ناھەق ئۈچۈن تىك تۇرغان ھەقنى قورقماي سۆزلىگەن،
ئۆمرى ھالال ياشىغان مەككارلىقنى بىلمىگەن.
يارىنىلا سۆيۈپ ھەم ئۆزگە كۆڭۈل بەرمىگەن،
شۇنداق يىگىت بارمىدۇ،بولسا ئاڭا كۆيەتتىم.
بەش ۋاق ناماز ئوقۇغان بولسا كۈچلۈك ئىمانى،
دىلدىن قايىل بولغۇدەك تېپىلغۇسىز ۋىجدانى.
تېگەشكۈسىز ئالتۇنغا بولسا ئۇنىڭ ئىنسابى،
شۇنداق يىگىت بارمىدۇ،بولسا ئاڭا كۆيەتتىم.
خارلىمىسا قىزلارنى قويمىغاچ شۇ غۇرۇرى،
مۇش ئاتمىسا ئاجىزغا يامان بولسىمۇ قەھرى.
ئاسرالىسا يارىنى كۆرۈپ ئۇنى گۆھىرى،
شۇنداق يىگىت بارمىدۇ،بولسا ئاڭا كۆيەتتىم.
كېرەك ئەمەس ئۇنىڭ شۇ كۈچلۈك قاۋۇل بىلىكى،
لازىم ماڭا يارىنى قوغدىغۇدەك يۈرىكى.
بىر ئۆيگە باشپاناھ ھەم بولالىسا تۈۋرىكى،
شۇنداق يىگىت بارمىدۇ،بولسا ئاڭا كۆيەتتىم.
قىزلار كەچسە گەر يوق ئىكەن دەپ قەسىمى،
تەنھا قىلسا ئۇنى ھەم جەمىيەتنىڭ بېسىمى.
غېرىپ كۆڭلىگە يىتىپ بولاي ئۇنىڭ سەنىمى،
شۇنداق يىگىت بارمىدۇ،بولسا ئاڭا كۆيەتتىم.
