«يازغۇچىلار(يېڭى)مۇنبىرى» توغىرسىدا ئەزىز ھېيت كۈن [ئۇلانما كۆچۈرۈش]

بۇ تېما ھەققىدىكى سۆھبەت بارغانچە قوپاللىشىپ كەتكەندەك تويۇلىۋاتىدىغۇ. مۇنبەرنىڭ كەلگۈسى تەرەققىياتى ئۈچۈن تەكلىپ-پىكىر بېرىشمۇ ئتتىپاقلىققا تەسىر يەتكۈزەرمۇ ئەمدى؟ مېنىڭچە ، «ئەقىل ياشتا ئەمەس،باشتا». ياش سۈرۈشتۈرۈش لايىق ئىزدەيدىغان خوتۇننىڭ ئىشى. شۇڭا مۇنازىرىنى ئۇدۇل،ئىلمىي قىلىشسا ياخشىمىكىن؟

40ياشتىن ئېشىپمۇ خۇدىنى بىلمەي يۈرگەن پىشپىلداقلارغا ھەيرانمەن! ھۆرمەتلىك ئۆزىڭىزنى ئاياڭ،چاۋىڭىزنى چىتقا يايمىسىڭىزمۇ بولىدۇ.60-يىللاردىكى نەزەريەلەرگە،دېۋەڭلەرچە جاھىللىققا ھېچكىم خۇشتار ئەمەس!

60-يىللاردا دۇنيا ئەدەبىياتىدا بۇرۇلۇش خارەكتىرلىك نەزەرىيەلەر مەيدانغا كەلگەن، مەسىلەن،كېيىنكى قۇرۇلمىچىلىق، پوستمودېرنىزم دېگەندەك. ئېزىز ھېيتتەك بىچارىلەرنى پەقەت ئەينى ۋاقىتتىكى دۇنيادىن چەتتە قالغان جۇڭگونىڭ پورېلتارىيات زور ئىنقىلابىنىڭ قۇربانلىرى، دېيىشكىلا بولىدۇ. ئۇنىڭ ئەدەبىياتقا بولغان پوزېتسىيىسىدە ئۆزى چۈشەنمىگەننى تىللاشتىن باشقا ئۇقۇم يوق.
شۇغىنىسى، دۆلىتىمىز ئىسلاھات-ئېچىۋېتىشنى يولغا قويغىنىغىمۇ 34 يىل بولۇپ قالدى، ھازىر ئەدەبىيات مۇھىتى ھەرقانداق يېڭى ئېقىمنى زور ئالقىش بىلەن قارشى ئېلىۋاتقان زور گۈللىنىش پۇرسىتىدە ئېزىز ھېيتتەك بىچارىلەرنىڭ «پاسئاننىڭ شېئىرلىرىنى كۆرىدىغانلار نىمىشقا بۇنچە كۆپ؟" دەپ دات-پەريات كۆتۈرىشى ئاجايىپ قارا يۇمۇر تۈسىگە ئىگە. بۇ يازمىنى ئاخىرىدا   بۆسەر تەھرىرلىگەن. ۋاقتى  2013-8-2 20:36  

