خىزىر ھەققىدە چۆچەك

ئاللا تائاللا ئەلەيھىسسالاملارنى پەرمانگاھىغا چاقىرتىپ،ئۇلارغا ۋەزىپە تاپشۇرۇۋېتىپ:   -بەندىلىرىمنىڭ قىلغان ياكى قىلىدىغان ئەجىر-مېھنىتىنىڭ ئاز-كۆپلىگىگە قاراپ مۇكاپات تەرىقىسىدە ئۇلارغا بەخت-تەلەي ۋە ئامەت ئەۋەتىمەن.بۇ مۇكاپاتنى ئۆز ئىگىسىنىڭ قولىغا تاپشۇرۇشنى خىزىر ئەلەيھىسسالامغا تاپشۇردۇم.ئېسىڭلاردا بولسۇنكى،بىر-بىرىڭلانىڭ سىرىنى پاش قىلىپ قويۇپ،بىر-بىرىڭلارنىڭ ۋەزىپە ئورۇندىشىغا ئاۋارىچىلىق كەلتۈرۈپ قويىدىغان ئىشلارنى قىلماڭلار،-دەپتۇ.   ئەلەيھىسسالاملار ئاللا-تائاللاغا بىر-بىرىنىڭ سىرىنى قاتتىق ساقلايدىغانلىق ۋەدىسىنى بېرىپ،پەرمانگاھتىن بىر-بىرلەپ ئايرىلىشقا باشلاپتۇ.خىزىر ئەلەيھىسسالام پەرمانگاھنىڭ بوسوغىسىدىن ئەمدىلا ئاتلىشىغا بىر ئادەم ئۇنىڭغا ئوڭ قولىنى سۇنۇپتۇ.   -بۇ نىمە ئىش؟-دەپ سوراپتۇ خىزىر.   -بىر ئەلەيھىسسالام بىزگە "خىزىر بەخىت-تەلەي،ئامەت يەتكۈزگۈچى بولۇپ تەيىنلەندى.ئۇ داۋاملىق ئەركىشى سىياقىدا يۈرۈيدۇ،ئۇنىڭ ئوڭ قولىنىڭ باش بارمىغى سۆڭەكسىز-يۇمشاق" دىگەنتى،مەن ئۇنى تېپىپ ئۇنىڭدىن بەخىت-تەلەي،ئامەت تىلىۋالاي دەپ بۇ يەردىن ئۆتكەنلەرنىڭ ئوڭ قولىنى تۇتۇپ كۆرىۋاتىمەن،-دەپتۇ ھېلىقى ئادەم.   -توۋا خۇدايىم،ئاللانىڭ پەرمانىغا خىلاپلىق قىلىپ،بۇ سىرنى ئاشكارىلاپ قويغان زادى كىمدۇ؟مەن ئەمدى قانداق قىلارمەن؟-دەپتۇ خىزىر ۋە ئوڭ قولىنى تۇتۇۋېلىپ ئۆزىنى تونۇپ قالغان ئادەمگە بەخىت-تەلەي،ئامەتنى ساناپ ئولتۇرماي بېرىۋېتىپ،چۆل-جەزىرىگە قېچىپ كېتىپتۇ.   سان-ساناقسىز بەخت-تەلەي،ئامەتكە ئېرىشكەن ھېلىقى ئادەمنىڭ ئۇسۇلى بويىچە خىزىرنى ئىزدەش دولقۇنى قوزغىلىپ،ئوڭ قولىنى بېرىپ كۆرۈشۈش ئادەتكە ئايلىنىپتۇ.خىزىرنىڭ ئىشىدىن خەۋەر تاپقان ئاللاتائاللا  ئۇنى يالغۇز چاقىرتىپ:   -سەن ئەمدى تۆت ئاياغلىنىپ ماڭغىن،-دەپ ئەقىل ئۈگۈتۈپتۇ.   شۇنىڭدىن كېيىن خىزىر ئەلەيھىسسالام چل-جەزىرىلەردىن ئادەملەر ئارىسىغا قايتىپ كەپتۇ.لېكىن ئاللا ئۇنىڭغا ئادەملەر ئاددى كۆز بىلەن كۆرەلمەيدىغان غايىپلىق ئاتا قىپتۇ.   خىزىر تۆت ئاياغلىنىپ،بېشىنى تۆۋەن سېلىپ(ھېلىقى دەسلەپكى بەخىت-تەلەي،ئامەتنى قانداق ئادەمگە بېرىپ قويغاندىمەن؟ئۇ ئادەم قەدرىگە يېتەرمۇ ياكى قەدرىگە يەتمەي گۇناھ قىلىپ،مېنى ئاللانىڭ ئالدىدا ئىزاغا قويارمۇ؟دىگەن خىياللار بىلەن)مېڭىۋەرگەچكە،ئۇدۇل كېلىپ قالغان بىرەرىمىز ئۇنىڭ شىللىسىغا مىنىلىپ قالغۇدەكمىز-دە،ئۆزىمىزمۇ تۇيمىغان ھالدا ئىشلىرىمىز ئوڭغا تارتىپ بەخىت-تەلەي،ئامەت دىگەن كەلگىلى تۇرغىدەك.بۇنىڭ قىلغان ئەجىر-مېھنىتىمىز ئۈچۈن كەلگىنىنى ئۇنتۇپ،ئەجىر قىلماس ھەتتا ھارامنىمۇ بەخت-تەلەي،ئامىتىم دەپ يەۋېرىدىغان بوپكەتكۈدەكمىز.بۇنىڭدىن رەنجىگەن ئاللاتائاللا خىزىرغا:     -ھەي،سەن كىمنى كۆتىرىۋاتىسەن؟!-دەپ ۋاقىرىغۇدەك.     خىيال بىلەن كېتىۋاتقانخىزىر بۇ ۋاقىراشتىن چۆچۈپ:<<ھە!؟>>دىگىنىچە بېشىنى بىر كۆتىرىدىكەن-دە،بىز ئۇنىڭ ئۈستىدىن گۈپلا قىلىپ ئوڭدىسىغا چۈشىدىكەنمىز.بىز خىزىرغا مىنىپ ئالدىغا ئۆتۈپ كەتكەندە ئارقىمىزدا قالغان كىشىلەر ئەنە شۇ چاغدا كەينىمىزدىن بىزگە يېتىشىپ كېلىپ،بىز ئەينى چاغدا ئۇلارنى كۆزگە ئىلمىغاندەك،بىزنىمۇ كۆزگە ئىلماي،بىزنى دەسسەپ-چەيلەپ ئۆتۈپ كەتكۈدەك.بۇچاغدا خىزىر يەنە بىرىمىزنى مىندۈرۈپ ماڭغۇدەك....

كۆرۈلۈشى:943

قوشۇلغان ۋاقتى:2010/2/15 13:20:55

يوللىغۇچى ئەزا:admin

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..