مەن جاھاندىن كەتكەن كۈنلەردە

مەھمۇدجان خوجا  ئۈمىدۋار   مەن ۋەتەندە سايرىغان بىر قۇش ،  گاھى كۈندۈز ، گاھى تۈنلەردە. بوپ قالىمەن چوقۇم شېرىن چۈش ، مەن جاھاندىن كەتكەن كۈنلەردە.   شېئىرلىرىم كەتكۈزسە ئەلەم ، غېرىب ئۈچۈن جان بەرسە سەنەم؛ كۈلسە دەيمەن پەرىشانلار ھەم ، مەن جاھاندىن كەتكەن كۈنلەردە.   ئۆمۈر بېغىم خازان بەرىبىر ، ئەجەل مەڭگۈ ئۆزگەرمەس تەبىر، يارەنلەرگە كېرەكتۇر سەۋر، مەن جاھاندىن كەتكەن كۈنلەردە .   «ساددا ، خۇشخۇي يىگىت ئىدى » دەپ ، توي – تۆكۈندە قويۇڭلار ئەسلەپ، تۇپرىقىمنى بېرىڭلار ئىزلەپ ، مەن جاھاندىن كەتكەن كۈنلەردە.                 2008 -يىل 28-ئاۋغۇست پەيشەنبە كېچە، ئۈرۈمچى .

كۆرۈلۈشى:348

قوشۇلغان ۋاقتى:2011/5/21 23:59:08

يوللىغۇچى ئەزا:xirinim

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..