تۇرسۇن ھۈسەيىن بۇژغۇن: مەن ۋە مائارىپ

سوخۇملىنىسكى ۋە مائارىپ(8)


نەشىرگە تەييارلىغۇچى: تۇرسۇن ھۈسەيىن بۇژغۇن


1)چۆچەك ئاكتىپ گۈزەللىك ئىجادىيىتى،ئۇ بالىلار تۇرمۇشىنىڭ ھەر قايسى
  ساھەلىرىگە:ئەقىل-پاراسەت،ھېسىيات،تەسسەۋۇر ۋە ئىرادىسىگە بېرىپ چېتىلىدۇ.شۇڭا،چۆچەك ئىجادىيىتيى سۆزلەشتىن باشلىنىدۇ.ئۇنىڭ ئەڭ
  ئالىي ئىپادىلەش شەكلى درامىغا ئايلاندۇرۇپ ئويناشتۇر.چۆچەك بىلەن
  بالىلىق ئۈزۈلمەس رىشتە بىلەن باغلانغان.
2) بالىلىق دەۋردە ياخشىلىق بىلەن يامانلىق، ھەقىقەت بىلەن خاتالىق،
   سەمىمىيەت بىلەن ساختىلىق توغرىسىدىكى ئەسەرلەر ئوقۇپ ئۆتۈلسە،
  ئۇنداقتا ئەسەرلەردىكى ئەخلاق ئىددىيىسى بالىلارنىڭ شەخسىي مەنىۋى
  بايلىقىغا ئايلىنىدۇ.
3)چۆچەكنى ئوقۇشمۇ ئاقكۆڭۈللۈكنى ۋە ئەقىل-پاراسەتنى يېتىلدۈرۈشنىڭ
  مۇھىم ۋاستىسى.
4)قىز بالىلارنىڭ جىمخورلىقى ئەقلىي تەرەققىياتنىڭ ئاستا بولغانلىقىدىن ئەمەس،بەلكى ئۇلارنىڭ ئويلاشنى،خىيال سۈرۈشنى ياخشى كۆرگەنلىكىدىن
بولىدۇ.
5) تەبىئەت مۇزىكىسى-تىلنى ھېسىيات پۇرىقىغا باي قىلىدىغان ئەڭ مۇھىم
  مەنبە.شۇنداقلا رېتىم گۈزەللىكىنى چۈشىنىش ۋە ھېس قىلىشنىڭ بىر مۇھىم
  قەدىمى.
6)سەبىي قەلبلەرگە تەسىر كۆرسىتىدىغان نۇرغۇنلىغان ۋاستىلەر ئىچىدە،مۇزىكا
مۇھىم ئورۇننى ئىگىلەيدۇ.مۇزىكا بىلەن ئەخلاق چۇڭقۇر تەتقىق قىلىش ۋە
  ئىزدىنىشنى كۈتۈۋاتقان بىر مەسىلە.
7) ناخشا كىشىلەردە ئەتراپىدىكى دۇنياغا بولغان شېئىرىي مەنەغا باي كۈزىتىش
   ۋە تەسسەۋۇرنى شەكىللەندۈرىدۇ.
8) خەلق ناخشىلىرى بالىلارغا ئىنتايىن قىممەتلىك مەنىۋىي بايلىق-مىللىي تىلنى نامايەن قىلىدۇ ۋە ئۆگىتىدۇ.
9) بالىلارنى مۇزىكا ئەسەرلىرىنى چۈشىنىشكە،بولۇپمۇ ناتونۇش ئەسەرلەرنى
  چۈشىنىشكە يېتەكلەش ئىنتايىن قىيىن ئىش.بۇ،ئوقۇتقۇچىنىڭ چۈشەندۈرىشىنىڭ ناھايىتى جايىدا بولۇشىنى،بىر قەدەر يۇقۇرى تەربىيە
   كۆرگەن بولۇشىنى تەلەپ قىلىدۇ.
10) بالىلار پۈتۈن كۈچى بىلەن تىلدىن پايدىلىنىپ ئۆزلىرىنىڭ تەسسەۋۇر
   قىلغان نەرسىلىرىنى تەسۋىرلەشنى ئويلايدۇ.ئەقلىي تەرەققىياتى ئاستا
  بولغان بالىلار ئۈچۈن ئېيتقاندا،مۇزىكا ئاڭلاش تەپەككۈرنى جانلاندۇرىدىغان مەنبە بولالايدۇ.
11) باشلانغۇچ مەكتەپ تەربىيىسىنىڭ ئاساسىي ۋەزىپىلىرىدىن بىرى-بالىلارنىڭ
   گۈزەل شەيئىلەرگە بولغان ئىزدىنىشىنى يېتىلدۈرۈشتىن ئىبارەت.بۇ خىل
  ئىزدىنىش ناھايىتى زور دەرىجىدە بالىلارنىڭ پۈتكۈل روھىي قىياپىتى ۋە
  ئۇلارنىڭ كۆللېكتىپ ئىچىدىكى كىشىلىك مۇناسىۋىتىنى بەلگىلەيدۇ.