بەزى ياخشى نىيەتلىك باشقۇرغۇچىلار مېنى قالايمىقان گەپ قىلىپ قويارمۇ،دەپ ئەنسىرەپ تەكەللۇپ بىلەن ئۇچۇر يېزىپتۇ.
مەن بۇ مۇنبەرگە ناھىيىتى ئاددىيلا بىر مەقسەت بىلەن كىرىپ قالدىم، ئەدەبىيات روھىدىن بىر تال ئۇرۇقنى تاشلاپ قويۇپلا چىقىپ كېتىمەن. مېنىڭ باشقۇرغۇچىلار ۋە مۇتلەق كۆپ ساندىكى ئەزالار بىلەن ئىشىم يوق. مەنچە باشقۇرغۇچىلار ئۆز ۋەزىپىسىنى ھەرقانداق مۇنبەردىكىدىن ياخشى ئورۇنلىدى. پەقەت بۇ مۇنبەردە بىرلا مەسىلە بار:
يوللىنىۋاتقان مۇتلەق كۆپ ساندىكى تېمىلارنىڭ سەۋىيىسى ئادەمنىڭ ئىنتايىن ئىچىنى ئاغرۇتقىدەك دەرىجىدە تۆۋەن، ئىدىيە كونا. ئۆزگىچە كۆز قاراشلار، يېڭىلىقلار بەزى كاپىراتسىيە رادىكاللىرىنىڭ ئوچۇق ئاشكارە ھاقارەتلىشىگە ئۇچرايدۇ. گېزىت، تام دوسكا قوشاقلىرى بولسا تۆكمە قىلىنغاندەك ئېلان قىلىنىپ ئادەمنى ھازىرقى زامانىۋى دەۋردە ئەمەس، نەچچە ئون يىل بۇرۇنقى قىزىل دەۋرگە قايتىپ كەتكەندەك كۆڭۈلسىز تەسىراتقا دۇچار قىلىدۇ.
ھازىر باشقا مىللەتلەرنىڭ ئەدەبىياتى بەك تەرەققى قىلىپ كەتتى. بولسا باشقۇرغۇچىلارنىڭ تېما تەستىقلاش مەجبۇرىيىتىنى ئالۋاڭدەكلا ئورۇنداپ بولدى قىلماي، تورداشلارنى مۇنازىرىگە ئويۇشتۇرىشىنى، ئەدەبىيات ساھەسىدىكى بىلىملىك زاتلارنى كۆپلەپ تەكلىپ قىلىپ، قوزغىتىپ ئەدەبىيات مۇھىتىنى جانلاندۇرىشى ئۈمىت قىلىمەن.

ئاخىرىدا ھەممىڭىزلارنىڭ تېنىگە سالامەتلىك، روزا كۈنلىرىڭلارغا بەرىكەت ئاسايىشلىق تېلەيمەن.

   سەھىپە باشقۇرغۇچىلارغا:

     مەن بۇ تېمىنى ئۆچۈرۋېتىشىڭلارنى تەلەپ قىلىمەن!

   چۈنكى بېشىدىلا  «ئاشقا چىۋىن چۈشتى» 2-قەۋەتتىكى بۇ تېما بىلەن قىلچە مۇناسىۋىتى  بولمىغان ئابدۈشكۈر غوپۇرنىڭ ئىنكاسىنى ئۆچۈرۋېتىشنى تەلەپ قىلسام ئۆچۈرمىدىڭلار .كەينىدىن ئىنكاسلىرىمنى مەن ئۆچۈرۋەتتىم.
     مېنىڭ ئەسلى بۇ تېمىنى يوللىشىمدىكى مەخسەت : ئويلىغانلىرىمنىڭ يېرىمىنى ئوتۇرغا قويسام،كەڭ مۇنبەر ئەزالىرىنىڭ ئىلمىي پىكىرلىرى ئارقىلىق مۇنبەرنىڭ كېيىنكى راۋاجلىنىشى ئۈچۈن پايدىسى بولىدۇ دەپ ئويلىغان ئىدىم.ئەپسۇس پىكىر 2-قەۋەتتىكى ئىنكاستىن باشلاپ قېيىپ كەتتى.قەلبىنۇر ،مۇڭلان قاتارلىق ئونغا يېقىن قەلەم ئىگىسىنىڭ ئورۇنلۇق پىكىرلىرىنى ھېساپقا ئالمىغاندا بۆسەر،تەسسەدۇق قاتارلىقلارنىڭ مۇناسىۋەتسىز پىكىرلىرى بىلەن ئەسلى تېما بىر چەتتە قايرىلىپ قالدى.مەن مۇنبەر ھەققىدە تېما يوللىغاندىكىن پىكىر مۇنبەر ھەققىدە چۈشسە ۋە سۈزۈك داۋاملاشسا ،بەزىلەر ئىلەشتۈرمىسە توغرا بولاتى...مېنىڭ ئۇلار بىلەن دەتالاش قىلىشتىن قورقىدىغان يېرىم يوق.لېكىن ئۆزۈمنىڭ ۋە باشقىلارنىڭ بولۇپمۇ كەڭ تورداشلارنىڭ ۋاقتى ھەم زېھنىنى ئىسراپ قىلغۇم يوق...شۇڭا يۇقۇرقى تېما ئۆچۈرۈلسە ئەڭ ياخشى بولغۇدەك دەپ ئويلىدىم....شۇنداق بولغاندا ھەممەيلەننىڭ ئاغزى بېسسىقىدۇ... مۇنبەرگە پىكىر بېرىشنى مۇۋاپىق كۆرگۈچىلەر بولسا مۇنبەر بىر يەرگە قېچىپ كەتمىگەندىكىن خالىغان ۋاقىتتا ،خالىغان شەكىلدە بەرسە بولىدۇ...شۇڭا بۇ تېمىنى ئۆچۈرۋېتىشىڭلارنى تەلەپ قىلىمەن.

