ياز پەسلىدە كەيپىياتنى ياخشىلاشتا ...

ھاۋا بەك ئىسسىپ كەتكەندە، كىشىلەردە دائىم كەيپىياتى تۇراقسىزلىشىش، سەپرا مىجەز بولۇش قاتارلىق ئالامەتلەر كۆرۈلىدۇ، كەيپىياتتىكى بۇ خىل تۇراقسىزلىقنى ياخشىلاش ئۈچۈن تۆۋەندىكىدەك ئۇسۇللارنى سىناپ كۆرۈڭ: 1. كەيپىياتقا ئاساسەن خىزمەت پىلانى تۈزۈش. ياز پەسلىدە كەيپىيات تۇراقسىز بولۇپ، چۈشكە يېقىن ۋە چۈشتە ئۇيقۇسى كېلىش، روھسىزلىنىش ئالامەتلىرى كۆرۈلۈپ كەچقۇرۇن كەيپىيات ياخشىلىنىدۇ، شۇڭا خىزمەتنى ئورۇنلاشتۇرغاندا، كۈندۈزدە ماتېرىيال رەتلەش، خېرىدارلار بىلەن كۆرۈشۈش قاتارلىق خىزمەتلەرنى قىلىپ، كەچقۇرۇن لايىھەلەش، جەدۋەل تولدۇرۇش تەپەككۇر قىلىش كېرەك، بۇنداق بولغاندا خىزمەتكىمۇ چوڭ تەسىر كۆرسەتمەيدۇ، كەيپىياتمۇ ناچارلىشىپ كەتمەيدۇ. 2. كۆپرەك چېنىقىش، ئۆزىنى سەمىرىپ كەتكەندەك ھېس قىلىشتىن ساقلىنىش. ياز پەسلىدە نۇرغۇن كىشىلەر تاشقى قىياپىتىگە دىققەت قىلدۇ، قىسمەن كىشىلەر سەمىرىپ كېتىپ، چىرايلىق كىيىملەرنى كىيەلمىگەنلىكى ئۈچۈن كۆڭلى يېرىم بولۇپ، سەمىرىپ كەتكەنلىكىدىن ئاغىرىنىدۇ. ئەمەلىيەتتە بۇنداق كەيپىياتتا بولۇشنىڭ ھاجىتى يوق. سەمىرىپ كېتىشنىڭ ئالدىنى ئېلىش ۋە نورمال بەدەن ئېغىرلىقىنى ساقلاش ئۈچۈن كۈندە چېنىقىشنى داۋاملاشتۇرۇش، كۆڭلىنى خوشال تۇتۇش كېرەك. 3. ۋاقتىدا ئۇخلاپ، ئۇيقۇسىزلىقنىڭ كەيپىياتقا تەسىر كۆرسىتىشىدىن ساقلىنىش. ياز پەسلىدە نۇرغۇن كىشىلەر ئۇخلىيالمايدۇ ياكى بەك ئەتىگەن تۇرۇپ كېتىدۇ، بۇ نورمال كەيپىياتقا تەسىر كۆرسىتىدۇ، شۇڭا كۈندە يەتتە سائەتتىن توققۇز سائەتكىچە ئۇخلاش كېرەك.  4. كۆڭلۈللۈك ئىشلارنى قىلىش. كۆڭلى خوش بولىدىغان ئىشلارنى قىلىش، مۇزىكا ئاڭلاش، كىنو كۆرۈش قاتارلىقلاردىن سىرت، ئائىلىسىدىكىلەر بىلەن بىللە ساياھەتكە چىقىش قاتارلىق كۆڭۈللۈك ئىشلار بىلەن شوغۇللىنىش كېرەك. 5.دوستلىرى بىلەن مۇڭدىشىپ ياكى قىزىقارلىق تېمىلاردا سۆزلىشىپ كەيپىياتنى تەڭشەش.                                                                                           ـــ شىنجاڭ قانۇنچىلىق گېزىتى

كۆرۈلۈشى:439

قوشۇلغان ۋاقتى:2011/7/13 10:41:04

يوللىغۇچى ئەزا:xirinim

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..