مەن ۋە مائارىپ(22)

ئاپتورى:تۇرسۇن ھۈسەيىن بۇژغۇن

1)بالىلارنىڭ ھەر بىر قىلىقى مەن ئۈچۈن بىر-شېئىر،تەسسەۋۇرۇمنىڭ تالماس قانىتى...!
2)بالىلارنىڭ يىغىسى بىھۇدە چىقماس،ئۇ مۇئەييەن بىر ئىھتىياج تۈپەيلى پەيدا بولىدۇ.
   بۇنى بايقاش ئىنتايىن مۇھىمدۇر.
3) سۆز بايلىقى يېتىلمىگەن بالىنى بىر پارچە ماقالە ياز دېيىش-ئەخمەقلىقتىن دېرەك   بېرىدۇ.

مەن ۋە مائارىپ(23)

ئاپتورى:تۇرسۇن ھۈسەيىن بۇژغۇن

1) دەرسىخانىدا بالىلارنىڭ ئوقۇتقۇچى بىلەن قارشىلىشىشى 45مىنۇتلۇق دەرسنىڭ ئىگىسى بولغان ئوقۇتقۇچىنىڭ دەرسخانا ماھارىتى ۋە سەنئىتى بىلەن زىچ مۇناسىبەتلىك.سەۋەنلىك
ئۆتكۈزمەيدىغان ئوقۇتقۇچى بولمىسا كېرەك،سەۋەنلىك كۆرۈلگەندە جۇدۇڭلۇق بىلەن ئۇستاز بولغۇچى سەۋەنلىكىنى ئۈستىگە ئىلىپ،تۈزىتىشتە ئۈلگە بولالىسا،شاگىرتلىرىمۇ ئورۇنسىز قارشىلىشىشتىن خىجىللىق ھېس قىلىشىدۇ.بۇ مەسىلىنى ھەل قىلىشنىڭ ئەڭ ئەقەللىي ئۇسۇلىدۇر.
2) ئوقۇتقۇچىغا نىسبەتەن يالغان سۆزلەش،ئۆز گىپىدىن تىنىۋىلىش-بالىلارغا ئوچۇق-ئاشكارە ھالدا يامان ئادەتلەرنى سىڭدۈرۈشنىڭ پىلتىسى بولۇپ قالىدۇ.شۇڭا ھەرقانداق ئوقۇتقۇچى ئالدى بىلەن كۆز ئالدىدىكى بالىلىرى ئالدىدا قىلچىلىكمۇ يالغان سۆزلىمەسلىك،قىلغان گىپىگە كاللا كىتىدىغان ئىش بولسىمۇ تولۇق ئىگە بولۇش لازىمدۇر.
3) بالىلارنى قىل،دېگەن ئىش بېشىدا ئۇستاز بولغۇچى باشلامچىلىق بىلەن ئۆزى باش بولۇپ تۇرۇشى،بالىلارغا ئۈلگە بولۇشى كېرەك،بۇ بالىلاردا ئەمەلىي ئىقتىدار يىتىلدۈرۈشتە
«ئۈلگىنىڭ كۈچى»نى تولۇق نامايەن قىلىشتىن دېرەك بېرىدۇ.

