ئەدىبلىرىمىزنىڭ شاڭخەي ساھىلىدىكى ئىجادىيەت كۇرسى باشلاندى

بۇ يازمىنى ئاخىرىدا   gulbeden تەھرىرلىگەن. ۋاقتى  2015-5-7 12:51  

بۇ يازمىنى ئاخىرىدا   gulbeden تەھرىرلىگەن. ۋاقتى  2015-5-7 14:57  

ئەزىزلىرىمىزنىڭ تېنى سالامەت، تۇرمۇشى كۆڭۈللۈك، باسقان قەدەملىرى قۇتلۇق بولغاي!

توغرىسى:

شاڭخەي دېڭىزى ئۇرۇلسا قىرغاققا،
مېنىڭ خىيالىم شىنجاڭغا كېتەر.
كۆپكۆك كۆزلىرى ساقلىنىپ دىلدا،
ناخشا ئاۋازىم پەلەككە يېتەر...

                 


               









شاڭخەي ساھىلى




مەرۋايىت مۇنارى كۆككە بوي سوزغان ،

يىغلاڭغۇ بۇلۇتنى قۇچاقلاپ  سۈيۈپ .

خۇاڭپۇ  دەرياسى دولقۇنلاپ تۇرغان ،

ئۇپقۇنلار چاچرىتىپ دولقۇنلار ئۇرۇپ .




جىمى ئەل ھەيرەتتە سەيلى ، ئوقەتتە ،

نەنجىڭ كوچىسىدا ئاقىدۇ ئادەم .

باغلىغان دىللارنى ئوتلۇق بىر رىشتە ،

كونا شاڭخەي سىماسىغا تارىخ مۇجەسسەم .



قەدىمىي پىرىستان بەيدۇ كۆۋرۈگى ،


پاراخوت ، كېمىلەر قاتناپ تۇرىدۇ .

قەد كۆتۈرگەن مەغرۇر چىن يى ھەيكىلى ،

ئەۋلاتلار ياد ئېتىپ يوقلاپ تۇرىدۇ .



جېجىياڭ كوچىسى سودا قاينىمى ،

بىنالار بەسلىشىپ ئېگىز  سېلىنغان .

ئەسىرىدىن ھالقىغان تۇرمۇش رېتىمى ،

رىقابەت گۈدۈكى ياڭراپ تۇرغان .




چىن خۇاڭ بۇتخانىسى ئاۋات ھەمىشە ،

تىلەيدۇ ھەممىلەر تىنىچ - ئامانلىق .

پۇدۇڭ يېڭى تەرەققىيات رايۇنى ،

ئازادە ، يېشىللىق ،ھاۋاسى ئېللىق .




سەكسەن سەككىز قەۋەت سودا بىناسى ،

بىر يۈز سەككىز قەۋەت ئاڭا يانداشقان .

گۈلگە گۈل قوشىدۇ ئالەم باغچىسى ،

ئەل يىغىن مەركىزى نۇردەك چاقنىغان .




قەۋەتلىك يول ياڭپۇ ، نەنپۇ كۆۋرۈكى ،

شۈپۈ ،لۇپۇ ھۆسىن قوشقان  گوياتۈۋرۈك .

ئېلىم -پەن سارىيى ، خەلقئارا مۇزىي ،

چىن شىياڭ گې ،خانلىق چىركاۋى بۈيۈك .




سوزۇلۇپ ياتىدۇ سۇجۇ دەرياسى ،

دۇلۈن مەدەنىيەت كوچىسى بۇندا .

نامايان قىلىدۇ قەدىم ئۆتمۈشى ،

تەۋەررۈك تۆت بازار تارىخقا گۇۋاھ .



دېڭىز ئاستى دۇنياسىدا مول جانلىق ،

سانسىز تونىل ئارا قاتناش بەك راۋان .

دېسنى باغچىسىدا كۈلكە -شاتلىق ،

سۇ ئاستى سارىيى ھەيۋەتلىك تۇرغان .




