تۇرسۇن ھۈسەيىن بۇژغۇن: مەن ۋە مائارىپ

بۇژغۇن · ۋاقتى: 2013-5-9 10:45:59


	مەن ۋە مائارىپ(9) (مىكرو مۇلاھىزىلەر) ئاپتورى:تۇرسۇن ھۈسەيىن بۇژغۇن 1)بىر پىيالە سىنچاي ئورنىغا، سوۋغا قىلدىم ئۇشبۇ شېئىرىمنى. ئۆتۈپ كەتتى غىلپاللا،كۆپ يىل، يادلاپ قالار ئەۋلاد-ئەجرىمنى. 2)ئېغىر قەدەم،ئېغىر بىر تېنىق، قويدى ماڭا ئاجايىپ سۇئال. ماڭا بۈگۈن قۇتلۇق توي بايرام، رەقىپ دېدى:«قىززىققۇ بۇ ھال.؟» يورۇق بىر نۇر تاراتقان بۇ شام، قەلبلەرگە بەرگەن ھارارەت. نەچچە ئون يىل تاغلاردىن بالقىپ، يېتىلدۈرگەن بۇندا-ماھارەت...! داۋامى بار.....!

ي.ت.توغراق · ۋاقتى: 2013-5-9 11:25:13


	داۋامىنى يوللاڭ، شېئىر يول بىلەن ياخشى گەۋدىلەندۈرۈپسىز

بىلقىز سۇلايمان · ۋاقتى: 2013-5-9 11:41:06


	بۇژغۇن يوللىغان ۋاقتى 2013-5-9 10:45 مەن ۋە مائارىپ(9) ئىلمىي مۇلاھىزىنى شېئىرىي تىل بىلەن ياخشى ئىپادىلەپسىز. مۇبارەك بولسۇن.ئاخىرىمۇ داۋاملىق يوللانغاي!

