قاينامى ۋاپات بولدى   [ئۇلانما كۆچۈرۈش]

ئامىن، ياتقان يېرى جەننەتتە بولسۇن!

ئەبلەخ. قارا شېئىر يازما.

ئەسسالامۇ ئەلەيكۇم!مەن راستتىنلا تېخى ھايات ئىكەنمەن!بۇخىل تۇيغۇنى ھەممىڭلارنىڭ مېنى ياد ئېتىپ تۇرغانلىقىڭلاردىن ھەم دۇنيادا شۇنداق بىر ئادەمنىڭ بارلىقىنى ئۇنتۇمىغانلىقىڭلاردىن بىلدىم...ئۇھ...مەن تېخى ھايات ئىكەنمەن!...
بىر كۈنى شۇنداق بىر چۈش كۆردۈم،سەھەر پەيتى ئىدى، ئەجەلنىڭ قامچىسى بېشىمغا تېگىش ئۈچۈن ئۇچۇپ كەلدى...قاچتىم،قاچتىم،قاچتىم...لېكىن ئەشۇ قامچا ھامان بېشىم ئۈستىدە چۆرگىلەپ كەلدى...شۇ ھالەتتە ئويغاندىم،تىرىك ئىدىميۇ،شۇ خىل بېشارەتتىن سۇلغۇن بولدۇم...گەرچە ھەركۈنى ئۆلۈمنى ئويلاپ،ھامان بىر كۈنى ،مەيلى بۈگۈن يا ئەتە ئۆلۈپ كېتىدىغاندەكلا ياشاپ كېلىۋاتقان بولساممۇ،ئەشۇ سايە بېشىمغا  چۈشكەندە ھاياتقا سەل تارتىشتىم...بىر نەچچە كۈن ئۆزۈمنى تىڭشاپ يولنىڭ چېتىدە مېڭىپ،موتوسېكلىتىمنى ئاستا ھەيدەپ، ئەتراپىمدىكلەرگە ۋە بالا-چاقىلىرىمغا تېخىمۇ مېھرىبان بولدۇم،كۆپلەپ سەدىقە-ئېھسان قىلدىم...چۈنكى،مەن كۆرگەن بېشارەت دەل ئۆلۈمنىڭ بېشارىتى ئىدى...............شۇ تۇيغۇنىڭ يېتەكلىشى بىلەن شېئىرنىڭ ئىچىگە كىرىپ كەتتىم...نەھايەت بۇ شېئىر پۈتۈپ چىقتى! شۈكرىلەر بولسۇنكى،بۈگۈنگىچە ھايات يۈرۈپتىمەن...لېكىن،ئۆلۈم ھامان بېشىمدا قامچا ئوينىتىپ يۈرمەكتە،ئۇ كېلىدۇ،گەرچە بەك ئۇزۇن ياشاپ كېتىشنى ئانچە ئارزۇ قىلىپ كەتمىسەممۇ،ھاياتنىڭ ھەر بىر مىنۇتىغا،ھەر بىر كۈنىگە تېخىمۇ تارتىشىدىغان بولۇپ قالدىم...بولۇپمۇ شۇنداق نۇرغۇن قېرىنداشلىرىمنىڭ ماڭا يېقىندىن كۆڭۈل بۆلۈۋاتقانلىقىنى كۆرۈپ ،ئۆلمىسەم بولامدۇ نىمە،دەپ ئويلاپ قالدىم!...

ھايات مەنزىللىرى ھامىنى بىر كۈن ئاخىرلىشدىغانلىقىدىن ئۆزلىرىگە شەپە بېرىپتۇ دە  

مۇمكىن بولسا مۇنبەرگە مۇنداق يالغان تېمىلارنى قويمىساق بوپتىكەن

چۈشىڭىز ئوڭ بولۇپ ئۇزۇن ئۆمۈر كۆرگەيسىز ئىلاھىم!... لېكىن «ئۆلدى» دېگەن سۆز چاقچاق قىلىدىغان، خالىغانچە دېسە بولىدىغان سۆز ئەمەس. چۈنكى سىز  بۇ سۆزنىڭ ئىچىگە يوشۇرۇنغان ھەقىقەتلەرنى چۈشىنىسىز...

ماۋزۇنى كۆرۈپ كۆزۈمدىن نەچچە پارچە ياش سىرغىپ چۈشكەنتى...شېئىرنى كۆرۈپ كۆڭلۈم جايىغا چۈشتى. مۇشۇنداق قالايمىقان گەپ قىلماي شېئىر يازغىلى بولماسمۇ زادى...ھەي ي!