مەن ۋە مائارىپ(23)

ئاپتورى:تۇرسۇن ھۈسەيىن بۇژغۇن

1) دەرسىخانىدا بالىلارنىڭ ئوقۇتقۇچى بىلەن قارشىلىشىشى 45مىنۇتلۇق دەرسنىڭ ئىگىسى بولغان ئوقۇتقۇچىنىڭ دەرسخانا ماھارىتى ۋە سەنئىتى بىلەن زىچ مۇناسىبەتلىك.سەۋەنلىك
ئۆتكۈزمەيدىغان ئوقۇتقۇچى بولمىسا كېرەك،سەۋەنلىك كۆرۈلگەندە جۇدۇڭلۇق بىلەن ئۇستاز بولغۇچى سەۋەنلىكىنى ئۈستىگە ئىلىپ،تۈزىتىشتە ئۈلگە بولالىسا،شاگىرتلىرىمۇ ئورۇنسىز قارشىلىشىشتىن خىجىللىق ھېس قىلىشىدۇ.بۇ مەسىلىنى ھەل قىلىشنىڭ ئەڭ ئەقەللىي ئۇسۇلىدۇر.
2) ئوقۇتقۇچىغا نىسبەتەن يالغان سۆزلەش،ئۆز گىپىدىن تىنىۋىلىش-بالىلارغا ئوچۇق-ئاشكارە ھالدا يامان ئادەتلەرنى سىڭدۈرۈشنىڭ پىلتىسى بولۇپ قالىدۇ.شۇڭا ھەرقانداق ئوقۇتقۇچى ئالدى بىلەن كۆز ئالدىدىكى بالىلىرى ئالدىدا قىلچىلىكمۇ يالغان سۆزلىمەسلىك،قىلغان گىپىگە كاللا كىتىدىغان ئىش بولسىمۇ تولۇق ئىگە بولۇش لازىمدۇر.
3) بالىلارنى قىل،دېگەن ئىش بېشىدا ئۇستاز بولغۇچى باشلامچىلىق بىلەن ئۆزى باش بولۇپ تۇرۇشى،بالىلارغا ئۈلگە بولۇشى كېرەك،بۇ بالىلاردا ئەمەلىي ئىقتىدار يىتىلدۈرۈشتە
«ئۈلگىنىڭ كۈچى»نى تولۇق نامايەن قىلىشتىن دېرەك بېرىدۇ.

مەن ۋە مائارىپ(24)

ئاپتورى:تۇرسۇن ھۈسەيىن بۇژغۇن


1)ئۇستاز...!!!شۇنى بىلىپ قىلىڭكى،ئالدىمىزدا تۇرغان ساناقسىز نۇرلۇق كۆزلەر-«كالۋا
»ئەمەس،«دۆت»ئەمەس،«ھايۋان»ئەمەس،«پىتلىق»مۇ ئەمەس،«مېڭىسىنى سا چوقۇلىۋالغان»لارمۇ ئەمەس،ھەتتا«ھايۋاننىڭ بالىلىرى»مۇ ئەمەس،ئۇلار«دەلتە»ئەمەس،
«ئۇلار ھېچنېمە بىلمەيدۇ»لارمۇ ئەمەس،«ئۇلارساراڭ!»مۇ ئەمەس.....!ئۇلارنى شۇنداق قىلىپ قويغان،ئۇلارنى شۇنداق ئاتاۋاتقان،ئۇلارنى شۇنداق«لەقەم»گە مۇپتىلا قىلغان يەنىلا بىز...!ئەسلىدە ئۇلار-تەڭرىنىڭ بىز ئىنسانلارغا ھەدىيە قىلغان ئەڭ ئېسىل ئامانىتى
ئېدى....بۇ ئامانەتنى ياخشى پەرۋىشلەش،ئاسراش بىزنىڭ بۇ دۇنيا ۋە ئۇ دۇنيالىق قەرزىمىز ۋە پەرزىمىزئىدى.....!
2)بالىلىرىمىزدا گۈزەل ھېسىيات،ساپ پىسخىك كەيپىيات يارىتىشتا چوڭلارنىڭ كۆرسىتىدىغان تەسىرى ئىنتايىن مۇھىمدۇر.