بۇژغۇن · ۋاقتى: 2013-5-9 12:58:03


	مەن ۋە مائارىپ(9) (مىكرو مۇلاھىزىلەر) ئاپتورى:تۇرسۇن ھۈسەيىن بۇژغۇن 3)بايرىمىڭلار مۇبارەك بولسۇن! مۈشكۈللەرگە بەرداش مۇئەللىم. سەبىي دىللار،پاك قەلبلەرنى، چىن ئەجرىدىن يورۇتقان -مۇئەللىم. شۇنچە يۈكسەك،شۈنچە مۇقەددەس، تۆككەن ئەجرى،قىلغان پەرۋىشى. لېكىن ئۆتەر مۇڭلانغان پېتى... «ئۇلۇغ»لارنىڭ گۈزەل تۇرمۇشى...! مۈشكۈللەرگە بەرداش-مۇئەللىم، سەبىيلەرگە تىلماچ-مۇئەللىم. بايرىمىڭلار مۇبارەك بولسۇن، بارچە دىلغا سىرداش-مۇئەللىم.! 4) ھەي دوستۇم، ئىش قىلغاندا ئويلۇشۇپ قىل،ئۇ ئىشىڭ باشقىلارغا ھەم ئۆزۈڭگە مەنىلىك تۇيۇلىدىغان بولسۇن!ھەر قەدىمىڭنى ئويلاپ باس،قالغان ئىزىڭدىن باشقىلار خۇشاللىققا تولسۇن!پىكىر قىلغاندا ئىخچام ۋە مېغىزلىق قىل،قىل سىغمايدىغان بولسۇن!چۈنكى،شۇنداق قىلالىساڭلا باشقىلار ،ھەتتا،رەقىپلىرىڭمۇ ساڭا قايىل بولماي تۇرالمايدۇ.! 5)مائارىپ قوشۇنىدا شەخسىيەتچىلىككە قىلچىلىكمۇ ئورۇن قالدۇرماسلىق كېرەك. سەلبىي خاراكتىردىكى شەخسىيەتچىلىك ئەمەل تاماسى بىلەن گىرەلىشىپ كەتسە-مائارىپنىڭ پاكلىقىغا مەڭگۈلۈك داغ چۈشۈرۈپ قويىدۇ.ئۇنى ھەر قانچە تازلىساڭمۇ ،ئۇنىڭ ئەسلىدىكى پاكلىقىغا قايتالىشى تولىمۇ قىيىندۇر.ئۇ چاغدا،بۇ داغنى كىممۇ تازىلاپ چىقىرالايدۇ...؟! 6)سەن ھەقىقى بىر مائارىپچى بولساڭ،تاماخورلۇقتىن يېراق تۇر.!شەخسىيەتچىلىك قىلما،نەتىجەڭگە،ئىشدىنىشىڭگە كەڭ جامائەت باھا بەرسۇن!سەندە «ئۈنتۈنسىز تۆھپە قوشۇش روھىي» بولغاندىلا،كەڭ ئامما سېنىڭ ئارزۇيۇڭنى ئەمەلگە ئاشۇرىدۇ،سەنمۇ مۇراد-مەقسىدىڭگە بىمالال يىتەلەيسەن.! 7) ئىنسان ئاۋۋال ئۆزىنى قانداق سۆيۈشنى بىلىشى كېرەك، چۈنكى، ئۆزىنى سۆيۈشنى بىلمىگەن ئىنسان ئەلۋەتتە باشقىلارنى قانداق سۆيۈشنىمۇ بىلمەيدۇ...! 8) ئەزەلدىن ،ئىنسان تەبىئىيتىدىن كۈزەتكەندىمۇ،دۇنيادا شەخسىيەتسىز ئادەم بولمىسا كېرەك.شەخسىيىتى بولمىغان ئىنساندا رۇشەنلىككە ئىگە مەيدان نېمە قىلسۇن؟! 9)نادانلىقنى جەمىيەتتىن، باشقىلاردىن ئەمەس؛ئۆز روھىي دۇنياسىدىن قېزىپ چېقىرالايدىغان ئادەم-تەبىئىكى تەرەققىياتتىن بىمالال سۆز ئاچالايدۇ. 10)مائارىپ-نازۇك روھقا،ساپ ھاۋاغا،سۈزۈك بۇلاق سۈيىگە،خۇش پۇراقلىق سەر خىل گۈللەرگە،گىرەلەشمە پاك مۇھەببەتكە ئوخشايدۇ.خوشامەتكويلۇق،غەيۋەت-شىكايەت،ھەسەتخورلۇق ۋە تاماخورلۇق بۇ زېمىندىكى خۇنۇك روھقا،بۇلغانغان ھاۋاغا، قۇرتلاپ كەتكەن لەش سۇغا ئوخشاش ئىنسانلارنى تولىمۇ سەسكەندۈرىدۇ.! 11)ئىنسانلار چوڭ مېڭىسىنىڭ ئوڭ ياكى سول تەرەپ يىرىم شارچىسى بىر تەرەپلىمە ھالدا زىيادە ئىشلىتىلسە،يەنە بىر تەرەپ تىزگىنلىنىپ قىلىپ،پۈتۈن چوڭ مېڭە خىزمىتىنىڭ پايدىسىز تەسىرىگە ئۇچرايدۇ.ۋاھالەنكى،چوڭ مېڭە سول يىرىم شارچىسى-ئەزالار فۇنكسىيىسى ئارقىلىق ئابىستراكسىيە پائالىيتىنى باشقۇرىدۇ. چوڭ مېڭە ئوڭ يىرىم شارچىسى-ئوبرازلىق تەپەككۈر قىلىشنى باشقۇرىدۇ.شۇڭا، ھەر ئىككى يىرىم شارچە(ئوڭ ۋە سول)نىڭ رولىدىن تولۇق پايدىلانغاندا،تەڭشەش خاراكتىرلىك پايدىلىنىش قىممىتىنى ئاشۇرغىلى بولىدۇ.يەنى: ئا: سول مېڭىنىڭ فۇنكسىيىسى---سۆزلەش،ئوقۇش،قىلىپلاشتۇرۇش،تەھلىل قىلىش،ئۇلانما تەسەۋۋۇر قىلىش،ئابىستراكىسىيەلەش،نەزىريەۋى سەۋىيەگە كۆتۈرۈش،لوگىكىلىق ئەقلىي يەكۈن چېقىرىش فۇنكسىيىسى.شۇنداقلا،ھېسابلاش،تىل ئارقىلىق خاتىرە قىلىش،ۋاقىتنى باشقۇرۇش ھەرىكەت فۇنكسىيىسىدىن ئىبارەتتۇر. ب: ئوڭ مېڭىنىڭ فۇنكسىيىسى بولسا:-ئىدراك قىلىش،ئومۇمىيەتنى چۈشىنىش،ئوخشاشلىقنى بىلىش،سېلىشتۇرۇش،بىۋاستە سەزگۈ،تەكشۈرۈش،مەڭگۈ ئەستە ساقلاش،ئومۇملاشتۇرۇش،مودىللاشتۇرۇش،ماكاننى ئىدراك قىلىش،كۆرۈش سەزگۈسى بىلەن خاتىرە قىلىش،ھېسىيات تۇيغۇسى،دەرمەھەللىك مەسىلىلەرنى ھەل قىلىش،ياتلاشما تەپەككۈر قىلىش،خىيال،رەڭ سىزىمى،مۇزىكا سىزىمى فۇنكسىيىسىدىن ئىبارەتتۇر. يۇقارقىلارنى ئوبدان كۈزىتىدىغان بولساڭ،ئەڭ ياخشى ئۈنۈمگە ئىرىشەلەيسەن...! 12)ئىسلاھ قېلىنىۋاتقان كىشىلىك دۇنياسىدا ئىززەت-ھۆرمىتىمىزنى ساقلاشنىڭ ئامالىي ھەر ئىككى لىنىيە(ئىجتىمائىي پەن قۇرۇلۇشى ۋە تەبىئىي پەن قۇرۇلىشى)بويىچە ھەرىكەتلىنىش، مىللىي مەدەنىيەت پىسخىكىمىزدا ئىجادىي ئۆزگۈرۈش ياساش،ئەقىل چېرىقىنى-مەۋجۇتلۇق ئالىمىدە تولۇق نۇرلاندۇرۇش تەخىرسىزلىنىپ قالماقتا.

بۇژغۇن · ۋاقتى: 2013-5-9 13:02:07


	رەھمەت ئۇستاز توغراق ھەم قىزىلگۈل!