تېمىنى يوللاشتىن بۇرۇن، ئەستايىدىل ئويلىنىپ يوللاش كېرەك. يوللاپ بولۇپلا ئۆچۈرۈشنى تەلەپ قىلىش-پىسېخىكىنىڭ تېخى پىشىپ يېتىلمىگەنلىكىنى بىلدۈرەمدۇ قانداق؟
مۇشۇ نەچچە كۈن ئىچىدە،، تېمىلىرى ھەققىدە «ياخشى ئەمەس ئىنكاس» لارغا دۇچ كەلگەنلەر تېمانى ئۆچۈرۈشنى تەلەپ قىلىدىغان ئىشلار كۆپ بولۇۋاتىدۇ.
تېمىڭىز ھەققىدە پىكىر چۈشسە، سىلەرمۇ بىرەر يورۇق نۇرغا ئېرىشىپ قېلىشىڭلار مۇمكىنغۇ!

    ئېنتېرنېت مۇنبەرلىرىگە نىسپەتەن، باشقۇرلۇشتىن تارتىپ ئېلان قىلىنىۋاتقان ئەسەرلەرگىچە مەدھىيلەش ۋە ئەيىپلەشلەرنىڭ بولىشى نورمال ئىش. ئەركىن-ئازادە پىكىرلەر ئوتتۇرىغا چىقمىسا «مۇنبەر»دېگەن نامغا مۇناسىپ كەلمەيدۇ. مۇشۇ تېمىغا نىسپەتەن بەزى گەپلەر سەل قوپال چىقىپ كەتكەن بولسىمۇ، لېكىن تېخى چەكتىن ئېشىپ كەتكەن يېرى يوق.

ما جىدەلنى، لېكىنغۇ سىلى ئۆزلىرى دىيىشىپ دوست تارتىشىپ شېرىن-شېكەر ماختىشىپ ئېغىز بۇرۇن يالاشقاندىن، مۇشۇنداق بولغىنىمۇ بەك ياخشى.
ئەمما لېكىن  ئەسەرلەرگە باھا بېرىشتىمۇ مۇشۇنداق قىزغىن بولسا گۈلى گۈلىگە نەق كېلەتتى.
بەزىلەرنى بۇ مۇنبەرگە مەخسۇس ماختاش ھەم ماختىلىش ئۈچۈنلا كىرگەندەك، ماختايدىغان ئادەم چىقمىسا ئۆزى قوپۇپ ماختىۋالدىغاندەكلا بىلىمەن.
كىچىككىنە قوپاللىقنى كۆرسە بىر قىسىملار ئۆمرىدە بىرەر ئېغىز سەت گەپ ئاڭلاپ باقمىغاندەك، ياكى دەپ باقمىغاندەك قىلىشىپ كېتىدىكەن، ئاچچىق بولسىمۇ ھەق گەپنى ئاڭلىغۇلۇق، ئىدىيىسىدىن ئۆتمىسە تالىشىپ باققۇلۇق...

بەزىلەر چايخانغا چاي ئىچكىلى كىرىدۇ، بەزىلەر بولسا گەپ ساتقىلى...


مەنغۇ ئەسەر يازالمىغاندىن كېيىن  باشقىلارنى چوقۇپ باققىلى كىرىمەن . ئۈزۈمنى بىلەرمەن كۆرسۈتۈپ .   

