مەردان: ئاشۇ ئۆزىنى ئۆلتۈرۈۋالغۇچىلار

بۇ بىر مۇھىم تولۇقلىما بولغىدەك، رەھمەت سىزگە.

مىخسىمان بىر يىرىڭ بار ،بىركىم كۆرەلمەيدىغان...

سەمەندەر بىلەن ئۇيغۇراننىڭ ئىنكاسى كىشىنى چوڭقۇر ئويلاندۇرىدۇ.

ئادەم قانچە ۋىجدانلىق بولغانسېرى، بۇ دۇنيادا ياشىمىقى شۇنچە تەسلىشىدۇ.

14.ۋالت بېنجامىن: ئۆلۈم مەنا ۋە ماددىنىڭ تەگ-تېگىدىن پارچىلىنىشى، ئۇ ھاياتنىڭ ئاخىرلىشىشىدىن كېيىنكى تەنگە قالدۇرۇلغان بىر كىنايىسىمان كاۋاك ئىشارە.

بېنجامىن (1892-1940)، گېرمانىيەلىك يەھۇدىي پەيلاسوپ، ئەدەبىي تەتقىقاتچى. بېرلىندا تۇغۇلغان. فىرانكىفورت ئېقىمى بىلەن مۇناسىۋىتى قويۇق، ماركىسزم بىلەن يەھۇدىي مىستىسىزىمىنىڭ تەسىرىگە ئۇچرىغان. ھۆلدېرلىن، بودلېر ۋە 17-ئەسىر دىراماتىروگلىرىنىڭ ئەسەرلىرىنى چۆكۈپ تەتقىق قىلغان، ئەينى ۋاقىتتىكى ھالقىما رىئالىزىمچىلاردىن زوقلانغان. پەلسەپىۋىي تېكىستلىرى ئىنتايىن ئىنچىكە، پاسسىپ، سىرلىق ۋە رادىكال تەمگە ئىگە. پۈتكۈل ئۆمرىنى دېگۈدەك يېزىقچىلىققا سەرىپ قىلغان، ئەسەرلىرى بويىدىن ئاشقان بولسىمۇ، كۆپىنچىلىرى پۈتمىگەن، پارچە-پۇرات، تەرمىسىمان تېكىستلەر. ئۇ پۈتۈنلۈككە ئۆچ ئىدى. ئۇلۇغ يازغۇچىلار ئۈچۈن ئېيتقاندا، ئۇلارنىڭ پارچە-پۇرات يازمىلىرىنىڭ ۋەزنى پۈتكەنلىرىدىن ئېغىر بولىدۇ، پەقەت پىسخىكىسى ئاجىز، روھىي بوشاڭ ئادەملەرلا پۈتۈنلۈككە ئىنتىلىدۇ ۋە ئۇنىڭدىن ھۇزۇر، تەسەللىي تاپالايدۇ. ئۈزۈكلۈك ۋە مۈشكۈلات تالانتلىقلار ئۈچۈن ئۇلارنىڭ يېزىقچىلىق ئۈستىلىگە قونغان ئۇيقۇدەكلا تاتلىق دەپ قارايتتى. <<گېرمان تىراگىدىيىسىنىڭ كېلىپ چىقىشى>>، <<تاق يۆلىنىشلىك يول>>، <<ئاپتوماتىك نۇسخىلاش دەۋرىدىكى سەنئەت ئەسىرى>>، <<1900-يىللار ئەتراپىدىكى بېرلىندىكى بالىلىق>>، <<تەرەققىي تاپقان كاپىتالىزم دەۋىردىكى لىرىكىلىق شائىر>>، <<پارىژ پىشايۋان كوچىسى>> قاتارلىق ئەسەرلىرى بار، بودلېرنىڭ <<پارىژ مەنزىرىسى>> ناملىق شېئىر توپلىمىنى گىرمانچىگە تەرجىمە قىلغان. ئادونو قاتارلىق 20-ئەسىر مۇھىم پەيلاسوپلىرىغا چوڭقۇر تەسىر كۆرسەتكەن. ھېسسىياتچان، كۆڭلى نازۇك، يالغۇزلۇق كېسىلىگە گىرىپتار بولغۇچى.


بېنجامىن ناتسىستلاردىن قېچىۋېتىپ، ئىسپانىيە-فىرانسىيە چېگراسىدا تۇتۇۋېلىنغان ۋە شۇ كۈنى كەچ مورفېن ئىچىپ ئۆلۈۋالغان.
بۇ يازمىنى ئاخىرىدا   مەردان تەھرىرلىگەن. ۋاقتى  2014-8-6 03:47  

ئۇ شائىر ئىلاھىيەتشۇناس ھەم يەنە تارىخىي ماتىرىيالىزىمچى، مېتافىزىك تىلشۇناس ھەم سىياسىي قاچقۇن... ناتسىست گېرمانىيەدە ئۇ بىر يەھۇدىي؛ موسكىۋادا ئۇ بىر مىستىك؛ شادىمان پارىژدا ئۇ بىر سوغۇققان گېرمانىيەلىك. ئۇنىڭ مەڭگۈ ئۆيى يوق، ۋەتىنى يوق، ھەتتا كەسپىمۇ يوق، ئۇ ئىلمىي ساھە ئېتىراپ قىلمايدىغان بىر قەلەمكەش، ئۇ يازغان بارچە نەرسە ھامان ئۆزگىچە بىر نەرسە بولغۇسى!  -- رىچارد كانى

تەرجىمىلەرگە سەل ئەستايىدىل مۇئامىلە قىلسىڭىز بوپتىكەن. مانا بۇ يەردە ھەرگىزمۇ پويىز ئەمەس، بەلكى ماشىنا چاقى. بۇنداق ئاددىي خاتالىق كۆرۈلمەسلىكى كېرەكتى.