بۇژغۇن · ۋاقتى: 2013-5-9 15:30:31


	مەن ۋە مائارىپ(10) (مىكرو مۇلاھىزىلەر) ئاپتورى:تۇرسۇن ھۈسەيىن بۇژغۇن 1)كىشىلىك تۇرمۇش زور دەرىجىدە كۈچلۈك رىقابەتكە دۇچ كېلىۋاتقان بىر پەيتتە،ئەر-ئاياللار ئوتتۇرىسىدىكى ئايرىلىش پىسخىكىسىنى-قوشۇلۇش(يارىشىش،تويلىشىش)پىسخىكىسىغا ئۆزگەرتىش -بارلىق پەرزەنتلەرنىڭ ئورتاق تەقەززاسى. 2)بىر ئادەمگە نىسبەتەن ئېيتقاندا،يېتىلگەن تالانتنىڭ چىكى بولمايدۇ.ئۇ قانچە مۇكەممەللەشكەنسىرى-ئۇنىڭ ئوبرازى ئالتۇندىنمۇ نۇرانە جىلۋىلىنىدۇ.ئورنى ۋە ئابرويى ھامان يۈكسەكلىك ئالىمىدە گەۋدىلىنىدۇ. 3)قىممەت-ئادەتتە ئالماشتۇرىلىدىغان تاۋار ۋە پۇلنى ئۆلچەم قىلسىمۇ،لېكىن 21-ئەسىرنىڭ تەرەققىيات يۆلىنىشىدە ئۇ تار مەنىدىكى ئۇقۇمغا ئايلىنىپ قالدى. چۈنكى،قىممەت-مەنىۋى،ماددى ۋە ئېجتىمائىي مەدەنىيەتنىڭ تارىخقا قوشقان تۆھپىسىدىن ئىبارەت بولماقتا. 4)مۇغەمبەرلىك-ئوقۇتقۇچى خارەكتىرىگە قىلچە ماس كەلمەيدۇ.ماس كېلىدىغىنى-ئادىللىق،سابدىللىق،مېھرىبانلىق ھەم پەخىرلىنىشتۇر.چۈنكى،ئۇنىڭ ئالدىدا تۇرغىنى توزغاق بولماستىن،بەلكى،ئەڭ نازۇك نوتىدىنلا ئىبارەت خالاس.! 5)ئىنساننىڭ دىلىغا ئەڭ يېقىشلىق نۇر چاچىدىغان نەرسە-كىتاپتۇر.!ئۇ كېلىچەكنىڭ يالقۇنلۇق مەشئىلى!ئەقىلنىڭ چولپىنى!ھايات،كۈرەش،بەخت ۋە ئىستىقبال ھەققىدە شەرھىي بەرگۈچى تالانتلىق ئۇستازدۇر. 6)ئاسمان ۋە زېمىننى زىلزىلىگە كەلتۈرىدىغان بىرەر پارچە كىتاب-ئاسمان ۋە زېمىننى زىلزىلىگە كەلتۈرىدىغان ئەڭ ئالىي مەرتىۋىدىن ياخشىراقتۇر. 7) ئىنسانىيەت مەدەنىيەت تارىخىدا كىتاب -ئىنسانلارنىڭ ئەڭ بۇرۇنقى ئەڭ كەڭ ھەم ئەڭ مول ئوزۇقلۇق قىممىتىگە ئىگە مەنىۋى ئوزۇقى بولۇپ ھىساپلىنىدۇ. 8)ئۆمۈر بويى كىتابتىن ئۆزىگە تەسەللى ئىزدېگەن ئادەم مەڭگۈ مەغرۇر ياشايدۇ. قەددى پۈكلەنمەيدۇ...! 9)كىتابسىز ئۆي بەئەينى،مەڭگۈ يورۇتقىلى بولمايدىغان گۆرگە،نادانلار قاۋاقخانىسىگە ئوخشايدۇ. 10)يالغان سۆزلەش ئەسلىدىنلا بىر خىل يامان ئىللەت بولۇپ،ئۇ چوڭلار ئارقىلىق بالىلارغا كۆچۈپ بارىدۇ.ئەسلىدە بالا«يالغانچى» ئەمەس،چوڭلار «يالغانچى»بولۇش مەسىلىسى تەلىم-تەربىيە جەريانىدا«بالىلارنىڭ ساپ،پاك قەلبىنى يالغانچىلىق بۇيۇملىرى بىلەن پەردازلاپ»-كەلمەكتە.بۇ تولىمۇ قەبىھ ۋاستىدۇر.!