مەن ۋە مائارىپ(25)

ئاپتورى:تۇرسۇن ھۈسەيىن بۇژغۇن


1)ئوقۇغۇچىلارنىڭ نەتىجىسىگە تەسىر كۆرسىتىدىغان ئاساسلىق ئامىل مەكتەپ بولماستىن،بەلكى ئوقۇتقۇچى ۋە ھەر بىر ئائىلىدۇر.
2) ئەگەر ئائىلە تەربىيىسىدە مەسىلە كۆرۈلسە،ئوقۇغۇچى مەكتەپتە بىر قەدەر جاپالىق ئۆتىدۇ.نەتىجىدە ئۇ ئوقۇغۇچى مەكتەپنىڭ«مەسىلە بار ئوقۇغۇچىسى»غا ئايلىنىپ قالىدۇ.ئوقۇتقۇچىلارمۇ بۇنىڭ سەۋەبىنى سۈرۈشتۈرمەستىن بۇنداق ئوقۇغۇچىلارنى كەمسىتىدۇ ياكى چەتكە قاقىدۇ.
3)نەتىجىسى ياخشى ئوقۇغۇچىنىڭ ئانسى بولسا-ئادەتتە ئىشلارنى پىلانلىق،نىشانلىق ۋە تەرتىپلىك ئورۇنلاشتۇرىدىغان؛ھەركىتى چاققان ھەم توغرا بولغان؛ئۆي ئىشلىرىنى پۈتۈن مېھرى بىلەن قىلىدىغان پەزىلەتلىك بولۈشى؛دادىسى بولسا ئەستايىدىل،تەرتىپلىك،ئەدەپلىك،مېھرىبان،ئىشچان،مۇناسىبەتلەرنى توغرا بىر تەرەپ قىلىشقا ماھىر بولۈشى مۇمكىن،شۇڭا،بالىسىنىڭمۇ نەتىجىسىمۇ ئەنە شۇنداق ياخشى چىقىدۇ.ئوقۇتقۇچى بۇنداق ئائىلىنىڭ پەرزەنتىدىن،بۇ پەرزەنتنى شۇنداق ئەقىللىق تەربىيەلەشكە ماسلاشقان ئەنە شۇنداق ئاتا-ئانىلاردىن پەخىرلىنىدۇ،سۆيۈنىدۇ.
4)نامراتلىق ئەڭ ياخشى تەربىيەلەش مەنبەسىدۇر.لېكىن،قانچە نامرات بولسا بالىنىڭ ئۆسۈپ يېتىلىشىگە شۈنچە پايدىسىزدۇر.ئاتا-ئانا بولغۇچى بالىسىنى نورمال بىلىم ئېلىش ئارزۇسىنى قاندۇرغىدەك ئەڭ ئادەتتىكى ماتىريال بىلەن ۋاقتىدا تەمىنلىشى،ئوقۇغۇچىنىڭ ئۆگىنىش مۇھىتىنى نامراتلىق ئېچىدە قالدۇرماسلىق كېرەك.