15.ئاكۇتاگاۋا: ھايات دوزاختىنمۇ بەتتەر دوزاخ.

ئاكۇتاگاۋا (1892-1927)، ياپونىيە تېيشو دەۋرىدىكى يازغۇچى. 150تىن ئارتۇق ھېكايە يازغان، ھېكايىلىرى قىسقا، يېڭىچە، ۋەقەلىكى ئۆزگىچە ھەتتا غەلىتە. <<بامبۇكزارلىقتا>>، <<دەريا بالىسى>>، <<پەتەكنىڭ سۆزى>> قاتارلىق نۇرغۇن ھېكايىلىرى دۇنيا ئوقۇرمەنلىرىنىڭ ياقتۇرىشىغا ئېرىشكەن. ئۇ ياپونىيە يېڭىلىق ھەركىتى مەزگىلىدىكى ۋەكىللىك يازغۇچى، 1935-يىلدىن باشلاپ، ياپونىيەدە ئۇنىڭ نامىدىكى ئەدەبىيات مۇكاپاتى يولغا قويۇلغان بولۇپ، بۇ مۇكاپات ھازىرغا قەدەر مۇنەۋۋەر ياش يازغۇچىلارغا بېرىلىدىغان ئەڭ ئالىي مۇكاپات بولۇپ كەلمەكتە. <<بامبۇكزارلىقتا>> 1950-يىلى ''كىنوچىلىقنىڭ شېكىسپىراسى''، بۈيۈك ئۇستاز ئاكىرا كۇروساۋا تەرىپىدىن كىنو <<راشومون>> قىلىپ ئىشلىنىپ، دۇنيا كىنوچىلىقىدىكى يارقىن نامايەندە بولۇپ قالغان. مەزكۇر كىنو ''تارىختىكى ئەڭ قىممەتلىك ئون فىلىم'' نىڭ بىرسىدۇر.


ئاكۇتاگاۋامۇ بۇرۇن ئۆلىۋېلىشقا ئۇرۇنۇپ باققان، ئۇ ئۆلۈمگە باشقىچە مەھلىيا ئىدى. 1927-يىلى 7-ئاينىڭ 24-كۈنى، ئۇ ئاغرىق، ۋەزىيەت، ئائىلە ماجراسىنىڭ قاتمۇ-قات قىينىقىدا، ئۆزىنىڭ ئىككى يىلدىن بۇيانقى ئويلىنىشىنى رىئاللىققا ئايلاندۇرۇپ، ئوچۇملاپ-ئوچۇملاپ ئۇيقۇ دورىسى يەۋېلىپ ئۇ دۇنياغا سەپەر قىلغان.

تېمىڭىزنى ئىزچىل كۆرۈپ، ئەجرىڭىزدىن جىمجىت سۆيۈنۈپ كېلىۋاتىمەن ئىنىم،
«ئاشۇ ئۆزىنى ئۆلتۈرىۋالغۇچىلار» نىڭ ئۆلۈمى بىزگە نۇرغۇن نەرسىنى ھېس قىلدۇرىدۇ...  مۇمكىن بولسا بۇ ھەقتىكى مۇنبەرگە يوللىغان ماتېرىيالنىڭ ھەممىسىنى ئايرىم سورىسام بولارمۇ مەردان؟

شۇنداق، ھايات ئازابقا تولغان. بۇھەقىقەت. لېكىن ئۇنىڭ سېنى مەست قىلغۇچى تەرەپلىرى ھەم بار، بۇمۇ بۇھەقىقەت! ئۆلىۋېلىش بىزگە يات. بۇمۇ  ھەم ھەقىقەت!!!

باشقىلارنى - يەنى ئۆز سۆيگەنلىرىنى ئۆلتۈرىۋېتىش خاراكتىرلىق ئۆلىۋېلىش .. ياخشى سۆزكەن پاسئان. ماڭا ياقتى.

ھايات - ئىنسانغا بۈيۈك ئامانةت...  ئۆلىۋېلىش - نۆۋىتىدة ئامانةتكة خىيانةت!
ئىنسان مۇشۇ ئامانةتتة ئۆز ئةقىدىسى، ئۆز قىممىتىنى جايىغا يةتكۈزۈش، ئۆزى ئارزۇ قىلغان ئىشلار يولىدا تىرىشىپ ياشاش ۋة بۇ يولدىكى جىمى كۆرمىشلىرى بىلةن بةختلىكتۇر....
ھةربىر جان دۇنيانىڭ كةلگۈسىگة تاشلانغان بىر ئۇرۇق..

ئةمما پىسخىكىلىىق كىرزىس ئىچىدة روھى گۇمران بولغۇچىلار، ئىدىية قۇربانلىرى، ۋة ئۆزگىچة مةشھۇرسىراش كېسىلى قۇربانلىرى بۇنىڭ سىرتىدا... ئۇلارنى تامامةن روھىي كېسةل دةپ قارىماق لازىم..

بولىدۇ، تېما ئاخىرلاشقاندا مەن ھەممىسىنى سىزگە يوللاپ بېرەي.

بەزىلەرنىڭ ئۆلۈمى تىيانشان تېغىدىنمۇ قەدىرلىك بەزىلەرنىڭ بولسا ھاڭگرىت پيدىنمۇ قەدىرسز

__ماۋزىدۇڭ