بۇژغۇن · ۋاقتى: 2013-5-17 01:51:19


	مەن ۋە مائارىپ(11) (مىكرو مۇلاھىزىلەر) ئاپتورى:تۇرسۇن ھۈسەيىن بۇژغۇن 1) بالىلارنىڭ تەپەككۇرى ئۇلارنىڭ ساغلام پىسخىكىسى بىلەن زىچ مۇناسىبەتلىك. «ئاپتونۇم رايۇنىمىز،بولۇپمۇ ئۈرۈمچى شەھرىمىزدە نەچچە يىللاردىن يۈز بەرگەن نەتىجىلىرى بىلەن قۇرۇلتاينى تەبرىكلەيمىز....»دېگەن رادىئو خەۋىرىدىكى خاتا قوللىنىلغان بىر سۆز بىرىكمىسىنى تولۇقسىز 2-يىللىقنىڭ بىر ئوقۇغۇچىسى5مىنۇتقىچە تاپالمىغان،ئەمما،باشلانغۇچ 1-يىللىقتا ئوقۇيدىغان بىر ئوقۇغۇچى بىر يىرىم مىنۇت ئىچىدە «يۈز بەرگەن»دېگەن سۆز خاتا قوللىنىلغان...دەپ جاۋاپ بەرگەن.مانا بۇ بالىلارنىڭ يېشى بىلەن ئەمەس،بەلكى،تەپەككۈرنىڭ كۈچلۈكلىكىنى ئىسپاتلاپ تۇرۇپتۇ... 2)بالىلارغا كۆپرەك ۋاقتىنى ئاجرىتىشنى خالىمايدىغان ئوقۇتقۇچى-ئۆزىنىڭ نەمۇنىلىك رولىنى يوقاتقان؛شەخسىيىتى-ئوقۇغۇچىلار كۆللىكتىۋىدىن غالىپ ئورۇنغا قويۇلغان؛ مەجبۇرىيەت ھەم مەسئۇلىيەت تۇيغۇسى ئاجىزلاشقان ئوقۇتقۇچىلاردۇر.بۇلار ساپا مائارىپى ھەم ئۇچۇر مائارىپى كەڭ ئومۇملاشتۇرىلىۋاتقان بۈگۈنكى يېڭى مائارىپ ئەندىزىسىنى قانداقمۇ چۈشۈنۈپ يېتەلىسۇن...!؟ 3)سەن بىر سۆيۈملۈك ئوقۇتقۇچى،چىرايىڭدىن تەبىئىي ئىللىقلىق ھەم خۇشاللىق تەبەسسۇمى جىلۋىلەنسە،بالىلار سېنىڭ بۇ ئوبرازىڭدىن پەخىرلىنىدۇ،ئازادىچىلىكنى ھىس قىلىشىدۇ. ئەكسىنچە«تەنبىھ ھەم غەزەپ ئارىلاشقان كۈلكەڭ»دىن بالىلار ئىغىر بىسىم ۋە خورلۇق ھىس قىلىشىدۇ. 4)«ئۈچ تۈرلۈك بىسىم»-بىر قىسىم ئارقىدا قالغان ئوقۇغۇچىلارنىڭ قەلبىنى ئازاپلاپ،مەكتەپتىن،ئائىلىسىدىنقېچىشنىڭ سەۋەبى بولماقتا.يەنى1)مەكتەپتە-سىنىپ مۇدىرى ۋە دەرس ئوقۇتقۇچىلىرىنىڭ بىسىمى (2)ئائىلىدە-ئاتا-ئانىسى ۋە چوڭلارنىڭ بىسىمى(3)ساۋاقداشلىرى ۋە جەمئىيەتتىكى تۈرلۈك بىسىملار....بۇ خىل سەۋەبلەر ئارقىدا قالغان ئوقۇغۇچىلار ئۈچۈن بىر كۈچلۈك توسالغۇ پەيدا قىلىپ، ئۇلارنىڭ ئۆزىگە بولغان ئىشەنچىسىنى يېتىلدۈرۈش ئىمكانىيىتىدىن مەھرۇم قىلىپ،«تەنبىھ،قوپال تەربىيە،تەن جازاسى،چەتكە قېقىش،تۇرغۇزۇپ قويۇپ جازالاش ھەمدە سىنىپتىن قوغلاپ چېقىرۋىتىش،ئىشخانىغا ئەكىرىپ كۈن-كۈنلەپ تۇرغۇزۇپ قويۇش»تەك ۋاستىلىرى ھازىرقى زامان بالىلىرىنىڭ كەلگۈسىگە «ئۈمىدسىزلىك»-بىلەن قارايدىغان جىمخورلۇق،روھىي چۈشكۈنلۈك،غەلىتە مىجەزلىك ،قارشىلىشىش ھەمدە مەغلۇبىيەتچىلىك ئۇرۇقىنى چاچماقتا. نەتىجىدە،ئۇلاردا خامۇشلۇق،دىۋەڭلىك كىسەللىكلىرىنىڭ كۆپلەپ مەيدانغا كىلىشىنى ئىلگىرى سۈرمەكتە...! 5)ئوقۇتقۇچىلار ئائىلە باشلىقلىرى يىغىنىدا«بالىڭىز ھېچنىمە بىلمەيدۇ...»دېگەندەك «تەكلىپ پىكىر»لەرنى قەتئىي ئوتتۇرغا قويماسلىق كېرەك،ئەگەر بالىلار بىر نەرسە بىلسە-مەكتەپتە نېمە ئىش قىلسۇن؟ ئاتا-ئانىلار دەرسلىكلەرنى ھەقىقىي بىلسە-بالىلىرىنى مەكتەپتە ئوقۇتۇپ نېمە قىلىدۇ...؟!

