەيدۇ.ئەگەر مائارىپ ۋە ئوقۇتۇش ئەمەلىيتىدە تەكەببۇرلۇق ئەۋج ئالىدىغان بولسا،ساغلام بولغان ئوقۇتۇش،تەلىم-تەربىيە مۇھىيتىدىن سۆز ئېچىش قىيىن بولۇپ قالىدۇ.

ئا.ئا.سەئىدى · ۋاقتى: 2013-5-3 20:04:02


	بەرىكەتلىك بۇلۇڭ، تۇرسۇنجان مۇئەللىم! تەپەككۈر قۇشلىرىڭىز ھارمىغاي!...

بۇژغۇن · ۋاقتى: 2013-5-6 12:02:14


	رەھمەت سەئىدى!