«تەڭرىتاغدىن سالام!-شىنجاڭ شېئىرىيىتى مەملىكەت سەپىرى» مۇشائىرە

       شىنجاڭدىن باشلانغان شېئىرىيەت كارۋىنىنىڭ سەپەر تارتىپ ئىچكىرىدىكى بېيجىڭ ۋە شاڭخەيلەردە پائالىيەت ئېلىپ بېرىشىنى كىچىك ئىش دېگىلى بولمايدۇ. شىنڭاڭنى، شېئىرىيىتىمىزنى ۋە شىنجاڭنى تەشۋىق قىلىش ۋە تونۇشتۇرۇشتا رولى بەك چوڭ. كارۋان بېشىنىڭ تېنى سالامەت بولسۇن، بارلىق ئىشلىرى ئۇتۇڭقلۇق بولسۇن!
     ھەممىڭلەرگە زەپەر تىلەيمەن، كارۋان سېپىدىكى تۇلپارلار!

جۇڭگو مۇزىكا ئىنىستىتۇتىنىڭ ئوقۇغۇچىسى گو جېنخەينىڭ ئورۇنلىشىدا جوۋ تاۋنىڭ شىئېرى "شىنجاڭغا بېغىشلايمەن"












ياسىن زىلال "شۇڭقار قىسىسى" (ئۇيغۇرچىسى دىكلاماتسىيە قىلىندى)

13مۇقام بولۇپ قاپتۇ، مەمەتجان راشىدىن ئاكىنىڭ شېئىرىدىكى تەرجىمە

جۇڭگو مۇزىكا ئىنىستىتۇتىنىڭ ئوقۇغۇچىسى چېن خوڭيۈ پەرھات ئىلياسنىڭ شىئېرى "چوغ سورىغان بالا"نى ئورۇندىماقتا، ئۇسۇلدا: تاڭ لىشىڭ

شېئىرىيەت كارۋانلىرىنىڭ قۇتلۇق سەپىرىگە مۇبارەك بولسۇن

مەن بۇ شېئىرنى بۇلتۇر غۇلجىدا ئۆتكقۇزۇلگەن ‹‹ شېئىرىيەت  سەپىرى›› گە بېغىشلىغان ئىدىم .  ئازات مۇئەللىمنىڭ يېتەكچىلىگىدە بۇ قېتىم ئېلىپ بېرىلغان بۇ سەپەرنىڭ ھاياجىنى مېنى بۇ شېئىرنى يوللاپ قويۇشقا دەۋەت قىلدى . ئۇستازلار ، قەلەمداشلار سىلەرگە ئاق يول تىلەيمەن . بۇ سەپىرىڭلار گۈللەرگە تولسۇن ...

‹‹ شېئىرىيەت سەپىرى ›› گە بېغىشلايمەن  

سىلكىندى ۋۇجۇدنىڭ ئوتلۇق شاخلىرى ،
دىللارنى شېئىر قىلىپ ئوقۇغان چاغدا .
ھاياجان ئۆزىنى كۆرسىتىپ قويدى ،
غۇلجامنىڭ كۆزى شۇ كونسۇل باغدا ①.

چوغ بولدى يۈرەكلەر مىسرا ئوتىدا ،
روھىمىز ئاسمىنى پارلىغاچ زەڭگەر .
ئالقىشقا كۆمۇلدى ئاشىق شائىرلار ،
نويابىر تالادا بوزارسىمۇ گەر .

پاتمىدى ئۆزىگە شېئىرىي ئارمانلار ،
تارىدى ساداسى ھەمدە يىراققا .
بۇ سەپەر بىر ۋىسال چىللىغاچ يارقىن ،   
دىدى ئەل ئايلانسۇن  يورۇق چىراققا .

يۈكسەكلىك ئۆزىنى شۇ يەردىن تاپتى ،
كۆك سۆيۈپ ، نۇر قۇچۇپ شۇ قەدەر يارقىن .
بۇ سەپەر ئاخىرى يەتسۇن شېئىرگە ،
جۇلالىق ۋەسلىدىن ياندۇرۇپ چىقىن .
2014– يىلى 11 – نويابىر

شىنجاڭ شېئىرىيىتى مەملىكەت سەپىرىگە مۇبارەك بولسۇن!