بۇژغۇن · ۋاقتى: 2013-5-27 17:23:53


	مەن ۋە مائارىپ(12) (مىكرو مۇلاھىزىلەر) ئاپتورى:تۇرسۇن ھۈسەيىن بۇژغۇن 1)سەن بالىلارغا قانچە يېقىنلاشساڭ،ئۇلارغا كۆڭۈل بۆلسەڭ،ئۇلارنىڭ ئويلىغانلىرىنى ئويلاپ يېتەلىسەڭ-ئەلۋەتتە ساڭا تەلمۈرۈپ تۇرغان ئاشۇ بالىلارمۇ تەبىئىي رەۋىشتە ساڭا يېقىنلىشىدۇ،تۇغۇلغان سۇئاللىرى بولسا سەندىن ئەركىن-ئازادە،بىمالال،يۈرەكلىك ھالدا سورىيالايدىغان بولىدۇ. ئەكسىچە بولسا،ئۆزۈڭگە مەڭگۈلۈك ،تۈگۈمەس ۋىجدان ئازاۋىي تېرىۋالىسەن...! 2)«بالىلاردىن رەنجىش» ئەقىلسىزلارنىڭ نادانلىقىدىندۇر.رەنجىشكە توغرا كەلسە-ئۇلارنى شۇ خىل ئەھۋالغا چۈشۈرۈپ قويغان ئائىلە،جەمئىيەت ۋە مەكتەپتىكى بىر قىسىم تەربىيىچىلەر دىن رەنجىسەڭ بولىدۇ.بۇ ھەقىقى دەنالىقتۇر... 3)بالىلارنى ئۆزىگە ئوخشاش كۆرۈش تولىمۇ ئاقىلانىلىقتۇر.چۈنكى،ئوقۇتقۇچى بالىلارنى ئۆزىگە ئوخشاش چۈشەنسە،ئوخشاش مۇئامىلىدىن بەھرىمان قىلالىسا،ئەلۋەتتە، بالىلارنىڭ يۇمران قەلبىدە مۇكەممەل بولغان ئىشەنچ ۋە ئىرادە يىتىلدۈرەلەيدۇ...! 4)بىز بارلىق ھېسىياتىمىزنى بالىلارنىڭ روھىي دۇنياسىدىن ھېس قىلالايمىز،چۈنكى،بالىلارنىڭ بارلىقى بىز بىلەن ئۆمۈرلۈك باغلانغان.بىزنىڭ خۇشاللىقىمىز ئۇلارنىڭ كەلگۈسىگە بىغىشلانغان. شۇڭا،ئۆمۈرلۈك مائارىپ ئۈچۈن ئۆزىمىزنى بىغىشلاش-كەڭ ئوقۇتقۇچىلارنىڭ مۇقەددەس بۇرچىدۇر. 5)ئوقۇتۇش ۋە تەلىم-تەربىيە خىزمىتىدە-ئىزچىللىق،يېڭىلىق يارىتىش ھەم ئىلمىيلىك ئىنتايىن مۇھىمدۇر.ئىزچىللىق بولۇپ ،ئىلمىيلىك ۋە يېڭىلىق يارىتىش بولمىسا،بالىلاردا ئىجادچانلىق روھنى يىتىلدۈرگىلى بولمايدۇ.يېڭىلىق ۋە ئىلمىيلىك بولۇپ،ئىزچىللىق بولمىسا،بالىلاردا مۇستەقىللىق ئىڭىنى شەكىللەندۈرگىلى بولمايدۇ. 6)بالىلارنى ماس ھالدىكى دەرستىن سىرتقى پائالىيەتلەرگە ئۇيۇشتۇرۇش-ئۇلارنىڭ ساغلام ئۆسۈپ يېتىلىشىگە پايدىلىق.بالىلارنىڭ زېھنىي ۋە تەن ساپاسىنى تەرەققى قىلدۇرۇش ئۈچۈن چوقۇم نورمال ئۆگىنىش شارائىتىنى ۋە پائالىيەت مۇھىيتىنى ھازىرلاش ئىنتايىن مۇھىمدۇر.! 7)ئوقۇتقۇچى-مەرىپەت ھىدىنى تارقاتقۇچى.ياش-ئۆسمۈرلەرنى پەرۋىش قىلغۇچى.ئەۋلاد بەختى ئۈچۈن ئىلىم-پەنگە چۇڭقۇر سىڭىپ كەتكەن،ئىلىم-پەن «قەلەندەرى». 8)روھتىن تۆرەلگەن بارلىق مەۋجۇدىيەت-پاجىئە ۋە قىزىقىشتىن يارالغان مۇئەييەن مەۋجۇدىيەت گۈزەللىكىدۇر. 9)ئۆزىدىن ئەيىپ ئىزدەشتىن قاچىدىغانلارغا قارىغاندا،ئۆز ئەيىپىنى بىلگەن،ھەقىقى ھېس قىلالىغان كىشىلەر-كىشىلەر قەلبىدىكى ئۇلۇغ مەبۇدەگە ئايلىنالايدۇ. 10)ئوقۇغۇچىلارنى ئوقۇتقۇچىلارنىڭ سۆزلىگەنلىرىگە قارىتا جۇرئەت بىلەن گۇمانتارلىق نوقتىسىدىن ئۆز كۆز قارشىنى ئوتتۇرىغا قويۇشقا رىغبەتلەندۈرۈپ،ئوخشاش بولمىغان پىكىرلەرنى دەرسخانىدا مۇلاھىيزە قىلىشقا يول قويۇش-ئوقۇغۇچىلارنىڭ يېڭىلىق يارىتىش، ئىجادچانلىق روھىينى يىتىلدۈرۈپ،ئۇلارنىڭ ئۆگىنىش قىزغىنلىقى ۋە بىلىمگە بولغان تەشنالىق،ئىنتىلىشىنى قوزغاشقا ئىنتايىن پايدىلىق.