باشقۇرغۇچى ئېرچىنگە :

   تېمىنى ئۆچۈرۈشنى تەلەپ قىلغانلىقىم ھەرگىزمۇ  تېمىغا ئەمەس تېمىنى يوللىغۇچى ماڭا پىكىر  چۈشكەنلىكىگە چىدىماي قالغانلىقىمدىن ياكى پىسخىكامنىڭ يېتىلمەي قالغانلىقىدىن ئەمەس.«ئاتنىڭ تېپىكىگە ئات چىدايدۇ » دەپ ماڭا قانچىلىك تەنقىد ھەتتا تىللاش تىپىدىكى پىكىرلەر چۈشسە مەن ئاخىرىغىچە بەرداشلىق بېرەلەيمەن.ئەمما پىكىر ئورتاق تېمىدا ئەمەس مەن يوللىغان شئېىر ۋە ماقالىلەرگە چۈشسە توغرا بولاتى.ئۇ تېمىلار بولسا مېنىڭ ئىجادىيەت خاسلىقىمغا ۋەكىللىك قىلىدۇ.بۇ تېما بولسا ھەممەيلەنگە ئورتاق تېما.مېنىڭ پەقەت يوللاپ ئوتتۇرغا قويغان يېرىم بار.مەن ئايرىملىققا -بىر ئادەمگە ۋەكىللىك قىلىمەن.مەن يوللىغان شئېىر ۋە ماقالىلارمۇ  ئايرىملىققا -ماڭا ۋەكىللىك قىلىدۇ.بۇ تېما بولسا ئومۇملۇققا -بارلىق ئەزالارنىڭ ئورتاق سەھنىسى بولغان مەزكۇر مۇنبەرگە قارىتىلغان.ئومۇملۇق ئالدىدا ئايرىملىقنىڭ ئوچۇق ئېيتقاندا پۈتۈن مۇنبەردىكىلەرنىڭ ئالدىدا مېنىڭ رولۇم بىر تامچە خالاس.ناۋادا مۇنبەر ئەمەس مېنى تەنقىدلەش مەركىزى نوقتىغا ئايلىنىپ قالسا مەن رەنجىش ئەمەس چوڭ ئورنغا قويۇلغانلىقىمدىن خوشال بولسام بولىدۇ.لېكىن يۇقۇردا ئېيتقاندەك مەن بىر تامچە.مەزكۇر مۇنبەر قوشۇنى بولسا بىر دەريا.

      گەپنى شۇنچىلىك ئېيتاي.كۆپچىلىك تامچە بولغان مەن توغۇرلۇق توختىلامدۇ.ياكى مېنى قايرىپ قويۇپ مۇنبەر ھەققىدە توختىلامدۇ ئۆز ئىختىياررى.بۇ تېما ئۆچۈرۈلەمدۇ ياكى داۋاملىشامدۇ  كۆپچىلىكنىڭ تاللىشى بەلگىلىسۇن.مەن سىزگە بۇ ئەسكەرتىش پىكرىنى بېرىش پۇرسىتىدىن پايدىلىنىپ ئەسكەرتىپ قويىدىغان پىكرىم شۇكى:ماڭا تەنقىد پىكىر بېرىش قىزغىنلىقى ئۇرغۇپ تۇرغۇچىلار بولسا پىكرىنى مەن يوللىغان شئېىرلار ۋە ماقالىلەرنىڭ ئىنكاس بوشلىقىدا ئوتتۇرغا قويسا ناھايىتى ياخشى بولىدۇ.چۈنكى ئورۇنلۇق تەنقىد شىپالىق دورا....