ئوقۇتقۇچىلارمۇ بۇنداق ئوقۇغۇچىلارغا ئىللىقلىقىنى ئايىماسلىق كېرەككى،ھەرگىزمۇ كەمسىتمەسلىك كېرەك،بۇ خىلدىكى ئوقۇغۇچىلارنىڭمۇ شۇنداق نامرات ئائىلىدە تۇغۇلۇپ قالغىنىدىن ئوڭايسىزلىنىپ يۈرگىنىنى ئاز دەپ،مەكتەپتە ئوقۇتقۇچىلارمۇ ئۇلارغا ئىللىق مۇئامىلە قىلمىساق،بىر ياخشى نوتىنى نابۇت قىلىۋىتىمىز،بۇ بىرىپ بىر پۈتۈن مىللەتنىڭ ئومۇمىي ساپاسىغا تەسىر كۆرسىتىدۇ.
5) بايلىقمۇ يەنە بىر خىل ئەڭ ئالىي تەربىيەلەش مەنبەسىدۇر.غەرپلىكلەرنىڭ تەجرىبىسىگە ئاساسلانغاندا:«بىر ئاقسۆڭەكنى تەربىيەلەپ يېتىلدۈرۈش ئۈچۈن ئۈچ ئەۋلاد كىشىنىڭ تىرىشچانلىقى كېتىدۇ...ئۆزئارا قاتلاملىق ئىرسىيەت قالىدۇ...».لېكىن،ئەڭ ئالىي دەرىجىلىك تەربىيەلەش مەنبەسى-ئۆز نۆۋىتىدە ئەڭ ئالىي دەرىجىلىك تەربىيەلەش ئۇسۇلىغا مۇھتاج.ئەگەردە ئەڭ ئالىي دەرىجىلىك تەربىيە ئۇسۇلىغا ئىگە بولمىسا، باي ئائىلە ئەكسىنچە،بالىنىڭ ئۆسۈپ يېتىلىشىگە ئاپەت ئېلىپ كىلىدۇ.
6) بىلىمسىز،مەدەنىيەتسىز ئائىلە باشلىقى ۋە ئوقۇتقۇچى بولماسلىق كېرەك.بەزىلەر يۇقۇرى مەلۇماتقا ئىگە.لېكىن،مەدەنىيەت سەۋىيەسىنىڭ بارلىقىنى كۆرگىلى بولمايدۇ،ئەگەردە ئاتا-ئانا بولغۇچى،ئوقۇتقۇچى تۇرمۇشنى چۈشەنمىسە،باشقىلارغا ياخشى مۇئامىلە قىلىشنى بىلمىسە،ھەتتا ئۆز بالىسىغىمۇ ،ئوقۇغۇچىسىغا ياخشى مۇئامىلە قىلمىسا،ئۇ ھەر قانچە چوڭ مەرتىۋىگە ئىگە بولسىمۇ،ئۇ يەنىلا مەدەنىيەتسىز قارىلىدۇ.
