دۆلەت سۈپەت تەكشۈرۈش ئىدارىسى خەۋەر باياناتچىسى لىيۈەنپىڭنىڭ ئېيتىشىچە ،بۇيىلنىڭ بېشىدىن باشلاپ ئوچاق، لىفىت قاتارلىق ئېلىكتىرونلۇق ئەسلىھەلەرنىڭ ۋەقە يۈز بېرىش ئەھۋالىغا ئاساسلانغاندا ، ھادىسىلەرنىڭ كۆپىنچىسى مەھسۇلاتنى ئىشلىتىش جەريانىدىن كېلىپ چىقىدىكەن .
شۇ كۈنى ئېچىلغان سۈپەت تەكشۈرۈش ئىدارىسى رەسمىيەت ئېلان قىلىش يىغىنىدا دېيىلىشچە ، ئالدىنقى يېرىم يىلدىن بۇيان ئوچاق ، خەتەرلىك بۇيۇملار قاچىلاش ئەسۋابى ، كىران ۋە لىفىت قاتارلىقلاردا ھادىسە كۆرۈلۈشى ئايرىم ئايرىم ھالدا 15قېتىم ،13قېتىم ،27قېتىم ۋە 26قېتىم بولغان .
ئۇ مۇنداق دېگەن : ھادىسىنىڭ يۇز بېرىش ۋەقەلىكىدىن قارىغاندا ، ئىشلىتىش جەريانىدا يۈز بەرگەن ھادىسىلەر82قېتىم بولۇپ ، ئومۇمىي ساننىڭ 72.6 % نى ئىگەللەيدۇ. ھادىسە يۈز بېرىشنىڭ ئاساسلىق سەۋەبى ئىشلىتىش ، قوللىنىش جەريانىدىكى خاتا مەشغۇلات ، قانۇنسىز ئىشلىتىش باسقۇچى ۋە ئاسراش مۇۋاپىق بولماسلىق قاتارلىقلار .
ئالدىنقى يېرىم يىلدا ھەرخىل ھادىسىلەر113قېتىم يۈز بېرىپ114 ئادەم قازا قىلىپ ،80ئادەم يارلانغان ،ئارىدىكى 30قېتىملىق ھادىسە بىرقەدەر ئېغىر بولغان . بۇلتۇرقى ئوخشاش مەزگىلدىكىگە سېلىشتۇرغاندا ھادىسە يۈز بېرىش سانى بۇلتۇرقىدىن 27.10% تۆۋەنلىگەن . ئۆلگەنلەر سانى 13.64% تۆۋەنلىگەن . يارىلانغانلار سانى 40.74% تۆۋەنلىگەن ،ئېغىر ھادىسىلەر سانى 34.78% تۆۋەنلىگەن .
لىيۈەنپىڭنىڭ ئېيتىشىچە ، دۆلەت سۈپەت تەكشۈرۈش ئىدارىسى خەتەرلىك قاچىلىغۇچى بۇيۇملار ، لىفىت ۋە كىرانلىق ماتورلارنىڭ ھادىسە يۈز بېرىش سەۋەبىنى تېخىمۇ ئىنچكە تەكشۈرۈپ ، ئۇلارنىڭ ياسىلىش ۋە باشقۇرۇلۇش تۈزىمىنى چىڭايتىپ ، قوشۇمچە چاتاقلارنى تازىلاپ ، ئالدىن بىلىش ئۈنۈمىنى ھاسىل قىلىپ ، تەكشۈرۈش ئارقىلىق ھادىسىلەرنىڭ يۈز بېرىشىنىڭ ئالدىنى ئالىدىكەن .