بۇ بىر ياخشى ئىش بوپتۇ،مۇشۇ پائالىيەتنى ۋۇجۇتقا چىقارغان جاپاكەشلەرگەتەشەككۇرلەر بولسۇن!

«تەڭرىتاغدىن سالام!-شىنجاڭ شېئىرىيىتى مەملىكەت سەپىرى»  مۇشائىرە پائالىيىتىنىڭ ئاستانىدە ئېلىپ بېرىلغانلىقى كىشىنى ھەقىقەتەن خوشال قىلىدۇ. مۇشۇنداق ئىزگۈ ئىشلارنى روياپقا چىقىرىش ئۈچۈن جاپالىق ئىزدەنگەن ئازات سۇلتان مۇئەللىم باشچىلىق جاپاكەشلەرگە ئالىي ئېھتىرام! شىېرىيەت سەپىرى ئۈزۈلۈپ قالمىغاي، شېئىرىيەت سەپىرىنىڭ قەدەملىرىگە،  تەنتەنىسىگە  تېخىمۇ زور شان-شەرەپ، ئۇتۇقلارنىڭ  يار بولۇشىغا تىلەكدەشمەن!

«تەڭرىتاغدىن سالام!-شىنجاڭ شېئىرىيىتى مەملىكەت سەپىرى»گە مەدەت ۋە ئۇتۇق تىلەيمەن.
تەڭرى تاغنىڭ تاجىسى
       مەخەت ئابدۇرېھىم.

تەڭرى تاغنىڭ تاجىسىدەك تاغىمىز،
تۇركىي تىللار توپلىمىنى توپلىغان.
تاۋۇشلارنىڭ تەركىبىنى تەكشۈرۈپ،
تىل-تەلىمات تونورىدا تاۋلىغان.

تۈركىي تىللار تەبىئەتنى، تۇرمۇشنى،
تونوشتۇردى تەڭرى تاغنى،تارىمنى.
تارىمدىكى توخو،توشقان توغايلار،
توختاتمىدى تىلىمىزغا تازىمنى.

تۈركىي تىلنىڭ تاتلىق تاڭسىق تەمىدىن،
تۇراقلاشتى تەبىئەتكە توغراقلار.
تىل توختاتقان تاۋۇش تۆمۈر تامغىدىن،
تۈركۈملەشتى تايچاق،تىمساق،توپاقلار.

تىل تەمىنى تېتىمىغان تەنتەكلەر،
تىلىمىزنىڭ تارىسىنى تولغىدى،
تونۇيالماي تەركىپلەرنى تىلدىكى،
توك توختىغان توڭلاتقۇغا توپلىدى.

تىلىمىزنى تەسۋىرلىگەن تاۋۇشلار،
تىلىمىزنىڭ تىل تۇمارى تاجىسى.
تەبىئەتنى تەرىپلەشتە تەل-تۆكۆس،
تۇراقلاشقان تەپەككۇرنىڭ تارىسى.

تىلشۇناسلار تاللاپ،تاۋلاپ تارقاتقان،
تىلغا تەۋە تەلىماتنى تىڭشايلى.
تونوپ تۇرۇپ تاش-توقماقنى،توغراقنى،
تاشنى توپلاپ تاياقلارغا تاڭمايلى.

تىلىمىزنى تىلداشلارغا تونۇتقان،
تەتقىقاتچى تاغىمىزغا تەشەككۇر.
تەسىرلەنگەچ تاغىمىزنىڭ تەرىدىن،
توختىمايدۇ تىلداشلاردا تەپەككۇر.

        مەخەت ئابدۇرېھىم.

شېئىرىيەت كارۋىنىنىڭ مەنزىل نۇرانە بولغاي !....