7) ئاتا-ئانىلار ۋە ئوقۇتقۇچىلار بالىلارنى دۇنيانىڭ مەركىزى دەپ كۆرۈشى كېرەك،چۈنكى،پەرزەنت تەڭرىنىڭ بىز ئىنسانلارغا تاپشۇرغان ئىسىل ئامانىتىدۇر.لېكىن،ئاتا-ئانا بولغۇچى ۋەبىلىم بەرگۈچى ئوقۇتقۇچىلار ئۆزلىرىنىڭ كىشىلىك تۇرمۇش قارشىنى ئۇنتۇلۇپ قالسا ھەرگىز بولمايدۇ.ناۋادا ئاتا-ئانا بولغۇچى ۋەبىلىم بەرگۈچى ئوقۇتقۇچىلار ھەر كۈنى دېگۈدەك بالىلارىنىڭ كەينىگىلا كىرىۋىلىپ،ئۆزلىرىنىڭ گۈزەل ئائىلە تۇرمۇشىنى ئۇنتۇلۇپ قالسا،بۇنىڭ پەرزەنتلەرنىڭ ئۆسۈپ يېتىلىشىگە بولغان يامان تەسىرى ئىنتايىن چوڭ بولىدۇ.بۇنىڭ بىلەن بالىلاردا
مۇستەقىللىق ئېڭىنىمۇ يېتىلدۈرۈش مەقسىتىگە يەتكىلى بولمايدۇ.
8) ئاتا-ئانا،ئوقۇتقۇچى-ئوقۇغۇچىلار مۇناسىۋىتىنىڭ قانداق بولۇشى روشەنكى،ئەشۇ ئوماقلىرىمىزنىڭ ساغلام ئۆسۈپ يېتىلىشىگە ،خاراكتېرىگە بىۋاستە تەسىر كۆرسىتىدۇ.شۇڭا،ئۆزئارا مۇناسىۋەتلەرگە ئالاھىدە دىققەت قىلىش ئىنتايىن مۇھىم.
9)بالىلارنى ئالدى بىلەن بىلىم نوقتىسىدىن ئەمەس، «ئادىمىيلىك نوقتىسىدىن ھەقىقىي ئادەم»قىلىپ تەربىيەلەپ چىقالىساق،مانا بۇ ئاتا-ئانىلارنىڭمۇ،ئوقۇتقۇچىلارنىڭمۇ كاتتا شان-شەرىپىدۇر...بۇنىڭدا؛؛ئۇلار بىلەن تەڭ پىكىر يۈرگۈزۈش،ئۇلار بىلەن تەڭ چىنىقىش،ئۇلار بىلەن تەڭ ئويۇن ئويناش،ئۇلار بىلەن تەڭ پىلانلاش،ئۇلار بىلەن تەڭ پىلاننى ئىجرا قىلىش ھەم سىلىشتۇرۇپ باھالاشنىڭ ئۈنۈمى ناھايىتى چوڭ بولىدۇ.
10) مەيلى ئوقۇتقۇچى بولسۇن ياكى ئاتا-ئانا بولسۇن،بالىلارغا بىر ئىشنى تاپشۇرۇشتىن ئاۋۋال،ئۆزلىرى ئۈلگە كۆرسىتىش كېرەك...بۇ ئاجايىپ كاتتا ئۇنسىز سىڭىپ كىرىش تەربىيىسىدۇر.....!
11) بالىلارنىڭ ئەڭ يېقىن سىرداش دوستى بولۇڭكى،ھەرگىزمۇ ئۇلار نەزىرىدىكى «ساپاسىزلار»دىن بولۇپ قالماڭ.

