«ئايال يازغۇچىلار كىتاب ئوقۇش كۇرسى»ئېچىلدى   [ئۇلانما كۆچۈرۈش]

ھەقىقەتەن بەك خاسىيەتلىك  ئىش بولۇپتۇ ، ئايال يازغۇچىلىرىمىزنىڭ بۇ قېتىمقى پائالىيىتى بىزنى بەك سۇيۇندۇردى ، بارلىق قەلەمكەش ھەدە سىڭىللارغا كەمىنىدىن ئوتلۇق سالام

يۇرتىمىزدىن چىققان ياش ئىقتىدارلىق شائىرە ھاجىرە قاسىم،سائادەتگۈل ساتتار ھەم شۇنداقلا  پىشقەدەم ئۈچ ئانا يازغۇچىمىزغا شۇنىڭ بىلەن بىللە بارلىق ئايال ئاپتۇرلارغا ئالى سالام يوللايمەن.تىنىڭلار سالامەت،تۇرمۇشۇڭلار مەنىلىك ئۈتۈشىنى ئۈمىت قىلىمەن.

بۇ قېتىمقى پائالىيەتنى ئۇيۇشتۇرغان ئۇرۇن ۋە شەخسلەرگە كۆپتىن-كۆپ رەھمەت ئېيتىمەن.

سائادەت سىز يوللىغان رەسىملەر چىقماپتىغۇ.

ھەي گۇلچىراي خانىملا،
تۇرۇپسىلە بەك ئوماق،
ئولتىرالماي قالدۇمغو،
ئاسقۇم كېلىپ كۆز مۇنچاق.

بەرقىكا مىنىڭ ئىنكاسىمنى كۆرمەيلا چىقىۋەرگەن گەپمۇ ؟  قويىڭە سىزنى .

پائالىيەت سۈرەتلىرىدىن:

بۈگۈن چۈشتىن بۇرۇن شىنجاڭ پىداگوگىكا ئۇنىۋىرسىتىتىدىن دوكتۇر ئابدۇبەسىر شۈكرى، شىنجاڭ ياش ئۆسمۈرلەر نەشرىياتىدىن ئابلكىم ھەسەن، كامىلە راخمان، تارىم ژورنىلىدىن پاتىگۈل ئەخمەت، تەڭرىتاغ ژورنىلىدىن ئىمىر ھەسەن مەخمۇد، شىنجاڭ سەنئىتى ژورنىلىدىن بۇخەلچەم باۋۇدۇن، شىنجاڭ خەلق نەشرىياتىدىن گۈلباھار ئەخەت قاتارلىقلار يازغۇچىلار ئۆيىگە چىقىپ، ئايال ئەدىبلەر بىلەن كۆرۈشتى ۋە ئەدەبىيات تەرەققىياتى، ئەدەبىيات مەسىلىلىرى، ژورناللارنىڭ، نەشرىياتلارنىڭ ئەسەرلەرگە بولغان ئىھتىياج مەسىلىسى، ئاپتۇرلارنىڭ نۆۋەتتىكى ئەھۋالى، ئىجادىيەت ئەھۋالى، بۇنىڭدىن كىيىنكى يۈنىلىشى توغرىسىدا سۆزلەپ بەردى. ئۆزلىرىنىڭ بۇ ھەقتىكى تەلەپلىرىنى ئوتتۇرىغا قويدى.
  چۈشتىن كىيىن، ئاپتۇنۇم رايۇنلۇق ئەدەبىيات-سەنئەتچىلەر بىرلەشمىسى، يازغۇچىلار جەمىيىتىنىڭ رەئىسى ئازات سۇلتان ئەپەندى، پەرىدە مالىك خانىم، ئايشەم ئەخمەت خانىم بۇ قېتىملىق پائالىيىتىمىزدىن قىسقىچە خۇلاسە چىقاردى ۋە ئايال ئەدىبلەردىن كۈتىدىغان تەلەپ، ئۈمىد-ئارزۇلىرىنى ئوتتۇرىغا قويدى.
  كەچتە، شىنجاڭ خەلق نەشرىياتى ئايال ئەدىبلەرگە ئۇزىتىش چېيى بەردى.

پائالىيەت جەريانىدا سۆزلەنگەن لىكسىيىلەر، تەسىراتلار رەتلىنىپ بولغاندىن كىيىن يوللىنىلىدۇ.

