بالدۇر تۇغۇپ قويۇش ئەھۋالى ھازىر كۆپ كۆرۈلىدۇ.دائىم دېگۈدەك كىشىلەرنىڭ بالدۇر تۇغۇپ قويۇش توغرىسىدىكى گەپ -سۆزلىرى ھەم ئەندىشىلىرىنى ئاڭلاپ تۇرىمىز.ئۇنداقتا قانداق سەۋەبلەر بالدۇر تۇغۇپ قويۇشقا سەۋەب بولىدۇ؟
مۇخبىرنىڭ ئاپتونۇم رايونلۇق خەلق دوختۇرخانىسى تۇغۇت بۆلۈمىنىڭ كاندىدات مۇدىر ۋېراچى مېھرىبان مەمەتتىن ئىگىلىشىچە،دىيابىت كىسىلى،باش سۈيىنىڭ زىيادە ئاز ياكى كۆپ بولۇشى بالدۇر تۇغۇپ قويۇشنىڭ سەۋەبلىرى ئىكەن.ھامىلدار بولۇشتىن ئىلگىرى ئەر-ئايال ئىككى تەرەپ سالامەتلىكىنى تەكشۈرتۈشى كېرەك ئىكەن .ھامىلدارلىق مەزگىلىدە جىنسى يولىدايۇقۇملىنىش بولسا ياكى ئاق خۇن ، سېرىق سۇ كۆپىيىپ كەتسە، بالدۇر تۇغۇپ قويۇش
ئەھۋالى كۆرۈلىدىكەن.ھامىلدارلىق مەزگىلىدە يۇقىرى ئېنىرگىيەلىك يېمەكلىكلەر بىلەن
ئوزۇقلىنىپ،ئاز ھەرىكەت قىلىش قان بېسىمنىڭ ئۆرلىشى،زىيادە ئىشىشنى كەلتۈرۈپ چىقىرىپ،باش سۈيى ئازكاپ كېتىپ،بالدۇر تۇغۇپ قويۇشقا سەۋەپ بولىدىكەن.ئۇنىڭدىن باشقاھامىلە قوش ياكى ئۈچ كېزەك بولسا ،بالىياتقۇغا كېلىدىغان بېسىمنىڭ ئارتىشى بىلەن
ھامىلە باش سۈيىنىڭ بالدۇر يېرىلىپ كېتىش بالدۇر تۇغۇپ قويۇش ئەھۋالى كۆرۈلىدىكەن.
شۇڭلاشقا،ئاياللارھامىلدار بولغانداندىن باشلاپ دوختۇرخانىغا بېرىپ ۋاقتى -ۋاقتىدا تەكشۈرۈتۈپ تۇرۇشى،كۈندىلىك تۇرمۇشتا تەرتىپلىك بولۇشى،مۇۋاپىق ھەرىكەت قىلىپ بېرىشى ،يېمەك -ئىچمەكنى مۇۋاپىق تەڭشىشى ، بولۇپمۇ ھامىلدارلىقنىڭ ئاخىرقى مەزگىلىدە
گۈرۈچ تۈرىدىكى تاماق بىلەن كۆكتاتلارنى كۆپرەك ئىستىمال قىلىشى،سوغۇق ئىچىملىكلەرنى ئىچمەسلىكى كېرەك.
-شىنجاڭ قانۇنچىلىق گېزىتى