بۇ ئىلمىي جاپالىق ئەمگىكىڭىزدىن تولىمۇ سۆيۈندىم !مۇبارەك بولسۇن !

بەك ياخشى يېزلىپتۇ ،، بۇنى ھەربىر مۇئەللىم ۋە ئۇستازلارنىڭ كۈرۈپ بېقىشىنى تەۋسىيە قىلىمەن ..

رەھمەت...«ئۆتكەن»....بھلىلار بىز ھەممىمىزنىڭ كىلەچىكى ئەمەسمۇ...؟!

مەن ۋە مائارىپ(26)


ئاپتورى:تۇرسۇن ھۈسەيىن بۇژغۇن

1)نازۇكلۇق ئېچىدە يورۇقلۇق،مۇشكۇلات ئېچىدە بەخت،دوستلۇق باغرىدا خاتىرجەملىك
    ھۆرمەت گۈلۈستانىدا قەدىر-قىممەت جۇلالىنىپ تۇرىدۇ.
2) قىزىم،قۇرۇق سۆھبەتلەرنىڭ سىردىشى بولما.چۈنكى،ۋاقىت تولىمۇ قىممەتلىك.
    كونىلاردا:«ۋاقتىڭ كەتتى،بەختىڭ كەتتى.»دەيدىغان ماقال بار ئەمەسمۇ؟
3)ھاياتنى قەدىرلەڭ،چوڭلارنى ھۆرمەتلەڭ،ئەتراپىڭىزدىكى ھەر بىر ئىنسانغا دوستانە مۇئامىلە قىلىڭ،ئەمما سىرىڭىزنى بىلدۈرمەڭ، ئېھتىيات قىلىشنىمۇ،ئىشىنىشنىمۇ ئۇنتۇلۇپ
قالماڭ،بۇ بىر پۈتۈن ھاياتىڭىزغا ۋە كەلگۈسى تۇرمۇشىڭىزغا ئىنتايىن پايدىلىق.
4)بەختنى باشقا كىشىلەر يارىتىپ بەرمەيدۇ،ئۇنى ھەر بىر ئادەم ئۆزى تېرىشىپ يارىتىدۇ.
ئادەم جاپاغا چىداپ ئۆگەنسىلا،تېرىشىپ ئىلگىرلىسىلا،ئېشىنىمەنكى،ئۇلارنىڭ كەلگۈسى تولىمۇ گۈزەل،ھەم كۆڭۈللۈك بولىدۇ.
5)مەيلى ھەر قانداق جايدا بولماڭ،قانچىلىك جاپا چېكىشلەرگە دۇچار بولماڭ قەتئىي ئىشەنچىلىك ۋە ئۈمىدۋار بولۇڭكى، بەل قويۇۋەتمەڭ. چۈنكى،تۈن قانچە قاراڭغۇ بولغانسىرى يۇلتۇزلار شۈنچىكى يورۇق كۆرىنىدۇ.شۇنىڭدەك جاپادىن قورقمىغان كىشىلا
كەلگۈسى ھاياتىنى مول مەنالارغا تويۇندۇرالايدۇ.
6) يېراقلارغا تېكىلگەن كۆزلەر،
     دائىم روشەن،نۇرانە بولار.
     شۇ يوللاردىن تارالغان مېھىر،
     قەلبلەرگە مەغرۇر قۇيۇلار.
     مۈشكۈللەرگە باش ئەگمىگەننىڭ،
     جاپاسىمۇ ھوزۇر تۇيۇلار.




2014-يىلى 6-ئاينىڭ 6-كۈنى  ئۈرۈمچى

7)بىز-بىزلەرنى،بىزلەر-بىزلەرنى بىزەكلەۋاتىمىز.!بىزەكلەشنىڭ بۇرجەكلىرىدە بەزگەكلەرنىڭ
بىزەڭلىرى بار...بالىلارنىڭ بوينىدىن بوغقان بايقۇتلارنىڭ بادناشلىرى بار...باھادىرلار بىلىگلىرىدە بۇزرۇك باغرى-باھار باغى بار.....
8)ساتمىسىدا قوغۇنچى بوۋاي،
   يۇلتۇز ساناپ ياتار كېچىسى.
   ئوغرى-يالغان يېقىن كىلەلمەس،
چۆنەكلەردىن ئاققاچ-كېچىسى...!
ئاي ۋە يۇلتۇز بوۋاي ھەمرىيى،
چېكەتكىلەر كۈيچى،سېردىشى.
پاقىلارمۇ چۈشۈپ نەغمىگە،
بوۋاي ئۈچۈن بولدى-دىلكىشى.
پىلەكلەرمۇ زۇۋانغا كېرىپ،
باققۇچىسىغا ئېيتىدۇ-«رەھمەت.»
ئۆز ئەجرىدىن سۆيۈنگەن بوۋاي،
بىزنى تۆرگە باشلار-«مەرھەمەت...»

