«يەكەن ئەدەبىياتى» ژۇرنىلىنىڭ تۇنجى سانىنى تارقىتىش يىغىنى [ئۇلانما كۆچۈرۈش]

«يەكەن ئەدەبىياتى» ژۇرنىلىنىڭ تۇنجى سانىنى تارقىتىش ئاپتورلار سۆھبەت يىغىنى ئېچىلدى


يېقىندا يەكەن ناھىيەسىدە ‹‹يەكەن ئەدەبىياتى›› ژۇرنىلىنىڭ تۇنجى سانىنى تارقىتىش مۇناسىۋىتى بىلەن ئاپتورلار سۆھبەت يىغىنى ئېچىلدى. يىغىندا «يەكەن ئەدەبىياتى» ژۇرنىلىنىڭ نەشر قىلىنىش ئەھۋالى قىسقىچە تونۇشتۇرۇلۇپ ئاپتور ۋە ئەسەرلەرگە قويۇلىدىغان كونكىرىت ئۆلچەم ۋە تەلەپلەر ئوتتۇرىغا قويۇلدى. ئاپتورلار بەس-بەس بىلەن پىكىر قىلىپ، «يەكەن ئەدەبىياتى» ژۇرنىلىنىڭ سۈپىتىنى يۇقىرى كۆتۈرۈش ئۈستىدە  ئەتراپلىق مۇزاكىرە ئېلىپ باردى.يىغىندا يەنە ناھىيەنىڭ ئۆتكەن بىر يىللىق ئەدەبىيات-سەنئەت خىزمىتىدىكى قولغا كەلتۈرگەن نەتىجىلەر ئەسلەپ ئۆتۈلۈپ، يېڭى بىر يىللىق ئەدەبىيات-سەنئەت خىزمىتىنىڭ يارقىن نۇقتىلىرى ئۈستىدە ئەتراپلىق مۇھاكىمە ئېلىپ بېرىلدى.
بۇ قېتىملىق يىغىنغا ناھىيە تەۋەسىدىكى يازغۇچى، شائىر، تەتقىقاتچى، ئەدەبىيات-سەنئەت خادىملىرى ۋە ئەدەبىيات ھەۋەسكارلىرىدىن بولۇپ  50 نەپەردىن ئارتۇق كىشى قاتناشتى.
«يەكەن ئەدەبىياتى» ژۇرنىلى پەسىللىك ئۇنۋېرسال ئەدەبىي ژۇرنال بولۇپ قەشقەر ۋىلايەتلىك پارتكوم تەشۋىقات بۆلۈمنىڭ باشقۇرۇشىدا يەكەن ناھىيەلىك پارتكوم تەشۋىقات بۆلۈمى، ناھىيەلىك مەدەنىيەت-تەنتەربىيە ئىدارىسى، ئاخبارات نەشىرىيات ئىدارىسىنىڭ كونكىرت مەسئۇللىقىدا چىقىرىلىپ، ئىچكى قىسىمدا ھەقسىز تارقىتىلىدۇ.

ئابدۇرۇسۇل مۇھەممەد ئەلتۇغ خەۋىرى.

ئەلتۇغ ئەپەندىننىڭ ھېممىتىدە بۇ ژورنال بىلەنمۇ  يۈز  كۆرىشەرمىز

    بۇ ژۇرنالنىڭ تۇنجى سانىنى ئوقۇپ شۇنداق خۇش بولدۇم. ئەسەرلەرمۇ ئوبدان تاللىنىپتۇ. ژۇرنالمۇ شۇنداق كۆركەم لاھىيىلىنىپتۇ.  مۇشۇ مۇناسىۋەت بىلەن بۇ ژۇرنالغا كۆڭۈل بۆلگەن چۇغلانبەگ قاتارلىق بارلىق ئەزىمەتلەرگە ئاپىرىن ئوقۇيمەن.

ياخشى ئۇچۇر ئىكەن .  داۋاملىق مۇشۇنداق ياخشى ئۇچۇرلارنى يوللاپ تۇرشىڭلرنى ئۈمد قىلىمەن!
قولىڭلارغا ئۇلۇغ ئاللا دەت بەرمىسۇن!

ئىچكى قىىسمدا تارقىتىلغان ژۇرناللار كۆپەيگلى توردى، بۇ ئەدەبىياتىمىزنىڭ گۈللىنىشنىڭ ئىپادىسى، مۇمكىن بولسا پوچتىخانلاردا تارقىتىلغان بولسا بەك ياخشى بولاتتى.