ئابدۇرېھىم زۇنۇ · ۋاقتى: 2013-5-27 17:36:30


	بۇ مۇلاھىزىلەرنى تەپسىلىي كۆرۈپ چىقتىم. ئۈلگە قىلغۇدەك تەرەپلەر بار ئىكەن. بىزنىڭ مائارىپچىلىرىمىزدا مۇشۇنداق روھ بولسا، نېمەدېگەن ياخشى بولاتتى! بېغىشلاش روھى دېگەن مانا شۇ. چەكسىز ئۇتۇق ۋە پارلاق ئىقبال يار بولسۇن!

تاشۋاي ئوغلى · ۋاقتى: 2013-5-28 10:42:52


	كەلگۈسىمىزنىڭ داغدام يوللىرىنىڭ بېرى بولغان بۇ ساھەدە ئۇستازلىرىمىزنىڭ ئەجرى چوقۇم ئۈنۈم بېرىدۇ .

بۇژغۇن · ۋاقتى: 2013-5-28 17:23:51


	مەن ۋە مائارىپ(13) (مىكرو مۇلاھىزىلەر) ئاپتورى:تۇرسۇن ھۈسەيىن بۇژغۇن 1)«تەتقىقات ۋە مۇلاھىزە خاراكتىرلىك سۇئال سوراش»نى دەرسخانا ئوقۇتۇشىدا سىناق قىلىش جەريانىدا،مەن تىل ئەدەبىيات دەرسى-ئوقۇغۇچىلارنىڭ تەسسەۋۇر ۋە تىل سەزگۈرلىكىنى ھەمدە ياخشى بولغان تەپەككۈر ئادىتىنى ،شۇنداقلا،كۈچلۈك يېزىق ۋە يېزىقچىلىق،مۇستەقىل ئىجاد قىلىش، يېڭىلىق يارىتىش خاراكتىرىنى يىتىلدۈرىدىغانلىقىنى ؛بىردىنبىر«ئۆلچەملىك» جاۋاپ بىلەنلا ئوقۇغۇچىلارنىڭ تەپەككۈرىنى بوغۇپ قويماسلىق لازىملىقىنى ھەقىقىي يەكۈنلەپ چىقتىم...! 2)ئىلمىي تەجرىبە ۋە ئىلمىي سىناق بىر گەۋدىلەشتۈرۈلگەن ئوقۇتۇش-ئوقۇغۇچىلارنىڭ ئىلىم-پەننى سۆيۈش،ئىلىم-پەننى ئۆگىنىش قىزغىنلىقىنى قوزغاپ،ئۇلاردا ئەستايىدىللىق،مەسئۇلىيەتچان،ھەقىقەتنى ئەمەلىيەتتىن ئىزدەيدىغان ئىلمىي پوزۇتسىيە يېتىلدۈرۈپ،ئۇلارنىڭ كۈزىتىش ئىقدىدارىنى،مەسىلىلەرنى بايقاش،ئۇقۇملاش- تۇرۇپ تەھلىل قىلىدىغان تەپەككۈر ئەندىزىسىنى،مەسىلىلەرنى قول سىلىپ ھەل قىلىش ئىقتىدارى ۋە يېڭىلىق يارىتىش ئىقتىدارىنى يۇقۇرى كۆتۈرۈشكە تولىمۇ پايدىلىق. 3)بىز داۋاملىق تىلغا ئېلىپ كېلىۋاتقان «يېڭىلىق يارىتىش» بولسا-مۇستەقىل پىكىر يۈرگۈزۈشكە جۈرئەت قىلىش؛«ھەقىقەتنى ئىزدەش» بولسا-ھەقىقەتتە چىڭ تۇرۇپ، خاتالىقلارنى تۈزىتىشكە جۇرئەت قىلىش؛«ئۆزىنى بىغىشلاش »بولسا-شەخسىي پايدا- زىيان بىلەن ھىساپلاشماسلىق دېگەنلىكتۇر. 4)ئوخشاش مۇھىتتا ئوقۇغۇچىلارنىڭ ئوخشاش بولمىغان خاراكتېر-ئالاھىيدىلىكىگە قاراپ ئىلمىي يىتەكلەش ۋە تەربىيەلەش---ساپا مائارىپىنى چىن مەنىسى بىلەن ئىزچىللاشتۇرۇشنىڭ ئۈنۈملۈك،ئەڭ ياخشى بولغان بىر شەكلىدۇر. 5)ئوقۇغۇچىلارنىڭ خاسلىقىنى تەرەققى قىلدۇرۇشتا،بىز ئوقۇغۇچىلارنى ئوخشاش بولمىغان پىكىرلەرنى دادىل ئوتتۇرىغا قويۇشقا رىغبەتلەندۈرۈپ،ئۆزىنى نامايەن قىلىشقا ئىلھاملاندۇرىشىمىز زۆرۈردۇر...! 6)بەلگىلىك مۇھىت،يەنى،بىر ياخشى تەربىيە مۇھىتىنى تاللاپ،ئوقۇغۇچىلارنى «مۇنبەر»گە چېقىرىپ،ئوقۇتقۇچى«مۇنبەر»دىن چۈشكەندە،ئوقۇغۇچىلارغا بولغان تەربىيىنى جانلىق،ئۈنۈملۈك ھەم ئاكتىپ قانات يايدۇرغىلى،كۆزلىگەن مەقسەتكە ھېچقانداق توسالغۇسىز يەتكىلى بولىدۇ... 7)ئۇچۇر-تېخنىكىسىنىڭ ئوتتۇرا -باشلانغۇچ مەكتەپلەردە كەڭ ئومۇملىشىشى-ئۇنىڭ بېۋاستە،جانلىق،تىز بولۇشتەك ئالاھىيدىلىكى،ئوقۇغۇچىلارنىڭ ئىجادچانلىقى ۋە ئاكتىپ ئۆگىنىش روھىينى تەرەققىي قىلدۇرۇپ،ئۇلارنىڭ نەزەر دائىرىسىنى كېڭئەيتىشتىكى ناھايىتى جەلپكار ۋاستىدۇر. 8)ئوقۇغۇچىلارنىڭ سوبىيىكتىلىق رولىنى جارى قىلدۇرۇش روشەن بىر چوڭ ئىلگىرلەش بولۇپ، ئۇ ئوقۇغۇچىلارغا پەقەت سىستىمىلاشقان بىلىملەرنى ئىگىلىتىپلا قالماستىن ،بەلكى،ئالاھىيدە بىلىم ئېلىش ئۇسۇللىرىنى تېخمۇ ياخشى ئۆگىتىدۇ. 9)ئوقۇغۇچىلارنى ئەمەلىيەت جەريانىدا مەسىلىلەرنى بايقاشقا،تەھلىل قىلىشقا،تەتقىق ۋە مۇلاھىيزە قىلىشقا،ئاخىرىدا مەسىلىلەرنى ھەل قىلش جەريانىغا يېتەكلەش ئوقۇغۇچىلارنىڭ ئىجاد قىلىش روھىي ۋە ئەمەلىيەتتىن ئۆتكۈزۈش ئىقتىدارىنى يېتىلدۈرۈشنىڭ ئۈنۈملۈك ئۇسۇلىدۇر. 10)بارلىق ئوقۇتقۇچىلار ئۆز ھېسىياتىدىن بەكرەك ئوقۇغۇچىلارنىڭ ھېسىياتىنى داۋاملىق قەدىرلىگەندە،ھۆرمەت ۋە ئىززەت قىلغاندىلا،ئاندىن ئوقۇغۇچىلارنىڭ چوڭقۇر ئىشەنچىسىگە نائىل بولالايدۇ....