9)تىل ئىلتىجاسىدىن قەلب ئىلتىجاسىنىڭ ۋەزنى ئاجايىپ سىڭىشلىق بولىدۇ.شۇڭا،مۇئەللىم
بولغۇچى ئالدىدا تەلمۈرۈپ ئولتۇرغۇچى كىمنىڭ بالىسى بولىشىدىن قەتئىي نەزەر،چىن قەلبىدىن مېھىر ئۇرۇقىنى ئەشۇ سەبىلەر قەلبىگە چېچىپ،ياخشى پەرۋىش قىلالىسا،بۇنداق تەربىيەلەنگەن بالىلاردىن ئاجايىپ تالانتلىق ئىختىساس ئىگىلىرى يېتىشىپ چېقىدۇ.
10)بالىلارغا«قىلما»دېگەن ئىشنى ئالدى بىلەن«ئۇستاز بولغۇچى-مۇئەللىم»ئۆزى باش بولۇپ
قىلماسلىق لازىمدۇر.بۇ خىل تەربىيەنىڭ تەسىرى ۋە ئۈنۈمى تولىمۇ مۇۋەپپىقىيەتلىك بولىدۇ.

مەن ۋە مائارىپ(27)


ئاپتورى:تۇرسۇن ھۈسەيىن بۇژغۇن


(1) بىلىم ئۆگىنىشكە چىن ئىخلاس قىلغانلار ئۈچۈن بېشىغا ئاتوم بومبىسىنى تىرەپ قويسىمۇ،
      ئۇ ھەرگىزمۇ تەۋرەپ قويمايدۇ.چۈنكى،چىن ئىخلاس-ھەممىدىن غالىپتۇر...!
(2) ئۈنۈملۈك تەربىيەنىڭ نەتىجىسى گويا تۈجۈبىلەپ پەرۋىش قىلىنغان مىۋىلىك كۆچەتنىڭ
      ئوخشىغان،مەي باغلاپ پىشقان مىۋىسىگە ئوخشايدۇ.
(3)يىزا-قىشلاقلاردا باي بولۇشنىڭ مەنبەلىرى شۇنداق كۆپ تۇرۇقلۇق،ئۇچۇرغا ۋە بازارلاشتۇرۇشقا كۆڭۈل بۆلمەسلىك سەۋەپلەر تۈپەيلىدىن«نامرات بولغانسىرى-نامراتلىشىپ،
     ئۇ گويا بىر شەرەپ تاجىدەك،پىشانىمىزگە مەھكەم تاقاپ» كېتىۋاتىمىز.جىگدىلەر تۆكمە
بولۇپ سىسىپ كىتىۋاتىدۇ....بادامنى چاشقانلار ۋەيران قىلىۋاتىدۇ،ئىتىز-قىرلىرىدىكى ئۈرۈكلەر تۆكۈلۈپ كېتىۋاتىدۇ...شۇلارنى ئۆز ۋاقتىدا قىقىپ-يېغىپ،چىرايلىق قۇرۇتۇپ بازارلارغا ئىلىپ كىرىپ،ئۇنى ئىقتىسادى ئۈنۈمگە ئايلاندۇرمىدۇق...نېمە،ۋاقىت يوق دەمسىلەر ؟ۋاقىت دېگەن كەڭرى....ئۇنىڭدىن ئۈنۈملۈك پايدىلانمىدۇق.....يەنە،بىز نامرات دەپ ياشاۋاتىمىز.....ئەپسۇس....!   

مەن ۋە مائارىپ(28)


ئاپتورى:تۇرسۇن ھۈسەيىن بۇژغۇن


ھازىرقى مىللىي مائارىپىمىزدا،بولۇپمۇ ئۇيغۇر مائارىپىدا بىر قىسىم ئوقۇتقۇچىلار
«پاقلان باقماي گۆش يەيمەن...»دەپ كۈن ئۆتكۈزمەكتە.....بۇنداقلارنى مائارىپ
قوشۇنىدا بىر كۈنمۇ ئارتۇق قالدۇرۇشقا قەتئىي بولمايدۇ...!

مائارىپىمىز ئۈچۈن ئۆزىنى بېغىشلىغان سىزدەك ئىجتىھاتلىق ئۇستازلىرىمىزنىڭ بولغانلىقى بىزنىڭ بەختىمىز.