شاڭخەي مەركىزى بىناسى  ئەڭ ئېگىز ،

دۇنيا ئەسىر باغچىسى ئەجەپ كۆركەم .

شياڭ يۇەن باغچىسى ساھېىپجامال قىز ،

خەلىق مەيدانىدا قىزغىن ھايات مۇجەسسەم .



كۆك قاتنىشى ئۆرنىكى خوڭكۇ ئايرىپورت ،

پۇدۇڭ ئايرپورتى كەڭ جاھانغا يول ئاچقان .

تۆت پويىز ئىستانسى لنيىسى ۋەتەن تامان  ،

ۋەتەننىڭ باغرىغا مۇھەببەت چاچقان .




لۇجىيازۇيدە ئوتتەك قاينام - تاشقىنلىق ،

كۈللى ئەل ئادەملىرى قىلغان سودا .

كەڭرى يولدا ماشىنىلار زەپ ئۇچقان ،

ھەممە بېيىش ، روناق تېپىش كويىدا .



يەر ئاستى سارايلار تېخىمۇ ئاۋات ،

موكىدەك قاتنايدۇ ھەمىشە مېترو .

جۇجىيا جىياۋ  ئەنئەنە، ھۈنەر جىلۋىسى .

كېچىدە يۇلتۇزلار يەرگە چۈشىدۇ ...



خەلىقئارالىق يەرمەنكىلەر كۈچ قوشقان ،

دەرىجىدىن تاشقىرى ئاۋات شەھەرگە .

ئېلىم -پەن ، مەدەنىيەت ئالماشتۇرۇش بازىسى ،

بۇ شەھەر ئوخشايدۇ ئەڭ نۇرانە سەھەرگە .



زامانىۋى مەدەنىيەت ھەمدە گۈللىنىش ،

ئېلىپ كەلدى باھاردىكى ساپ ھاۋا .

ئىلغار ئاڭ ، ئېدىيە ، يۇقىرى تېخنىكا ،

ئاسايىشلىق قوينىدا ئەل يايرىماقتا .



           


                   


        






  

  

شاڭخەي سۈرەتلىرى بىلەن كىرىشتۈرۈپ يوللىسام سېستىما قوللىماپتۇ .

ھەجەپ ھەۋسىم كەلدى، پۇرسەتنى قەدرلىشىڭلارنى ئۇمۇد قىلىمەن.

پەرھات ئادىشىمنىڭ شاڭخەيگە كەتكىنىنى ئاڭلاپتىمەنۇ،  بەزى ئىشلار بىلەن بوپ كېتىپ بۇ تېمىنى تېخىچە كۆرەلمىگەن ئىكەنمەن. ئەمدى قارىسام، پەرھات ئادىشىمدىن باشقا يەنە پولاتكام،ئەسقەر،مۇختەر سۈپۈرگىكام، سەبۇرىلەردەك... «تاغ«لىرىم ۋە گۈلباھار، ھاجىرە...لەردەك باغلىرىممۇ بار ئىكەن ئەمەسمۇ؟. قۇت بولسۇن قېرىنداشلىرىم، شاڭخەيدە ئۆتكەن كۈنلىرىڭلار غەلىبىگە تولغاي!.

كاتتا ئەنجۈمەنلەر ئارقا-ئارقىدىن روياپقا چىقىۋېتىپتۇ، مۇبارەك بولسۇن، بارلىق كۇرۇس ئەھلىنى چىن دىلىمدىن مۇبارەكلەيمەن. شاڭخەي ساھىلىدىكى كۈنلىرىڭلار مەنىلىك ئۆتكەي، مول ھوسۇلنى قۇچاغلاپ قايتقايسىلەر.

