گۈلدەستە__يۈسۈپجان بارات جەۋھىرى [ئۇلانما كۆچۈرۈش]

            گۈلدەستە
يۈسۈپجان بارات جەۋھىرى
1
بىمارغا بارلىقىڭ تەقدىم،قولۇڭ دائىم  شىپاھ دوختۇر،
چىرايىڭدا قوياش چاقنار،يۈرەكىڭ  ئوت -لاۋا دوختۇر.
بىمارنىڭ ساقلىقى بەختىڭ،ئۇنىڭچۈن كۆيمىكىڭ ئەھدىڭ،
تۈمەن دىلدىن كېچە-كۈندۈز ياغار ئالقىش ساڭا دوختۇر.
2
بوغۇنلارغا كۆيەر دائىم ھايات شامىڭ بۈيۈك ئۈستاز،
ساناقسىز غۇنچىغا كۈن-تۈن يۈرەك باغرىڭ كۆيۈك ئۇستاز.
سىنىڭ شاھانە تەختىڭدۇر،ئۆمۈر ئۆتكەن ئەشۇ مۇنبەر،
ئەجىر-مېھنەت دېڭىزىدا گويا غەۋۋاس يىتۈك ئۇستاز.
3
ئېتىزغا گۈل ،نەقىش چەكتى جاپاكەش مېھنىتىڭ  دېھقان،
تالاي دىللارغا كۈچ بەردى،ھوسۇلۇڭ نېھمىتىڭ دېھقان.
كۆڭۈل-كۆكسۈڭ گويا ئالەم،سېخىلىقتا ئۆزۈڭ ھاتەم،
يۈرەكتە يادلىنار مەڭگۈ ئىسىل شۇ خىسلىتىڭ دېھقان.
4
كەشىپ ئەتمەك ئۈچۈن كۆيدى يۈرەك باغرىڭ قېنىڭ ئالىم،
ئىلىم-پەن ئىشقىدا ئۆتتى پۈتۈن ئۆمرۈڭ سېنىڭ ئالىم.
يىشىلدى ئىجتىھات  بىرلە،ئىلىمنىڭ تىلسىمى پۈتكۈل،
سالامەت بولغۇسى دەر ئەل،مۇبارەك شۇ تىنىڭ ئالىم.
5
ئىجادقا ئىختىرا قىلغان ئىلىم پەرۋانىسى شائىر،
يۈرەككە ياقتى زەمزەمدەك كۈيۈڭ دۇردانىسى شائىر.
شىرنىلەر يىققۇچى گۈلدىن،ھەسەلنىڭ ھەرىسىدۇرسەن،
ھايات گۈلزارىدا ھارماس،چىلىش مەردانىسى شائىر.
6
چىقاردىڭ ئاق توقاچ گىردە،تونۇردا مىڭ كۆيۈپ ناۋاي،
سۇنارسەن  ئەلگە ئاق ناننى سەھەردە يەڭ تۈرۈپ ناۋاي.
دىلىڭغا شادلىقىڭ سىغماس تونۇردىن چىقسا ئاي پارلاپ ،
ئەبەتكە  ئەل ئۈچۈن كۆيگىن ،كەسىپنى سەن سۆيۈپ  ناۋاي.
7
پۈكۈلمەيدۇ جاپالاردا ئىگىلمەس قامىتىڭ باغۋەن،
قاداق قوللاردا پارلايدۇ بەخت-ھەم ئامىتىڭ  باغۋەن.
ئۆتەر ئۆمرۈڭ ئېتىز–باغدا تۈمەن گۈللەرنى پەرۋىشلەپ،
ۋەتەن–ئەلگە سۇنۇلغان بۇ ،گۈلۈڭدۇر راھىتىڭ باغۋەن.

يەتتە تال گۈل - يەتتە قەسىدە !
ئادەملەرنىڭ ئەڭ توھپىكارلىرىنى مەدھىيەلەپسىز . بارىكاللا !

بارلىق كەسپ ئىگىلىرىگە جەۋھىرى  نامىدا  ئوتلۇق سالام ۋە ئالى  ئېھتىراملار بولسۇن!...

گۈلدەستىلەردىن يۈرەك شادلاندى. ئۈزۈلۈپ قالمىغاي.گۈلدەستىنىڭ  ئۇتۇقى بىلەن سىزنى تەبرىكلەيمەن.

جەۋھىرى ئۇستازنىڭ يېقىشلىق مىسرالىرىدىن دىللار سۈيۈندى،ئەجرىڭىزگە تەشەككۈر!