باشقۇرغۇچى بەگيارغا :

    سىزنىڭ «ئەركىن-ئازادە پىكىر ئوتتۇرغا قويۇش بولمىسا مۇنبەر ھەقىقىقى «مۇنبەر»بولالمايدۇ....بۇ تېمىدا قوپالىق چەكتىن ئېشىپ كەتكىنى يوق »دەپ تەكىتلىگىنىڭىز توغرا. سىزنىڭ ئىلمىي نەزىريىۋىي ساپايىڭىزنىڭ خېلى ياخشى ئىكەنلىكىنى  شۇنداقلا مەسىلىلەرگە قارىتا تەپەككۈر يۆنۈلىشىنىڭ قانداق بولىشى كېرەكلىكى ھەققىدىكى كۆزقارىشىڭىزنىڭ سۈزۈك ئىكەنلىكىنىمۇ چۈشىنىمەن.ئەمما «ئەركىن -ئازادە پىكىر»ئاساسى تېمىنى مەركەز قىلىپ قانات يېيىشى كېرەكمۇ ؟ياكى زۈرۈريىتى بولمىغان تەرەپكە بۇرۇلۇپ ھەركىم ھەنىمە دېسە بولىدىغان نىشانسىز،تەرتىپسىز غول-غۇلىغا ئايلىنىشى كېرەكمۇ ؟
     توغرا مەزكۇر مۇنبەر ئۇيغۇر تور مۇنبەرلىرىنىڭ ئىچىدىكى بىر مۇنبەر.لېكىن مېنىڭ قارىشىمچە ئىككى يىلدىن بۇيان تېمىغا ئاساسەن پىكىر قىلىش،تېمىغا مۇناسىۋەتسىز تەرەپلەرگە بۇرۇلۇپ كەتمەسلىك مەزكۇر مۇنبەرنىڭ ئەركىن پىكىر قىلىش مۇھىتىدىكى ئاساسىي ئالاھىدىلىك بولۇپ كەلدى.مەيلى كىمنىڭ تېمىسى بولسۇن ۋە قانداق ژانىردىكى تېما بولسۇن تېمىنىڭ قاراتمىلىقى يەككىلىككە ۋەكىللىك قىلامدۇ ياكى ئومۇممىيلىققا ۋەكىللىك قىلامدۇ؟ دېگەن مەسىلە موھىم.ناۋادا تېمىنىڭ قاراتمىلىقى يەككىلىككە ۋەكىللىك قىلسا يەككە نوقتىنى مەركەز قىلىپ پىكىر قىلىش ئورۇنلۇق.تېمىنىڭ قاراتمىلىقى ئوممىيلىققا ۋەكىللىك قىلسا ئومۇملۇقنى مەركەز قىلىپ ئەركىن پىكىر قىلىش ئورۇنلۇق.بۇ تېمىدا ئەسلىدىكى موھىم نوقتا قايرىلىپ قېلىپ،مۇناسىۋەتسىز نوقتا ئەركىن پىكىر قىلىشنىڭ نوقتىسىغا ئايلىنىپ قالدى.شۇنداق كېتىۋەرسە مۇنبەر ھەققىدە ئەمەس شەخسلەر ھەققىدە دەتالاش قىلىدىغان ....ئاخىرى يوق بىر پاراڭ تېمىسىغا ئايلىنىپ قالىدىغانلىقىغا كۆزۈم يېتىپ بۇ تېمىنى ئۆچۈرۋېتىشنى تەلەپ قىلغان ئىدىم.
    ئەرچىنگە يازغان پىكىرنى بۇ يەردە تەكرارلىماي.
يازغۇچىلار مۇنبىرى ھەققىدە ھامان مۇشۇنداق بىر تېمىنىڭ يېزىلدىغانلىقىنى،كىمنىڭ يېزىشى موھىم ئەمەسلىكىنى،موھىمى مۇنبەر ھەققىدە كۆڭۈل بۆلۈش مەسىلىسى ئىكەنلىكىنى سىز چۈشىنەلەيسىز.

ئابدۈشكۈر غوپۇرغا :

   ھەرقانداق ئادەمنىڭ ئۆز قابىليىتى ۋە ئىمكانىيىتىگە يارىشا ئىش قىلىش قوللىدىن كېلىدۇ.