«تەڭرىتاغدىن سالام!-شىنجاڭ شېئىرىيىتى مەملىكەت سەپىرى»  مۇشائىرە پائالىيىتىنىڭ پايتەختىمىزدە غەلبىلىك باشلانغانلىقىغا  مۇبارەك بولسۇن،خالىدە ئىسرايىل ھەدەمنىڭ ئىجادىيەت مۇھاكىمە يىغىنىغا قۇت بولسۇن، مۇبارەك تېنى سالامەت بولسۇن،ئازات  سۇلتان، ياسىن زىلال باشلىق بارلىق ئۇستاز،شائىر،ئەزىزلەرنىڭ  ئالتۇن تېنى ئامان بولسۇن.ئۇلۇغ   شېئىرىيەت كارۋانىنىڭ سەپىرى قۇتلۇق بولسۇن! غەلبە گۈللىرى پۆرەكلىسۇن.

    كاتتا پائالىيەتتىن بەك سۈيۈندۈم.ھەممەڭلارنىڭ تىنىگە سالامەتلەك ،ئىشىڭلار ئۇتۇق مەڭگۈ يار بولسۇن ئىلاھىم!

خالىس تىلەك ،ياخشى باشلىنىش . بو پائاليەتتىن بارلىق شائىر يازغۇچىلىرىمىز ئالامچە سۆيىنىدو . قەشقەردىكى مەغرۇر سىمايىڭلارنى كۇز ئالدىمغا كەلتۇرۇپ تۇرۇپ  مونو شېئىرىمنى ئوقۇدۇم!!!!!!!!!!

كۆز تەگمىسۇن شائىرلىرىمغا

ئامىنە ئابدۇۋايىت

ئانىلارنىڭ بايرىمى كۇنى،
قەشقىرىمدە بولدى توي بايرام.
شېئىر ئىشقىدا كۆيگەن بوغۇنلار،
دىدار ئۇچۇن يىغىلدى تامام.

كارۋان باشلاپ كەپتو ئازات كام،
سەرخىللارنىڭ سەركىسى بولوپ.
قېتىلىپتۇ شەمسىيە سىڭلىم،
‹‹ئانا›› لارنىڭ ئەركىسى بولوپ.

كۆرۇشمىگەن بولساقمو بۇرۇن،
تونۇش ئىكەن يۇرەكلىرىمىز.
شېئىر ئوقۇپ شېئىرغا كۆيۇپ،
ئوخشاش ئۆتكەچ  تۇنەكلىرىمىز.

قەشقىرىمگە كەلگەن كارۋاندىن،
شاتلاندى ئەل  شاتلاندى جاھان.
شائىر بۇغدا ‹‹ ئانا ›› دېگەندە،
‹‹ چوغلوق›› بولوپ ئېچىلدوق شۇ ئان.

سالام بەردى ئەزىز يۇرتىغا،
قەشقەر ئوغلى ئىمىن ئەخمىدى.
سايراپ كەتتى تاشۋاي راۋابى،
تارىسىغا تېگىپ زەخمىگى.

سوۋغات قىلىپ ئۇمەر مەمتىمىن،
ئالغاچ كەپتۇ ‹‹ئەدلەس كۇڭلەك ››نى.
توز قانىتى ئېتەكلىرىگە،
توشقوزوپتو ئارزو تىلەكنى.

شېئىر ئوقۇپ دەيدو ۋاھىتجان،
‹‹ئوت كېتىدو ماڭا بىر كۇنى››.
ئوتنى ئوتقا تۇتاشتۇرۇشتىن،
داغدام ئىكەن كارۋاننىڭ يولى.

كۆز تەگمىسۇن شائىرلىرىمغا،
كۇي ئاشىقى تاھىرلىرىمغا.
ئەشئارىمنى قىلدىم كۆز مۇنچاق،
ئەقلى تېرەن قابىللىرىمغا.

ئاللا سىلەرنى ئۆز پانايىدا ساقلىسۇن ئەزىز  مۆتىۋەرلىرىم.
2014-5-12-ئاقتۇ

مۇبارەك بولسۇن!