ئىبنۇرى · ۋاقتى: 2013-5-29 15:47:48


	باشقۇرۇش تۈزۈلمىسىدىكى تەكشىسىز تۆرىچىلىك خائىشى ‹‹بۇزغۇن››كەبىي روھىمىزنىي خەستە قىپقويۋاتىدۇ...................

بۇژغۇن · ۋاقتى: 2013-5-31 11:11:40


	تۈزۈلمە باشتىن مۇكەممەل تۈزۈلگىنى بىلەن ئۇنى ئىجرا قىلىۋاتقانلار ھەم شۇ ئورۇندا يەنى 1-سەپتە ئىشلەۋاتقان بىر قىسىم كىشىلىرىمىزمۇ بۇ يوللارنى ئۆز قولى بىلەن كاداڭ قىلىپ قويىۋاتىدۇ... شۇ سەۋەپلىك كۈندە بىر يېڭى قائىدە-تۈزۈملەردىن باش كۆتۈرەلمەي... كىسەلنى ئۆزىدىن ئەمەس،قانداقتۇر پارتىيە ۋە ھۆكۈمەتتىن ئىزدىشىپ،ئورۇنسىز رەنجىشىدۇ... ئىبنۇرىنىڭ دېگەنلىرى ئورۇنلۇق....رەھمەت...!