ھەر بىر كۇرسانتنىڭ بۈيۈك شاڭخەي ساھىلىدىكى كۈنلىرىگەخوشاللىق تىلەيمەن.
خالمۇرات ئۇستام:
تاماقنى ئوخشۇتۇپ ئىتىڭ ھە، ئەزىزلىرىمىز ئازراق ئورۇقلاپ قالىدىغان بولسا جاۋابىنى بېرىسىز

مەن تونۇيدىغان، بىۋاتە تونۇشىدىغان، ئەسرارلاشقانلاردىن ئەسقەر ياسىن، مۇختار سۈپۈرگى، پاتىگۈل نىياز، غوجىمۇھەممەت قاتارلىقلارغا ۋە بۇ سەپتىكى بارلىق ئەزىزلەرگە تېخىمۇ يۇقۇرى پەللە تىلەيمەن. بۇ يازمىنى ئاخىرىدا   تەمكىن تەھرىرلىگەن. ۋاقتى  2015-5-8 12:47  

ھەممە ئەزىزلەرنىڭ شاڭخەيدىكى كۈنلىرىگە ئاسايىشىلىق، ئىجادىيەتلىرىگە تېخىمۇ زور مول-ھوسۇل تىلەيمەن.

بۇ قىتىمقى ئەدەبىي ئىجادىيەت كۇرسىدا تەربىيلىنىۋاتقان قەلەمكەش دوستلارنىڭ، بۇلۇپمۇ ئۇستاز ئاكىمىز مۇساجان يۇنۇسنىڭ ئىجادىيىتىگە ئۇتۇق، تېنىگە سالامەتلىك تىلەيمىز.

ھەي، غوجى...


(غوجىمۇھەممەت مۇھەممەتكە)


تۈن داپ چالار سۆڭەكلىرىڭدە يەنە شاراقشىپ
سەن ئۆتۈپ كەتتىڭ يازنىڭ بويىدىن.
بۇرۇتۇڭ يەنە شۇنداق تۇرار پەرىشان
سېنى قوغلاپ چىقاردى بىر ئايال كۆڭۈل ئۆيىدىن.

خوتەندىن كېلىسەن قولۇڭ قوپقۇرۇق
چاچلىرىڭدا تۆگە كارۋىنى تۈنەيدۇ ھامان.
تاغ ئاراشلىرىدا قىسىلغان روھىڭ
سېنى سۆيۈشنى قىلىدۇ ئارمان.

بىر دەردنىڭ ئەتراپىدا سېنىڭ قورۇقۇڭ
مۇھەببەت پىچاقلىرى گاللىشىپ كەتتى...
ئادەم بولۇشنى ئىستەر شاماللار
ئادەملىك ۋۇجۇدۇڭ ئالەمگە يەتتى...

تار كېلىشتىن قالدى بۇ جاھان
ساڭا ئاتالغان يوپۇرماقلار كۆزىنى قىستى.
قۇملار دەھشىتىدە تۈنىدىڭ نەچچە
ياشاشنىڭ يوللىرى بىرلا ئەمەستى...

تارقالدى خىياللارنىڭ مۇزدەك ئىسكەنجى
مەن چۈشەپ تۇرىمەن ئورۇق تۇرقىڭنى.
فابرىكا ئىچىدىن چىقىسەن كۈلۈپ
تاش ئىچىدىن ئىزدىسەم سېنى.

ھەي، غوجى
قاراپ باق يۈرىكىڭگە يەنە بىر قېتىم.
سەن قۇملۇقلارنىڭ سەلتەنەتلىك گۈلىسەن
سەن يوللىرىمدا دائىم كۈلىسەن...
بۇ يازمىنى ئاخىرىدا   م.يانتاق تەھرىرلىگەن. ۋاقتى  2015-5-8 17:42  

پاتىگۈل نىياز، گۈلباھار ئەزىز ،ھاجىرەم قاسىم ،چىمەنگۈل ئاۋۇت قاتارلىق گۈلچىرايلارغا ئوتلۇق سالاملار بولسۇن.
دولقۇن روزى  ،پەرھات كازىم ،غوجىمۇھەممەت قاتارلىق بارلىق ئەزىزلەرگىمۇ ئوتلۇق سالام...شات-خۇراملىق ،ئامانلىق سىلەرگە يار بولسۇن!