پائالىيەتكە قاتناشقان بارلىق گۈل چىراي خانىم قىزلىرىمىزنىڭ بۇندىن كىيىنكى قەدەملىرىگە ئۇتۇق تىلەيمەن.
  بۇ پائالىيەتنى ئۇيۇشتۇرغان ئەزىزلەرگە بارلىق خانىم قىزلار نامىدىن رەھمەت ئېيتىمەن.
  

ئاياللارنىڭ دۇنياسىنى تۇنۇش، ئاياللارنىڭ پىسخىكىسىنى، قەلبىنى، ئوبرازىنى ماھىيىتى بىلەن ئېچىپ بېرىشتە ئۆزگىچە ئورۇن ۋە  يېڭىچە قاراشلاردىن پايدىلىنىش ئىنتايى مۇھىم. باشقچە ئېيىتقاندا، «ئاياللار ئەدەبىياتى»دىكى ئاياللىق مەۋقەنىڭ بىر تەرەپ قىلىنىشى ئاياللار ئەدەبىياتدىكى ھالقىلىق مەسلىدۇر. ئاياللارنىڭ ئىجادىيىتىگە ئىلھام بېرىش  ئۈچۈن بۇ قېتىمقى يىغىلىش ناھايىتى مۇھىم ئەھمىيەتكە ئىگە.

سۈرەتلەرنىڭ چۈشەندۈرۈلىشى يېزىلغان بولسا تونۇمايدىغانلارنى، ۋە تونۇيالمىغانلارنى تونۇۋالاركەنمىز.

ئەتراپىمىزغا نەزەر سالساق، قەلەم تەۋرىتىشنى كۈتۈپ تۇرغان تېمىلار ناھايىتى كۆپ. بولۇپمۇ يۇقىرىقىدەك ناھەق ئىشلار بىزنى ئويلاندۇرماي قالمايدۇ! ئاياللارنىڭ جەمئىيەتتىكى ئىجتىمائىي ئورنى بۇرۇنقىغا قارىغاندا بىرئاز ئىتراپ قىلىشقا ئىرىشكەن بولسىمۇ، لېكىن تۈرلۈك سەۋەبلەر تۈپەيلى  يەنىلا كەمسىتىلىشكە ئۇچراۋاتقان ئەھۋال مەۋجۇت. بۇخىل ئەھۋالنى يەنىلا ئايال قەلەمكەشلىرىمىز  قەلەم تەۋرىتىش ئارقىلىق  تېخىمۇ يارقىن يورۇتۇپ بېرەلىشى مۇمكىن.

بىز بىر قىسىم ئايال ئاپتورلارنىڭ  ئەسەرلىرىگە نەزەر سالساق، ئۇلارنىڭ ئەسەرلىرى ئۆزىنىڭ كۈچلۈك تەسىرى ئارقىلىق ئۇيغۇر ئاياللار ئەدەبىياتىدا قولغا كەلتۈرۈلگەن ئوتۇقلىرى ئاز ئەمەس. بىراق بىر قىسىم ياش يازغۇچىلانىڭ ئاياللار تۇرمۇشى، ئاياللىق قەلب تەسۋىرلىندىغان ئەسەرلىرى ئېلان قىلىنغان بولسىمۇ، لېكىن خالىدە ئىسرائىل ئەسەرلىرىدىكىدەك پېرسوناژلارنىڭ تىپىكلىك دەرىجىسى، مەزمۇنىنىڭ تېرەنلىكى، سيوژىت قۇرۇلمىسىنىڭ مۇكەممەللىكىگە يېتىدىغان ھەم ئاياللىق قەلبنىڭ چوڭقۇر قاتلاملىرىنى ھەقىقىي ئايالغا خاس كۆز بىلەن كۆزۈتۈپ يېزىلغان ئەسەرلەر ناھايىتى ئاز مەيدانغا كەلدى. جۈملىدىن، يېقىنقى بىر قانچە يىلدىن بۇيان ئۇيغۇر ئاياللار ئەدەبىياتى تۇرغۇن ھالەتتە تۇرۇپ كەلدى دېيشكە بولىدۇ. لېكىن دەۋرنىڭ تەرەققىياتىغا ئەگىشىپ ئۇيغۇر ئاياللار ئەدەبىياتىنىڭمۇ غايەت زور تەرەققىياتلارغا ئېرىشىشىگە، بۇ ساھەدە يۇقىرى ئىستېتىك قىممەتكە ئىگە ئەدەبىي ئەسەرلەرنىڭ بارلىققا كېلىشىگە ئىشىنىمىز.