پادىشاھ بىلەن قىززىقچى

بۇرۇن بۇرۇنكەن،توخۇ تۇرنىكەن،قىرغاۋۇل جەدىكەن،قۇيرۇقى يەردىكەن.مانا شۇنداق كۈنلەرنىڭ بىرىدە پادىشاھ تەختىدە يېتىپ چۈش كۆرۈپتۇ ۋە چۆچۈپ ئويغىنىپ كۆزىنى ئېچىشى بىلەنلا چۈشىنى ئۇنتۇپتۇ.ئىچى پۇشۇپ كۆڭلىگە غەم تولۇپتۇ.بىرەر ھەپتە شۇنداق ئولتۇرۇپتۇ.شاھتىن قورقۇپ ھېچكىم گەپ قىلالماپتۇ.ئاخىرى ئەلىمىگە چىدىمىغان شاھ باش ۋەزىرنى قىچقىرىپتۇ. ‏-مېنى قىززىق گەپ بىلەن كۈلدۈرۈدىغان ئادەم تېپىپ كەل،ئەگەر ئۇ مېنى كۈلدۈرەلىسە يۈز تىللا بېرىمەن،كۈلدۈرەلمىسە يۈز دەررە ئۇرۇپ زىندانغا سالىمەن،-دەپ بۇيرۇق قىپتۇ. ۋەزىر شاھنىڭ بۇ ئىلتىپاتىدىن سۆيۈنۈپ،شەھەر كېزىپ،بىر قانچە قىزىقچىلارنى ئېلىپ كەپتۇ.لېكىن ئۇلارنىڭ سۆز-چۆچەكلىرى شاھنىڭ غېمىنى يېنىكلىتەلمەپتۇ.پادىشاھ ئۇلارنى يۈز دەررە ئۇرغۇزۇپ،زىندانغا ساپتۇ.باش ۋەزىر قورققىنىدىن يەنە كوچىغا چىقىپ،شەھەر ئارىلاپ يۈرسە بىر گەپچى خەلىقنى يىغىپ راسا كۈلدۈرۈۋاتقۇدەك.قېشىغا بېرىپ بىردەم تۇرۇپتىكەن،ئۇنىڭ ھەربىر سۆزى ۋەزىرگە غەيرى تۇيۇلۇپتۇ.ئاخىر ۋەزىرمۇ كۈلۈپ تۇرۇپ،ئۇ سۆزمەن كىشىنى ئوردىغا تەكلىپ قىپتۇ.سۆزمەن كىشىمۇ ماقۇل بوپتۇ.يولدا كېتىپ بېرىپ،باش ۋەزىرنىڭ كۆڭلىگە"بۇ ئادەم بەك گەپدان كۆرۈنىدۇ،بېرىپلا پادىشاھنى كۈلدۈرسە يۈز تىللا ئىنئام بېرىدۇ.يۈز تىللانىڭ ھەممىسىنى مۇشۇ ئېلىپ كەتسە مېنىڭ ئاۋارە بولغىنىم بىكار كېتەرمۇ؟"دېگەن خىيال كەپتۇ-دە،ئويلاپ مېڭىپ ئاخىر ئۇنى پادىشاھنىڭ بېرىدىغان ئىنئامىنى تەڭ ئىلىشقا كۆندۈرمەكچى بوپتۇ ۋە شۇ غەرەزدە: -بۇرادەر، سېنى ئوردىغا باشلاشتىن مەقسەت،شاھىمىز ھەپتىدىن بېرى قاتتىق قايغۇدا، ئۇ: "كىم مېنى كۈلدۈرەلىسە ئۇنىڭ ئەجرىگە لايىق ئىنئام بېرىمەن" دەپ ۋەدە قىلغانىدى.قارىسام سېنىڭ شاھنى كۈلدۈرۈپ كۆڭلىنى ئاچىدىغان ئەپتىڭ بار.ئەگەر شاھنى كۈلدۈرۈپ ئىنئامغا سازاۋەر بولغىنىڭدا پېقىرغا نېمە بېرىسەن؟-دەپتۇ. -شۇ خەيرىخاھلىقىڭىز ئۈچۈن شاھنىڭ ماڭا بەرگەن ئىنئامىنىڭ ئۈچتىن بىرىنى سىزگە بېرەي،-دەپتۇ قىزىقچى. -ياق بولمايدۇ،ئۇنداق بولسا ئوردىغا ئۆزۈڭ بار،-دەپ پەش قىپتۇ ۋەزىر.قىزىقچى كۆپ تالاشمايلا: -خەيىر مەيلى،مەندىن كەتسە سىزگە كېتىدىكەن،شاھ نېمە ئىنئام قىلسا يېرىمى سىزنىڭ بولسۇن،-دەپتۇ. ۋەزىر بۇ سۆزدىن قانائەت ھاسىل قىلىپ، قىزىقچىنى ئوردىغا باشلاپ كىرىپ پادىشاسقا توغىرلاپتۇ.پادىشاھ: -قېنى قىزىقچى،گېپىڭنى باشلا! دەپ قىزىقچىغا قاراپتۇ.قىزىقچى دۇنيادا بار،قۇلىقى ئاڭلىغان،ئۆزى بىلىدىغان ھەممە قىزىق سۆز،چۆچەك ۋە لەتىپىلەرنى ئيتىپ ھېرىپ توختاپتۇ. پادىشاھنىڭ كۈلۈش ئورنىغا غەزىپى ئېشىپتۇ.قىزىقچىغا قاراپ: -گېپىڭ تۈگىدىمۇ؟-دەپتۇ. -تۈگىدى شاھىم،-دەپ بوينىنى قىسىپ تۇرۇپتۇ قىزىقچى.پادىشاھ يېنىدىكى ياساۋۇللىرىغا قاراپ: -قېنى بۇنىڭ ئەجرىنى بېرىڭلار! دەپتۇ. ياساۋۇللار قىزىقچىنى بېسىپ دەررە بىلەن ئۇرۇشقا باشلاپتۇ.دەررە ئەللىككە يەتكەندە،قىزىقچىنىڭ يادىغا ۋەزىر بىلەن قىلىشقان شەرتى چۈشۈپتۇ.ئۇ بېشىنى كۆتۈرۈپ: -شاھىم،بىر ئېغىز سۆز يادىمغا چۈشۈپ قالدى،رۇخسەت قىلسىلا دەپ باقسام،-دەپتۇ. -ئورنىدىن تۇرغۇزۇڭلار! دەپ بۇيرۇپتۇ شاھ.ياساۋۇللار قىزىقچىنى قولتۇقىدىن يۆلەپ تۇرغۇزۇپتۇ. -سۆزلە! -شاھىم،-دەپتۇ قىزىقچى،-ماڭا سىلى ھەر قانداق نەرسە ئىنئام قىلسىلا ئۇنىڭ يېرىمىنى جانابى ۋەزىرگە بەرمەكچى بولغان ئىدىم.ھازىر مەن يۈز دەررە ئىنئام ئالدىم،بۇنىڭدىنمۇ ۋەزىر قۇرۇق قالمىسا،قالغان ئەللىك دەررە ۋەزىرگە بېرىلسە. شاھ بۇ گەپنى ئاڭلاپ ئىككى يوتىسىغا ئۇرۇپ كۈلۈپ كېتىپتۇ ۋە قالغان دەررىنى ۋەزىرگە بۇيرۇپ،قىزىقچىغا يۈز تىللا بېرىپتۇ.

كۆرۈلۈشى:929

قوشۇلغان ۋاقتى:2010/2/15 13:10:57

يوللىغۇچى ئەزا:admin

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..