  سىزمۇ ئۇنىڭ تېشىدا ئەمەسقۇ  دەيمەن؟

     مەن ۋە خېلى كۆپ ئوقۇرمەنلەر خۇدايىم ئەمەس.سىزنىڭ كۆڭلىڭىزدىكىنى-40-قەۋەتتىكى چۈشەندۈرۈشىڭىزنى سىز باشتا دېمىگەن تۇرسىڭىز باشقىلار قانداق بىلىدۇ؟

دېمىسەم بولايدىغان زۈرۈر گەپ شۈكى: سۇنى سىڭىدىغان يەرگە سېپىمىز،گەپنى سىغىدىغان يەرگە قىلىمىز.قولىمىز قېچىشسا گەدىنىمىزنى قاشلىمايمىز.پۇتىمىزغا تىكەن كىرسە ،پىشانىمىزگە يىڭنە سانچىمايمىز.
   قايسى تېمىغا قانداق پىكىر قىلساق تۇزدەك ئورۇنلۇق بولىدىغانلىقىنى بىلىپ گەپ قىلغىنىمىز ياخشى.سىز ئۆزىڭىزنى ئەقىللىق چاغلىسىڭىزمۇ يۇقۇرقى ئەسكەرتىشنى بېرىشىم ئورۇنسىز ئەمەس.كېيىن تېمىلارغا ئىنكاس يازغان چېغىڭىزدا پايدىسى بولىدۇ.

زۈرۈر ئۈچ نوقتا:

   1: يۇقۇرقى ماقالىنىڭ يېتەرسىزلىكلىرى ھەققىدە تەنقىدى پىكىرلەر بېرىلىشىنى ئۈمىد قىلىمەن.چۈنكى يۇقۇرقى ماقالە مۇنبەرنىڭ ئەمىلىي ئەھۋالىغا قارىتا مۇلاھىيزە يۈرگۈزۈشتە ئەمىليەتكە ئۇيغۇنلاشقان بولسىمۇ مەيلى ئارتۇقچىلىقنى گەۋدىلەندۈرۈش ياكى يېتەرسىزلىكنى بايقاش نوقتىسىدىن چوڭقۇرلۇققا ئىگە قىلىنمىغانلىقى ماڭا ئايان.بۇ جەھەتتە تەنقىد پىكىرلىرى بېرىلسە ماقالەمدىكى پىكىرنىڭ يۈزەكىلىكىگە تامامەن ئۇيغۇن.
2: مەزكۇر مۇنبەرنىڭ ئالاھىدىلىكى،ئارتۇقچىلىقى،يېتەرسىزلىكلىكلىرى،كەم قالغان بوشلۇقلىرى ھەققىدە پىكىرلەر بېرىلسە بولىدۇ دەپ ئويلايمەن.مۇنبەر ئەزالىرىنىڭ ئەھۋالىدىن قارىغاندا «ئۆز غېمىدا بولۇش»قا بېرىلىشنى توغرا چۈشىنىشكە بولىدۇ.ھەرقانداق ئادەمنىڭ ئاۋال ئۆزىگە كۆڭۈل بۆلىشى توغرا.شۇنداقتىمۇ ئۆز ئىجادىيىتىگە كۆڭۈل بۆلۈشتىن باشقا ئومۇممىي نەزەرگە ئۆتۈپ پۈتكۈل مۇنبەرگە كۆڭۈل بۆلۈپ قويۇشمۇ نەزەرنىڭ كېڭەيگەنلىكى،مەسۇليەتچانلىقنىڭ ئاشقانلىقىدۇر.
3: مەزكۇر مۇنبەردە ئېلان قىلىنغان ئەسەرلەر ھەققىدە مەزكۇر مۇنبەردە ئوبزورچىلىقنى يولغا قويۇشقا بولامدۇ؟ ئەگەر شۇنداق بولسا مەزكۇر مۇنبەرنىڭ ئۆز ئوبزورچىلىقى بارلىققا كەلگەن بولاتى.تورداشلارنىڭ بۇ جەھەتتە ئويلىنىپ كۆرۈشنى ئۈمىد قىلىمەن.بۇ مېنىڭ تەكلىپ پىكرىم.ناۋادا كۆپچىلىك تەرپىدىن بۇ پىكىر مۇۋاپىق دەپ قارلمىسا جايىدا قالىدۇ.ئەلۋەتتە.ئەگەر مۇۋاپىق دەپ قارالسا كىچىك تىپتىكى (بىر قانچە بەتلىك) ئوبزور ماقالىلىرىنى (مەزكۇر مۇنبەردە ئېلان ھقىلىنغان ھەرخىل ژانىردىكى ئەسەرلەر ھەققىدە ) ئىلان قىلىش يولغا قويۇلسا تەدرىجى ھالدا مەزكۇر مۇنبەرنىڭ ئەدەبىي تەنقىدچىلىكىنىڭ شەكىلىنىشىگە تۈرتكە بولامدۇ قانداق؟  ھازىرغىچە كەم بولىۋاتقىنى شۇ تۈر بولسا كېرەك.چۈنكى مەزكۇر مۇنبەرنىڭ پىكىر بېرىش نوقتىسىدىن جانلىنىشىدا ئىنكاس پىكىرلىرىگە تايىنىشتىن ئىبارەت بىر جەھەتكىلا ئاساسلىنىپ قېلىش مۇۋاپىق ئەمەستەك قىلىدۇ.
    «ئەلنىڭ كۆزى ئەللىك» دەپ كۆپچىلىكمۇ بىرنىمە دەپ باقسۇن.
  قوشۇمچە ھالدا : ئىككى تەكلىپ بېرىشنى مۇۋاپىق كۆردۈم.
بىرىنچى:«تاللانغان يىرىك نادىر ئەسەرلەر سەھپىسى»تەسىس قىلىپ:ئۆزىمىزنىڭ،ئېلىمىزنىڭ چەتئەلنىڭ  ئېسىل (نەشىر قىلىنغان ۋاقتىغا چەك قويماي)رومان،پوۋىست،داستان،شئېىرلار توپلىمىنى نىشانلىق،پىلانلىق بېرىپ،مۇنبەر ئەزالىرىنى پىكىر بېرىشكە رىغبەتلەندۈرگىلى،شۇ ئارقىلىق ئىجادىيەتكە ئىلھام بەرگىلى،مۇنبەرنى جانلاندۇرغىلى بولامدۇ؟
ئىككىنچى : «تەكلىپ ،تەۋسىيە »سەھىپىسىنى كېڭەيتىپ «مەزكۇر مۇنبەر ھەققىدە »گە ئۆگەرتىپ ،مەزكۇر مۇنبەر ھەققىدىكى تەكلىپ،شۇنداقلا تەنقىد ،سۆھبەت،بەس-مۇنازىرە تېمىلىرىنى بېرىشكە بولامدۇ؟