مەنغۇ ئۆلگەن تالاي، تالاي رەت
ئەزارئىلنىڭ قامچىسىغا چىدالماي
سەن ئۆلدۈڭمۇ ئەمدى ئەي رەخىم
ھايات تامچىسىغا قانالماي؟!...


ئەزرائىلنىڭ كورمىكەن كۆزى
دەپ قويۇڭلار ئۇنى كۆرگەنلەر:
ئادەم باشلىق ئىتلار مەھەللىدە
ئادەملەرنى تالاپ-يېمەكتە
نوچى بولسا چىقسۇنچۇ، ئۆزى!...

ئىسىت  ئەسەرلىرى بەك ياخشى ئىدى

ئاللا ئۆمرىڭىزنى ئۇزۇن قىلغاي! باشقىلارغا ياخشىلىق بېغىشلىيالايدىغان ھاياتىڭىزنى زىيادە قىلغاي!
تىمىغا قاراپلا مەنمۇ قورقتۇم.

ئاغىنە، تاسلا قالدىڭغۇ يۈرەكنى ياندا قويغىلى!!! تېمىنى ئېچىشقا پېتىنالماي بىر ھازا تۇرۇپ قاپتىمەن دىسە.....
شېئىر ئىكەنلىكىنى بىلىپ ئاندىن يۈرىكىم جايىغا چۈشتى.
سالامەت بولايلى ئەزىزلەر

   توۋا!...ئەتىگەندە ما تېمىنى كۆرۈپلا يۈرىكىم ئەجەپ ئاغدى دېسە، شۇنداق بىر خىل چۆچۈش ئىچىدە يېشىم خەتنى توسۇپ قويدى...
    بىرھازادىن كېيىن يېشىمنى سۈرتىۋېتىپ ئاستا ئاچسام قاينامى ئۆزى يوللىغان شېئىر ، ئۇنى كۆرۈپ يۈرىكىم سەل جايىغا چۈشتى،   بىراق يەنىلا كەيپىياتتىن چىقىپ كېتەلمىدىم .  ياراتقان ئىگەم ھەممىڭلارغا سالامەتچىلىك ھەم ئارمانىڭلارغا قانات  بەرسۇن، گەرچە بۇ كۈن ھامان ھەممىمىزنىڭ بېشىمىزغا كېلىدىغان بولسىمۇ، "ئۆلۈش" كە تېگىشلىك بولمىغانلار مەڭگۈ "ئۆلمەي" ياشاڭلار، مۇددەتتىن بۇرۇن تېخىمۇ "ئۆلمەڭلار"، ھەممىڭلارغا ئامانچىلىق بولسۇن!

كەلدى ئۇيقۇدىكى گۈللەردىن  خەۋەر

تاڭ ئاتتى چۈش چۈشىدىن ئويغانغىچە

سۆيۈشنىڭ تەمى لەۋدىن ئۆتكىچە

جاننىڭ ئىسسىقى تەندىن كەتكۈچە

سانجىلغان پىچاق سۆڭەككە يەتكۈچە

خىيال خاملىقىنى بىلىپ بولغىچە

مىسىرلىق كارۋانلار كەلگۈچە يېتىپ

ئۆتتى كۈنلەر مىڭلاپ تاڭ ئېتىپ

ئۇ جانان كەلگۈچە چىرىغىن يېقىپ

قاينامى ۋاپات بولدى...


ئاخىرقى مىسرادىكى ‹‹ قاينامى ۋاپات بولدى›› نى ‹‹ قاينامى تىرىلدى قايتا ›› دەپ ئالسىڭىزچۇ ئۇكام ! ئۈمۈت  ، بىزگە كېرىكى ئۈممۈت!

بەزىدە   ھەسرەتلەر  ئىچىگە پاتماي قالغاندا  مۇشۇنداق  ئۈلۈپ بېقىشمۇ   تەسەللا .   گاچا  ئەمەس  ئىدۇق گاچا  بولدۇق .
كور ئەمەس ئىدۇق  كور  قىلىشنى  قەسلىشىدۇ  بىراۋلار ... ھەققىمىز  بار ئىدى ،ئەمما  قۇرۇق قولمىز .دىۋانىلەردەك  تىلەپ يەپ ،  زەردىسى  قاينىغان  ۋاقىتتا  ئۈلۈمنىمۇ  ئەسلىشىپ قالىدۇ  مانا  مۇشۇنداق .  قاينامىغا   سالامەتلىك  يار  بولغاي.