بۇژغۇن · ۋاقتى: 2013-6-5 12:47:37


	مەن ۋە مائارىپ(14) (مىكرو مۇلاھىزىلەر) ئاپتورى:تۇرسۇن ھۈسەيىن بۇژغۇن 1)تۇرمۇش-گوياكى ئاجايىپ گۈزەل بىر ئىمارەتكە ئوخشايدۇ... 2)ئوقۇغۇچى---ئوقۇتقۇچى ئۈچۈن ئەڭ سۈزۈك،ئەڭ لىللا كۆرسەتكۈچ ئەينەكتۇر. 3) ئاشكارە خەۋپتىن -يوشۇرۇن خەۋپ تولىمۇ قورقۇنچلۇق ھەم خەتەرلىكتۇر... 4)بىر مۇخبىر باشلانغۇچ مەكتەپنىڭ يۇقۇرى يىللىقىدا ئوقۇيدىغان بىر ئوقۇغۇچىدىن چوڭ بولغاندا نېمە بولۇشنى ئارزۇ قىلىدىغانلىقىنى سورىغاندا،ئۇ ئوقۇغۇچى:«-ئوقۇتقۇچى بولۇش» دەپ جاۋاپ بەرگەن.مۇخبىر بۇنداق دېيىشىنىڭ سەۋەبىنى سورىغاندا،ئۇ ئوقۇغۇچى ئىكىلەنمەستىن:«-ئوقۇتقۇچى بولسام،بالىلارنى ئۇرۇپ باشقۇردىكەنمەن...» دەپ جاۋاپ بەرگەن...قاراڭلار كەسپداشلىرىم «تەن جازاسىنىڭ بۇ خىل ئۈنۈمىنى...؟»،مۇخبىرمۇ چۆچۈپ كەتكىنىدىن نېمە دېيىشىنى بىلەلمەي كېتپ قالغان...بىز ناھايىتى سەگەكلىك بىلەن بالىلارغا مۇئامىلە قىلىشىمىز كىرەك... 5)بالىلارنىڭ «خامۇشلۇق كېسىلى»گە ۋە «مەكتەپتىن قېچىش ھەم مەكتەپتىن رايى يېنىش ھادىسلىرى»نىڭ كۆپلەپ پەيدا بولىشى ،ئاساسەن مەكتەپ ۋە ئاتا-ئانىسىنىڭ سەۋەبىدىندۇر. 6)سەنئەت تەربىيىسى-ئوتتۇرا-باشلانغۇچ مائارىپىدا ئەھمىيەت بىرىشكە تېگىشلىك مۇھىم تەربىيىدۇر. بالىلار بۇ خىل تەربىيەدىن مەھرۇم قىلىنسا،تەبىئىي رەۋىشتە بالىلىرىمىزنىڭ تەپەككۈرى ۋە پىسخىك ساغلاملىقى ئىغىر دەرىجىدە توسقۇنلۇققا ئۇچراپ،ئۇلاردا بار بولغان ئىقتىدار ھەم ماھارەتلەرنى مۇستەقىل ئىپادىلىشىنى تاقاقلاپ قويىمىز.بۇ نۆۋەتتە بىز يۈزلىنىۋاتقان ساپا مائارىپىنىڭ قانۇنىيەتلىرىگىمۇ مۇخالىپتۇر...! 7)مائارىپ قوشۇنىدا بىر قىىسىم«ئوقۇتقۇچىلار»نىڭ ئىددىيىسىنى تولۇق ئوپىراتسىيە قىلمىسا بولمايدىغان دەرىجىگە بىرىپ قالدى.چۈنكى،ئۇلاردا ئىنسانپەرۋەرلىك روھ ۋە ئادىمىيلىك پەزىلەتتىن قىلچىلىكمۇ ئەسەر بولمىغاچقا،ھازىر كەڭ جەمئىيەت پۇقرالىرى ۋە خەلقئارادىكى خىلى كۆپ دۆلەتلەر بىزنىڭ مائارىپىمىزنى،مائارىپچىلىرىمىزنى قىلچىلىكمۇ كۆزىگە ئىلىپ قويمايۋاتىدۇ.ئەكسىنچە«گۇمران بولغان مائارىپ»دەپ يەكۇنمۇ چېقىرىۋەتتى...بۇ كۆپ قىسىم مائارىپچىلار ئۈچۈن قىلىنغان ھاقارەتتىن باشقا نەرسە ئەمەس...ئويلىنىش ئىچىدە ئىزدىنىش؛ئىزدىنىش ئىچىدە تۈزەش-ياخشىلاش؛ياخشىلاش ئىچىدە تەرتىپكە سېلىش ئىنتايىن مۇھىمدۇر...! 8)مائارىپ ۋە ئوقۇتۇش-مائارىپ پىداگوكلىرىدىن تەشكىللەنگەن باشلامچىلارنىڭ ئىلمىي پىلانلىشى،نىشان بەلگىلىشى،ئىجرا نازارەتچىسى ھەم جەريان-نەتىجىلىرىنى قانۇنىيەتلىك ھالدا يەكۇنلەپ،ئۇنىڭ جەمئىىيەت تەرەققىياتىغا ماس قەدەمدە باشقۇرۇلۇشى،باشقۇرۇش سەۋىيەسى،باشقۇرۇش ئەخلاقى،باشقۇرۇش ئىستىلى.....قاتارلىق جەھەتلەردىن ئۇنۋىرسال يېتەكلەنسە...مائارىپنىڭ تەرەققىياتىدا ئالەمشۇمۇل ئۆزگۈرۈشلەر قولغا كىلىدۇ....ئەگەر ئەكسىنچە ،داۋاملىشىدىغان بولسا،مائارىپ-يۈك ساقلايدىغان ئىسكىلاتقىلا ئوخشاپ قالىدۇ.

بۇژغۇن · ۋاقتى: 2013-7-30 11:15:42


	جۇدۇنلارنى باھار بىلەن بىزەۋاتقانلار بىزنىڭ پەرزەنتلىرىمىز...!باھارنى بەختكە ئىرىشتۈرگۈچىمۇ يەنىلا بىزنىڭ ئەشۇ ئوماقلىرىمىز...!بەختنى چىن مەناغا تويۇندۇرغۇچىمۇ يەنىلا بىزنىڭ سەبىلىرىمىز...!مۇھەببەتلىك ئائىلىنى شاتلاندۇرغۇچىمۇ يەنىلا سۆيۈملۈك بالىلىرىمىز...!شۇڭا كونىلار:«بالىلىق ئۆي-بازار،بالىسىز ئۆي-مازار.»دەپ ناھايىتىمۇ توغرا يەكۈنلىگەن ئىكەن...!