      يۇقۇرقى پىكىر،تەكلىپلەرنىڭ ئالدىنقى شەرتى شۇكى : توغرا جامائەت پىكرى يۆنۈلىشىگە،مۇنبەرنىڭ قائىدىسىگە ،ئەدەبىياتنىڭ قانۇنىيىتىگە قەتئى ئەمەل قىلىشتۇر.
  يۇقۇرقى ئالدىنقى شەرتكە ئەمەل قىلىنمايدىكەن كىچىك جەھەتتە ئىجادىيەتنىڭ جانلىنىشىدىن چوڭ جەھەتتە مۇنبەرنىڭ راۋاجلىنىدىن ئېغىز ئاچقىلى بولمايدۇ.

   كۆپچىلىكنىڭ ئويلىنىپ كۆرۈشىنى ئۈمىد قىلىمەن.
  
  ئەسكەرتىش: يۇقۇرقى پىكىرلەر ۋاقىتنىڭ ۋە ئىمكانىيەتنىڭ يار بېرىشدىن ئىبارەت مۇمكىنلىككە  بېقىشقىمۇ قارىتىلغان.چۈنكى ئىجادىيەتنى جانلاندۇرۇش،مۇنبەرنى راۋاجلاندۇرۇش بىر قانچە ھەپتە ئىچىدە ئەمەس خېلى ۋاقىت،مەلۇم جەريان ئارقىلىق ئەمەلگە ئاشىدىغان ئىش.بۇ نوقتا  مېنىڭ ئېسىمدە.شۇڭا دەرھال قىزىپ كېتىشنى تەشەبۇس قىلمايمەن.