مەن بۇرۇنمۇ بىر قېتىم دەپ ئۆتكەن، يەنە دەيمەن. بۇ ژۇرنالنىڭ چىقىشى تولىمۇ بىر ياخشى ئىش. ئەمما ژۇرنالنىڭ كوررېكتورلۇق ھالقىسىدا ئېغىر مەسىلە بار. بۇنىڭغا كۆز يۇمۇشقا بولمايدۇ. بەزى ئەسەرلەرنىڭ بەدىئىيلىكىمۇ ئانچە ئەمەس. ئەمدى تۇنجى قەدەمدە ھەممە تەرەپنىڭ مۇكەممەل، ياخشى بولۇشى ناتايىن. بىراق، مۇكەممەللىككە، تىرىشچانلىققا قاراپ يۈزلەنسە،چوقۇم ياخشى بولىدۇ دەپ قارايمەن! مېنىڭچە، بۇ ژۇرنالمۇ بۇندىن كېيىن مۇشۇ مەسىلىلەرگە دىققەت قىلسا، ئاندىن ئۇيغۇر ئەدەبىياتىغا تېخىمۇ زور تۆھپىلەرنى قوشالايدۇ  . (ئاندىن بۇ ھەقىقىي تۆھپە بولىدۇ)

يەركەندە مەيدانغا كەلگەن بۇ ئەدەبىيات گۈلشەنىدىن تولىمۇ خۇرسەن بولدۇم ۋە خۇشال بولدۇم. يەركەن دىيارىدىكى ئەدەبىيات سۆيەر قېرىنداشلارنى مۇبارەكلەيمەن. بارلىق ئۇيغۇر جامائىتىمىزنى قۇتلۇقلايمەن. ژورنالنىڭ يوقلۇقتىن بارلىققا كىلىشىگە تۆھپە قوشقان، ئېچىلمىغان ئىشىكلەرنى چەككەن، يوللارنى بىر قەدەم - بىر قەدەمدىن بېسىپ ئىز سالغان ئەزىزلەرگە ئىھتىرام!
ئەلتۇغ ئاكا، ئېنىق ۋاقتى چىسلاسىنى ئەسكەرتىپ تۈزىتىپ قويسىڭىز بولاپتىكەن.

ژۇرناللار ئاشكارا تارقىتلسا ياخشى بولاتتى.شۇنداق قىلالىساق ئەدەبىياتىمىز تخىمۇ رەڭدارلىشاتتى.

ئەدەبىيات سۆيەر قېرىنداشلىرىمنىڭ قەدىمىگە ئۇتۇقلار  تىلەيمەن.

ئەدەبىيات سۆيەر قېرىنداشلىرىمنىڭ قەدىمىگە ئۇتۇقلار  تىلەيمەن.

تۈنجى سان بەكلا ئالدىراش چىقىشقا توغرا كېلىپ قالغاچقا شۇنداق بولدى.بىر قىسىم ئىشلارنى ھەقىقەتەن ئالدىن مۆلچەرلىمەك تەس.بۇ سەۋەنلىك چوقۇم تۈزۈتۈلىدۇ.كېيىنكى سانلىرىنىڭ سۈپەتلىك چىقرىلىشىغا ئىشەنچىمىز كامىل.

ئېلى بۇرادەر بەش قولنى بىراقلا ئېغىزغا تىقىقىلى بولمايدۇ، ساكرائۇل دېگەندەك، بەزى  ئامىللار ژورنالنىڭ ئالدىراپلا چىقشىغا سەۋەپ بولغان، مېنىڭچە بۇ ژورنالنىڭ كىيىنكى مەنزىلى پارلاق... بۇ يازمىنى ئاخىرىدا   مۇڭلان تەھرىرلىگەن. ۋاقتى  2013-1-10 08:42  

قۇد بولسۇن! يەكەندىكى قەلەمكەش دوستلارغا ئىجادىيەت ئۈچۈن يەنە بىر مەيدان ھازىرلىنىپتۇ. ژۇرنالنى روياپقا چىقىرىشقا كۈچ قاتقان ئەزىزلەرنىڭ مۇبارەك تەنلىرى ئامان بولغاي!
بۇ يىغىندا سۈرەت تارتىلغان بولۇشى مۈمكىنغۇ، بولسا يوللاپ قويساڭلار!  

‹‹ يەكەن ئەدەبىياتى ›› ئۇيغۇر ئەدەبىياتىنىڭ ئايرىلماس تەركىۋىيى قىسمى .ئۇنىڭدا ئۇيغۇر روھىيىتى  تەپەككۇرى ۋە گۈزەل جىلۋىلىرى نامايەن بولغاي .  بۇ خاسىيەتلىك ئىشنى ۋۇجۇتقا چىقارغان  يەكەندىكى  قېرىنداشلارغا   سالاملار  بولغاي .!