ئىككى ئوغرى

بىر خىيانەتچى ئەمەلدار قولغا ئېلىنىپ، بىر ئوغرى بىلەن بىر كامىرغا سولاندى. ئارىدا ئىككىسى پاراڭغا چۈشتى: - نىمە سەۋەبتىن تۈرمىگە كىرىپ قالدىڭ؟- سورىدى ئوغرى ئېغىز ئېچىپ. - ھەي، نىمىسىنى سورايسەن، - خىيانەتچى ئېغىر تىنىۋەتتى ۋە ئارقىدىنلا،- ئەسلىدە بۆلۈم دەرىجىلىك كادىر ئىدىم. ئاشۇ پېشكەنللىك بولمىغان بولسا...،- دېدى. ئوغرى ئۇنى ئۇقۇشمايلا سەنلەپ قالغىنىغا سەل ئوڭايسىزلىنىپ ، بىردىنلا پوزىتسىيىسىنى ئۆزگەرتتى. - ئەمەلدار غوجام، بايا ئۇقۇشماسلىقتىنلا سەنلەپ ساپتىمەن، پەقەت كۆڭۈللىرىگە ئالمىسىلا جۇمۇ. غادىيىپ ئولتۇرغان خىيانەتچى ئۇنى مەيدىسىدىن ئتتىرگىنىچە سورىدى: - سەن نىمە بولۇپ كىرىپ قالدىڭ؟ - ئوغرىلىق قىلىپ. - ئىسىت، قاراپ تۇرۇپ مېنى سەندەك پەست ئوغرى بىلەن بىر كامىرغا سولاپ قويۇشقىنىنى.  ئوغرى نىمە دېيىشىنى بىلمەي تۇرۇپ قالدى ۋە بىردىنلا چىرايىغا كۈلكە يۈگۈرتۈپ: - غوجام، دېگەنلىرى تولىمۇ ئورۇنلۇق. ئەسلى سىلىنى شارائىتى ياخشى ئالاھىدە كامىرغا ئورۇنلاشتۇرسا توغرا بولاتتى. مۇشۇ پۇرسەتتە سىلىنىڭ خىزمەتلىرىنى ئوبدان قىلىۋالاي.  خىيانەتچى پۇت-قولىنى ئۇزۇن سۇنۇپ، كېرىلىپ ياتتى. ئوغرى ئۇنىڭ پۇت- قوللىرىنى تۇتۇپ ئۇۋلاپ قويغاچ، توختىماي كاسىلداشقا باشلىدى: - غوجام ، سىلى بايا بىر پېشكەنلىك بىلەن بۇيەرگە كىرىپ قالدىم ، دېگەندەك قىلىۋېدىلە ، بۇنى تەپسىلىرەك سۆزلەپ بەرسىلىچۇ ؟ - سەندەك نىجىس ئوغرىدىن بىرسى ئۈيۈمگە كىرىپ نەچچە مىليوننى يۈەننى ئەپقېچىپ تۇتۇلۇپ قالدى . ئوغرىغۇ تۇتۇلۇپ جاجىسىنى يېدى ، بىراق تەپتىشتىكىلەر شۇنچە پۇلنىڭ كېلىش مەنبەسىنى تەكشۈرۈپ يۈرۈپ ، ئاخىر مېنى خىيانەتچى دەپ قولغا ئېلىپ تۈرمىگە تاشلاشتى . - بۇ گەپ راستما ؟ راست ، مەنغۇ ئەينى چاغدا دېلو مەلۇم قىلمىغان ، بىراق ئۇ نومۇسسىز ئوغرى ساقچىلارغا تۇتۇلۇپ قالمىغان بولسا ، مەنمۇ بۇ يەرگە كىرىپ قالمايتتىم . ناۋادا ئۇ قولۇمغا چۈشۈپ قالىدىغانلا بولسا ، ئانىسىدىن تۇغۇلغىنىغا پۇشايماق قىلدۇرىۋېتىمەن ئۇ مۇناپىقنىڭ . ئوغرىنىڭ كۆزلىرى غەزەپتىن چەكچىيىپ ، پىيالىدەك يوغىنىدى . - ئىشىڭنى قىلە خىيانەتچى ، پارىخور ، - ئوغرى ئۇنىڭ ياقىسىدىن ئېلىپ سۆرىگىنىچە تامغا نىقتىدى ، - سەن دەۋاتقان ئوغرى مانا ئالدىڭدا تۇرۇپتۇ ، قېنى نېمە قىلالايسەن ؟ ئاڭلاپ قوي ، ھۇ لەنەت تەگكۈر خىيانەتچى ، سەنمۇ ماڭا ئوخشاش بىر ئوغرى . مەن ئاز ساندىكى كىشىلەرنىڭ پۇل - مېلىنى ئوغرىلىسام ، سەن ھۆكۈمەتنىڭ ، خەلقنىڭ پۇلىنى ئوغرىلايسەن . تېخى مېنى نومۇسسىز دەيسىنا ، سەن مەندىن ئۆتە يىرگىنىچلىك .ھەر نېمە بولسا سەندەك چوڭ بىر ئوغرى مېنىڭ سەۋەبىمدىن پاش بوپتۇ . بولمىغان بولسا خەقنىڭ قان - تەرىنى يەنە قانچىلىك شورايتتىڭكىن - تاڭ ...                                                                           - شىنجاڭ قانۇنچىلىق گېزىتى

كۆرۈلۈشى:132

قوشۇلغان ۋاقتى:2011/8/13 17:28:02

يوللىغۇچى ئەزا:xirinim

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..