يامغۇر چىقار قانچە تال ( بالىلار شېئىرى ) [ئۇلانما كۆچۈرۈش]

مۇھەممەتجان ئەمەت ئۆزكان
يامغۇر چىقار قانچە تال
قارا بۇلۇت ، ئاق بۇلۇت ،
يۈگرەشلەردە بەسلەشتى .
تەڭ چىققاچقا پەللىگە ،
جىلە بولۇپ سەكرەشتى .

چىماقلاشىپ تىركەشتى ،
بەل تۇتۇشۇپ چىلىشىپ .
ئىككى بۇلۇت بوش كەلمەي ،
پومداقلاشتى چىمىشىپ .

بىر – بىرىنى ئۇتالماي ،
چىلىق – چىلىق تەرلەشتى .
كۆكتىن چۈشۈپ مارجانلار ،
توكۇر – توكۇر سەكرەشتى .

ساناپ باقماق بولۇشۇپ ،
ساناق ساناپ توۋلاشتۇق .
بىر يەرلەرگە كەلگەندە ،
سان تاپالماي قىلىشتۇق .

تىرىقلاتتى ئەينەكنى ،
ئۇششاق – ئۇششاق تامچىلار .
سانىم قانچە ؟ دېگەندە ،
تۇرۇپ قالدۇق بالىلار .

يېشىل قومچاق ئۇستىكەن ،
ھېساپلىدى كۇركىراپ .
يامغۇر توختاپ بولغۇچە ،
ھېرىپ كەتتى خىرقىراپ .

سورىغاندا جاۋاپنى ،
كەتتى قېچىپ سەكرەشتىن .
خىجىل بولۇپ ئۇيالدۇق ،
قايتا – قايتا سوراشتىن .

يامغۇر چىقار قانچە تال ،
بىر دېڭىزدەك كېلەرمۇ ؟
سىڭىپ كەتتى تۇپراققا ،
بىرتال – بىرتال ئۈنەرمۇ ؟
مەنبە : قەلىمىم

بالىلارنىڭ تىل ئالاھىدىلىكىگە دىققەت قىلىڭ. شېئرنىڭ سوبىستىك كەڭلىكىگە نەزەر ئاغدۇرۇڭ.

ئشنىڭ نېمىلىكىنى بىلمىسەك؛نېمە ئشنى كىمنىڭ قىلىشى كرەكلىكىنى بولسىمۇ بىلىشكە ئورۇنايلى.
« قولۇڭدىن كەلگەننى ئەمەس،ياراشقىنىنى قىل» دېگەن بىزنىڭ ئەللامىلار.
ئەپسۇس،بىزدە ئۆزىنى بىلىش خاراكتېر تىپىنى ئالالمايۋاتىدۇ،ۋاھاكىزالار.
مەسىلەن: مەن بالىلار تېمىسىدىكى ئەسەرلەر ( ۋە ياكى باشقا تېمىدىكى ئەسەرلەرنى ) يېزىشتىن بۇرۇن ،«مەن دېگەننى باشقىلار دەپ بولدىمۇ ،قانداق؟» دېگەننى تۇنجى بولۇپ ئويلىنىمەن. ئەگەر،باشقىلار شۇ خۇسۇستا قەلەم تەۋرەتمىسە؛
( تەۋرىتىپمۇ مەن كۆزلىگەن ئۆنۈمگە ئېرىشەلمىسە) قولۇمدىكى قەلەمنى رەڭلەيمەن. مەن ئىپادىلىمەكچى بولغان ئىددىيە ئىلگىرى سۈرۈلۈپ بولغان بولسا،ۋاز كېچىشنى ئاڭلىق تاللىۋالىمەن. بولمىسا،ئۆزۈمنى ئىپادىلەشكە ئورۇنىمەن.

بۇ بەك ئەققىلي ساۋاد بولۇپتۇ. ھەقىقەتەن يېڭىلىق يارىتىشقا ئەھمىيەت بېرىش كېرەك. مەھەممەتقان ئەمەتنىڭ بۇ شېئىرىدا ئازراق ئىلگىرلەشنىڭ ئېلمىنتىلىرىنى كۆردۈم

مۇبارەك!
ياخشى چىقىپتۇ!!! بۇ يازمىنى ئاخىرىدا   ئەخەت تەھرىرلىگەن. ۋاقتى  2013-1-18 22:29  

   بەكلا يېقىشلىق چىقىپتۇ، ئوخشۇتۇشلىرىمۇ جايىدا. بالىلارچە قىلىق ھەم تىل جايىدا ئىپادىلەنگەن.